上海婆婆336 (iSQUARE國際廣場)

營業中

休息中

上海婆婆336主打傳統風味上海菜， 尖沙咀分店, 佈置簡潔明亮， 座位舒適， 傳統小籠包 、 酸辣湯、 花雕醉雞等， 讓人回味 , 是我的至愛。 話梅花雕醉雞 $98 肥美的雞肉浸泡在話梅酒中 , 味道濃郁而醇厚 , 雞肉不但軟綿滑溜, 仲有淡淡花雕 酒香 , 十分入味。336上海小籠包／四隻 $46剛剛蒸氣的小籠包， 熱騰騰冒著煙 ， 十分飽滿 ， 皮薄餡靚， 大口咬下， 鮮 味的湯汁在口中洶湧而出， 必點推介。迷你炸饅頭/三件 $25剛剛炸起的炸饅頭, 外層酥脆 , 內裏鬆軟,搭配甜甜的煉奶 , 別有一番風味。上海粗炒配豆漿 /午餐 $55 Q彈煙韌的麵條 , 掛滿濃郁醬油香氣 , 及 充滿鑊氣 , 與清脆椰菜 , 口感豐富 , 更添風味。濃郁的豆漿 , 清甜可口 , 散發著淡淡迷人的豆香。上海肴肉 / 追加+$18晶瑩剔透上海肴肉 , 入口滑滑溜溜酸， 冰冰涼涼 ，沾上薑絲的及鎮江香醋, 滋味提升 , 令人一吃愛上的冷盤菜。蕃茄牛肉湯拉麵配豆漿/午餐 $79 煙煙靭靭的麵條 , 充滿麵粉香氣, 麵條煮到筋道適中, 浸泡在香醇蕃茄湯汁中, 酸酸甜甜 , 配以新鮮

聽講上海婆婆336出咗新菜式，今晚特別重來諗住試返一兩個新菜。餐廳位尖沙咀市中心熱鬧地段，店面布置簡約舒適，牆上掛有一些上海特色裝飾，展現了上海風情。每次必點鎮江小排骨（$78）、四小拼（$128）小竹荀新鮮爽脆，肴肉晶瑩剔透、烤麩帶有點煙燻味、小排骨糖醋入味，酸甜適中。家常豆腐（$78）可以揀辣度，我揀小辣剛好是想要的口味，豆腐嫩滑，十分下飯。蔥爆牛肉（$98）的牛肉質地軟嫩，蒜蔥爆香，回味無窮。上海粗炒（$88）麵條軟硬適中，配料搭配得恰到好處，口感層次豐富。酸辣湯雲吞(5隻$68）、336上海小籠包(4隻$46）份量剛好，餡料飽滿多汁，皮薄而不易破裂。蝦籽豆腐面筋煲（$80）是新菜式，主材料口感偏減，反而凸顯到蝦籽個味道，面筋不同以往食開那款，比較似魚腐，配上入味的豆腐，是一道別具特色的好菜。

一向都鍾意食上海菜嘅我，今次又揀咗呢間 !蝦籽豆腐面筋煲🦐上枱熱辣辣🔥，有面筋、筍、冬菇、蝦籽，豆腐好嫩滑又大塊，有豆香，面筋彈牙，啲料索哂成個啲汁好入味😋～上海粗炒🍲 大大碟， 鑊氣十足。麵條煙韌，醬料幾惹味，食落去鹹中帶微甜，唔算油膩👍🏻。336上海小籠包（4隻）四隻小籠包，皮夠晒薄，熱辣辣，咬落去啖啖湯汁💦！干燒蝦酥盒🍤好酥脆，蝦肉彈牙，味道香濃又鮮，做開胃菜一流🤤。黃金炒飯🍚用咗咸蛋黃同蝦仁🦐去炒，炒到金黃色，粒粒分明，鹹香感重超惹味～

"椒麻大千雞(辣)"、"菜飯"以及"鎮江肴肉"。大千雞肉質鮮嫩,辣而不燥,蒜末和辣椒碎的搭配更是提升了整道菜品的風味。菜飯用心炒製,米飯粒粒分明,帶著淡淡的油香,非常好吃。"鎮江肴肉"更是讓我驚喜,滑嫩多汁的肉質配上酸甜醬汁,令人食指大動。"飄香鳳梨雞"。這道菜色香味俱全,雞肉炸的酥脆鮮嫩,配上鳳梨片的清甜,相得益彰。"油炆小竹筍"也十分好吃,筍子爽脆入味,很有嚼勁。最後我選擇了"黑糖冰粉"作為甜品。冰涼的冰粉上鋪著細膩綿密的黑糖糖漿,清涼爽口卻又不失香甜,整個味蕾享受過癮。離開時,我還買了一杯"凍芒果龍井茶",清爽的茶香中帶著濃郁的芒果香,十分解膩。

呢晚忽然想食小籠包，揀咗位置超方便，位於尖沙咀Isquare嘅上海婆婆。間唔中就會幫襯下佢，貪佢座位多，坐得舒服。見餐牌加咗唔少新菜式，亦有兩款二人套餐供應。蟹粉賽螃蟹多士（$135）- 睇賣相已經相當吸引，佈滿超多蟹粉蟹皇，入面係賽螃蟹，分量十足。上菜連埋幾片多士，塗上蟹粉蛋白，十分惹味，呢個用嚟送飯都一流。飄香鳳梨雞（$98）- 有少少似咕嚕肉嘅變奏版，雞件炸得非常香脆，亦好入味，配以菠蘿同埋紅椒，味道酸酸甜甜，夠晒開胃。 336上海小籠包($46) - 每次嚟到必食，小籠包皮唔會太厚，入面注滿湯汁，味道相當不錯。婆婆擔擔麵（$65）- 擔擔麵質地好滑溜彈牙，鍾意佢嘅湯底帶香濃花生醬味，同埋亦帶少少辣味。好多餐廳都欠缺咗花生醬味又或者過分重手，呢間就做得好好，平衡到兩種口味。

🥢上海婆婆336 📍尖沙咀彌敦道63號iSQUARE國際廣場6樓605-606號舖-----融合了少許摩登的元素的舊式上海風，古色古香，座位亦寬闊好坐，若要說起暫時心目中性價比比較高的上海菜，就會想起這間上海婆婆。食物選擇多價錢有平有貴，人均200左右都可以食得幾飽，食過幾次覺得佢哋食物質素都幾穩陣。鬼馬酸菜魚（跟油炸鬼）$208。酸香微辣，魚質柔嫩鮮甜，酸菜唔會太鹹，爽爽脆脆，馬鈴薯片及薯粉索入湯汁後，令人欲罷不能，畫龍點睛之最是油炸鬼，香脆熱辣辣，新鮮即炸，浸落湯汁後再咬一口，油潤惹味，邪惡但我中意😋。酸辣湯雲吞 $68 -5隻飽滿大隻嘅雲吞，酸酸辣辣，有啲似碗仔翅feel嘅酸辣湯，兩者合二為一，強強聯手，一次過滿足咗我兩個願望。生煎鍋貼$45-3隻金黃酥脆嘅鍋貼外皮下包裹著多汁的餡料，一咬即流出肉汁。綠茶芋泥餅 $30帶少許綠茶清香嘅鬆軟餅皮上有大量白芝麻，中間是香綿細緻嘅芋泥，外脆內綿，而且夠低甜。

鍾意食蟹粉嘅我點會錯過🤩份量好足‼️價錢合理🙆🏻‍♀️可以一戰🤤蟹粉賽螃蟹多士 $135係賽螃蟹嘅基底上加上海量蟹粉，真心超滿足！配埋多士又幾特別🍞蟹粉扒豆腐 $132呢個又係大推，好足料🦀兩者好夾，送飯一流🤤336上海小籠包（4隻）$46招牌小籠包皮薄餡多而且唔易穿💗一咬就爆晒湯汁🤤豬肉鮮嫩👍🏻入口香濃而唔油膩🤘🏻上海大雲吞（6隻）$62雲吞都好好味👏🏻 餛飩皮薄嫩滑！半肥瘦豬肉 入口鮮嫩多汁，湯頭都好飲😍

上海口味當然就會想起佢，這裡位置主打傳統正宗上海菜，每道菜式均堅持少油、少鹽、絕不含味精的三大原則。今晚就係去了iSQUARE國際廣場個間，入座後店員會提供QR code落單，自助方便快捷，食物選擇款式多有素食及多元化套餐，可按個人喜好選擇！今晚就點了四川蕃茄牛肉，大大片嫩滑牛肉，配上鮮茄，加上四川口味帶點麻辣感，入口除了食到入味軟熟滑牛外，還帶點點刺激而這個上海粗炒，就充滿上海風味，大大碟之餘粗炒煙靭度適中，肉絲比例同蔬菜均勻，豬肉絲鮮嫩，蔬菜清脆，口感十足！還有這個酸辣湯拉麵，以酸甜香辣的湯底搭配爽滑拉麵，風味獨特，鮮香酸辣的味道令人齒頰生香，胃口大開！加多份336上海小籠包，即點即蒸的小籠包，皮薄餡靚夠晒包滿，入口鮮味多汁，必食推介朋友還點多個砂鍋雲吞雞，兩大隻滋味雲吞外，裡面還有鮮嫩滑溜雞件，再加上爽口青菜，湯底清新這裡真的可以品嘗到上海風味之選

最近新推出的蟹粉系列實在太吸引忍唔住行過尖沙咀都去食返個午餐-蟹粉多士，將蟹粉和炸蛋白巧妙結合，完美中和了蟹粉的鹹味，再配上香脆可口的多士，可謂鹹甜兼備，味道肯定非常誘人。-椒麻大千雞，雞肉先行入味炸製,再與辣椒、青花椒共同炒香，每一塊雞肉都飽含著兩者的香氣-皮蛋滑豆腐，用左百福豆腐！入口即化，再配上皮蛋及蠔油，口感滑嫩彈牙，令人回味無窮。-蕃茄牛肉湯麵，好味湯頭清甜可口，麵條上更加入了大量炒蛋，吃來猶如蕃茄炒蛋般清新爽口,絕對能唬動食客的味蕾。-最後的上海婆婆必點小籠包更是餐廳的招牌之作，能一直保持住咁好食的水準

Fried broccoli 清炒椰菜 🥬 $78相對清淡嘅清炒椰菜真係幾健康，雖然炒起上黎有少少油膩嘅感覺，但係味道一啲都唔鹹，配上脹卜卜嘅粟米粒同埋紅蘿蔔片🥕，係素食者都啱啊Black sesame sweet soup with taro balls 芝麻糊芋圓 🍡 $28用左三性價款唔同顏色芋圓整成嘅芝麻糊芋圓性價比超級高，三隻色彩繽紛嘅顏色分別用天然芋頭🍠、蕃薯同紫薯整成，而芝麻糊嘅芝麻味好香濃，口感夠順滑但味道又唔會太甜😍，值得推介👍🏻Crab paste noodles 🍜 蟹粉撈麵 $118 而家好受歡迎嘅蟹粉撈麵用咗好足料嘅新鮮蟹肉🦀、蟹粉同埋秘製黃金醬汁，撈麵嘅質地非常彈牙，每啖都帶有蟹肉嘅鮮甜味，連埋一齊食真係好高質Shredded chicken in crystal flour noodles 雞絲拌粉皮 $78冰涼嘅雞絲拌粉皮冷盤確實幾正🍗，粉皮晶瑩剔透，扁頭嘅芝麻醬可以按自己喜好選擇份量多少，雞肉質地嫩滑，配埋清爽嘅青瓜絲🥒，係個唔錯嘅前菜！

呢間餐廳午市套餐，性價比極高，一個價錢，有飲品、小食、主食，仲可以加配酸辣湯。即叫即整，麵點套餐等大約10分鐘就有了。擔擔麵套餐湯汁充滿花生香，以上海麵作為麵條，細長而Q彈，很吸附湯汁，表面撒有碎肉和蔥花，味道辣得來又有點回甜，香氣四溢。小籠包大大粒，外層皮薄內餡飽滿，冒著熱氣，餡料鮮嫩多汁，唔錯。酸辣湯紅油在湯面漂浮，入口濃郁酸辣，卻不會過於刺激。四喜烤麩(+$18)濃郁甜醬油風味，添了層次，入口凍冰冰。黑糖冰粉晶瑩剔透嘅冰粉，bling bling顏色幾得意，搭配黑糖，甜而不膩，清爽解暑。另外我哋仲order咗紅油抄手、鎮江肴肉、紅糖糍粑、迷你炸饅頭和雞絲粉皮，款款即叫即整，唔錯！

一向都鍾意食上海菜嘅，我今次繼續喺尖沙咀度食上海菜。首先，蝦籽鍋塔豆腐結合咗蝦籽同鍋塔豆腐，味道真係好鮮美。鍋塔豆腐嘅質感幼滑，加上蝦籽嘅鮮甜，帶來豐富嘅層次同口感。然後飄香鳳梨雞，呢道菜用上鳳梨同雞肉，口感酥脆嫩滑。鳳梨嘅配甜味同雞肉嘅鮮嫩完美結合，帶來一種獨特嘅風味。令人食完一啖又一啖。另外我叫左蜜汁火方（四片），佢俾人嘅感覺就好似刈包，都係會有中式嘅包，然後中間夾啲肉同埋蔬菜，但係佢嘅包薄薄一片令人食完之後唔會太飽，好適合當作小食。

🥢經濟抵食午市套餐🥢-午飯時間喺尖沙咀揾食 如果唔想企街邊曬太陽等茶餐廳 其實有個更好嘅選擇 就係去企業廣場食午市客飯 選擇多 上菜快 而且坐得舒服-🐟松子魚原條鯇魚起肉然後再炸 魚身望落有幾分似松果🌰 魚肉酥脆可口 用酸甜醬汁餸飯🍚好開胃 呢啲咁講求刀工同準備多多嘅餸 梗係要喺外邊食😈-🥣酸辣湯湯底唔算太濃稠 酸辣度OK🎋油炆小竹筍食套餐可以用優惠價追加滬式小食 超鍾意油炆筍 清爽有麻油香 淨食配麵餸炒都正-🥟蟹粉小籠包小籠包係必食同埋要趁熱‼️ 時令蟹粉鹹鮮味道濃郁 皮薄又餡靚 咬開之後肉汁滿瀉 湯鮮燙口 大滿足😊-🥣酒釀丸子🫔紅糖糍粑甜品二重奏🥳 先食味淡清香小丸子🍡滋潤口腔 然後到糍粑 軟糯黏牙 每條保持微温 紅糖漿甜滋滋 百吃不厭呀😍

336係上海話謝謝儂嘅諧音，呢間位於iSQUARE嘅小店，主打多款傳統上海菜，少油少鹽，希望客人可以享受美食嘅同時都食得健康，佢最近更加入咗唔同創新菜式，經過不妨試試呀！招牌菜有小籠包，四大粒，外層薄身、內餡飽滿，咬落爆汁，肉同湯嘅比例啱啱好，十分滋味。四喜烤麩，有彈性帶咬口，醬汁從孔裏滲出，作為開胃前菜就最合適不過。松子魚好大一條，打卡able又好味。外皮炸至酥脆可口，肉質嫩滑，啖啖肉，醬汁酸甜開胃，性價比高。飄香鳳梨雞同樣出眾，外脆內嫩，酸甜度適中，菠蘿大塊又新鮮，配飯一流。主食要咗菜飯，淡淡香氣撲鼻而來，而且完全唔油，剩食都好正。甜點有西安甑糕，軟糯可口，好特別、酒釀丸子都唔錯，味道甜而帶酒香。最後唔好唔記得點埋杯豆漿，微甜，入口順滑，豆香味突出，讚👍

今天晚上又想吃上海菜，便來到這裏。336上海小籠包（4隻），熱騰騰的小籠包，皮薄餡多，要小心小籠包內的醬汁但到身上，加點折醋，就更加美味可口。椰菜回鍋肉（辣），椰菜爽口鮮甜，回鍋肉肥瘦均勻，熱騰騰加上鑊氣十足，是上海特色小菜。砂窩鬆花菜（辣），椰菜花吸收了醬油的香味，加上砂鍋來的熱氣，令到這個椰菜花非常惹味，是佐飯的一道小菜。菜飯，菜飯內的蔬菜，是上海特色。熱生薑茶，薑的香味十足，喝完這個生薑茶之後，頓時感到全身血液循環加速。薑湯芝麻湯圓（2粒），這個湯圓的造型有點像桔仔，煙煙韌韌，甜度適中。豆沙窩餅，外皮香脆，內裏紅豆餡料豐富，甜度適中，是飯後甜品的最佳選擇。