上海弄堂菜肉餛飩 (電氣道)

營業中

休息中

我第一次去食, 亦係最後一次去食。同男朋友去食,係因為睇到飲食男女介紹, 自己好鐘意食餃子,曾經一位朋友既媽咪係上海人, 佢包既餃子好好食, 以為佢呢到標榜係home made 唔會差得去邊,即管一吃。去到鋪內,地方不大, 大約有6 張檯; 當時時間係兩點多dd, 所以都有客人係入面食飯, 我因為好想食佢地既餃子,叫左一碗剩水餃, 豬扒客飯,兩條春卷,一杯豆漿。餐牌上寫明春卷即叫即炸,心想一定好好食;首先來係水餃,一碗有8粒,賣相不錯,一咬落去......無料既...水餃看似大隻,但係內裡是很少,一點都無口感,味道又淡,上海餃子係咁架咩...?? 豬扒客飯,嚇到我男朋友目瞪口呆,一隻細圓碟,一塊切左四件既豬扒,我男朋友隻手仲大過隻碟,一隻細碟一塊豬扒,乜都無...菜都比條好睇少少丫, 諗住賣相唔得,味道可能會好d啦....無味,硬,實, 唯一係個菜飯好好食,因為入面有好多上海白菜,我男朋友話呢塊係佢咁大個仔最難食既豬扒,大家樂都好食過佢。春卷-果然即炸,熱辣辣, 但一d 驚喜都無, 入面得幾條肉...蘿蔔絲, 都唔真材實料既, 如果你地唔想用太多材料去包春卷, 可以包細條d無人會話你地

原來食o野都可以學到o野o既；o係呢度，小妹就學o左乜o野叫「弄堂」，乜o野叫「亞啦」喇---原來「弄堂」即係上海小巷o既意思，指食家庭小菜o既好地方；而「亞啦」係解「我們的」，而「亞啦菜」即係「我地整o既菜」，homemade是也。o既然講明係弄堂，當然好有o係屋企食飯o既感覺啦；細細o既舖位，冇乜花考o既menu，略帶口音o既老板娘親自招呼同介紹菜式，都俾到客人好家庭式o既感覺。o黎得呢度，當然會食個招牌菜肉餛飩啦：叫o左一碗淨餛飩($22)，裏面有好多菜，肉也鮮味，應該冇落味精；餛飩皮雖然唔知係o米自家制，不過食唔到有鹼水味，okay啦。食o既時侯，真係諗番起細個o係屋企包菜肉餛飩果種味道；或者，呢D就係所謂「弄堂」：食o既重有一種親切同warm o既感覺。此外，重叫o左上海春卷($10一條)，海哲蘿蔔絲拼牛腱($32)同埋酸辣湯麵($24)。春卷裏面有D雲耳，唔用o急汁而用醋點，另有一番味道。海哲牛腱反而麻麻地，細碟之餘，牛腱太乾身，又冇乜海哲。酸辣湯麵D麵身都唔差，不過冇乜湯；但酸辣湯都okay播，唔似其他只食得出醋同辣油味，呢度都幾足料，食到D湯料o既鮮味，唔錯。埋單兩個人