三一餃子 (通菜街)

一入到呢間店舖，就覺得好寬敞，而且裝修好特別，佢哋牆上面佈滿動漫同埋卡通，有好多仲係我哋都鍾意嘅。座位比較細，不過都好乾淨。火焰醉雞翼 ($54)上枱嘅時候先點火，好吸睛，好有儀式感，而且食落淡淡酒香，肉質鮮嫩，佢仲配咗柚子醬，令到雞翼好開胃。煎餃子大阪燒 ($63)佢哋煎嘅餃子都會有脆皮，即係冰花，好脆好好食，呢個都幾容易接受，因為係表面用咗大阪燒嘅調味料，配埋煎香嘅餃子，口感好豐富，味道亦都好有層次。煎黑白松露豬肉餃 ($56 十隻)呢個係佢哋招牌之一，好有特色，咬落去就已經有好香嘅松露味，好驚喜，10分推薦餃子麵 ($54)呢個係餃子同埋面嘅自由配搭，佢有幾款唔同嘅面同湯底可以俾你揀，我哋最後揀咗鰹魚昆布湯烏冬配招牌餃子貳號，上枱嘅時候真係熱辣辣，我都爭啲淥親個嘴。係普通嘅餃子加麵，冇乜特別。雞軟骨串 （$45）總共有五串，佢哋燒得好好食，係用咗鹽調味，餸酒一流。整體上，呢間餐廳都幾好食，員工服務態度好好，環境裝修特別，俾人一種好溫馨貼地嘅感覺，而且佢哋嘅餃子的確煎得好春色，為咗佢哋嘅冰花絕對可以再嚟。…查看更多

想分享一下、食過好多次、好鍾意的餃子店😍三一餃子🥟唐揚暴蝦君🧡 (第一次叫)唐揚蝦香脆的口感超棒，每一口都讓人驚喜，絕對是餸清酒一流的搭配！泡菜芝士玉子燒餃子💛 （平時成日叫) 惹味的泡菜配上拉絲芝士、玉子燒，口感豐富，咸香中帶點微辣，特別過癮！烤餃子飯團🍙(第一次叫)飯團外脆內軟，烤得恰到好處，明太子醬汁好惹味！日shake 炸餃+和風海苔粉💚(第一次叫)Shake Shake 薯條就食得多！ Shake Shake 餃子🥟真係第一次食🤔炸餃子外酥內嫩，搭配和風海苔粉增添了風味！巴斯克蛋糕（終於叫到😍平時太飽無叫)巴斯克蛋糕表面微微焦香，裹面滑順濃郁，口感非常豐富。日本清酒鮮榨生貯藏酒🤍 (第一次叫)這款清酒口感柔和，帶有清新的香氣，鮮榨的風味讓人倍感提神，令整個用餐體驗升級！為咗推廣餃子酒場文化，每位顧客都會免費獲贈一杯清酒，利申:米加平時唔飲酒的，但都覺得清酒唔錯～易入口，同餃子好夾👍🏻…查看更多

都唔係第一次食，不過估唔到而家佢哋化身做餃子酒場，正過日本嘅係冇ワンドリンク(one drink)又冇お通し（前菜）。再加埋本身冇收加一，係意想不到嘅飲酒好地方✌🏻。食物以餃子(and derivatives)為主。我自己比較鍾意佢哋嘅煎餃，貪佢有脆脆嘅羽根。今次墨醉雞餃雙拼粟米豬肉餃 （$56）。墨醉雞餃餡料比較彈牙。粟米豬肉嘅粟米甜味加埋啲肉汁超好食。今次試埋新出嘅餃子の逆襲～烤餃子飯團（2件）（$42）。飯團烤得夠香，裏面包住松露餃子。撈埋明太子醬（比起想像中辣）同埋紫菜變得非常惹味。火焰醉雞翼（$54）有明顯酒香，雞皮好脆！覺得膩嘅話可以點埋柚子蜜一齊食。但我覺得最解膩一定係嗌多個甘煮野菜 （$29）。全場最唔油一定係佢。而且蔬菜全部煮得好腍好入味。今次試咗兩款清酒🍶：日本清酒二段酵母仕込 $48/150ml日本清酒鮮榨生貯藏酒 $58/150ml150ml大概係比起平時嘅一合少啲啲。雖然店員話前者甜啲，但我覺得兩款都算係甘口。我哋仲嗌咗絲網春卷 （$28）同埋為酒而炸雞軟骨串 （$45）。呢兩款都超啱送酒。…查看更多

呢間人氣餃子專門店真係有 d 驚喜，佢哋主打多款特色餃子，可以揀湯餃、水餃，或者煎餃。我就試咗湯 & 煎，兩款都各有千秋~ 湯餃隻隻都皮薄餡靚，湯底又清甜，唔會搶味，襯托返餃子嘅鮮味；煎餃就皮脆餡嫩，仲留有少少湯汁 😋😋😋 墨醉雞餃 ~ 呢款餃子可以話係招牌之一，嫩滑雞肉配上醉雞汁，入口有淡淡酒香，加上有墨魚嘅爽脆口感，味道層次好豐富！😋 韭菜蝦皮豬肉餃 ~ 呢款比較貼地但做得好出色，傳統韭菜豬肉餃加上已炒香嘅蝦皮，韭菜香味夠，蝦皮好有鮮味，簡單又好味！😋 火焰醉雞翼 ~ 呢個係打卡之選，上枱嘅時候會點火，儀式感滿滿！雞翼火燒完之後有微微焦香，肉質仲保持嫩滑，配埋柚子醬又幾清新。…查看更多

三一餃子久聞大名 終於嚟咗試呢間排隊餃子店 咁啱我呢日早嚟到 好彩坐到最後幾個位 唔使排隊就入得啦🥳 一嚟到店員會好貼心問係咪第一次食 介紹下啲餃子 仲會為飲酒嘅客人送上一杯House Sake🍶 🥟煎招牌餃子貳號 + 黑白松露豬肉餃$56/12隻 (雙拼+$4)第一次試我就習慣嗌招牌 叫得招牌肯定有信心 雙拼另一款就嗌咗特別啲嘅黑白松露上菜真係幾靚 係冰花煎餃 幾薄脆❄️🔥 餃子方面唔算好大隻 今次晚餐一個人食12隻我就覺得啱啱好🤔招牌嘅餡料係薑蔥豬肉 食到好香蔥味 經典唔錯 而松露餃有驚喜 幾香松露香味 會想encore😍埋單60蚊12隻餃子 唔算實惠 不過環境舒服 又有杯清酒小酌一下 都不失為一件樂事💕⛺️三一餃子 @ttdumplings📍旺角通菜街71號地舖…查看更多