三田製麵所 (金朝陽中心二期 - Midtown)

營業中

休息中

今晚睇Lightyear~開場前過去登龍街食個light dinner ! 試下三田製麵所既期間限定：濃厚海老系列見到蝦湯就想試！ 沾麵同拉麵各叫一份，沾麵既湯分開上，湯汁極濃厚，顏色橙艷。麵條垂放汁碗，密度承托力幾高，唔會沉左底。迴旋一圈先夾，上一層又厚又糊蝦湯汁，麵身煙韌有口感，超香濃蝦味唔太咸，唔口乾。另一碗湯拉麵，食前慣例大匙羹盛熱湯，呷一口飲到尾，匯聚無數海老而成精華湯汁，成個畫面感覺都係蝦吖湯面有清澈蝦頭油，麵條吸收晒蝦汁，蝦膏，蝦殼融合成橙紅色湯汁，加埋粉紅櫻花蝦，味道鮮甜極緻。

Ramen is gross and watery. Small topping. Overpriced and not tasty at all. Staff are impolite. Not worth the hype. Don’t bother coming here. Definitely won’t come again. Cup noodles tastes better. Don’t know how they stay in business. No wonder I could get a seat! Yuck!

今晚同屋企人去食拉麵，店舖門面睇落好有地道日本拉麵店嘅感覺。店內以淺色櫸木為主，都幾光猛☺️睇下餐牌，餐廳主打沾麵，仲有期間限定嘅味道，當然仲有拉麵同小食😋我地揀左以下：🌸濃厚海老沾麵平時食沾麵都鐘意試下佢地個湯汁，個湯汁香濃，味道好香蝦嘅鮮味，麵質都粗身嘅，又掛到汁😍👍🏻 麵質口感彈牙☺️好正❤️叉燒都唔會太老。🌸三田特製拉麵特製拉麵🍜係醬油湯底加埋處理過洋蔥，味道帶有醬油香，拉麵係幼身，湯同拉麵好夾☺️叉燒肥瘦適中😍

在銅鑼灣登龍街食拉麵，店員態度幾nice,主打沾麵，拉麵為主！三田特製拉麵半熟蛋，可加錢轉套餐，包小食，飲品。自家製炸雞，曾奪得唐揚協會東日本醬油味金獎！味道比較鮮嫩多肉汁，啖啖肉唔會過油！質感幾緊緻！真係有別於一般炸雞。拉麵湯底夠濃郁但唔會太咸，麵既質地幾粗身！掛湯能力幾強幾入味，質感夠彈牙，不錯！幾特別係有大量洋蔥粒增加質感味道，幾爽甜帶香！糖心蛋軟綿細緻！蛋香幾出。叉燒都有2片，同個麵幾夾，半肥瘦，入口剛好！正。

今天晚上突然沾麵癮起，第一時間便想起三田製麵所拉麵店與上年底重新裝修，以L型設計，廚房有玻璃間隔，可隔著玻璃觀看廚房內的工作情況所有沾麵小（250克）、中（350克）、大（450克）同價！特大（670克）加$10！每碗有兩片叉燒、半熟蛋和竹筍！可選擇冷或熱麵，我喜歡冷麵撞到暖湯時產生的爽口煙靱感覺期間限定濃厚海老沾麵的湯底加入海老香油與櫻花蝦，彈牙麵條沾附著淡淡鹹香鮮蝦味的湯汁嗜辣如命的我每次必點辛辣濃香豚骨魚介沾麵！湯汁濃郁而富有魚的鮮甜，又有痲香吃完麵後，可倒些鰹魚高湯做成一碗清甜的魚湯

三田製麵所，除咗佢嘅沾麵係我最愛之外，薯條係佢嘅重點，我哋每一次你都會嗌，雖然佢係普通嘅金拱門薯條，但係佢炸得好過佢x 10,000倍。再配埋佢嘅，明太子醬。👍🏻炸雞，雖然Juice，但係外皮唔夠脆有啲失色。推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：8⭐️賣相（10⭐️滿）：8⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：8⭐️［三田製麵所 (金朝陽中心2期Midtown) (銅鑼灣)］地址：銅鑼灣登龍街1-29號金朝陽中心2期Midtown地舖#沾麵控 #沾麵世一 #沾麵好野 #其實薯條係亮點 #日本美食 #日本拉麵#lunch #lunchideas #lunchtime #午餐 #午餐時間 #午餐吃什麼 #takeaway #hkfoodie # hkfoodieblogger #hkfoodielife #winsomelai

最近三田製麵所推出期間限定嘅「濃厚海老沾麵」（$98）。廚師精心炮製濃郁嘅海老湯底，加上海老香油提升鮮味，配合櫻花蝦作點綴，亦有木耳絲同時增加口感。我鍾意佢哋自家製嘅超粗麵條，彈牙有嚼勁，濃湯緊緊掛喺麵條上，每一口都富有豐富嘅味道。長期人氣No. 1嘅「濃香豚骨魚介沾麵」（$84），獨特濃郁嘅湯底鮮甜鹹香，日式叉燒肥瘦均勻，肉質非常軟綿。看似簡單的一碗沾麵，卻蘊含着烹調的技巧，令食客品嚐到百般滋味。三田製麵所嘅空間感十足，比起一般嘅拉麵店寬闊，令人食得舒服。餐廳亦都好細心，替客人提供圍裙，食麵嘅時候都唔怕整污糟件衫！

🍜三田製麵所Tsukemen Mitaseimenjo 嚟到銅鑼灣，本來今日想食炸雞放題，但原來我冇留意佢而家堂食唔開門🥺搞咗大烏龍嘅我決定去食拉麵🍜。濃香豚骨魚介沾麵$84呢個沾麵有大中細之分，三個size都係同價錢。我一開始係嗌中嘅，但最後都食唔晒。所以大家量力而為拒絕浪費！女仔嘅話嗌「小」就足夠架啦！從味道上來講我覺得湯底略鹹，好容易食飽。沾麵汁入邊有機會搵到肉粒，而且有蔥花提味。質地就唔順滑，好濃郁而且入邊有D一粒粒，我反而覺得口感會更好。個人覺得拉麵有少少過硬，個人會偏向想食幼身啲嘅拉麵，除此之外都冇咩問題。配菜係好食嘅，半熟蛋做得唔錯。叉燒的話有少少硬，唔夠軟。總體來講係唔錯嘅，但係同樣價位我會選擇神山拉麵。價錢：92.4（連加一）地址：三田製麵所 (K11購物藝術館) (尖沙咀)尖沙咀河內道18號K11購物藝術館地下G21-G22號舖三田製麵所 (金朝陽中心2期Midtown) (銅鑼灣)銅鑼灣登龍街1-29號金朝陽中心2期Midtown地舖#hkfoodie #foodiehk #foodie #foodinsta #foodinstagram #foodblogger

食物份量非常少 拉麵叫咗大碗只有一塊叉燒 拉麵湯底非常鹹及油膩 侍應服務水平非常差 明明去嘅時候都唔係繁忙時間 餐廳都只有六、七成滿座 但入到餐廳基本所有嘢都自助咁款 待應就兩、三個咁圍住傾計 吹水 100蚊嘅拉麵 香港有更好嘅選擇 唔好去呢度貼錢買難受

話說早排係附近食過一間唔係好岩小編口味·小編決定再係附近周圍搵食·係好耐之前聽朋友提過依間唔錯·一於去試下佢咩料😆繼續帶大家去銅鑼灣燈籠街搵食～—————————————————☻非專業食評·純個人口味☻小編角度認為唔算差既·可以做得再好·可能真係食過其他鋪頭小編認為更好味會有比較·但三田整體算唔錯·無人係💯～小編相信煮野食都係一樣·總有高低～但三田小編都會再去試其他野·環境舒服店員亦有禮～～

好耐冇食, 突登來食,點知飲第一啖湯係極奇失望,原本呢間沾麵既味道同去日本三田基乎一樣, 一路食一路小小聲,最後我要問職員羅d醋出來先調返岩個味,連肉都比以往差,又鞋又硬。唉, 估唔到食左禁多年既三田會如此差,極度失望,希望佢地個廚師試左味先羅出黎比人食。

日本人氣過江龍；沾麵專門店——三田製麵所，2015登陸香港，至今仍然見到店外大排長龍，相當受歡迎👏🏻 麵條由日本空運到港，每日係麵店樓上既工場以製麵機製作，沾麵麵條分為大、中、小份量，價錢同樣售$84，客人可以因應自己既食量選擇，另外亦可以選擇冷或熱麵身，建議揀冷麵以保持麵身彈牙程度🥢 湯底有濃厚豬骨魚介、辛辣濃厚豬骨魚介兩款，以二十四小時熬製而成，味道濃郁入味，個人應為辛辣澧香豚骨魚介味道更開胃、更有層次！除左著名沾麵外，顧客亦可品嘗精心烹調既限定炸物小食，特別推介蟹肉忌廉薯餅，外層香脆可口，內層鬆軟香口，必點之選✔️

開咗咁耐第一次嚟幫襯，因為平時都排好長龍，而家疫情冇乜人去舖頭食，我就去試吓啦！叫咗一個濃湯豚骨魚沾麵，我開頭以為湯底會好咸！估唔到湯底可以做得咁好食，味道剛剛好🤤麵底做得非常好👍🏻超級煙靭！雖然價錢係加咗價，但係小童冇收最低消費！非常感恩🙏🏻會再嚟幫襯

同阿媽叫網上外賣平台外賣見到呢間有優惠就叫咗呢間。我哋兩個都叫咗三田特製拉麵 ，其實都算幾貴。 未扣優惠就94蚊，扣咗網上外賣平台優惠就一碗係80蚊 。外賣一嚟到一打開先知係伏。拉麵得一塊豚肉🥲🥲 連隻蛋都冇。。有三舊筍 ，有啲蔥 ，啲面呢份量都夠嘅 ，但係食完好似真係唔夠喉。收到咁貴其實係咪應該畀多一兩塊 豚肉呢 ，又或者加嚿蛋都好呀！總括嚟講其實味道就唔差， 但係實在唔係太夠食。 性價比非常之低， 如果你哋真係要叫嘅話你哋一定要加大，或者加其他小食。

話說我當日去食飯嘅時候，滿心歡喜諗住去解決我哋肚餓嘅需求。由於該餐廳嘅門面非常吸引，我與我的朋友飛快地跑入了該餐廳。我們看着餐牌上種類不多的拉麵。「真好！這間餐廳只專攻幾款！一定款款也是美味佳餚！」我的好友A大笑着。我們分別叫了三碗拉麵，當我們滿心期待，預備食物的慰藉時，血淋淋的現實降臨到我們面前，三碗賣相不宜的拉麵在我們面前。「或許只是賣相吧！」我心裏渴求着「soup」麵條從我們嘴邊畫過「K真的很難吃！」湯與麵條的配合實在不夾。我們互相看着對方，無奈地笑了一笑。我們揮一揮衣裳，頭也不回，放低$200，離去餐廳「幹！下次唔嚟！」激氣！