三一餃子 (通菜街)

營業中

休息中

星期六出開旺角， lunch 時間想食餃子又想食烏冬，就去左附近通菜街的「三一餃子」，地方不算大，坐位算闊落。粟米豬肉餃煎餃粟米豬肉餃，入面粟米大大粒都算多，咬落去配埋豬肉甜甜地，幾好味，又煎得香口。餃麵- 鰹魚昆布湯烏冬配招牌餃子貳餃子是薑蔥餃子，香蔥味濃，濃哂肉汁，烏冬不算太多，但很煙韌，配上鰹魚昆布湯， 都算幾夾。冰花炒手煎韭菜豬肉餃，啖啖肉，好香口上面有好多蔥花同蒜蓉，非常惹味。三一炸雞炸雞肉算大舊，肉質嫩滑，炸得香脆。

中環人氣餃子店「三一餃子」而家係旺角試業中😍身為餃子控一定要去試下！中午時間黎到見到都坐滿人咁濟😋間舖環境舒適光線充足，而且食物上得好快，啱曬平時附近番工嘅上班族🤭🔻餃子分別有煎餃、湯餃、餃麵同特餃😛有幾樣味道，例如係麻婆豆腐素肉餃、韭菜蝦皮豬肉餃等，樣樣都好吸引😋🔻分別叫左個黑白松露豬肉煎餃（$48/8隻）同埋招牌餃子貳號湯餃（$44/8隻）佢嘅煎餃係有層冰花係面頭，食落香脆可口，黑松露味都好出😍👍🏽湯餃都好特別，因為佢有個秘製湯底，味道好濃郁，都好出色😸下次再黎嘅話就會試埋佢嘅餃子大阪燒🤤即係用餃子整到好似大板燒咁，應該好好味😜🔻另外仲試左佢嘅醉炸雞翼（$35/5隻）食落真係有啲酒味，好香脆，又唔會好油膩😛飲品方面有可樂、豆漿、柚子茶，仲有cold brew （$38）! 佢嘅cold brew好好飲！必試！🔻佢嘅食物價錢適中，上菜又快，食物又好食，又多款式，值得推介😇

一支公，係旺角都唔知食乜好。行吓行吓去到女人街，見到啲檔口大部份都無開，真係有啲欷歔………唯一好處，就係兩邊街鋪都睇得清清楚楚，多唔多人。呢間餃子店，中環嗰間lunch time 長期多人，小弟無耐性，所以一直冇機會試。今日見旺角新開試業中，就撞入去試吓。入內，裝修簡潔光猛，舒服嘅。叫咗：醉墨雞餃(煎) x 10蒜芯豬肉(煎) x 10豆漿 x 1餃子皮適中，煎得香口，最重要係賣相吸引。墨雞餃有淡淡墨魚味；蒜芯豬肉餃就好惹味，配上辣醬更出色。上枱一陣我已經食完。豆漿就普通枝裝嘢，一般啦。新店營運未完全暢順，不過ok 嘅。

新咗一排，見好多報導，經過試一試。以為會好多人，但實際唔多。平日午飯時段，不用等位，座位闊落，裝修簡潔。有set, 也可單叫。午餐set A+B $58A+B+C $68叫咗A（餃子/餸）+B（麵/烏冬）A揀咗黑松露湯餃 （因為煎餃要預等10-20分鐘）好濃黑松露味肉唔係平時絞到一pat pat嘅肉，肉質偏實B揀咗烏冬有咬口，似手工麵，份量正常湯清清哋總結味道唔錯，價錢偏貴，lunch set 如果可以包杯茶就更好。

呢度既餃子款式唔算獨特別, 可以單點或者平日先有既套餐都得, 不過雙拼同煎餃就要加錢🤓餃子+主食🥟($58)今次雙拼($+4)左食落滿滿蔥油香既招牌餃子貳號同埋芫茜味好濃又juicy既芫茜豬肉餃, 兩款都要曬煎(+$4), 個人覺得比較油身同餃子都係偏細隻🧐 不過煎出黎個冰花係幾靚同埋餃子都夠juicy既🥰 主食方面就揀左鰹魚昆布湯烏冬就冇咩套特別, 不過套餐咁點都算幾抵食既😋呢度既餃子冇我想像中咁大驚喜, 如果要排隊既過我未必會食, 但係有時想輕食既話都可以係其中一個選擇🤓

三一餃子開分店去九龍區啦，位置正正係通菜街嘅一生懸麵隔離，好易搵到！餃子有8款，有啲好創新嘅款式，例如麻婆豆腐素肉餃同韭黃墨醉雞餃🤩 另外都仲有幾款小食🤤 •🥢餃子大阪燒 $56/10隻其實呢款就係喺冰花煎餃上面加咗沙律醬、燒汁、木魚絲同埋紫菜碎～ 呢款用咩餃好似係每日唔同😯 我哋嗰日食就係招牌之一嘅蒜芯豬肉餃（蒜芯其實係蒜嘅花莖，蒜味無蒜頭咁濃，無乜辛辣味～）蒜芯同豬肉比例相約，而蒜芯口感少少爽脆有啲似豆角，以餃子口味嚟講都幾唔錯👍🏼不過「大阪燒」嘅部份就有啲失色喇😢因我蒜芯豬肉餃嘅味道都幾出，加埋「大阪燒」就會有少少做多咗🤔 如果配其他餃嘅話，就可能沙律醬同燒汁都要落多啲同均勻啲先得喇，因為今次落得唔夠，令到個餃子唔夠「大阪燒」😬•🥢 韭菜蝦皮豬肉煎餃 $52/10隻呢到嘅煎餃都做到日式嘅冰花底😍 不過呢個方法得一面脆，好彩呢到嘅冰花嘅一面都好平均同幾大😌 煎餃揀咗韭菜蝦皮豬肉餃，韭菜同豬肉份量平均，但韭菜味一如概往嘅突出，蝦皮(蝦嘅幼苗)就被韭菜味蓋過咗喇😢•🥢 黑白松露豬肉餃 +上海麵 $51呢款都係濃味嘅餃子之一😛餃子皮厚薄剛好，餡料都幾juicy，而且黑白松露味都幾香濃，用

味道：⭐️⭐️⭐️⭐️⭐️❶特餃 - 餃子大阪燒 $58/10隻估唔到餃子同大阪燒crossover又幾夾🇯🇵招牌餃子煎至金黃色 粒粒都漲卜卜 👹食落肉汁豐盈 而且香脆又可口🌟另外仲加入左一啲大阪燒嘅元素🐷喺表面加上燒汁、沙律醬同木魚🙆🏻‍♀️食落層次豐富 超惹味 絕對值得一試！👍🏻❷餃麵 - 韭菜蝦皮豬肉餃 5隻 ＋ 鰹魚昆布湯烏冬 $51韭菜蝦皮豬肉餃係以韭菜＋新鮮豬肉＋炒香過嘅蝦皮🦐三款食材互相配合而製成既水餃😈一擺入口 韭菜味、豬肉味、鮮蝦味同時係口腔內散發👅三者既配合 真係無得輸🍲另外鰹魚昆布湯烏冬 湯底味道微甜溫和 烏冬煙韌有口感😻❸吉列炸蠔 $46炸蠔外表呈金黃色 外皮沾滿麵包糠 🥸食落酥脆 一咬落去鮮嫩又多汁👻唔需要再點任何醬汁已經好好食🤡❹醉炸雞翼 $35雞翼嫩滑可口 食落帶微微嘅酒香🫶🏻真係想不停encore呢個雞翼👀❺冷萃綠茶 $9綠茶係無糖嘅 入口甘甜原味 口感清透💚❻可樂PLUS $9白色可樂標榜0卡路里 岩曬減肥人士🌻

在女人街一帶覓食，見到這家試業中的餃子店，喜愛吃餃子的我就被吸引進去了～店員們都很友善熱情😁我們叫了十隻煎餃($54)，雙拼(+$4)選了兩款味道，分別是黑白松露豬肉餃及韭菜蝦皮豬肉餃。煎餃十分香脆，韭菜餃味道正常，黑白松露豬肉餃則有驚喜，裡面的松露香氣撲鼻，味道非常濃郁👍🏼是坊間較少見的口味。另一份湯餃麵($51)，湯底選擇了味噌蝦湯，配搭上海麵。餃子則選了韭黃墨醉雞餃。味噌蝦湯非常驚豔！有蝦的鮮甜味，加上上海麵非常掛湯，感覺像吃日式拉麵一樣。韭黃墨醉雞餃帶有啖啖的酒香味，亦是非常新穎的餡料口味呢。吉列炸蠔共有四件($46)，蠔肉水準正常，非常邪惡，新鮮炸起十分燙口，仍能保持外脆內軟的口感，是令人十分滿足的小食🤤最令人驚喜是餃子店竟然有冷萃咖啡，彷彿突然進入了Cafe一樣，咖啡杯及碟十分精緻有格調，咖啡香氣濃郁，但喝下去有淡淡的咖啡甘香，非常合男友口味😎

前排喺旺角行街見肚餓，就晌OpenRice search吓附近有咩食，見到女人街開咗間新嘅餃子店，就去試吓。餐廳空間都幾大，木系為主，簡潔舒服，仲有自助區提供攞餐具同食水。我哋每人分別叫咗一份8隻煎餃，可以揀雙拼口味，所以可以一次過試到四種口味嘅餃子🥟。另外仲叫咗一份餃子大阪燒，仲有好正嘅炸雞。而最估唔到就係餃子店都有冷萃咖啡。🔸黑松露煎餃👍🏻呢款好香！咬開就有滿滿嘅黑松露味晌口腔爆發，必食！🔸餃子大阪燒👍🏻餡料係蒜心蝦肉，同大阪燒醬出奇地夾，好有驚喜，脆身嘅冰花餃子口感不錯，值得一試。🔸韭菜蝦皮豬肉餃🔸招牌餃子兩款都係以韭菜為主嘅口味，有蝦皮個款就會香口一啲，招牌餃子就比較似家常嘅韭菜豬肉餃，餃子皮夠薄又滑，我鍾意再煎脆啲，會更香口。🔸麻婆豆腐餃呢款口味比較清淡，好啱素食人士。🔸三一炸雞估唔到炸雞都好好食，蒜味好突出，外脆而中間好多肉汁，雞肉彈牙，好食！

#三一餃子 #sorriso_中西區 #sorriso_油尖旺區 -見旺角最近都開左一間三一，啲人話旺角店個價錢平過中環店好多就去試下，店內嘅水、醋同辣醬自取我食過甜記，好味餃子，天園遲啲先去試，唔知仲有冇其他餃子好食?大家留個comment話比我啦🥟【煎餃／10隻】 (雙拼+$4) $56佢見上網個個都讚蒜芯餃，所以就試下，餃子偏細隻，係日式嘅冰花煎餃，隻隻餃未食都係一樣樣😂，要咬先知係咩餃，🍄【黑白松露豬肉餃】 (8.3/10)松露餃好好食🥹，唔洗點野都覺得好食，係混合松露嘅味，雖然豬肉冇咩肉汁，但成個餃子好好食🥬【蒜芯豬肉餃】 (8.3/10) 菜芯好好咬，令到個餃子多返少少咬口🥟【湯餃／10隻】 (雙拼+$4) $52好得意，係貓貓碗裝住湯餃，個湯係味噌濃湯😕，覺得同個餃子唔夾，如果佢再出多啲湯比客人揀就好🥟【招牌餃子貳號】 (7.8/10)食落有啲似冇湯嘅小籠包再加味噌湯咁😂🥦【芫茜豬肉餃】 (8.1/10) 芫茜味比較淡，食落係好食嘅芫茜餃，因為我自己係唔鍾意食芫茜嘅，不過我覺得呢個ok🥠【醉炸雞翼】 $35 (8.3/10)有少少花雕酒味嘅生炸雞翼，皮薄肉嫩，幾香好好食🥛

先係中環作第一間店嘅「三一餃子」而家旺角都有啦～今日去咗旺角行街食飯，見呢間小店咁多人排隊真係要試試🥟芫荽豬肉湯餃💰$44/8隻超鐘意芫荽嘅我點可以唔揀，煲過嘅芫荽無咁大味，相信大家易食啲，我就覺得好香啦自家包嘅餃子，包昝大實淨唔散，饀料味道恰到好處🥟餃子大阪燒💰$56煎餃成日食，原來好簡單咁加上木魚碎、紫菜碎、沙律醬就成為咗大阪燒😍好有創意日日都有唔同款嘅餃子做大阪燒餃子，今日係招牌餃子，煎得香脆，有冰花感🥢吉列炸蠔💰$46唔厚粉，好酥脆🥬甘煮野菜💰$29有蘿蔔、菜、芋絲等，清甜味道🥢絲網春卷💰$28勁脆，饀好食💰$221/2🚩三一餃子 (通菜街) (旺角) @ttdumplings 📍旺角通菜街71號地舖

中環人氣長期排長龍嘅手工餃子店「三一餃子」開咗喺旺角喇📣📣作為餃子控兼住喺九龍嘅我表示非常高興，地點超級方便就喺旺角通菜街，繼續主打各種口味的香脆煎餃、湯餃，關東煮，仲有特色餃子大阪燒，湯麵和多款香口小食，見到咁多炸嘢食，真係開心💛今日夜晚嚟到朝聖，話就話新開冇幾耐，6:30已經開始大排長龍，人氣就是人氣，食過中環分店一定知道食物水準不容置疑，價錢又相宜，餃子迷絕對不可以錯過🥟▪️🥬韭菜蝦皮豬肉餃 🍀芫茜豬肉餃 （煎）$ 48 / 8 隻最鍾意食三一嘅冰花煎餃，一上枱煎餃形狀就好似一朵花咁，睇到香脆食落更香脆，煎餃一共有八款餡料可以選擇，但我個人癖好係韭菜同埋芫荽，所以每一次食都係一樣，繼續皮薄餡靚，煎得香脆，水準不變，但我應承自己下次一定會要食其他餡料試吓😎🍲▪️關東煮 $ 38關東煮有清甜冇喳嘅蘿蔔，獅子狗，冬菇，丸子，咩事仲有一隻咁正嘅溫泉蛋，重點係日本清湯清甜到不得了，食材吸收晒清甜嘅湯汁，一句講晒好食🍖▪️三一炸雞 $ 38自家製嘅炸雞，唔係叫貨返嚟加熱嘅垃圾，炸雞真係用完隻雞斬碎再醃，客人order後即叫即炸，一上枱超級香，入口皮脆肉嫩而且好入味，唔需要再點任何醬汁已

呢間餃子一直係我既必食list之一！但可惜佢原店對我黎講有少少遠.最近佢地終須係九龍區開左間新分店！雙拼煎餃煎餃煎成冰花形,呈金黃色而且整體咁排成一圈,好吸引.麻婆豆腐素肉餃帶出麻婆豆腐既辛香感而且內裏餃子餡軟綿帶有一陣豆香.韭黃墨醉雞餃好特別既一款餃子！內裏帶住墨魚彈牙口感及鮮味之餘亦帶出醉雞餡淡淡既酒香.餃麵鰹魚昆布湯上海麵清甜既鰹魚昆布湯估唔到除左拼烏冬外,拼上海麵都可以咁夾！上海麵吸晒鰹魚昆布湯清甜鮮味,麵質彈牙又唔會過腍.招牌餃子貮號既餃子皮薄,餃皮薄中帶點煙韌感.餃子菜肉比例平衡,味道鮮甜.三一炸雞大大隻既炸雞啖啖肉,雞肉肉質香嫩得黎每啖都充滿肉汁.外脆肉軟充滿嚼勁.味道鹹香惹味.Cold brew估唔到餃子店竟然有cold brew!cold brew幾濃又唔會帶出酸性,焙煎香味濃厚.

三一餃子首店開在中環，一直未有機會嘗試🫣難得去開去旺角，仲撞正佢啱啱開第二分店😆搵到機會可以一試有齊中英Menu ❤️ 舖頭裏邊係一種無印風既裝修不過有個好得意嘅復活島像裝餐具🍴🥢當然必定要叫到佢嘅餃子我揀咗黑白松露豬肉餃子 + 粟米餃 (雙併) $56有一定嘅水準，非常之啱鍾意食餃子嘅人餃子亦都煎得剛剛好 三一炸雞 $38對比起餃子 炸雞略為遜色而且份量都好少下次都係專注叫返炸雞甘煮野菜 $29分量都係畸為偏少不過非常之欣賞佢嘅湯底試得出係有煮過嘅湯底 ❤️ 整體而言如果要食餃子嘅話都會去多次❤️因為始終屬於本土嘅嘢 加上好少喺坊間可以識到呢種有特色嘅餃子🙉

平時已經好想係凍肉舖買三一餃食網上個個都話好好食😋但覺得有點小貴又怕自己整得唔好食會浪費咗。依家有門市就實在太好啦～叫個炸春捲👍🏻👍🏻👍🏻👍🏻香脆熱辣辣～好正啊～～～～～麻婆豆腐素肉+韮菜煎餃雙拼韮菜餃無得輸👍🏻👍🏻👍🏻👍🏻👍🏻素肉餃就個素肉味唔係個個中意👍🏻👍🏻👍🏻紅油冰花餃👍🏻👍🏻👍🏻👍🏻👍🏻蒜芯餃再加大量蒜，超級好味😋