三小姐海鮮小菜

營業中

休息中

聖誕節放假，同屋企人去完工展會同元朗，已經差唔多到晚餐時間，自己最近有興趣想試下熟食中心啲餐廳，回程時特登經過大埔，見到三小姐好多人，好似幾好，就入去試下。去到幾乎唔使等，啲侍應好有效率，好快就執好張枱。叫咗酥炸生蠔，土魷蒸肉餅，椒鹽九肚魚，香煎黃花魚，臘肉糯米飯同埋一碟時蔬。炸生蠔好大隻，炸得鬆脆，好好食，。土魷蒸肉餅超好食，肥瘦肉平均，肉汁足夠。椒鹽九肚魚ok 啦，香煎黃花魚第一次食，好好食。糯米飯同埋時蔬分量足夠。自己亦食咗幾碗白飯，好滿足。環境有點似大排檔，不過乾淨；食飯期間不斷聽到侍應招呼食客，好有禮貌，好有街坊feel. 總括而言，價錢合理，好好食，分量足夠！ 有機會會再返嚟。