影片
開飯介紹
日本沾麵連鎖店，麵條於自家工場每日新鮮製造。
繼續閱讀
營業時間
今日營業
11:00 - 22:00
星期一至日
11:00 - 22:00
*最後落單時間：23：30
以上資料只供參考, 請與餐廳確認詳情
相關文章
三田製麵所，日本過江龍，沾麵拉麵連鎖品牌👍🏻都已經係香港開左好多年，評價都幾高，銅鑼灣分店，和風裝修座位舒服😎餐牌當然係以最人氣嘅沾麵為主，仲有季節限定，但今日係想食拉麵而掛住佢既魚介豚骨湯而黎！🍜#三田拉麵，原味，賣相簡潔正宗，豚骨魚介湯真係好濃，飲啖先，就係依個味！🥹豚骨濃湯mix海鮮既完美合體，食過係一定會記得✨驚沾麵湯太咸就要試下依個拉麵湯👍🏻麵偏粗身，幾彈牙下既，掛湯入口都幾滑，正😻叉燒肉質同肉味都幾唔錯，好味既拉麵🤞🏻自家製金賞炸雞，好香，外面好脆，薄皮爆肉汁👏🏻肉質幾嫩，唔會太濃味，飲杯凍烏龍茶消消膩，爽😊依個湯頭就係三田既Signature🎌未試過真係要食下，好有記憶點，下次黎必必必食生雞蛋拌麵，吸引到爆🤩等我！！
繼續閱讀
同老公好鍾意食拉麵，今日去銅鑼灣食呢間拉麵，覺得性價比都幾高我地叫左兩個沾麵1️⃣特製濃厚豚骨魚介沾麵沾麵湯底非常之濃郁，有好濃嘅豚骨再加上好香嘅魚介，我覺得好好味。面嘅份量可以分大中細，價錢都係一樣，我叫咗熱嘅沾麵，沾麵食落口非常煙靭，係粗身嘅麵條，非常之掛湯，沾麵有糖心蛋、筍、同埋叉燒，食晒成碗都好飽。2️⃣特製辛辣濃厚豚骨魚介沾麵老公叫左辛辣味沾麵，比原味更加刺激，令人胃口大開。除咗沾麵出色，佢嘅配菜都唔錯，叉燒調味得好好，好腍，流心蛋都好味。另外見到佢有個生雞蛋拌麵好特別，下次都會再黎食結論：（10分為滿分）味道：7.5/10性價比：8/10回頭指數：8/10餐廳名稱：三田製麵所餐廳地址：銅鑼灣登龍街1-29號金朝陽中心二期 - Midtown地舖
繼續閱讀
始創於日本山田，主打沾麵同拉麵，門面同室內設計以木系為主調，座位比想像中闊落。平日晚上滿座，多數都係情侶或夫妻過嚟食。餐廳對麵粉搭配非常講究，為融合香氣同口感而決定選用極粗麵條。沾麵份量小/中/大同價，希望客人可以按個人需要安心享用豐富美食。招牌沾麵湯底為「濃厚豚骨魚介湯」，將大量豬骨、雞骨、蔬菜、魚介類材料透過12小時以上慢火熬製而成，味道濃郁，濃稠度亦適中，超級掛汁。粗麵亦係自家製，選用小麥粉，獨一無二，QQ哋同時又帶點咬口，搭配沾麵都真係幾夾。細食嘅仲可以要輕量版，輕輕品嚐已經足夠。小店亦提供多款小食，炸物為主，炸雞中翼有照燒同黑椒味，四大件，炸至外脆，唔油膩，內裏軟嫩，醬汁散發著淡淡香氣，試試無妨。炸冬菇蝦膠比較少見，咬落Juicy且外皮夠薄身。章魚小丸子則有五小粒，東京風，外脆內軟，貼近香港人口味。下次會試埋拉麵～
繼續閱讀
新品登場！三田製麵所的生蛋拌麵讓你體驗到濃郁的口感！ 🍜🥚食法簡單：1.將蛋黃撈入拉麵中，直到起泡。2.加入白松露油、生蠔醬汁和紫菜碎，享受Creamy的美味！ 🌿3.食完拉麵後，別忘了將附贈的白飯倒入剩餘的蛋汁中，製成生蛋拌飯！ 🍚一人套餐：
約$120即可享受一碗拉麵、一個小食和飲品！ 今次點選的沾麵，麵條吸收鮮味的湯汁，非常惹味。最開心是小食還有兩隻雞翼，有肉又有澱粉質，仲有一杯飲品夠晒滿足。
繼續閱讀
第一次黎食，因為想食沾麵所以揀左依間，好快出餐。豚肉魚介湯底幾濃，特別位係食到少量柚子味，唔會好咸，黎做沾麵可以因為依個湯食唔停口。但係湯入面的料只有一舊仔（非常細）的豬肉同一塊紫菜…想要其他料要加錢個麵真心一般，一開始都ok，但食到後1/4，發現個麵已經斷開哂..變得好短而且餐牌寫住「輕量」以為係少d麵，原來係冇左塊叉燒…於是加左小食，叫左份餃子，餃子都好普通，細細隻，夾果陣餃子皮有d痴碟，夾完餃子皮已爛。未計加一$8/隻唔太抵
繼續閱讀