三小姐海鮮小菜

營業中

休息中

這一次，可以說是我第三次來訪因為歌手黃翊而馳名港九新界的《三小姐》了。第一次來，與兩位好友為舉行飯局牛刀小試。第二次就搞了當年的一次窮鬼飯局。本來仲有一次機會，是窮鬼飯局的更新版窮L飯局，但我早已經因為以家庭為重的原因而沒有出席。這一次，因為太太的兄長要宴請各親戚，要開兩圍，我們就捨棄了酒樓的什麼1488餐。大伙兒來到街市的《三小姐》，開大餐。 外國生活了很久的兄嫂一家人，尤其對在成都長大嫂子，香港的大排檔/熟食中心，對她來說是一件非常新鮮的事情。此時我才覺得，太太兄長堅持要在街市設宴，原來是有原因的。此外，太太家人差不多有一半人是茹素的，當初大家都怕店子沒有素。後來店員說，可以 off menu 點叫。不過我們都只是半 off menu 地叫，好多只是叫了原本有肉配搭的豆腐菜式走肉而且。紅燒豆腐的素食版，只用了雜菇同西蘭花伴之，再加了一個豉油茨汁，已經夠味道。豆腐走一走過油，外皮帶脆，內心嫩滑，很是不錯。 炸豆腐也是一個非常脆的食品，走了蒜，味道來得更清新甜美。 粉絲什菜煲，要求了全素之後，店方做出來的煲顯得份外的清淡，素食的太太同阿姨們，都覺得啱胃口。 南乳粗齋煲，要做得好味一定要

因為明星效應的關係，所以我先黎呢度食野。夠竟它是名副其實還是名過於實呢？咸旦時菜肉片湯湯係好清甜的，而且用料十足，用湯渣送飯都夠食的感覺. 裡面有菇，有菜，有肉片，豆腐⋯用料係幾新鮮既，菜沒煲到過腍，保持到爽口的感覺. 最意想不到的就係當中的肉片，超級爽口彈牙，於是我狂食左幾舊. 黃金蝦顏色唔錯，咸蛋黃包圍住, 味道也很好. 可惜蝦殼沒有好好的剪下，有啲尖刺位還留著，食的時候要小心啲。蝦肉入味的程度差少少，不還算過得去。海鮮雜菜煲這個煲都係十分足料，菜同菇佔大部分，而唔係粉絲。千島骨千島骨故知然就係沙拉骨啲朋友，同千島醬炒肉排，比用普通沙律醬更為香. 夾咗一個落碗，啲千島醬嘅氣味已經攻上鼻，從而佔領了整個鼻腔. 肉質是腍，炸的火喉也恰到好處. 酥炸鮮魷用料新鮮，而且炸得好脆口，係最快清哂的一碟。P.s. 小編在走之時還見到黃翊呢。

介紹朋友一行8人到三小姐食食物難食，慘被問責非常失望，希望加以改善。!如圖，炸大腸唔脆雞，又老又鞋炒蛋，老過老雞，120成熟咕嚕肉物非所值以上全是當晚食客意見。

聞說三小姐是一位以前的明星開，雖然不知道是誰，但這是我老公告訴我的，哈。這間餐廳在大埔街市內，環境就是本地熟食中心的感覺吧，可惜在進食其間，隔離枱有兩位先生食煙⋯ 害我們不太享受食物，想快啲食完走人。叫三餸一甜品，侍應服務一流，有介紹，有禮貌，不過其實店舖都好多招牌菜，我叫了椒鹽雞軟骨，椒剁魚雲，豬頸肉陳村粉，椰皇燉奶。椒鹽雞軟骨，一上枱個下可能太餓，一開始都覺得好味，食落又覺得好膩，因為份量都好多下，椒剁魚雲都好食架，少少辣，不過食得多魚油都有啲漏，豬頸肉陳村粉好食，佢係用蝦膏整，啲汁流哂落啲粉度，但豬頸肉有少少偏咸。最後最值得一提當然是那個椰皇鮮奶，好賣得，所以要一早叫侍應留定，但其實都貴，成45元一個，不過的確是好味，啖啖椰皇水滲入滑滑嘅牛奶🥛當中，齒甲留香

黎到大埔既熟食市場，小編既打冷首選一定系呢間三小姐海鮮小菜。究竟三小姐有幾西利？佢既店位系佔左熟食市場既三份一位置，仲要成日黎到都見佢爆場咁制。睇下下圖幾多人就知啦Σ（ﾟдﾟlll）黎到食物方面啦，第一碟介紹既系 脆皮炸大腸(hkd$78) 。三小姐招牌菜之一，即叫即炸，色、香、味俱全。雖然有菠蘿氈底，但份量都吾少架，值得一試(=ﾟωﾟ)ﾉ第二碟介紹既系 千島骨(hkd$78) 數件排骨沾上滿滿的秘製千島醬，送飯一流！第三碟介紹既系 魚香海鮮燒豆腐煲(hkd$88) 呢碟純粹系小編鐘意食燒豆腐、海鮮，所以先點！無乜特別之處，普普通通，吾系太入味，過得去啦！(˶‾᷄ ⁻̫ ‾᷅˵)最後要介紹既系 籠仔糯米蒸蟹(hkd$128) 用蒸既方法將蟹既鮮甜味完全滲透落糯米之中，單憑香味已經令小編垂涎三尺，食落真系幸福至極呀！黎呢到必叫，雖然系有少少貴，但試一次都好吖，極力推介٩(˃̶͈̀௰˂̶͈́)و

買外賣俾錢個陣阿哥仔同我講等7-8分鐘，我等到十五分鐘忍唔住追單先話幫我跟，原來係另一邊個舖面出咗無人理。期間覆咗三次叫咗咩食，最後攞到返屋企發現都係俾錯，打去問佢仲話俾咗碟貴嘅我係賺咗，我真係多謝你呀

同朋友係大埔踩完單車，唸起附近有一間由名星黃翊開的飯店，一來就先叫了天麻魚頭湯，朋友極力推薦天麻驅寒，湯底落足料呀！好多魚雲，豆腐。之後叫了椒鹽鮮魷，皮非常脆口而且魷魚超大件，反而招牌推介的醬烤骨比較普通，醬汁炆得唔夠入味、而蝦醬陳川粉的蝦太梅，好像用了死蝦，陳川粉都不夠汁，而粉絲雜菜煲不過不失。最後點了甜品椰皇燉鮮奶是最好吃的，超滑，連椰肉都吃埋。最後還跟弟合照了一張！個人認為食物質素可以有進步空間！

白菜豬肺湯，裏面的白菜煮得很軟爛，豬肺洗得幹凈，喝起來不腥菠蘿咕嚕肉，味道不錯，酸酸甜甜，肉外脆裏嫩排骨陳村粉，醬汁不油膩，粉很滑很筋道，非常好吃！椒鹽豆腐，椒鹽九肚魚，椒鹽鮮魷魚，三種菜做法都差不多，都是炸制的，味道還不錯，魚新鮮度ok

喺大埔火車站附近搵食, 懶得行, 又唔想食商場連鎖店, 於是就黎左街市樓上嘅熟食中心。7點半黎到,雖然唔洗等位,但都幾乎滿坐。 我同兩老,一行3人,點左三個小菜 (醉豬手, 豆卜咸菜煮沙猛, 菜膽雞)。上菜超快, 先黎係醉豬手,亦係我最鐘意嘅一味, 多皮少肉,凍食一D都唔會膩,重特別彈牙,好有口感, 食落有好重酒味,正!豆卜咸菜煮沙猛(魚), 個人覺得魚都係蒸/煎/烤比較好食, 煮魚一向唔係我杯茶,加上咸菜有點過咸, 影響左成個餸。 菜膽雞, 雞嘅表面淋左一層薄薄嘅透明芡汁,反曬光咁, 賣相相當唔錯。呢味看似簡單嘅餸,我都有D要求架, 第一! 一定要夠熟, 咁先食得放心。 第二! 千祈唔好有碎骨。 大家可能都試過,食雞咬中碎骨!!真係分分鐘牙都崩架,睇牙醫重貴過餐飯呀陰公豬。呢度嘅菜膽雞兩項都達標,隻雞夠曬熟又唔會過龍,師父刀工好無碎骨。埋單3百幾,食個便飯,不過不失啦。

一行8人一心諗住食羊腩煲，一煲$278，每人食唔到一舊羊肉，汁多肉少得可憐，諗住食完羊跟手用羊汁打個邊邊，居然話星期六日驚番唔到枱所以唔比打邊邊，其他餸又貴又份量少，認真冇下次😡😡😡😤😤😤

住大埔gei同事話響大埔做野點可以唔使三小姐,結果我地成班人1個鐘頭晚飯都要趕出去食~由於一行都有成8個人所以我地都叫左唔少野,首先地膽話一定要食蝦醬豬頸肉陳村粉梗係order左先~呢個陳村粉零零舍舍用蒸籠上,好特別,食落就知道用蒸籠可以鎖住D水份湯汁,真係每一口都係熱辣辣~~以為蝦醬會好濃味,結果呢個陳村粉都幾清,豬頸肉索左D蝦醬所以好香,佢又唔會太難咬,蒸得剛剛好~而陳村粉因為有荷葉襯底,所以入口有陣陣荷葉香,仲有微辣,加上滑溜口感,真係好特別!之後我地就叫左一大堆香口野~~好似椒鹽蝦碌佢D蝦真係好大條,啖啖肉,好惹味,不過美中不足就係D肉略嫌粉左D,新鮮度不足椒鹽豆腐就正啦~~一上檯已經好香~上面D碎碎先係精華所在,豆腐炸得剛剛好,出面好脆,裡面D豆腐仲係好滑~一口size方便我地極速掃食~椒鹽鮮魷好大舊~好彈牙,而且鮮味好重~每次食小菜我都會食金沙骨,今次我就試佢D朋友-千島骨,佢真係全部都係骨,所以食到的肉唔算多,不過換成千島汁之後甜度提升左,感覺無咁肥膩都幾正~~至於金菇肥牛煲真係抵食,分量非常多,而且有好多金菇同肥牛~不過肥牛未夠入味,粉絲都比較碎.大家要食菜的話.一定要

同事推介了這間位於大埔熟食中心的檔口,來到時大概7點已差不多滿坐,想不到由明星老板親自帶位,哈哈。總共叫了四道菜式,有上湯金銀蛋浸白菜仔,鮮炸花枝丸,腰果鷄軟骨,還有咕嚕肉。加上Apple Cider更透心涼。花枝丸鮮炸,很香口。另外,上湯浸白菜仔份量夠大,不錯。腰果鷄軟骨新鮮香口,鷄軟骨夠大粒有咬勁。咕嚕肉很大塊,給友人清光光,我就負責吃菠籮。來大排檔吃就是要有風味有鑊氣才更地道,是朋友聚會的好地方。

難得夜晚可以去大埔食飯上一次嚟已經起碼3/4年前今次同男朋友叫咗3樣野炸豆腐 一流個沙拉骨勁大碟再加碟菜就岩岩好！樣樣都份量十足我哋根本食唔曬！有機會要搵多啲朋友再一齊嚟咁就可以食多幾款小菜喇

今晚約了舊同事嚟食飯，叫了西檸雞、椒鹽九肚魚、豉椒炒蜆、豉椒聖子、魚雲煲。但椒鹽九肚魚淋身、椒鹽味又欠奉，完全唔香唔脆兼無味。魚雲煲更加差，魚不新鮮帶魚鯹味、粉又厚食唔到魚肉，炸得亦不香口，失敗。豉椒炒蜆有沙，唔惹味，唔好食，未試過食剩咁多。豉椒聖子係爽口，但味道亦都不惹味可口，好失望。

距離上次來的時間大概已經兩個月, 這次幫襯另一間這裡有名的”三小姐”, 我們自備了白酒, 而這種大排檔嘅好處係唔會收你開瓶費, 無論客4開幾多支都無所謂, 因為現在大部份西餐廳收開瓶費一般都不少於一百, 我等窮鬼買的酒頂多8-90, 開瓶費重貴過支酒, 所以一般不會自備酒好耐了, 當日叫咗這店招牌之一, 冷盤$78係以一些我地小時侯喺街邊那些凍食小吃檔口賣的紅腸,生腸,大腸,鴨腎之類的大集會, 算係懷萏野之一, 看其他客人的食評似乎唔係咁多人叫呢個小食冷盤咁, 好少人寫呢碟嘢, 食物一早已經雪定夠凍之餘在上面唧上芥辣同甜醬又紅又黃咁而且唧上去睇落個樣都升咗級啦, 而氐甜同少少辣本身幾夾下, 友人B雖然話芥辣攻鼻但就夾個不停, 佢話要云殲滅佢先可以停, 又係嗰種I HATE U I LOVE U心態! 沙薑雞腳$48, 有點淋過頭不過都可以啦!豉油皇海中蝦$128 呢個比較上貴但出品欠理想, 蝦尺碼也細, 蝦殼有點軟, 豉油味亦入不到蝦肉, 蝦本身也不是好新鮮, 致蝦味也不足, 稍為失望的一品,豉椒炒蜆$78 個炒蜆獻汁夠濃味, 所以個蜆係咩味都無所謂, 只要蜆本身係新鮮貨自然好味,春卷