上海弄堂菜肉餛飩 (電氣道)

營業中

休息中

今日行行吓街突然好想食上海餛飩，就諗起係天后嗰間「上海弄堂」喇，這裡雖然舖仔細細坐得唔算好舒服但啲嘢食都幾好食架，一坐底就即刻叫咗碗菜肉餛飩先，好彩都無令我失望，依然好新鮮好有口感係菜多肉少嗰隻，同出面食開嗰啲真係有啲分別，朋友叫咗粗炒開頭睇落好似好油膩，但食落都OK啲汁甜甜哋咁又唔算好肥，小籠包就耐咗啲喇，足足等咗10幾分鐘先到，問啲阿姐佢哋就話無辦法喎，因為係即叫即蒸所以要等耐啲，啲阿姐都算幾有禮貌所以就算啦，最後來到食落去都唔錯，真係皮薄多汁，朋友都話幾好食，呢餐都算幾滿意喎。