上海婆婆336 (iSQUARE國際廣場)

營業中

休息中

今日晏晝又去咗iSquare嘅上海婆婆，上海菜不嬲都適合我口味，晏晝兩點過後仲有下午茶餐可以選擇。CP值超高。 仲可以點送。每碟餸$100樓下，份量唔會太多。可以試多幾隻 。首先，我試咗*大籠包*，皮薄餡靚，裡面嘅冠湯可以用吸管嚟飲，口感一流。接住嚟係*醬爆雞丁*，雞肉嫩滑，配上入微軟腍嘅蘑菇，味道好特別，讓人食完之後心情都好好。再來就係*蔥爆牛肉*，牛肉炒得剛好，蔥香四溢，搭配上米飯真係無得輸。而*韭黃炒鱔糊*就更加係一絕，鱔魚鮮嫩，韭黃嘅香味正好襯托出咗海鮮嘅鮮美。最重要嘅係，呢度仲有好多點心可以選擇，令我一次過滿足晒兩個願望。小炒菜式仲好夠鑊氣，以後晏晝又多咗個長期食堂

Wheat gluten with bamboo shoots & ginkgo nuts 四喜烤麩 $75烤麩絕對稱得上上海獨有菜式，其實係軟腍腍但滲入味嘅豆腐乾粒，另外有冬菇🍄‍🟫、補血嘅雲耳、爽口嘅筍絲，係一款高質嘅appetiser🤍➎ Hot and sour soup上海酸辣湯 🥣 $48冰凍嘅天氣好適合飲碗熱辣辣嘅上海酸辣湯，酸辣湯裏面主要有雲耳絲、豆腐乾、腐竹，飲落去似港式碗仔翅，味道酸酸地唔算太辣🌶️，都幾正呀！🤍❻ Fried vegetables broccoli 清炒椰菜 🥦 $78大大嘅清炒椰菜夠晒健康，除咗有煮得夠腍嘅清甜椰菜之外，仲有粟米粒、設成特別形狀嘅紅蘿蔔片🥕，用蒜蓉🧄一齊炒，香噴噴得來又養生，確實唔錯

呢日同朋友去咗尖沙咀呢間上海餐廳食dinner，餐廳環境唔錯，亦都有好多選擇。我哋點咗呢度嘅招牌叁叁陸酸菜魚，酸菜魚嘅酸酸辣辣，好開胃，佢落左好配料，好豐富，魚肉口感嫩滑。另外仲點左干貝賽螃蟹，蛋白勁滑，入口即溶，亦都滲有干貝既香氣。冬天飲返碗滋補嘅燉湯就最正啦，點左沙參玉竹螺頭湯，湯底鮮甜，好味又養生。平時出街好少食蔬菜，今次專登點咗露筍炒百合，爽爽脆脆，口感好好。飲品方面，呢個芒果龍井茶幾特別，又唔會太甜。

今日在尖沙咀行街購物, 首先吃個午飯, iSQUARE國際廣場上海婆婆336地方都幾大, 座位闊落, 食物款式選擇多。椒麻大千雞 雞件外層炸得酥脆, 雞肉保持鮮嫩多汁。配料有青椒、花椒和辣椒, 帶來風味獨特的辣味和麻感, 青椒清爽甜脆, 獻汁不會太稠厚, 口感清爽不油膩, 集香、辣、麻、鮮多層次口感。蝦籽豆腐面筋煲 豆腐炆得好入味, 球狀軟滑嘅面筋, 配上蝦籽、竹筍和冬菇片, 口感好香滑。魚香茄子 辣辣地好惹味, 茄子腍滑有質感, 醬汁幾濃郁, 送飯最合適。上海粗炒 粗麵煙韌彈牙, 加上肉絲和椰菜, 醬汁鹹度適中, 份量都唔少, 口感豐富。336炒飯 鑊氣唔錯, 醬油沾滿飯粒, 蝦仁爽脆, 鹹香幼滑好惹味。

今晚去咗灣仔上海婆婆336，真係飽口福！😍首先係佢哋嘅沙參玉竹螺頭湯，濃郁滋味又唔會太油膩，啲螺頭夠彈牙，真係令人回味無窮！🍲叁叁陸酸菜魚，魚肉鮮嫩又帶有酸菜嘅清香，酸酸地開胃又唔會太鹹，一口接一口停唔到！🐟干貝賽螃蟹係絕配！干貝嘅鮮甜同螃蟹嘅鮮味完美結合，料實在又新鮮，真係舌尖上嘅享受！🦀最後，露筍炒百合清爽爽口，筍爽脆百合香甜，營養又美味，絕對係素食者嘅不二之選！🥦總括嚟講，上海婆婆336嘅菜式精緻美味，服務周到，環境舒適，係一個值得一試嘅餐廳！唔信就試下啦！👍👍👍

突然間好想食上海菜去咗上海婆婆336 鍾意環境夠晒寬敞有個性價比高🐟酸菜魚二人餐🐟冷盤有水晶肴肉晶瑩剔透 帶有肉嘅香味 口感特別點心有小籠包皮薄餡靚 入面有滿滿嘅肉汁 好Juicy湯可以自選酸辣湯或或者雲吞雞湯酸辣湯味道香濃 酸酸辣辣好開胃雲吞雞湯好滋潤 雞肉好嫩滑 雲吞大大粒 主食係336酸菜魚魚片份量好多 肉質嫩滑湯底充滿魚香味同酸菜嘅味道 好開胃 湯底仲有好多薯粉、萵筍 好入味飯可以揀乾貝蛋白炒飯炒飯炒得夠乾身 有好多乾貝絲蛋白加上炒飯非常香口另外仲單點咗小食涼拌茄子茄子夠晒冰凍 好軟腍 吸哂醬汁 好惹味蛋白賽螃蟹蛋白加上蟹肉非常嫩滑 蟹肉份量好多啱晒撈飯一齊食 黃金四季豆四季豆非常爽脆鮮甜加上邪惡嘅鹹蛋黃 味道好吸引套餐仲有甜品酒釀丸子丸子煙煙韌韌 桂花味非常香甜為呢一餐完美作結

今晚同屋企人食飯, 梗係食返D中式野, 去左尖沙咀isquare 既上海婆婆366😄去到餐廳估唔到咁爆場, 好彩我一早BOOK定位, 店員好快手就安排左我地入座👍🏻餐牌既選擇都好多, 基本上你諗到既上海野, 呢度都食到, 我地就叫左:336 上海小籠包（4隻）：小籠包既皮夠晒薄，入面既湯汁豐富, 咬落去有熱辣辣既肉汁，非常滿足😍酸辣湯雲吞（5隻）：酸辣適中，雲吞同樣皮薄,入面既餡調味唔錯, 湯底味道濃郁，真係好開胃😋蟹粉賽螃蟹多士：呢個真係好好味! 蟹粉賽螃蟹份量夠多, 蟹味好鮮, 多士烤得香脆, 配合得非常好🦀小排骨拉麵：湯底夠清甜, 加上佢炸過既排骨, 好香口, 混合一齊, 味道互相補足🍜

上海料理可以話係小編嘅Comfort Food之一，呢間主打傳統上海菜嘅人氣餐廳最近新推唔少菜式，店內環境闊落，空間感十足，座落舒適，適合帶一家大細嚟聚餐。冬天當然唔少得食枝竹羊腩煲，滋潤健脾，暖胃之選，上枱時咋咋聲，羊腩唔嚡，入口即化，湯底清甜可口，仲有枝竹同蘑菇搭配。蔥爆牛肉炒得夠鑊氣，牛肉厚切啖啖肉，調味適中唔會過鹹，蔥都入味，撈飯一流。私心推介黑松露牛油炒蛋，雖然唔係上海菜，但味道有驚喜，真材實料，好厚實，黑松露牛油香氣四溢，炒蛋嫩，外層微微脆。另有紅燒豆腐，外層煎至脆身，帶有咬口，內裏軟滑，整體性價比高，會Encore。

同屋企人去咗尖沙咀依間「上海婆婆336」食晚飯，估唔到好多買少見少嘅甜品會喺度食到。*此餐廳收取加一服務費。飄香鳳梨雞（單點$98），雞件口感外酥脆內嫩滑，食落啖啖肉，味道酸甜、帶有果香，新鮮鳳梨食落好Juicy。酸辣湯雲吞5隻（單點$68），雲吞好大隻，內有豬肉、香蔥，酸辣湯味道酸辣，內有雞蛋、豆腐、竹筍、木耳、冬菇、豬肉絲。生煎鍋貼3隻（單點$45），餃子皮有十五摺，口感厚身，底部煎得金黃香脆，內有豬肉，肉汁飽滿，配以薑醋食用，味道更佳。高力豆沙4件（單點$58），口感軟綿，豆沙口感綿密，味道香甜。南瓜餅4件（單點$42），表面鋪有椰絲，口感外酥脆內煙韌，食落甜度適中，內有豆沙。黑糖冰粉（單點$28），表面鋪有葡萄乾、杏仁碎、花生碎、山楂餅碎，冰粉條口感爽滑，容易掛汁。茗茶（兩人$12）。

提早同屋企食做冬飯，今次就搵左間性價比高，又好味嘅上海菜餐廳位置仲相當方便，一出地鐵站到商場搭電梯上樓就到336即上海話「謝謝儂」的諧音，餐廳堅持製作傳統經典菜式，以上乘的食材，配以地道正宗的烹調方法，演繹一道道令人再三回味的佳餚廚師於烹調每道菜式的時候，均堅持少油、少鹽、絕不含味精的三大原則店內設有大量座位，用餐環境舒適，適合一家大細聚餐食物方面:叁叁陸酸菜魚 : 酸菜魚魚片滑溜，湯底酸辣適中，仲有萵筍、薯粉、酸菜、木耳等配料，非常豐富佳餚336上海小籠包 : 小籠包皮薄湯甜，肉質鮮味，搭配上海風味的醬汁，更添一份驚喜鎮江肴肉 : 肴肉做到晶瑩通透，吃起來清爽而不油膩，果然係江蘇十大名菜之一黃金四季豆 : 四季豆口感清甜，加入香濃美味嘅咸蛋黃一齊炒，陣陣咸香，四季豆亦中和了咸蛋黃油膩感，送飯送酒也是一流干貝賽螃蟹 : 賽螃蟹口感滑嫩，加入干貝、毛豆、菇片一齊食，真係好味到可以食多碗飯干貝蛋白炒飯 : 飯炒得粒粒分明，加入蛋白及干貝絲，簡單又美味的炒飯酸辣湯 : 豐富的材料配搭，加上酸酸辣辣的口感，非常開胃，喝完整個人都變得溫暖起來砂鍋雲吞雞 : 湯底充滿鮮雞的香味，再配上雞件小棠菜、

平日晚上去尖沙咀覓食，iSquare人流不多 可以舒舒服服食餐飯，眼見上海婆婆餐牌價錢實惠，即刻試試。▶涼拌茄子驟眼看以為重口味 但入口味道清新，有淡淡酸醋味，開胃小菜，讚！▶ 黑醋排骨上菜時 已經聞到陣陣黑醋味 熱辣辣 冇得輸，食得出唔係用廉價雪藏肉，性價比高。▶黃金四季豆四季豆被鹹蛋黃滿滿包圍，邪惡之選，送飯一流。▶ 蝦籽蝦仁蝦仁非常多 爽口微彈，蝦大小適中，亦無雪藏味，清淡之選。 ▶ 京蔥手切牛肉包新鮮熱辣 調味恰當 麵包鬆軟 外皮脆脆 牛肉調味恰到好處，大推。價錢大眾化 但份量冇因此縮細 適合多人聚餐。餐廳自助落單，很多菜式可個人化口味，如 蔬菜淋啲/爽啲 多醋/少醋，滿足各人口味，很貼心呢。🥢上海婆婆336 (iSQUARE國際廣場) 🌏尖沙咀彌敦道63號iSQUARE國際廣場6樓605-606號舖

上海婆婆336位於尖沙咀國際廣場，以傳統滬菜為主，餐廳裝潢以工業風設計再融合了中式元素，營造出一種型格的氛圍，充滿古色故鄉。雞絲拌粉皮開胃前菜，絲絲嫩滑雞肉拌上惹味麻醬和爽彈粉皮，美味話梅花雕醉雞雞肉嫩滑入味，雞皮爽滑，花雕酒香濃撲鼻，濃濃的酒香已滲入雞肉當中，每啖都充滿花雕醇香，必點！蟹籽蝦仁以鮮味蟹籽入饌，與爽滑彈牙蝦仁炒香，蝦肉肥美厚實且非常鮮甜彈牙，整體鮮味十足干貝賽螃蟹必食菜式！蛋白火候控制剛好，入口順滑且嫩口，加入靈魂鎮江醋，頓時變得蟹味香濃，加上干貝，倍添鮮味，讚！紅糖糍耙爆漿惹味！糍粑炸至外脆內軟綿，質感軟糯，爆漿紅糖甜到適中，配上黃豆粉，味道層次豐富高力豆沙傳統中式美點，外層炸至金黃，面層灑上砂糖，內裏是豆沙餡料，非常滋味上海婆婆336📍尖沙咀彌敦道63號iSQUARE國際廣場6樓605-606號舖

二訪尖沙咀依間「上海婆婆336」試下佢哋其他嘅招牌菜式先得，今次都食得好滿足，前菜、小食、湯品、主食、甜品都嚐盡一翻。*此餐廳收取加一服務費。上海炒年糕（單點$88），少鹽少油，好足料，包括有香菇、肉絲、小棠菜，年糕口感煙韌，食落充滿醬油味道，味道鹹香。雞絲拌粉皮（單點78），表面鋪滿麻醬，雞絲食落啖啖肉，青瓜份量多，粉皮口感爽滑，容易掛汁。酸辣湯雲吞（單點$68），雲吞皮薄餡多，內有豬肉、木耳，酸辣湯好足料，內有豬肉絲、冬菇、木耳、竹筍、豆腐、雞蛋，口感濃稠，味道酸辣。蔥油餅（單點$28），口感酥脆，內有豬肉碎、紅蘿蔔絲、香蔥，食落好香口。高力豆沙（單點$58），表面鋪滿糖粉，口感鬆軟，食落帶有蛋香，豆沙口感起沙，味道香甜，略嫌份量比較少。綠茶芋泥餅（單點$30），表面鋪有芝麻，綠茶餅口感香脆，味道濃香，內有芋泥，味道清甜。茗茶（兩人$12），茶味清香。

上海婆婆喺香港有好多間分店，屬於連鎖式上海菜餐廳，出品穩定、價錢相宜💰而呢間位於尖沙咀iSqaure嘅分店，地理位置係咁多間分店當中最就腳，價錢相比起尖沙咀眾多食肆更加來得非常合理😎上海酸辣湯去過上海嘅朋友可能會有同感，酸辣湯嗰種酸酸辣辣嘅口感總係令人掛念😝特別係秋冬時節，可以飲返碗熱辣辣嘅酸辣湯更加係完美🤪鬼馬酸菜魚(跟油炸鬼)第二道菜就點咗酸菜魚，魚片數量收晒貨🥳魚片質感滑溜，入口滑嫩、鮮甜🤭除咗魚片之外仲有好多酸菜，越食越開胃😬湯頭好濃郁，色澤令人食慾大增🤤估唔到可以將油炸鬼放落去酸菜魚湯一齊食，呢個組合認真夠晒創新👻蝦籽鍋塔豆腐豆腐質地好軟滑，醬汁好惹味😜蝦籽令賣相更吸引🤩336炒飯(小辣)好多材料嘅炒飯✌️飯粒炒至粒粒分明、乾身，調味亦見功架😁綠茶芋泥餅經典上海小食，綠茶香配上芝麻香實屬雙重享受🥳中間係芋泥蓉，非常滿足🤭

黃金河蝦仁🍤$148呢個蝦仁上枱真係嚇親我，竟然份量多到咁🤣🤣 鹹蛋黃嘅份量，一啲都冇手軟，每一隻蝦仁都沾滿鹹蛋黃，我同朋友都食到停唔到口🤩🤩上海炒年糕（少鹽少油）$88呢個上海炒年糕，係我朋友極力推介嘅，佢話呢度唔會炒到好油膩，年糕嘅軟硬度適中，而且份量又多，抵食又好食喎！小排骨擔擔麵(辣)🍜🌶️$78花生味超濃郁嘅擔擔麵，配埋手拉嘅拉麵真係冇得輸！呢個擔擔麵差唔多係我每次嚟到都一定會食嘅菜式！迷你饅頭 (炸) (4隻) $25不嬲都好鍾意食炸饅頭呢個小食，特別鍾意喺呢一間度嗌，因為有啲舖頭會將炸饅頭同蒸饅頭擺埋一齊賣，咁就要被迫食蒸饅頭🫣佢哋嘅炸饅頭全部都係即叫即炸，外皮超香脆！