三一餃子 (通菜街)

營業中

休息中

一支公，係旺角都唔知食乜好。行吓行吓去到女人街，見到啲檔口大部份都無開，真係有啲欷歔………唯一好處，就係兩邊街鋪都睇得清清楚楚，多唔多人。呢間餃子店，中環嗰間lunch time 長期多人，小弟無耐性，所以一直冇機會試。今日見旺角新開試業中，就撞入去試吓。入內，裝修簡潔光猛，舒服嘅。叫咗：醉墨雞餃(煎) x 10蒜芯豬肉(煎) x 10豆漿 x 1餃子皮適中，煎得香口，最重要係賣相吸引。墨雞餃有淡淡墨魚味；蒜芯豬肉餃就好惹味，配上辣醬更出色。上枱一陣我已經食完。豆漿就普通枝裝嘢，一般啦。新店營運未完全暢順，不過ok 嘅。