三田製麵所 (金朝陽中心二期 - Midtown)

營業中

休息中

濃香豚骨魚介沾麵辛辣濃香豚骨魚介沾麵湯底濃厚，有豬骨麵有魚介味，調得好好味😋麵質彈牙，呢度好就好在140/ 210/280g同一個價錢，女仔肚餓280g覺得岩岩好。跟麵配半隻蛋、一塊豚肉、3-4塊荀，啲料唔太夠喉，唔太出色，普普通通。係個湯唔夠熱，冬天好快就凍，熱水都唔夠熱。

天氣涼涼地，最啱食啲暖粒粒嘅嘢！😚😚沾麵一定係個好選擇！粗厚嘅麵條，掛住暖粒粒嘅濃湯！諗到都正🥰🥰🥰呢間沾麵好多時都見到門口有人排緊隊！係信心嘅保證！一於去試吓佢😛😛宜家佢有個明太子祭嘅期間限定！同埋黃金牛肉沾麵嘅季節限定！🤭🤭諗住一輪，決定叫一個黃金牛肉沾麵！同埋一個辛辣沾麵😝😝辛辣濃香豚骨魚介沾麵 ($88)辛辣沾麵非常好食🤭🤭 個湯非常濃味！再加上辣汁好惹味！😆😆😆黃金牛肉沾麵 ($94)個黃金牛肉沾麵相比起來就比較失色🥺🥺 係有好濃嘅牛肉味！但就好似唔太夾🥺🥺

有沾麵吃的地方不多，特別喜歡這裡的魚湯豚肉沾麵，麵的份量可以選大中小，悉隨尊便，沾麵汁香濃惹味，令人食指大動，還有不同的配菜，香筍，豚肉，紫菜，半隻糖心蛋，賣相一流。

好幾次行過都見門口有條長龍，上Openrice 睇先知係食沾麵，以前對沾麵有誤解，以為好似撈麵入口乾身……自從試過《彩》之後，對沾麵有所改觀，原來沾麵都可以好掛湯好好味！🥢蟹肉忌廉薯餅 $42⭐️⭐️我覺得呢個薯餅麻麻，無蟹(蟹柳)亦無乜薯蓉，無口感只得creamy。🥢煎餃子 $40⭐️⭐️⭐️⭐️雖然凍咗但仍然好味，皮夠薄餡料又夠豐富，當然柚子醋亦要記一功。🥢自家製炸雞$40⭐️⭐️⭐️⭐️外表好似好乾，但咬落雞嫩滑多汁，外皮亦香脆可口，凍咗都係好味！🥢濃香豚骨魚介沾麵 $94x2⭐️⭐️⭐️⭐️未寫完呢個食評，我已經外賣過兩次，因為我超鍾意個魚湯味道，我覺得係鰹魚味，湯較杰身同有些少咸，所以唔可以太進取沾麵，外賣麵雖然凍晒黐埋一嚿，但分解後回復爽口彈牙，質素非常高，而一客份量超多，女仕未必食得晒。二人共消費：$186 (某外賣APP 外賣自取)

一直知道銅鑼灣登龍街的沾麵排隊店，口碑不錯，今日5點經過，難得不用排隊，就食個沾麵，試一試。沾麵原來有大中小之分(250g至450g不等)，價錢一樣，食客可以按自己胃口決定，另外有特大可以選擇 😲沾麵湯底濃郁，溫度尚算高溫 (都食到8成先開始唔熱)，開始試味時覺得湯底較鹹，後來混入麵條進食，味道又剛好。沾麵附有半熟蛋和日式叉燒。半熟蛋的生熟和調味麵正常發揮，蛋黃輕微流心。日式叉燒很大片，薄切而份量不多，如果喜歡吃多點肉類，建議另外再叫小食。總結餐廳水準屬普通以上，每樣食物尚算出色，環境闊落，裝修也偏日本拉麵店風格，難怪成為銅鑼灣區的人氣排隊店之一。

大雨中等左半個鐘 已經餓到應該乜都會覺得好好食 但點知….應該係我食過最難食嘅拉麵 以前喺度食過沾麵覺得好鹹 今次食湯拉麵 嘩都係中伏。鰹魚味咁嘅湯底 本人都真係好唔鐘意 但個人口味就算啦 但個湯杰撻撻 好似用返沾麵嘅湯加左少少水咁 啲麵質地又好似食鹼水麵咁 完全無層次鹹到唔知自己食緊咩朋友叫左碗辣湯麵 辣還辣 鹹還鹹 麵還麵 配料還配料 所有擺埋一堆但一啲層次都無 半碗都食唔晒就走了唯一合格就係個煎餃 但咁我不如食八方雲集算啦唉好難理解點解呢間嘢成日都要排隊…

三田製麵所📍銅鑼灣登龍街1-29號金朝陽中心2期Midtown地舖套餐有分3 step Step 1 選面 （小/中/大/特大） Step 2 選小食 （炸雞煎餃子雞翼豬扒/薯餅） Step 3 飲品另外可以加配料 👉🏻濃香豚骨魚介沾麪面可以選擇 （小/中/大） $84 特大就貴d $94超濃既湯底 鍾意食濃味既一流 一啖面一啖湯 放落碗湯度 可以另外加多隻蛋或加面👉🏻章魚丸子（5粒）有好多沙律醬係上面新鮮 熱辣辣 仲有好多配菜美味指數：⭐️⭐️⭐️.5 環境指數：⭐️⭐️⭐⭐️服務態度：⭐️⭐️⭐️.5翻兜指數：⭐️⭐️⭐️.5 （滿分為 5⭐）#全力食｜#密密食｜#情侶檔搵食｜#小店推介｜#餐廳推介

三田製麵所 (銅鑼灣)這間日本拉麵店的門外經常排滿了人，見人氣十足，於是便到這間餐廳食拉麵。我揀了一碗沾麵拉麵及一份餃子，賣相很吸引但味道真的太鹹，湯底的鹹味令我想把水直接加在拉麵上稀釋它的濃度😥😥 拉麵的味道令我非常失望。豚肉餃子反而比較好食，皮很薄，剪得很香脆，餡料亦充足調味適中，不會太鹹，點上醬汁，可口。地址：銅鑼灣登龍街1-29號金朝陽中心2期Midtown地舖

行開登龍街 依條真係幾多拉麵店林立既街 今次就幫襯依間 係尖沙咀都有分店既三田製麵所。 上次尖沙咀食完 味道都唔錯 今次就試下銅鑼灣店味就會唔會唔同今次叫左三田特制拉麵🍜 （$84）佢有分辣同唔辣 同中/大sizes 辣既會貴幾蚊 。等既時間都唔長 份量都幾大份 即使係中份量 可見大既真係岩男生食 佢碗麵啲蒜其實都落得幾多😅 蒜味遮蓋左個湯底既味道 加上湯底勁咸 只印象中食到係魚湯味😅 拉麵會有一塊 叉燒 真係一塊😂 不過分量都幾大塊既😓 另外仲order左自家制炸雞（$26） 以及吉列豬扒（$36） 炸雞附上檸角 炸雞味道一般 但比較好係 唔會粉仲大舊過個雞😅 吉列豬扒味道唔突出豬扒味 但都係同炸雞一樣 舊肉都係大舊過啲粉😂 可能食間比較出名大路 到用餐後段 都見到外邊好多人掛隊

週末行街，即興入左呢間拉麵館😋。門面好有日本風，餐廳座位空間夠大，入到去檯面已經有一杯檸檬水，咁熱飲番啖先慢慢睇menu真係透心涼！🔸濃厚豚骨魚介沾麵（$84）餐廳出名食沾麵，好貼心嘅係麵嘅份量有小（250g），中（350g），大（450g）之分，大家可以根據自己食嘅份量做選擇，減少浪費食物嘅機會👍🏻！因為唔係好肚餓，我地兩個人嗌左一份大沾麵套餐share，麵質十分Q彈，軟硬適中，粗幼適中，麵都掛到沾麵汁。配菜有半隻流心蛋，一片豚肉同少量埋筍片，流心蛋味道非常出色😋！略嫌沾麵汁有d唔夠濃呀🤣（本人已非重口味都覺得可以再濃一d)，另外有幾舊細豚肉係入面。🔸自家製唐揚炸雞（$26 連套餐加的小食價）隨套餐加配炸雞小食，所以諗住試下，尚算出色！炸的色澤未達吸引，但保留雞肉原本嘅嫩滑，咬落去都幾juicy~ 加小小檸檬汁上去，十分開胃🍋！🔸烏龍茶（$5 ）原本喜歡烏龍茶，特別想分享下佢嘅杯！係雪過嘅杯再加🧊同烏龍茶，所以非常夠凍之餘，用啤酒杯裝嘅烏龍茶好似特別涼快😆🔸燒汁餃子（$38）鍾意食餃子嘅我又點會放過食餃子嘅機會呢？一份餃子有6件，都幾抵食。餃子皮薄得黎又唔會穿，內餡係韭菜豚肉。如果皮

做完野經過登龍街，又搵下好西食先第一次食呢間，本身我好中意沾麵，所以揀左呢間試試。叫左濃香豚骨魚介沾麵，佢小中大麵是一個價錢84蚊，價錢都正常。 大碗係兩個麵，食落又唔算好多，我食得晒🤣🤣個湯都夠濃，唔會好咸，只是暖暖地，如果熱辣辣既湯會仲正。 麵是較粗的，唔算好彈性個種，正常。 叉燒就太薄了，食完好似無食過咁。 糖心蛋就幾好。因為唔夠餸，我就追加左佢寫住金賞既炸雞，加26蚊有三件，滿心期待。結果………Oh my god! 請問呢個到底係炸雞定係炸雞皮呀？😡😡😡 薄到呢！肉都無！我追問員工，佢黑面地講，呢個咪炸雞囉！態度都幾差，呢個員工仲成日在打機，可能我阻住佢打機，所以黑我面。 本身對呢間野印象算正常偏普通，而家俾個炸雞同服務態度，令我不得不俾個負評佢😫😫試一次就夠，bye! 薄到爆的炸雞……皮掛住打機的黑面員工

好耐無食過三田製麵所既豬骨沾麵，來到發現餐牌有新出既鹽味鯛魚湯沾麵，本身好鐘意食鹽味拉麵，但香港唔多拉麵店有鹽味拉麵，所以見到有未食過既鹽味沾麵就即刻點左。。。點知咸到一個點，係咸到苦，個湯完全飲唔到。。。現在個口仲有苦味。。。個侍應姐姐又無問我拉麵想要軟定硬（自己又唔記得左），結果係我唔鍾意食既硬麵。同場仲有隻蒼蠅BB係個杯度陪我食拉麵。。。求心理陰影面積。個麵要$88加一。以前離開餐廳既時候拉麵師傅會用日文同你講再見，今日無。。。以前好鐘意呢間餐廳，好失望，中唒伏。。。

今次小編帶大家去食位於📍銅鑼灣嘅三田製麵所，內裏裝修非常有日本特色🎌，有係日本食拉麵嘅感覺。話明三田製麵所，顧名思義呢度主打嘅就係拉麵同埋沾麵🤡，點解會係滿足感之選呢？呢度可以比咁多位朋友選擇，大中細同特大size嘅麵，分別係140g,210g,280,同420g，大中細size嘅麵，都係同一個價錢😆，適合唔同食量嘅朋友仔，如果大家自問好食得，可以挑戰一下特大啊～🤤今次小編揀咗濃厚豚骨魚介辛沾麵，賣相可能唔算吸引💩，湯底真係好濃，麵條亦都彈牙😆，如果唔食得辣嘅朋友，佢都有一個係唔辣嘅，沾麵亦有冷同熱比大家揀，小編建議大家可以食熱嘅🤤，最後小編連湯飲晒，真心好食！建議大家可以早小小嚟，因為都成日要排隊等位㗎！而且可以食到飽飽，好有滿足感🤩。人均消費：100/ head

豬排外觀炸得都幾靚，而且好鬆好腍，裡面完全冇筋，不過就冇咩豬排味，好采旁邊有豬排sauce 可以點下，感覺都似食緊豬排既兩碗麵既叉燒都係得一片，不過就好大塊，有半隻碗咁大，麵可以有分大中小既份量（不過有D 只有有大小簡）依個我地簡左大份都唔算好多沾麵個湯唔錯夠濃味，即刻覺得湯麵失色左點餐既時候，店員問我地麵要軟定硬，之後我地request麵條要軟身，唔知係咪搞錯左呢？黎到個麵比平時食到既拉麵還要硬，係咪玩緊整蠱？

濃香背脂大蒜拉麺 + 野菜 topping $114.40麵普通, 湯底麻麻, 但佢夠胆放一浸幾mm嘅 (豬?)油喺面, 加埋背脂同蒜蓉, 又肥膩又臭, 好耐都冇食呢啲充滿罪惡感嘅自殺式食物, 偶一為之嘅 guilty pleasure, 正! 抵唔抵就見人見智, 亦非每一個人嗰杯茶.义燒好食過預期, 早知加义燒 topping. 加野菜只係好似買贖罪卷.欣賞三田好均真, 完全冇用 二郎 或者 二郎 inspire 等無謂字眼.