三小姐海鮮小菜

營業中

休息中

今晚約了舊同事嚟食飯，叫了西檸雞、椒鹽九肚魚、豉椒炒蜆、豉椒聖子、魚雲煲。但椒鹽九肚魚淋身、椒鹽味又欠奉，完全唔香唔脆兼無味。魚雲煲更加差，魚不新鮮帶魚鯹味、粉又厚食唔到魚肉，炸得亦不香口，失敗。豉椒炒蜆有沙，唔惹味，唔好食，未試過食剩咁多。豉椒聖子係爽口，但味道亦都不惹味可口，好失望。

距離上次來的時間大概已經兩個月, 這次幫襯另一間這裡有名的”三小姐”, 我們自備了白酒, 而這種大排檔嘅好處係唔會收你開瓶費, 無論客4開幾多支都無所謂, 因為現在大部份西餐廳收開瓶費一般都不少於一百, 我等窮鬼買的酒頂多8-90, 開瓶費重貴過支酒, 所以一般不會自備酒好耐了, 當日叫咗這店招牌之一, 冷盤$78係以一些我地小時侯喺街邊那些凍食小吃檔口賣的紅腸,生腸,大腸,鴨腎之類的大集會, 算係懷萏野之一, 看其他客人的食評似乎唔係咁多人叫呢個小食冷盤咁, 好少人寫呢碟嘢, 食物一早已經雪定夠凍之餘在上面唧上芥辣同甜醬又紅又黃咁而且唧上去睇落個樣都升咗級啦, 而氐甜同少少辣本身幾夾下, 友人B雖然話芥辣攻鼻但就夾個不停, 佢話要云殲滅佢先可以停, 又係嗰種I HATE U I LOVE U心態! 沙薑雞腳$48, 有點淋過頭不過都可以啦!豉油皇海中蝦$128 呢個比較上貴但出品欠理想, 蝦尺碼也細, 蝦殼有點軟, 豉油味亦入不到蝦肉, 蝦本身也不是好新鮮, 致蝦味也不足, 稍為失望的一品,豉椒炒蜆$78 個炒蜆獻汁夠濃味, 所以個蜆係咩味都無所謂, 只要蜆本身係新鮮貨自然好味,春卷

夜晚同朋友到大埔熟食中心，聽聞這裡有很多出色小菜，要認真揀一間試一試，《三小姐小菜》見到坐無虛席，大部份人都點了很多海鮮，但朋友不吃海鮮，今次先試試小菜火候同味道，下次有機會食海鮮。蝦醬豬頸肉陳村粉，用竹籠擺盤，很有特色，濃濃蝦醬味遠遠都聞到，肉質爽口，不過太鹹，而且陳村粉完全沒有味道，一般都會有甜醬油但沒有，我們以為蝦醬會令陳村粉有不一樣的味道，有點兒失望。咸蛋肉餅，值得一試，肉汁足夠，肉質都好滑，送飯一流！椒鹽豆腐，外脆內軟，椒鹽好惹味，不會烤過頭，而沒有萬年油味，送酒一流！

個日提早小小行下街市, 睇下有咩靚野好買!  兜左幾個圈, 買左魷魚, 星斑,  蟹, 就衝上去三小姐度放低比佢攪!因為太忙, 掛住傾計既關係, 所以咩相都無影,  怒未能提供艷照.........^^ 但我覺得最好食係籠仔糯米蒸蝦,  不過我之前食過籠仔糯米蒸奄仔蟹都好好食既!星斑就係蒸啦.椒鹽魷魚唔小得薑蔥蟹撈飯一流因為人小小, 只能食咁小野喇!

之前黎過呢個熟食中心食幾次..但都唔係食呢間..因為成日無位..今次專登叫朋友早黎等位..終於食到..但十分失望..叫左一隻雞..但d雞肉好唔嫩..又唔滑..好平普既味道..只係夠咸...蝦醬豬頸肉蒸陳村粉..d豬頸肉一d都唔爽..係有d咸.但個味入唔到陳村粉到..令陳村粉變得無味...咸蛋蒸肉餅..好咸..但d肉好'鞋'.我覺得阿媽整既仲好味...肥牛粉絲煲不過不失..夠大煲..但唔算話好好味..最滿意就係個京都骨..酸酸甜甜..夠惹味..但總括黎講..都好失望..之前係呢度食其他既水準都好過呢間..下次唔會再選擇佢..

蝦醬豬頸肉陳村粉 $68Rice Noodles with Pork Neck Meat in Shrimp Sauce用個蒸籠上菜 再用錫紙包住 聞上黎濃濃既蝦醬味 豬頸肉得個鹹字同少少蝦醬味 陳村粉實質無咩味 蝦醬入唔到去 而且有d乾 所以試一次就夠 可能之前係新水記食個個陳村粉太出色 佢用蒜蓉放係面 令到陳村粉入曬味 食落太美味啦👍🏻👍🏻.鹹蛋蒸肉餅$68Steamed Pork Mince with Salted Egg好耐無食過蒸肉餅 味道正常 唔算太滑身 亦都唔太厚 送飯至食 如果連呢個咁簡單都唔好食 咁真係omg 無驚喜 無失望.京都骨 $68Braised Sparerib with Sauce大排檔必叫之一 鍾意佢既酸酸甜甜 有野咬下 呢個骨都尚算唔錯 味道適中 食落去都會想再食 不過我嫌有少少un 同時食到唔落太多粉炸既.呢間大排檔個人認為普普通通 同埋服務態度麻麻 我知係熟食中心食野講咩服務 講既應該係食物質素 但呢兩樣係度未必搵到 唔會再有下次

我係一個不折不扣大排檔fans 但夏天食無冷氣既大排檔真係會搞出人命而因為男朋友住大埔墟既關係 今晚晚餐地點就係大埔街市既三小姐三小姐位於大埔街市既2樓最尾平日既晚市都人山人海好在我地8點去 仲有位坐menu食一般小菜但選擇亦夠多因為樓下係街市 亦可以買海鮮叫店家煮我地兩個人叫左4樣嘢1.蒜茸蒸扇貝（$140） 4隻價錢唔算平 但勝在夠大隻粉絲吸哂蒜茸味撈飯一絕2.土魷蒸肉餅 （$68）土魷夠香 肉唔霉 豉油又香最緊要夠大碟 4個人都夠食3.金銀蛋莧菜 （$68）上湯味濃 飲得出無加味精4.蝦醬豬頸肉陳村粉（$68）招牌菜第一次食陳村粉、嚴格嚟講係腸粉調味只係簡單既豉油同蔥無特別好食是日埋單$370 仲食唔哂打包返企宵夜三小姐實在係理想晚餐之選題外話老闆係歌手黃翊 真人仲好有禮貌！

細細個，即係廿幾年前，開始識聽流行曲嘅時候，好鍾意黃翊～「最愛的妳」呢首歌！不過後來唔知點解黃翊就消失咗。最近因為一個電視節目，請返啲舊歌星上去唱歌，黃翊呢個名又出現返啦！聽返「最愛的妳」依然覺得好好聽！好聽程度令黃翊再次爆紅！睇返一大堆訪問，知道佢同屋企人喺大埔墟嘅街市熟食中心開大排擋，不經不覺已經十幾年！今日端午節，我就特登同屋企人去咗呢度食晚飯做節。因為之前打電話黎問過，要8個人或以上先可以訂座，而我哋得4個人，所以6點就黎霸位！一去到，得到黃翊親自帶領入座，真係好開心！哈哈！ 一向鍾情大排檔嘢食嘅我，見到餐牌已經覺得好開心。先黎一枝獅威大啤（$16）今晚我哋食咗：以上兩款，送酒一流果然係招牌菜，雞很嫩滑，食到停唔到口！好快就全碟清哂！夠入味，夠鮮嫩，份量亦多！煲仔上真係好正！陳村粉系列應該係喺openrice最多人寫嘅菜式，而我哋就揀咗蒜蝦，蒜味好香，足以令我弟婦讚嘆！我就覺得蝦尚算ok，但如果挑走條蝦屎會更好！呢款都係呢度嘅招牌菜，本人好鍾意食糯米飯，呢味菜處理得唔錯，糯米飯夠哂煙韌，又有蟹味，如果啲蟹羔有多啲更好！呢個甜品好緊要！因為每日限量發售，要食就早啲留定！我哋四個人

踩完單車都在大埔覓食，朋友帶路去大埔墟街市食晚飯。原本想要聖子，但好早已經賣哂，所以改要蒜蓉粉絲蒸扇貝（4隻）$160，帶子新鮮好嫩好彈牙，而且蒸的時間剛好，粉絲吸哂海鮮精華同蒜蓉，又鮮味又香。千島骨，炸衣不太厚，剛好掛到千島醬，味道不錯，只係千島醬太易膩，食兩件就開始飽，肉排都鬆軟好咬，筋位多左少少。海鮮什菜煲看似好淡味，其實頗喜歡呢個煮法，不油夠清的什菜煲，有菜芯、西蘭花、白菜等等，不會煮到好爛熟，反而保留蔬菜爽口，金菇及粉絲吸哂海鮮湯汁好好味。但海鮮只有鮮魷同1-2隻蝦，海鮮份量較少。點可以無啤酒，大支又夠冰凍，我地仲飲左兩大支，爽呀。

一行數人覓食到大埔街市，街市內的熟食檔一向不陌生，大部份都是很有鑊氣的小炒，食海鮮的，我覺得環境不是太差，反而街市的熟食檔是很有氣氛的，熱鬧，也是不錯的選擇。今次到大埔街市的三小姐，叫了幾個餸，分別是糯米飯蒸蟹、炸桶蠔、炸大腸、招牌雞、炸鮮魷、金銀蛋莧菜、炸花枝丸、及醬燒骨，除醬燒骨差外，其他都不錯，特叩炸物很出色，而且價錢相宜，估唔到咁平。蟹蒸糯米飯，味道ok, 但啲蟹好細隻，但啲蟹食落沒有味道，可能現在不是當造的時候炸大腸，炸很很乾身，很脆，而且很大碟椒鹽炸魷魷，脆漿不厚，加少少的椒鹽，正炸桶蠔，蠔很大隻，漿亦不厚，但桶蠔淡而無味，必需要點醬汁吃炸花枝丸，原本想吃炸芝士丸，但可惜售馨，故此外叫炸花枝丸，彈牙好食招牌雞，招牌果然是招牌，雞嫩，亦入味，即使不點薑蓉亦十分美味，所以大家好快就清晒成碟雞。醬燒骨，呢個真係唔得、望落外觀已不濟，食落更差，原本諗住醬燒骨是有少少汁、但無諗到成盤水咁多，而且話骨，但內裏全是肉，是似煲湯後的瘦肉，嚡之餘亦無味，差，但值得一讚是向老闆反映時老闆欣然接納評價，還稱會改善，待客之道不錯。最後是鼓油皇炒麵，尚算乾身，只是味較濃整體來說是不錯的街坊之選，而且

認識《三小姐海鮮小菜》全因為有朋友誠意推介這裡的陳村粉，所以特意過來試一下。陳村粉是中國廣東地區常見的食品，是一種用大米製成的米製麵類。來了《三小姐海鮮小菜》才得知原來是過氣歌手黃翊與三家姐一起打理的大排檔，基本上都會見到黃翊。暫且不說黃翊，說一下陳村粉，《三小姐海鮮小菜》有5款家鄉陳村粉，選了肥牛。不過肥牛陳村粉因為無乜汁，所以感覺有點乾爭爭，建議可以吃其他口味應該會比較Juicy好味。不妨考慮試一下蒜蝦或者蝦醬豬頸肉，陳村粉配上了蒜蓉或者蝦醬感覺惹味。

兩大缺點 : 上菜奇慢 + 食物冇乜味我地8點坐低，叫左炸大腸、油鹽浸菜心、蒸黃花魚同埋啫啫雞煲，等左30分鐘都未黎，三催四請，終於8點45分先有第一道餸，離譜。炸大腸冇味，又乾，寧願去車仔面檔食。菜心中上，其實好難唔好食。黃花魚鮮，但出奇豉油係勁淡味，點做到？啫啫雞，唔夠濃味，乾，冇乜汁，雞肉唔入味。應該冇下次

揸車去大埔街市食『三小姐』好方便，泊車好車搭lift上去，真係落雨都不怕！三小姐已經幫襯過好幾次了，但今次係唔洗排隊直接入座，可能係平日掛。四個人食，叫左6個餸，樣樣都好足料，食到好飽。排骨陳村粉：陳村粉好食，可惜排骨就骨多過肉、炸大腸：味道幾好，保持到水準、黃金蝦：好大隻蝦，味道不太咸、啫啫魚雲煲：味道幾好，除左內有魚雲，仲有豬潤、千島骨：夠晒火喉，不會太肥膩。

一行三人有期望咁去好失望咁走，絶對冇下次！楊州炒飯$68極度難食，無味，冇鑊氣，炒飯連啲飯都未炒開仲有啲一嚿嚿，雞蛋小到幾乎冇！(其實可能真係冇)黃金蝦$128好求其，啲蛋黃波子咁大粒咁擺喺側邊，做唔到起沙嘅效果，剝咗殼之後裏面完全冇味，連係背脊𠝹一刀都懶，唯一可取嘅係啲蝦都算新鮮蒜蓉豆苗$78成兜水，好少蒜蓉，豆苗唔靚好大條檸檬蒸烏頭$78一般，冇檸檬味，唔知點解用咗柑橘代替檸檬，可能係啱啱過完年😅

聖誕節放假，同屋企人去完工展會同元朗，已經差唔多到晚餐時間，自己最近有興趣想試下熟食中心啲餐廳，回程時特登經過大埔，見到三小姐好多人，好似幾好，就入去試下。去到幾乎唔使等，啲侍應好有效率，好快就執好張枱。叫咗酥炸生蠔，土魷蒸肉餅，椒鹽九肚魚，香煎黃花魚，臘肉糯米飯同埋一碟時蔬。炸生蠔好大隻，炸得鬆脆，好好食，。土魷蒸肉餅超好食，肥瘦肉平均，肉汁足夠。椒鹽九肚魚ok 啦，香煎黃花魚第一次食，好好食。糯米飯同埋時蔬分量足夠。自己亦食咗幾碗白飯，好滿足。環境有點似大排檔，不過乾淨；食飯期間不斷聽到侍應招呼食客，好有禮貌，好有街坊feel. 總括而言，價錢合理，好好食，分量足夠！ 有機會會再返嚟。