三小姐海鮮小菜

營業中

休息中

買了聖子、蝦、青口、北寄貝拿去加工：蝦煮豉油王炒蝦碌，味道還好聖子煎米粉底，米粉又濕又淋，唔掂青口無清走條「草」，味道還好北寄貝蒜蓉粉絲蒸 - 竟然打橫對半片開，內裡污糟的東西無洗走，所以非常懷疑整體餸菜的衞生。覺得頗為失望，曾有朋友推薦，當時未能及時來吃。但我估現在係已轉手，因招牌下多了另外一個名字。

六個人食晚飯喺樓下街市買咗九節蝦，鱲魚去三小姐加工叫咗🥢豉椒炒蜆蜆冇沙，唔算好鮮甜，正常發揮冇乜特別。🥢上湯大蝦伊麵(自備九節蝦)大蝦自己買嚟加工，廚房將蝦走過油，面就比較腍，上湯底偏鹹。🥢啫啫通菜雖然偏鹹，但係啲蝦乾炸得好香脆，份量都好多。🥢蒸鱲魚(自備鱲魚)條魚自己埋嚟加工，唔會蒸到過老，正常發揮。🥢荷葉蒸雞糯米飯成晚呢道菜叫最好食，雞幾嫩滑，糯米飯索咗雞汁加埋淡淡嘅荷葉幾好食 😋三碟餸都有啲過鹹，水準有點下降，但埋單唔計加工，四百尾五百有找，尚算幾抵食。

大埔行完山之後要食飯，帶屋企人去大埔街市搵野食，之前上網睇定話三小姐都幾好，就帶佢哋去醫肚了。6點前去到大把位，店員好熱情拉我哋入嚟。我哋試左幾樣大牌檔必食，埋單每人唔洗$200。滷水拼盤 4/5魷魚豬耳生腸大腸雞腎，爽脆入味，配啤酒🍺一流。椒鹽魷魚鬚配九肚魚 5/5本身諗住如果一樣一碟會太多，店員好熱情，咁樣建議可以雙拼咁就可以雙重滿足😌。的確都好大碟，炸得熱辣辣，外脆內軟🦑。金銀蛋花莧菜 4/5經典茶樓菜式，正常發揮，味道足夠，送飯🍚一流。蒜蓉粉絲蒸蟶子 4/5蟶子都新鮮，但係唔算大隻，洗得乾淨無沙👍🏻。金蒜大蝦蒸陳村粉 4/5 食之前要大兜亂，如果唔係會唔夠味，陳村粉係冇乜味，要倚靠蒜香同埋蔥香去撈埋一齊食，鮮蝦都係得四五隻，仲要開邊，但可以一試無妨。地址:關於大埔街市2樓，附近都好多餐廳食肆，師傅可以去樓下街市買海鮮上嚟煮。環境:熟食中心相對環境比較污糟，接受程度要相應提升，但係勝在有冷氣。座位之間比較擠迫，枱比較細。價錢:人頭唔使$200 ，仲飲咗兩支啤酒。服務:熱心幫助，協助我哋落單。

識人拎海鮮，十四個人，book 咗晚飯，帶海鮮加工。叫咗沙薑雞腳，好食到無得彈，幾乎要每人食三隻先得因為太搶手，影唔切仲有個炸腩，好食到爆，唔計海鮮，呢個腩已經幫間舖加好多分到海鮮，七款，加工得超好食，係超越酒樓，唔計海鮮新鮮，真係好有心機去相唔多講，加埋我哋飲啤酒，好盡興下次會再來

由於嗰日晏晝去飲，食咗好多肉，結果夜晚嚟呢間，見到枱面咁多食物，其實都有少少驚，不過叫咗一大鍋羊腩煲，不算太多人吃，我還是踴躍試一試，太大件的羊腩，不過其實，下邊的Gas爐一直燒着，羊肉有難免會越煮越老，到後來更加難吃得開，不過它的羊腩本身也不算太濃，味道不算太據羊羶香。而且個蒜蓉蒸蝦陳村粉，因為我本身這幾天都不算特別肚餓，它又沒有太吸引，陳村粉闊得來都有點長，因此不太肚餓的我，不覺得特別吸引炸普寧豆腐是半三角形的狀態，一個個三角形的脆炸豆腐，香口，想不到小嬰兒竟然伸出小手拿起小粒炸蒜來吃，真過癮。平時都不太喜愛這種燉的甜品，不過這次這個椰皇燉鮮奶，味道不算太甜，又帶點溫度，吃落相當暖身，亦都可以用小匙羹刮椰皇內側的肉，相當清爽。其實這間小菜和之前那個昔日歌手的那間三小姐還有沒有關係呢，我也一頭霚水，不過這次是因緣際會，大家的家中不適合吃晚飯，才會扶老攜幼晚上來熟食市場而已。

我今次要同大家講講，話你知我喺《三小姐海鮮小菜》食嘅感受。首先，個陳村粉嚟㗎，我揀嘅肥牛版本仲可以啦，不過係種乾爽嘅口感，下次我會揀蒜蝦或豬頸肉試吓，想必會更加惹味啲🍜！坐低來，環顧四周，呢條街市熟食區热热闹闹，好有街坊feel㗎！餐牌一大排，每款可以話都係惹火我嘅食慾呀😋。除咗醬燒骨比較普通，我覺得炸物系列真係㨂得好，脆到彈牙，真係好味到喊。講到炸桶蠔呀，佢嘅鮮味可能唔夠突出，但個表皮炸到口感一流。炸花枝丸就乎合我期待，輕輕咬落，個花枝彈性十足，咁有勁嘅彈牙度真係值得讚。蒸糯米飯蒸蟹味道唔錯，不過蟹味稍嫌遜色，可能非峰季所至。招牌雞呢，真係做得出色👍，幾多人食都一清二楚。對於失誤嘅醬燒骨，老板積極回應改進態度係好正面，叫人欣賞。最後，講下個鼓油皇炒麵，味道夠濃，算係中規中矩。普普通通一餐，但細細嚼味，都感受到三小姐用心啲家傳秘方。總括嚟講，個價錢你話平心惠，我話滋味滿分。下次探店，記得要試埋其他啲小菜喎！🍴

溫馨提示：五六日，提早book定枱位於大埔街市，平民大排檔小炒店風味非常地道就連金磚豆腐都是自家製的，外脆內嫩，相當有誠意。出名嘅（龍仔蝦）都是必食之選香糯嘅飯底，面頭配上蒜蓉開邊鮮蝦，味道香濃，隨荷葉香氣漂升，及罕有籠仔賣相，非常值得一試。另外認為幾特別嘅菜式係Wasabi手撕雞估佢唔到落咁重手嘅Wasabi味，入口即刻攻鼻，不過配上嫩滑雞，給清爽青瓜，開胃菜最適合。排骨陳村粉欠缺本土應有陳村粉味，味道較淡，需額外上豉油。。。所以有待改善千島骨肉身軟腍，千島醬相當不錯，也是必叫總括，人均130左右，八款菜式八個人。大排檔你講分量都相當適合，性價比高。可再一戰👍🏽👍🏽👍🏽👍🏽

坦白說，兩種感覺都有。叫人驚喜的是糯米蝦🦐，叫人失望的是OpenRice熱門排行榜首居頭三的千島骨😿一向都喜歡食沙拉骨的我，認為呢碟真係比較遜色，唔明白點解會係熱門，睇見隔離枱有更多菜式，例如：燒乳鴿、黃金魚皮、水煮牛肉、雞煲都好吸引！講返碟千島骨，賣相一般，一放落口…唔熱既🥲呢樣真係唔得，而且似炸左好耐咁偏老👎🏻最後我都冇食晒剩低左至於糯米蝦，原本我哋係想叫陳村粉做蒸底，不過沽清就試下飯啦，荷葉嘅香味同蒜蓉蝦的鮮甜味滲晒落個糯米飯裡面🤤🤤夾埋中間嘅蝦米同肉粒一齊食，啖啖的口感👍🏻 唔單止🦐🦐🦐佢啲開邊蝦大隻之餘仲有蝦膏㗎😍真係食得好爽！豆苗就冇咩特別，蒜蓉加油炒，夠大碟，冇咩好評價了

It is inside the wet market, quite convenient and you can go there from Tai Po Market station for 5-10mins.You can’t expect a lot for the staff and environment there for a wet market place. Food there is great and not expensive. You can also have a wide range of selections of food.豉椒炒蜆 is quite nice and tasty, and the flavouring is good椒鹽豆腐 does not have taste at all, we think the chef even did not put salt沙拉骨 is soso and the sauce is not that good腐乳炒通菜 is just normal.黃金九肚魚 is nice and the taste

早幾日和朋友行完大埔花🌸🌻🌼🌺展，朋友見議就去大埔墟街市市政大樓食“3小姐“小炒，佢之前食過話ok 嘅。當我們去到，話 book 左枱，坐落去有位亞姐幫我們點菜，但佢圍裙係寫“銘仔記“的，就以為坐錯枱，佢解釋話3小姐年紀大啦，要休息吓，張個名夾埋一齊做喎，我就諗唔緊要啦，最緊要食物質素好， 她就推介他們的招牌菜，介紹左黑椒🐽手+ 墨魚滑芫茜餅（佢話有魚肉和芫茜煎嘅餅），反正幾位靚師9 都唔抗拒芫茜，就點佢和以下小菜：墨魚滑芫茜餅（$88）-呢個真心講唔掂，只有好像一塊釀滿粉漿的芫茜餅上放滿芫茜，一點也吃不到什麼魚肉或黑魚滑囉（中伏）豆腐支竹煲- 豆腐唔新鮮，支竹又唔林黑椒🐽手- 這個還可以，好重黑椒味 黑椒🐮仔骨-牛仔骨比較韌椰皇燉蛋-蛋唔夠滑，又決有椰香味總括來說。。。真有點失望，希望他們能改善食物質素，但值得一讚，是他們的服務態度非常好

嚟到假期嘅第三日，我哋終於可以行遠少少，入去 #大埔 行吓同食吓🍽 雖然今日無咩收穫，不過第一次喺鬧市中比我見到 #白鷺 飛到樹頂、#夕陽 喺河上嘅倒影... 可惜無相機喺手、手機嘅感光又太差👉🏻👈🏻 只好一一記喺腦裡面✨早幾個月 #大埔墟街市 樓上 #熟食中心 裝修， 我哋原定年頭嘅 #三小姐晚飯小菜 #飯局 終於成事🤪 我哋未夠6:30已經嚟到，當時 #客人 唔太多。我啲朋友一心想嚟食嘅 #椰皇燉鮮奶、#白灼鵝腸 通通都無貨😅 #小食冷盤 都因為疫情，#小二哥 話暫時無提供😅 不過一場嚟到，無理由唔幫襯就走人，#小秘書 就跟 #菜牌 上嘅 #3小姐美味推介 叫咗個 #芝士焗大蝦 配 #伊麵，朋友仔就另外再加咗 #啫啫雞煲、#椒鹽鮮魷，仲有 #豉椒炒蜆🤤 #芝士焗大蝦 做得都幾有水準，最緊要係啲 #蝦 🦐夠 #新鮮、咬落去 #好爽口，而 #芝士汁 又唔會太膩🤤 不過個 #啫啫雞煲 就認真麻麻，師傅煮得有啲過火，上枱嘅時侯又唔覺有 #醬汁 喺煲裡面 #卜卜跳 嘅感覺... 失望🤪 好在個 #椒鹽鮮魷 同 #豉椒炒蜆 都仲可以，不過我始終都係鍾意以前 #3小姐 嘅 #鑊氣小炒 多啲😉

去街市樓上食野，唔會有咩期望。但係鼓椒炒蜆一入口令人刮目相看，d蜆鮮味唔在講，食落仲好有鑊氣。第二味菜我點咗勝瓜炒尤魚。水準比一般茶餐廳好食。然而，大打折扣位係碗碟很大浸漂白水味。

聽朋友講起三小姐好耐，但一直未有機會踩入大埔。嗰日我地喺大學傾完嘢，男友提議不如入大埔搵食，咁我就即時醒起可以去吓三小姐食小菜喎！我地都係第一次上去大埔市政綜合大樓熟食中心，環境都幾寬敞，光線充足，冷氣都非常夠，令我對熟食中心嘅既有印象完全改觀！唔知係咪因為仲有限聚令嘅關係，熟食市場唔算太爆棚，起初都很擔心搵唔到位。點知一去到就即刻有位，好開心！仲見到黃老闆真身！我地點咗椒鹽九肚魚、酥炸蠔餅同埋啫啫生菜煲。三小姐名物「椰皇燉鮮奶」則後上。三個小菜都熱辣辣地上枱，好有大牌檔嘅風味，份量嚟講都好夠，只係九肚魚比較瘦身，或者唔係當造時候？三小姐名物「椰皇燉鮮奶」果然名不虛傳，椰味濃，鮮奶滑，很有驚喜！完全中和咗小菜嘅熱氣感覺，滋潤番個味蕾，並為這頓晚餐寫上完美嘅句號！

今天家人專程來大埔支持黃翊老闆。一向不喜歡到大排擋食飯，因為覺得環境和洗手間衛生程度差。因為腰骨不好，大排檔通常坐沒椅背的櫈子，坐得久了腰背痛。但我家長輩好想來捧老闆場，也入來大埔墟一試。入到市政街市熟食中心，發現環境都打理得乾淨，還有很多其他食肆可選擇，洗手間也衛生環境算不錯。原來有部份櫈是有椅背的，老人家坐得舒服。餐牌價錢相宜，可以叫多幾款菜式。椒鹽九肚魚：食落唔覺油膩、很脆生炒骨：不錯，好多塊肉三小姐小炒王：入面有菜甫唔太咸蒜蝦陳村粉：因為叫蒜蓉蝦，陳村粉就唔會油淋淋。若果多點蒜蓉味就更好食。紅燒乳鴿椰皇燉鮮奶：好滑又少甜、有椰香味的燉鮮奶。好可惜，店員話已經冇左流心芝士丸。希望下次來有得食啦！食完冇話好口渴都ok員工都好好人，一叫即到。幸運地見到黃老闆，很熱情又有禮，好開心可以和他合照。

Weekend去咗行山,由城門水塘行到去大埔已經好肚餓。於是去咗大埔熟食市埸搵野食，聽聞lee間食肆都唔錯，於是就坐咗喺度食嘢。我哋order咗菠蘿生炒骨、海皇雜菜煲、鼓椒炒蜆丶豆鼓帶子蒸豆腐同埋金銀菜燉豬肺湯。首先講吓個湯先一D味精都冇好清同埋好足料有好多豬肺同白菜，好好飲個份量有8碗咁多，大家遇到有lee 款湯可以試下。至於雜菜煲同帶子蒸豆腐都ok,好似住家菜一樣有媽媽既感覺,鼓椒炒蜆同生炒骨都同出面差不多，味道唔差。4餸1湯500蚊有找價錢合理。