三小姐海鮮小菜

「三小姐銓仔記」，一間主打海鮮和家常小菜的小店，在大埔墟熟食中心默默為街坊提供美味港式餸菜。乘搭自動電梯到達2樓熟食中心，花少許時間才能找到此店，原因它的位置差不多在中心的盡頭，用「默默」來形容最適合不過。今晚是公眾假期翌日，只有8枱食客，在目前經營環境困難時期，已是不錯。相約老友在地下街市購買少量海鮮，扇貝、花甲、青斑，交由店家代煮，再追加幾味小菜，加兩枝啤酒，可以傾足幾個鐘。蒜蓉粉絲蒸扇貝每隻掌心大的扇貝都鋪滿金黃蒜蓉蓉和粉絲，粉絲完全吸收鮮味，蒜香撲鼻。火候控制得相當不錯。扇貝肉質鮮嫩多汁，粉絲吸收了扇貝與蒜蓉的精華，鹹香帶甜，令人回味。豉椒炒花甲豉椒醬汁濃稠得恰到好處。每隻花甲如張口貝殼，肉質肥嫩無沙，鑊氣穿透殼隙，青紅椒與洋蔥的甜脆平衡厚重滋味，做出大排檔風味清蒸青斑蔥絲薑絲加上蒸魚豉油，沒有奪走各自味道，而是提升魚的鮮味，最妙是魚腹處的膠質黏唇，魚眼晶透。鮮和滑無可挑剔，時間掌控盡顯廚師的功力。煎蠔餅非麵粉厚重的台灣蚵嗲，而是潮式酥脆路線。雞蛋與薯粉形成蕾絲邊脆網，小生蠔如珍珠散落，蘸魚露提鮮，停不了筷子的舞動。菠蘿咕嚕肉這道傳統小菜做得出色，外層炸粉香脆，豬肉入味不乾柴。醬汁酸甜適中，伴以菠蘿粒提鮮，外殼脆如糖衣，內裡肉汁奔流。新鮮菠蘿與青黃甜椒解膩，酸甜平衡勝過不少大酒樓。蠔仔粥米粒化作綿密湯底，蚵仔飽滿與芹菜冬菜配搭，互相輝映。湯底帶有海鮮的鮮味而不腥，灑上蔥花與白胡椒粉後更添美味，是一道暖胃之選。餸菜的味道保留了食材本身的風味，調味不過火，令人滿意。價錢合理，氣氛親切，是一間適合與家人朋友共享海鮮晚餐的好選擇。…查看更多

買了聖子、蝦、青口、北寄貝拿去加工：蝦煮豉油王炒蝦碌，味道還好聖子煎米粉底，米粉又濕又淋，唔掂青口無清走條「草」，味道還好北寄貝蒜蓉粉絲蒸 - 竟然打橫對半片開，內裡污糟的東西無洗走，所以非常懷疑整體餸菜的衞生。覺得頗為失望，曾有朋友推薦，當時未能及時來吃。但我估現在係已轉手，因招牌下多了另外一個名字。…查看更多

六個人食晚飯喺樓下街市買咗九節蝦，鱲魚去三小姐加工叫咗🥢豉椒炒蜆蜆冇沙，唔算好鮮甜，正常發揮冇乜特別。🥢上湯大蝦伊麵(自備九節蝦)大蝦自己買嚟加工，廚房將蝦走過油，面就比較腍，上湯底偏鹹。🥢啫啫通菜雖然偏鹹，但係啲蝦乾炸得好香脆，份量都好多。🥢蒸鱲魚(自備鱲魚)條魚自己埋嚟加工，唔會蒸到過老，正常發揮。🥢荷葉蒸雞糯米飯成晚呢道菜叫最好食，雞幾嫩滑，糯米飯索咗雞汁加埋淡淡嘅荷葉幾好食 😋三碟餸都有啲過鹹，水準有點下降，但埋單唔計加工，四百尾五百有找，尚算幾抵食。…查看更多

大埔行完山之後要食飯，帶屋企人去大埔街市搵野食，之前上網睇定話三小姐都幾好，就帶佢哋去醫肚了。6點前去到大把位，店員好熱情拉我哋入嚟。我哋試左幾樣大牌檔必食，埋單每人唔洗$200。滷水拼盤 4/5魷魚豬耳生腸大腸雞腎，爽脆入味，配啤酒🍺一流。椒鹽魷魚鬚配九肚魚 5/5本身諗住如果一樣一碟會太多，店員好熱情，咁樣建議可以雙拼咁就可以雙重滿足😌。的確都好大碟，炸得熱辣辣，外脆內軟🦑。金銀蛋花莧菜 4/5經典茶樓菜式，正常發揮，味道足夠，送飯🍚一流。蒜蓉粉絲蒸蟶子 4/5蟶子都新鮮，但係唔算大隻，洗得乾淨無沙👍🏻。金蒜大蝦蒸陳村粉 4/5 食之前要大兜亂，如果唔係會唔夠味，陳村粉係冇乜味，要倚靠蒜香同埋蔥香去撈埋一齊食，鮮蝦都係得四五隻，仲要開邊，但可以一試無妨。地址:關於大埔街市2樓，附近都好多餐廳食肆，師傅可以去樓下街市買海鮮上嚟煮。環境:熟食中心相對環境比較污糟，接受程度要相應提升，但係勝在有冷氣。座位之間比較擠迫，枱比較細。價錢:人頭唔使$200 ，仲飲咗兩支啤酒。服務:熱心幫助，協助我哋落單。…查看更多

識人拎海鮮，十四個人，book 咗晚飯，帶海鮮加工。叫咗沙薑雞腳，好食到無得彈，幾乎要每人食三隻先得因為太搶手，影唔切仲有個炸腩，好食到爆，唔計海鮮，呢個腩已經幫間舖加好多分到海鮮，七款，加工得超好食，係超越酒樓，唔計海鮮新鮮，真係好有心機去相唔多講，加埋我哋飲啤酒，好盡興下次會再來…查看更多