影片
更多
2022-11-15
78 瀏覽
介紹返💁🏻♀️。。🇭🇰 餃子 在旺角 🇭🇰。三一餃子 Trinity Dumpling。旺角通菜街71號地舖。煎餃 Pan-Fried Dumplings。HKD48 @ 8 pcs。HKD52 @ 10 pcs餃子雙拼加 HKD4湯餃 Dumpling with Soup。HKD44 @ 8 pcs。HKD48 @ 10 pcs餃子雙拼加 HKD4招牌餃子貳號 Trinity Dumpling MK.2 / 麻婆豆腐素肉餃 Mapo Tofu & Veganpork / 黑白松露豬肉餃 Truffle & Pork / 韭菜醉雞餃 Mak Dumpling /粟米豬肉餃 Sweet Corn & Pork /芫荽豬肉餃 Coriander & Pork / 韭菜蝦皮豬肉餃 Chive & Shrimp Pork / 蒜芯豬肉餃 Garlic Shoot & Pork關東煮 Oden。HKD38雪燕白桃烏龍茶 Peach Oolong Tea。HKD28🤫 其實呢..香港時下嘅情侶究竟會唔會好似我同埋飯腳仔咁樣十次有八次拍拖都係出嚟係咁食㗎啦🤭..飯腳仔同我投訴..話自從同咗我一齊之後
。
。
🇭🇰 餃子 在旺角 🇭🇰
。三一餃子 Trinity Dumpling
。旺角通菜街71號地舖
。
煎餃 Pan-Fried Dumplings
。HKD48 @ 8 pcs
。HKD52 @ 10 pcs
餃子雙拼加 HKD4
湯餃 Dumpling with Soup
。HKD44 @ 8 pcs
。HKD48 @ 10 pcs
餃子雙拼加 HKD4
招牌餃子貳號 Trinity Dumpling MK.2 /
麻婆豆腐素肉餃 Mapo Tofu & Veganpork /
黑白松露豬肉餃 Truffle & Pork /
韭菜醉雞餃 Mak Dumpling /
粟米豬肉餃 Sweet Corn & Pork /
芫荽豬肉餃 Coriander & Pork /
韭菜蝦皮豬肉餃 Chive & Shrimp Pork /
蒜芯豬肉餃 Garlic Shoot & Pork
關東煮 Oden
。HKD38
雪燕白桃烏龍茶 Peach Oolong Tea
。HKD28
🤫 其實呢..香港時下嘅情侶究竟會唔會好似我同埋飯腳仔咁樣十次有八次拍拖都係出嚟係咁食㗎啦🤭..飯腳仔同我投訴..話自從同咗我一齊之後佢就肥咗好多..(我又何嘗唔係呢🥲)..賣咁大個關子..都係想重點介紹吓上個Weekend拍拖仔嘅時候食過嘅美食啫..先嚟講吓Lunch Time我哋去食嘅嗰間旺角相當出名嘅餃子店..講緊嘅就係位於通菜街入邊嘅三一餃子
🤫 拍拖仔嘅呢一日..我如常瞓到自然醒..刷牙洗面之後就打俾飯腳仔同佢講可以出發..去到旺角就完全放空等飯腳仔拖我去目的地..唔知係咪因為過晒Lunch Time時間所以唔使點排隊就可以入去坐低叫嘢食
🤫 我哋兩條友嗌咗一份雙拼煎餃..加一份雙拼湯餃然後再加一份關東煮..一支我最鍾意飲嘅白桃烏龍茶..係咁多
🤫 咁啲嘢食其實都嚟得幾快嘅..先講吓香脆嘅煎餃先啦..底餃子又煎得幾靚喎..好似朵花咁樣放上枱..打咭able..我哋揀咗粟米豬肉餃併韭菜蝦皮豬肉餃..飯腳仔話粟米餃好好味..粟米粒粒夠多夠甜配埋爽口嘅豬肉同埋脆卜卜嘅餃子皮..正到一粒都唔俾我試🥲..我唯有自己隊晒啲韭菜蝦皮豬肉餃..呢隻餃雖然唔係好食得出蝦皮..但係韭菜香而且切得夠細..口感非常好..好適合成為一隻煎餃
🤫 至於湯餃..我哋嘅選擇係招牌餃子貳號加黑白松露豬肉餃..招牌餃子貳號都幾Juicy..聽講話用酒醃製過..不過酒味唔係太出..似一隻好味嘅普通菜肉餃..同湯底嘅味道都好夾..然後黑白松露豬肉餃係我喺四隻餡料裏面最欣賞嘅..松露味非常之出..但又唔會蓋過豬肉嘅肉味同湯底嘅香味
🤫 另外..關東煮幾抵食..有兩粒彈牙掛湯嘅魚丸..三嚿勁腍勁入味無筋嘅白蘿白..一條吸收唒所有精華嘅獅子狗同一隻啱啱好嘅水煮蛋..個日式清湯又係一絕.. 全部夾埋非常完滿
🤫 最後..我要咗枝白桃烏龍茶..冷泡唔係太濃..淡淡嘅桃味..OK解渴..不過個人覺得茶味出啲就更好啦..By The Way..唔係好明點解白桃烏龍茶有咁多花瓣😂有啲阻住飲茶
🤫 整體嚟講三一餃子店係一間乾淨企理簡單舒適嘅小店..侍應哥哥姐姐們都有禮貌而且快手快腳..係一間值得去Encore嘅平民美食
🤫 再By多一次The Way..佢哋啲碗碗碟碟好鬼得意好鬼靚呀..haha
🤫 黃色經濟圈
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
張貼
