三一餃子 (通菜街)

營業中

休息中

好耐無係呢條街搵食，今次經過來試下有趣的餃子！來到當然試佢signature 嘅特餃😜 餃子大板燒 $58 /10隻呢款我地揀咗招牌餃子貳號，餃子應該有椰菜的，煎得恰到好處，脆脆的皮，加上大板燒啲醬料，味道一流👍🏻👍🏻👍🏻 冰花抄手 $58/10隻呢款我地揀咗是日餃子底，有啲蒜蓉喺面少少辣仲帶有啲醋嘅味道，非常開胃👍🏻👍🏻 👍🏻 最後我地仲加了醉炸雞翼 $35/5隻有好香嘅酒味，炸香來食，真係太正了平時少食雞翼嘅我都食了3隻😏

我同我老公一路都係食開太子嗰啲餃子店,今日經開旺角見到有間餃子店評分好似唔錯就走入去試下啦. 餃子細細隻，好似食緊灣仔碼頭嗰啲餃子咁。冇特別,一啲都唔似手作餃子。湯底非常普通，飲都唔會想飲嗰隻. 食完一碗十隻唔夠飽，適合減緊肥嘅你。太子區嗰幾間餃子店是但一間都比呢間好食，例如豐信餃子店，手作餃子，美味餃子店。下次都係搭多個站去返太子食! 舖頭好似一間新式咖啡店咁,店員非常年輕,走輕鬆路線.總而言之, 我唔明點解咁多好評。

介紹返💁🏻‍♀️。。🇭🇰 餃子 在旺角 🇭🇰。三一餃子 Trinity Dumpling。旺角通菜街71號地舖。煎餃 Pan-Fried Dumplings。HKD48 @ 8 pcs。HKD52 @ 10 pcs餃子雙拼加 HKD4湯餃 Dumpling with Soup。HKD44 @ 8 pcs。HKD48 @ 10 pcs餃子雙拼加 HKD4招牌餃子貳號 Trinity Dumpling MK.2 / 麻婆豆腐素肉餃 Mapo Tofu & Veganpork / 黑白松露豬肉餃 Truffle & Pork / 韭菜醉雞餃 Mak Dumpling /粟米豬肉餃 Sweet Corn & Pork /芫荽豬肉餃 Coriander & Pork / 韭菜蝦皮豬肉餃 Chive & Shrimp Pork / 蒜芯豬肉餃 Garlic Shoot & Pork關東煮 Oden。HKD38雪燕白桃烏龍茶 Peach Oolong Tea。HKD28🤫 其實呢..香港時下嘅情侶究竟會唔會好似我同埋飯腳仔咁樣十次有八次拍拖都係出嚟係咁食㗎啦🤭..飯腳仔同我投訴..話自從同咗我一齊之後

特餃 （餃子大阪燒）$56果日的特餃係蒜芯豬肉餃， 餃子咬入去會有啲蒜芯的口感，有小小爽口😋但餃子食落去不太驚喜，冇咩肉汁同鮮甜味，有啲失望😣 大阪燒煎餃其實睇落就好似係佢地的煎餃，加上木魚碎，大阪燒汁，紫菜同沙律醬☺️但係我就覺得個大阪燒汁唔夠多，不過可能係餐廳唔想醬汁味太濃，遮蓋到餃子的味😆餃麵 （$51）今次叫左味噌蝦湯底同烏冬，湯底係比較清淡的，覺得唔係好夠味🧐佢地的烏冬食落去似雪藏果款日式烏冬，比較有咬口唔會軟淋淋咁😍餃子就叫左黑白松露豬肉餃，松露味係幾濃郁的，但都係同一個問題，佢啲肉唔太鮮甜，食左都冇咩滿足感醉炸雞翼 $35勞雞翼黎到都好驚訝，冇諗到佢地會俾成5隻雞翼我，份量都好足夠， 雞翼的酒味都重，係幾特別的，可以一試整體黎講，本身對佢地的餃子有好大期望，但係食完之後覺得試過一次就夠，唔需要再次去食三一餃子 (通菜街) (旺角)旺角通菜街71號地舖

旺角這個平民美食之地，原來餃子店都有不少，單在一條通菜街，除了我幫襯過的「甜記餃子」和還未曾幫襯過的「天園餃子」外，最新開業的一間，是在中環人氣甚高的「三一餃子」的旺角分店。這一天午後，我就在這間餃子店吃了一個甚為滿意的午餐。吃的是星期一至五供應的「午市套餐」。A（餃子）+ B（主食）要 $58，如果想豐富些，就可在 A+B的基礎上再加 C（小食），不過餐冷熱飲都要另加 $7，如果想喝「無冰 冷莘咖啡」就更要加 $20。 而我就揀了「韭黃墨醉雞餃」配「鰹魚昆布湯烏冬」加「甘煮野菜」（另加 $14 ）做午餐。以可愛小貓碗子，一碗八隻的「韭黃墨醉雞餃」的酒味不重，韭黃也不太見得到，不過墨魚肉混以雞肉的肉餡就還不錯，湯也夠清甜，配以彈牙烏冬，仍然讓我感到滿意。同樣以可愛小貓碗子盛載，不過碗子稍細一點的，是我甚喜歡的「甘煮野菜」。這小食的材料主要是椰菜，另外還有兩隻小冬菇、兩塊大蘿蔔和兩件芋絲。也許因為這小食的材料全是素食吧，這健康小食的湯底比湯餃的昆布湯來得還要清甜好味，椰菜固然清甜爽口，兩隻小冬菇也軟滑多汁，兩塊大蘿蔔更是清甜無渣，相比起其他材料，兩件芋絲雖然顯得不夠突出，仍能為這小食帶來

📍三一餃子 (通菜街) (旺角)✨煎餃 招牌餃子貳號 $48/8呢款即係薑蔥豬肉餃，個底煎到卜卜脆。蔥味幾出又多肉汁，好彩冇咩薑辣味。✨湯餃 麻婆豆腐素肉餃 韭菜蝦皮豬肉餃 $44+$4韭菜蝦皮豬肉餃濃厚又鮮甜。今次試三款最鐘意佢🥟😍。麻婆豆腐素肉餃豆香幾重，豆瓣醬味道就比較淡。✨絲網春卷$28春燒炸得香脆，餡料以粉粉腍腍號芋頭絲為主。👩🏻鐘意食芋頭，所以覺得完全唔夠食。✨醉炸雞翼$35香脆多汁，酒味唔重好易入口。✨甘煮野菜$29椰菜、白蘿蔔、芋絲、冬菇白蘿蔔同冬菇煮得超入味。椰菜雖然煮得夠腍，但厚身嘅部份都係有少少青味🥲。✨關東煮$38溫泉蛋、竹輪、魚蛋魚蛋彈牙好味。溫泉蛋有靚靚流心💛。📍三一餃子 (通菜街) (旺角)旺角通菜街71號地舖

「三一餃子」分店由中環開到旺角啦！新分店地方寬敞，樓底高，空間感十足，感覺更舒適。餐牌上嘅食物選擇更多元化，增添了不少特色小食甘煮野菜湯底好甜美，放滿椰菜絲、冬菇、蘿蔔及芋絲，清淡健康。椰菜絲好爽脆；蘿蔔清甜無榨雙拼煎餃以慢火細烤煎出完美冰花煎餃，比平時嘅煎餃冇咁油膩，冰花又香又脆！招牌餃子貮號，菜肉比例恰當剛好，鮮甜美味👍🏻韭菜蝦皮豬肉餃，啖啖鮮肉韭菜香味噌蝦湯雙拼餃芫荽豬肉餃，芫荽香氣好突出哦～蒜芯豬肉餃，無添加味精，充滿住家味道！配上香濃味噌蝦湯底，更能襯托出每款餃子的獨特味道鰹魚昆布湯雙拼餃粟米豬肉餃，加入咗粒粒粟米增添口感🌽另外雙拼韭黃墨醉雞餃，內餡係墨魚、醉雞肉及韭黃，頗特別及坊間少見的，滿載墨魚及醉雞肉鮮味，同時帶微微的花雕酒香冷萃咖啡餐廳自家製的冷萃咖啡，無添加冰，濃厚醇香

之前有食過佢地餃子, 味道唔錯。 知道佢地由中環再係旺角開左分店，即約朋友嚟食下先, 地方骨子, 坐低慢慢食非常舒服。 繼續以各種口味餃子作主打, 再加其他小食 餃子煮法有好多, 有煎餃, 湯餃, 餃子配麵食，同新玩法餃子大板燒，而且價錢非常大眾化。 煎餃／10隻 $56我地揀左雙拼，招牌餃子貳號拼蒜芯豬肉餃，煎得好香脆，皮薄，味道好夠，煲點醬已經夠味。 湯餃／10隻 $48湯餃就揀左黑白松露豬肉餃，松露味道好濃，基本上放上枱已經有陣陣松露香味。餃麵 $51粟米豬肉餃配鰹魚昆布湯，上海麵爽口又滑，粟米豬肉餃好鮮甜。小食非常好味，必食。關東煮 $38 足料，魚旦彈牙，蘿蔔清甜吉列炸蠔 $46 個醬鬆化脆薄，蠔味濃。 醉炸雞翼 $35 每一啖都充滿酒味，呢個好好食。災網春卷 $28 上枱果陣熱辣辣，要小心進食😂 但非常香脆惹味😋 凍豆漿 $9無冰冷萃咖啡 $38 📍三一餃子 (通菜街) 地址 : 旺角通菜街71號地舖

呢間由中環開到嚟旺角嘅餃子黃店，餃子款式特別同埋價錢夠平，成日晚市都要排隊等下先食到！小店行簡約清新木系裝修路線，夠光猛坐得舒服，座位都算多，等入座都唔算等太耐！除咗有好多特別味道嘅餃子，可以揀煎餃湯餃子、餃子麵同埋特餃幾種唔同做法，仲有好多日式小食，好似關東煮🍥、吉列炸蠔🦪嗰啲，細細碟都值得一試！👏🏻------------------------------🍘◖餃子大阪燒◗ $56每日有唔同嘅餃子款式黎做大阪燒，今次試嘅就係招牌餃子，面頭有紫菜同木魚絲，加埋啲大阪燒醬，真係好似食緊大阪燒咁，好過癮！🍜◖鰹魚昆布湯烏冬 配芫荽豬肉餃◗ $51湯麵有上海麵同烏冬揀；湯底都有蝦湯同鰹魚湯可以揀，可以跟五隻自選口味嘅餃子。佢用貓貓碗裝住，好可愛！鰹魚昆布湯清清地，加上彈牙嘅烏冬，同芫荽豬肉餃味道都幾夾，餃子芫荽嘅味道比較淡，同豬肉配合得都幾好唔會搶味。🐖◖湯餃雙拼 蒜芯豬肉餃x黑白松露餃◗ $48湯餃加$4就可以雙拼，一次過試晒兩隻味！蒜芯豬肉餃有勁濃嘅蒜芯香味，但略嫌味道太濃烈，唔係太夾；黑白松露餃真係幾足料幾香，見到有粒粒松露喺個豬肉餡到，香濃入味！🥛◖凍豆漿 ◗ +$9🍯◖熱柚子茶◗

#chuchuinmongkok—𝗠𝗲𝗻𝘂 𝗼𝗳 𝘁𝗵𝗲 𝗱𝗮𝘆🥨🥟韭菜蝦皮豬肉餃黑白松露豬肉餃餃子大阪燒—三一餃子旺角新分店🌟🌟新開仲係試業階段所以午市都唔洗點排隊🤭樓底好高 感覺光猛整潔✨✨碗碟用上貓貓造型 比較討喜🐈♡韭菜蝦皮豬肉餃🥟配上秘製既麵豉蝦湯🦐湯底唔會太濃蓋過餃子既味道✨不過覺得韭菜有啲生🥹.黑白松露煎餃🥟以呢個價錢黎講 松露味都算足🌟煎得亦夠香夠脆🌸🌸.特餃叫左餃子大阪燒🥟煎法同黑白松露餃一樣🤍面頭就多咗木魚紫菜同沙律醬✨不過我覺得沙律醬無乜味 食落比較普通🫣♡枱邊自己fill既辣椒油🌶好香好惹味好中意有渣既辣椒油🤤🤤🤤.同學話中環店比較多選擇同有set🫣可能呢度新開 所以無set揀🙁期待正常開業有多啲選擇 會抵食啲🌸🌟—💰hkd $156 w/ no service charge (3ppls💞)📍 Trinity Dumpling (Tung Choi Street)G/F, 71 Tung Choi Street, Mong Kok.🌈🥨welcome to follow my foodie ig @eating.chuchu.

行過旺角，竟然見到呢間試業中嘅餐廳，記得喺中環人氣嘅餃子店🥟依家開咗嚟旺角咁方便就去試下！我哋都幾肚餓所以叫咗兩個套餐🤣(A+B+C$68)餃子大阪燒（+$6）配鰹魚昆布湯烏冬：呢款好特別，餃子上面放咗沙律醬、燒汁、紫菜同埋柴魚片，即刻變咗有日式嘅感覺😍餃子煎得好香脆，入面仲有肉汁～正👍🏻烏冬就正正常常，入口都滑嘅！招牌餃子貳號配味噌蝦湯上海麵：8大隻餃子，包到脹卜卜幾吸引，有香蔥嘅味道，而豬肉都好入味！醉炸雞翼（+$15）：雞皮香得嚟又有少少酒香味，雞肉都keep到嫩滑😋吉列炸蠔（$24）：好欣賞佢個炸粉唔厚，而且蠔都幾大隻，鮮嫩多汁！

🍜黑白松露豬肉餃麵 $51餃子皮薄餡靚，黑松露加咗喺豬肉餡入面，黑松露味好出好香濃，十分推介‼️️估唔到湯底都有驚喜，揀咗味噌蝦湯，好香蝦味🦐加上上海麵👍🏻之前試過蒜芯豬肉餃🧄 ，都好好食，唔好以為會蒜味好重，而係蒜香味脆身爽口😛✨主打特色餃子，依家仲唔洗過海都可以食，旺角都開左分店，仲系試業中～

夜晚8點左右到女人街搵嘢食，見到鋪頭新開試業中，入面都幾多人，就入去試下。店面裝修簡單，廚房同店面無分開，見到曬師父煮嘢食。坐低叫左幾樣嘢食，但味道都非常普通，小失望☹️小店門面係幾個後生仔，服務態度OK，只是食物質素有待加強。

係旺角通菜街搵到間好食餃子🥟店，係旺角站行兩分鐘就到，好岩行完街坐低抖下食下嘢。餐廳🍴裝修簡約寬敞，坐得好舒服。*煎餃 $48 （8隻）**蒜芯豬肉餃*煎餃成底咁上食到脆脆既皮😛，餃子大大粒好飽滿，外皮煎得好香口，入邊豬肉唔肥。*湯餃 $48 （10隻）雙拼加+$4**黑白松露豬肉餃*相信冇乜邊度有得食黑松露味嘅餃子，我就第一次食，而且幾鍾意❤️有種中西合璧嘅感覺。*麻婆豆腐素肉餃*欣賞餐廳有照顧素食者既需要，餃子內係綿綿既豆腐，怕肥人士都岩食。*芫荽豬肉餃*經典既口味，芫荽味香，餃子皮唔算厚。*醉炸雞翼 $35*雞翼有五隻，都幾香口，但酒味唔算濃，食落得DD酒味🤣。*吉列炸蠔 $46*卜卜趣，入邊大大隻蠔鮮嫩多汁，一定要一口咬落去咁食🤪。

🥢湯餃雙拼（10隻） $48+$4揀左兩款特別d既口味，分別係韭菜蝦皮豬肉餃🐷韭黃墨醉雞餃🐤佢既湯底用左鰹魚湯，估唔到又幾夾😂韭菜餃無咩特別，雖然食到蝦皮味，但韭菜味太強烈，蝦皮存在感就唔係咁高💁🏼‍♀️墨醉雞就幾有驚喜🥰雖然個樣白雪雪咁唔太討好，但係一食入口真係好重墨魚味，到後尾先有淡淡既醉雞味😋個人都係比較鐘意餡料滿瀉果種漲卜卜餃，但係呢到既款式同口味都真係幾特別👀佢個大阪燒餃同味噌蝦湯底我都好想試下🇯🇵btw呢到播既歌都好岩我口味😜