影片
營業時間
今日營業
12:00 - 21:30
星期一至日
12:00 - 21:30
公眾假期
12:00 - 21:30
公眾假期前夕
12:00 - 21:30
以上資料只供參考, 請與餐廳確認詳情
相關文章
呢間餃子店好耐之前都有食過佢嘅外賣🥡相隔咗咁耐再去食堂食都冇變過仲要係好好食😋而家旺角店仲有日本清酒飲添,大家可以一路食餃子一路飲清酒🍶🔸湯餃(黑白松露豬肉餃+蒜芯豬肉餃) $52有得揀10隻或者12隻~湯餃真係皮薄饀靚😍皮真係不厚饀料又多!!黑白松露豬肉餃松露味真係好濃🖤另一款蒜芯豬肉餃都好好食!!一粒粒蒜苗係餃子入面,蒜味都好重🧄口感真係好正!!兩款餃子都十分推介💓🔸泡菜芝士玉子燒餃子 $68餃子原本以為係泡菜餃原來係粟米豬肉餃🌽餃子上面有泡菜同芝士,芝士係店員即場燒的🧀而都可以選擇要唔要辣醬,個人覺得加辣醬會好食啲~🔸日shake 炸餃(6隻) $38係近排餐廳新出嘅shake shake餃🥟炸餃係粟米豬肉餃,外皮炸得好脆再加上和風海苔粉💚紫菜粉真係有好多但個人就覺得唔係好夾但朋友又覺得好好食😙🔸火焰醉雞翼$52店員會即場倒酒再用火搶燒雞翼🐣所以雞翼都有啲酒味而雞翼煎得好好😙肉汁係會鎖起雞翼入面👅最底嘅雞翼酒味會重啲但加返柚子蜜食就會中和返💛🤤好味度 : 8/10🔙回頭率 : 8/10
繼續閱讀
雙拼湯餃 $52/10隻皮薄餡靚，個皮好滑👍🏻薄得黎唔易穿，讚！個豬骨湯底好好飲，無味精，小編食完餃子都清埋個湯底😋- 黑白松露豬肉餃有清香嘅松露味，唔算好濃味- 韭黃墨魚醉雞餃小編同朋友一食落口，食唔到雞/墨魚味，反而食到臘腸味（？），可能係佢哋mix埋嘅化學作用😂食第一粒會覺得怪怪地，但第二粒有心理準備就覺得幾得意，越食越上癮😂😂😂可能因為有墨魚，所以餃子本人都彈牙啲👍🏻泡菜芝士玉子燒餃子$68/10隻可以揀有一半辣醬/全部辣醬/走辣小編揀咗一半辣醬，同行唔食得辣嘅人都可以享受👍🏻送上枱之後，店員會用火槍輕輕燒一燒芝士令佢變脆口🧀味道同想像一樣，冇太特別，小編鍾意湯餃多少少姐🤭每人送一杯清酒🍶同泡菜芝士玉子燒一齊食真心正最後要大推小店辣椒醬！！！🌶️🌶️🌶️有好多辣椒碎同籽，仲有花椒既麻😍但係唔食得辣既要小心啊，因為真係好辣架🤭結論店主好用心搞餐廳（Menu設計、店舖裝修等），小編下次再黎會食湯餃❤️ 同試下煎餃
繼續閱讀
夜晚返學之前喺旺角行(｡･ω･｡)ﾉ諗住搵啲嘢食食完之後就返學～路過見到呢間幾有特色嘅舖頭🫶仲要係食餃子，就入去試吓～你間舖頭幾得意嘅地方就係，你一入到嚟佢就會送一杯小清酒俾你(⁎⁍̴̛ᴗ⁍̴̛⁎)！係開心嘅我叫咗個豆乳蝦皮湯底嘅米線，配埋雙拼餃子🥟湯底嘅豆乳味冇乜，蝦味亦都唔算好出😗然後我試埋佢兩款唔同嘅餃子，雖然話兩款都係唔同嘅校字，但係承諾兩款嘅味道都好相似，我都分唔清邊款同邊款🤔🤔🤔…坦白講，呢一餐嘅食物唔算好突出，但係我會好評佢嘅環境同埋佢嘅餐廳理念，係feel到佢好有heart
繼續閱讀
收工想食啲好嘢慰勞下自己，而且近排天氣濕濕淰淰，所以好想食餃子（無論係煎餃定湯餃都好想食! Why not both?）！🤩朋友咁啱搵咗呢間餃子鋪，一坐低店員就話會每人送杯清酒！好正！啱晒啲工作疲勞過度嘅打工仔回一回氣！ 個杯仲雪到好凍，好細心！我哋叫咗關東煮🍢。湯底係正常嘅日本清湯，經常喺關東煮入邊見到嘅角色們都會搵到：冬菇、竹輪、蘿蔔、魚豆腐，仲有一隻溫泉蛋同埋墨魚丸？！ 都幾豐富！所有材料都唔會煮到軟腍腍，唯一係蘿蔔比較偏硬，不過佢就無渣。之後到咗重頭戲！餃子🥟！我哋叫咗煎餃子雙拼 （黑白松露豬肉餃+ 韭黃墨醉雞餃）。佢哋嘅冰花煎餃的確做到佢哋所講嘅口感香脆而不油膩。 食完呢啲煎炸嘢都唔會令人覺得好有負擔，同埋餃子皮同埋肉嘅比例剛好！只係黑白松露豬肉餃唔係好食得出有放黑白松露🤣可能「餃錯」咗？！而韭黃墨醉雞餃入面韭黃都幾突出，不過醉雞無咩存在感，可能揮發咗？！🤣另外我哋叫咗湯餃麵 （雙拼：招牌餃子貳號+ 粟米豬肉餃）（轉菜底）！我哋一致認為粟米豬肉餃係是日最佳，雖然粟米豬肉呢啲餡比較家庭式，但係就好有溫暖嘅感覺。 豬肉用得好好，粟米都好清甜，食完好舒服！至於招牌餃子貳號，佢嘅味道比較似平時食白切雞一定要配嘅薑蔥油，不過就比較溫馴，調味唔會重手咗，所以都幾出色！最後！火焰醉雞翼6隻 （配柚子醬）！食完湯餃有啲意猶未盡，所以叫埋炸雞翼先！上碟個陣，店員會點火，等到啲火焰熄咗就可以食啦！ 雞皮炸完又被火燒後，變得更加香口😆。配埋柚子醬，好過癮！ 不知不覺就食晒！嚟到可以一試！
繼續閱讀
14/1/2024是日晚餐同朋友去食餃子旺角一間小店‘ 三一餃子’我之前見IG 推介，都有bookmark 到，搵機會去食。叫咗：火焰醉雞翼、炸雞軟骨、春卷、10隻湯餃子 （雙併: 黑白松露 , 蒜芯豬肉餃）兩款餃子都幾香喎、甘煮野菜。樣樣嘢都勁好食喎，仲每人送一杯清酒 （我哋淨係要一杯, 因為朋友唔飲酒）初時我以為我會唔太夠飽，但係食完之後好飽😝😝坐位吾算多，但坐得舒服嘅。我覺得我會再嚟食㗎👍🏻👍🏻👍🏻👍🏻我下次想試吓啲煎餃
繼續閱讀