影片
更多
2022-09-09
425 瀏覽
中環人氣長期排長龍嘅手工餃子店「三一餃子」開咗喺旺角喇📣📣作為餃子控兼住喺九龍嘅我表示非常高興，地點超級方便就喺旺角通菜街，繼續主打各種口味的香脆煎餃、湯餃，關東煮，仲有特色餃子大阪燒，湯麵和多款香口小食，見到咁多炸嘢食，真係開心💛今日夜晚嚟到朝聖，話就話新開冇幾耐，6:30已經開始大排長龍，人氣就是人氣，食過中環分店一定知道食物水準不容置疑，價錢又相宜，餃子迷絕對不可以錯過🥟▪️🥬韭菜蝦皮豬肉餃 🍀芫茜豬肉餃 （煎）$ 48 / 8 隻最鍾意食三一嘅冰花煎餃，一上枱煎餃形狀就好似一朵花咁，睇到香脆食落更香脆，煎餃一共有八款餡料可以選擇，但我個人癖好係韭菜同埋芫荽，所以每一次食都係一樣，繼續皮薄餡靚，煎得香脆，水準不變，但我應承自己下次一定會要食其他餡料試吓😎🍲▪️關東煮 $ 38關東煮有清甜冇喳嘅蘿蔔，獅子狗，冬菇，丸子，咩事仲有一隻咁正嘅溫泉蛋，重點係日本清湯清甜到不得了，食材吸收晒清甜嘅湯汁，一句講晒好食🍖▪️三一炸雞 $ 38自家製嘅炸雞，唔係叫貨返嚟加熱嘅垃圾，炸雞真係用完隻雞斬碎再醃，客人order後即叫即炸，一上枱超級香，入口皮脆肉嫩而且好入味，唔需要再點任何醬汁已
中環人氣長期排長龍嘅手工餃子店「三一餃子」開咗喺旺角喇📣📣作為餃子控兼住喺九龍嘅我表示非常高興，地點超級方便就喺旺角通菜街，繼續主打各種口味的香脆煎餃、湯餃，關東煮，仲有特色餃子大阪燒，湯麵和多款香口小食，見到咁多炸嘢食，真係開心💛
今日夜晚嚟到朝聖，話就話新開冇幾耐，6:30已經開始大排長龍，人氣就是人氣，食過中環分店一定知道食物水準不容置疑，價錢又相宜，餃子迷絕對不可以錯過
🥟▪️🥬韭菜蝦皮豬肉餃 🍀芫茜豬肉餃
（煎）$ 48 / 8 隻
最鍾意食三一嘅冰花煎餃，一上枱煎餃形狀就好似一朵花咁，睇到香脆食落更香脆，煎餃一共有八款餡料可以選擇，但我個人癖好係韭菜同埋芫荽，所以每一次食都係一樣，繼續皮薄餡靚，煎得香脆，水準不變，但我應承自己下次一定會要食其他餡料試吓😎
🍲▪️關東煮 $ 38
關東煮有清甜冇喳嘅蘿蔔，獅子狗，冬菇，丸子，咩事仲有一隻咁正嘅溫泉蛋，重點係日本清湯清甜到不得了，食材吸收晒清甜嘅湯汁，一句講晒好食
🍖▪️三一炸雞 $ 38
自家製嘅炸雞，唔係叫貨返嚟加熱嘅垃圾，炸雞真係用完隻雞斬碎再醃，客人order後即叫即炸，一上枱超級香，入口皮脆肉嫩而且好入味，唔需要再點任何醬汁已經好好食，果然唔係垃圾
🦪▪️吉列炸蠔 $ 46
本來就鍾意食炸蠔嘅我，睇到介紹話廚房長期偷食系列，更加一定要點，炸粉厚薄適中，超級香脆，𧐢肉非常大隻，一咬落去就爆汁，非常Juicy，正正子，比我都一定偷食
▪️🥛凍豆漿 🥤凍綠茶 $ 9
飲品價錢都非常相宜， 豆漿雖然係支裝，但係壹品豆漿嘅出品係幾好飲嘅，豆味香濃而且唔太甜，其實配餃子係好正嘅飲品，另外綠茶雖然一杯好簡單嘅凍綠茶，但係店舖係沖完綠茶之後雪涷完全冇加冰，所以味道香濃，欣賞
✨一定會不停回訪的小店，食物都是心機之作，服務態度依舊不變，有禮貌嘅年輕人，做事快手快腳，食到飽一飽都係一百幾十蚊，人氣十足雖然要等位，但係流量都好快，所以快啲去朝聖啦！
張貼
