一鳴屋台料理

營業中

休息中

經過上水見到一間店面好日系又好搶眼既日式食店，咁岩到晚飯時間就入左去食入面既空間都好大，想同朋友食飯一大張枱又得，自己一個獨食坐吧枱亦都得。充滿濃厚既日本風味。見佢餐牌除左一般既文字選擇亦都有插畫，只係睇咁靚圖畫已經手指大動，好期待陣間出品既食物黑蒜拉麵配叉燒，選擇左細size既麵。麵質彈牙，黑蒜湯夠濃夠香。叉燒肥瘦均勻，焦香味加哂分土佐豆腐，外皮炸得香脆，夾埋豆腐既質感，外脆內軟。配合埋香蔥同醬汁簡單係perfect match。一鳴制作醬炸雞，秘制醬配合炸雞天衣無縫，成碟好快就清哂。煎雞軟骨餃子，餃子煎得夠脆，內餡用雞軟骨整成，又脆又有咬口。章魚御好燒的確係該店既招牌，燒得均勻。章魚再夾爽脆既菜整成。連埋燒醬入口味覺豐富最後當然要向你地撞介佢地既串燒，今次叫左燒鳥拼盤貪佢可以一次過食到多種食物。每樣食物都燒得恰到好處，再加埋佢地既燒汁，一串接住一串咁好快食哂。

一直都很欣賞開在大埔區的一鳴拉麵，味道出色之餘，小食質素也相當不錯上水區的一鳴拉麵裝潢很有日本風，木製座椅，感覺非常舒服雖然只有一名侍應，但是應付得綽綽有餘，禮貌也不錯一鳴（豬骨濃湯） $75正宗的炙燒叉燒，濃厚creamy 的豚骨湯底，爽彈的幼麵底，爽脆的紫菜跟適量的黑木耳，那半隻的半熟蛋甜味恰到好處，就是一碗正宗的日式豚骨拉麵🍜限定鳴 （牡蠣🦪豚骨）$108跟上面的拉麵不同的是，這一款口味比較重鮮味，沒有那麼濃郁，不會太過飽滯，配料內加入一塊叉燒，三隻漬蠔，蠔的體積不大，不過味道卻相當濃郁，令人10分驚喜免治雞肉棒 配月見醬油 $36在嫩滑的雞肉棒內加入雞軟骨，口感多層次，配上日本生雞蛋跟醬油的調配，10分地道而且甜美雞肉京蒽燒$46 兩條這個頗簡單，就是串燒雞腿肉加上照燒汁跟甜美的京蒽，體積還滿大的，外皮很是爽脆，味道不錯一直都很欣賞

被餐廳嘅日式裝潢吸引🇯🇵平時夜晚見佢大多數都要排隊，所以我今次特登揀平日嘅2點去食，唔需要排隊就直接入得~一鳴拉麵 加辛口肉醬 櫻花蝦 味荀 蛋 ($128)拉麵熱辣辣攞上台，香氣撲鼻🥰湯底係豚骨湯，濃而不膩，食完都唔會口渴。細麵嘅軟硬適中，相當彈牙，亦都非常掛湯👍🏽唐辛醬令到碗拉麵更上層樓，很香口。叉燒嘅肥瘦適中，食落非常軟嫩可口，同時亦不乏豬肉香味。十分滿足😋赤辛拉麵 加辛口芽菜 加套餐 ($118)湯底嘅基礎依然沿用豚骨湯，再加上地獄醬，辣度適中亦十分過癮。太麵嘅麵身較粗身，同樣都非常彈牙掛湯。豬軟骨嘅烹煮時間非常足夠，咬落相當軟嫩。同時，豬軟骨也非常入味🤤青檸青蘋果梳打酸酸甜甜，很清新。炸雞相當有驚喜🥳即叫即炸，炸粉唔會過厚，咬落好多肉汁🍗

話説我有一日突然想食日本嘢，但係又懶得出市區，就上網睇吓附近有咩日本料理抵食，就搵到呢一間，所以把心一橫決定試一試。我同朋友兩個人去食，由於好肚餓所以叫左好多嘢食，睇吓張單加埋都唔使$300！首先嚟咗個胡麻醬素菜豆腐沙律，豆腐在麻醬的加持下更顯豆味，整體口感清新，素菜中規中矩，作為開胃菜的確一流。然後係一鳴創作醬炸雞，炸雞份量足，粒粒都啖啖肉，就咁食已經好惹味，落咗檸檬汁則有助去油膩，而且亦更加開胃，美中不足的是有啲雞粒炸粉厚左少少。到了主菜環節，先上了黑蒜拉麵，一層薄薄的黑蒜油覆蓋了整碗拉麵，吃起上來會比較油膩，未必個個都岩食。最大驚喜的就是明太子海鮮御好燒，首先最緊要嘅就係十方足料，真係淡淡都有海鮮，而明太子醬酸酸甜甜，配搭由海鮮蔬菜同麵粉混合而成的餅底，簡直係人間美味，一啖接一啖停唔到。所有材料都煮到偏軟，切起上嚟比較輕鬆，實在係一家大細嘅必選菜式。總括依然都係十分之抵食，而且品質都唔錯，有機會會再嚟食過。

上水運動場對面既一間日式料理環境都好有日本居酒屋Feel🇯🇵☺️明太子海鮮雜錦御好燒 $78⭐️⭐️⭐️⭐️超級足料‼️章魚、蝦、椰菜…食落唔會話好厚粉，個外皮同材料份量配合啱啱好👍🏻夠香口⭐️不過建議叫咗御好燒 就唔好食飯，因為會好飽🤣🤣煎雞軟骨餃子$38口感爽脆，japjap聲🤤🤤煎到外脆內軟👍🏻黑蒜拉麵 配豬軟骨$78 佢有幾隻味道嘅湯底，今日試咗呢個黑蒜湯底濃厚，較為惹味，可以自選面嘅硬度同埋粗幼個人比較喜歡硬身少少，都配合到呢個要求🤤 拉麵都好掛湯配左豬軟骨，但略嫌豬軟骨有少少韌可能日式叉燒會比較好下次應該會試叉燒吉列豬扒便當 $82吉列豬扒鬆脆，外脆內軟，有醬汁搭配都有唔少嘅配菜同沙律🥗好新鮮👍🏻亦都有配唐揚雞 ❤️兩個炸嘅料理，都唔會有太厚炸粉，唔錯晚市有+1 回頭指數⭐️⭐️⭐️⭐️⭐️

之前聽friend介紹過，之後咁啱順路就特登去試吓。一行入去覺得間嘢好大，啲枱櫈都唔會話好擠迫，環境真心唔錯。食物方面好多選擇，價錢都唔太貴，所以最後揀咗😚整體嚟講份量好足，真心抵食，兩個人食到超級飽！我地一個人叫左叉燒拉麵，一個叫左豬軟骨拉麵，仲加左一份炸雞同一份餃子。個拉麵真係好足料！無論係叉燒定豬軟骨都係非常軟熟、入味，就算唔追加，應該都好夠食，但非常建議追加叉燒同豬軟骨，因為真係超級無超級大滿足！拉麵嘅湯底都係好濃郁，成個感覺係非常高級😋炸雞同餃子方面其實都係好唔錯，尤其個炸雞係好新鮮炸出黎，但有少少太飽了，我地兩個女仔最後真係食唔晒😂總結黎講，係上水唔係太多好野食嘅地方，呢間拉麵真係一個好唔錯嘅選擇！

入上水睇吓有無新界年花，就在附近(一鳴屋台料理)竭吓腳仔，店舖裝潢寬敞，店員臉上掛滿笑容很有禮貌❣️原條蒲燒鰻魚便當~鳗魚表面塗上蒲燒醬，呈現眼前是令人垂涎的焦糖色，原條鰻魚肥美豐富的油脂，增添肉質嫩軟順滑美味，一點兒腥味都沒有炸雞~一層金黄香脆外皮，肉質鮮嫰juicy非常惹味🥰沙律菜~豐富色彩又青翠嫩口，每款沙律菜都各具味道❣️黑蒜拉麵~火炙叉燒~帶有脂香，但油而不腻入口溶化辣味荀~微辣爽脆越食越覺美味辛口芽菜~清爽，没有豆腥味太麵是有嚼勁的粗捲麵後追加細麵吸“索”濃郁黑蒜湯，口感又是另一個層次

黑蒜濃湯豬軟骨湯粗麵每碗麵都有半隻蛋,是溏心蛋,好流質、入口幼滑。我個人又鍾用筷子一小口一小口夾中間的綿滑蛋黃入口食。塊叉燒半肥半瘦,點滿湯食,個人鍾意厚切,口感會豐富啲。豬軟骨有三件,間中食到一口入口即溶的感覺。櫻花蝦要必加,一口麵加一小「執」蝦,鹹鹹地好好味。黑蒜豬骨湯底,味道及口感濃郁。另外可以追加紫菜和辣味筍小食。再加多一杯飲品就是一頓豐富的日本湯麵餐。炸餃子炸雞小食炸餃子外面相當脆,必要點餃子汁。每隻都肥嘟嘟,豐富餡料。炸雞外面都是炸得相當脆,肉汁不算流失太多。隨碟上的沙律醬有微微的華沙B。午膳時候都有好多人等,大家就要預早啲入場啦。

今日下午放假，途經上水，喺龍琛路運動場放低架車🚙，行過對面就見到呢一間外面裝修得好有日本⛩️feel，所以就供咗入去食午餐。室內的裝修，都係用日本人鍾意嘅木🪵為主，仲有吧枱座，而櫈下邊仲有個籃可以裝包包👜。背景播住好輕快嘅日本歌，真係好似去咗日本🇯🇵。午餐主打拉麵🍜同便當🍱，我同朋友都係拉麵控，所以兩個都嗌咗拉麵🍜🍜。呢度無論湯底，麵條，麵質，配料辣度到都可以自由選擇，仲可以按個人喜好及食量追加不同的配料，面，及湯。（香菜☘️）拉麵🍜$78本身豬骨🐷湯已經味道10分濃郁，再加上呢隻顏色，就知道加咗唔少香菜落去煮。我揀咗幼麵，因為鍾意佢能夠掛多啲湯，麵身方面都好爽口同彈牙，唔會林啤啤。個豬軟骨🐽真係煮得好𣺉，好入味，咬落去骨膠原嘅膠質充滿整個口腔！yum yum! 叉燒肥肉相稱，有種鹹香嘅美味。溫泉蛋♨️🥚，煮的火候處理得好好。蛋白好軟棉，仲有少許流質嘅狀態，而蛋黃亦都做到流心嘅效果。因為鍾意食味荀，所以同朋友都嗌咗原味同埋辣🌶️味，個人唔係好食得辣，所以覺得辣味都幾勁，鍾意食辣嘅朋友就啱啦！同朋友都加$30 ，叫埋小食同嘢飲鹽酥雞腿🐔🦵🏽一碟有四件，都幾大件。炸得好鬆脆，咬落去好脆口同鬆化。鹹

今日去咗一鳴食晚餐豬骨濃湯拉麵湯底鹹味適中，香濃豬骨味，拉麵掛湯，叫多咗隻溏心蛋，入面蛋黃熟度啱啱好唔會漏出嚟。菠蘿青檸薄荷葉特飲，賣相唔錯之餘亦都好大杯，味道夠酸有菠蘿味，非常開胃。燒芝士年糕，口感軟綿綿，芝士甜中帶鹹，味道唔錯，外面嘅糯米皮亦燒得香脆。燒鰻魚，鰻魚肥美，但醬汁偏鹹。明太子海鮮什錦御好燒賣相吸引，面頭有木魚絲同明太子醬，味道較濃郁，裡面都好多嘅蝦同章魚，仲有生菜絲中和味道，表面亦燒得香脆。炸原隻軟殼蟹，軟殼蟹非常厚肉，外脆內軟，加啲檸檬汁更開胃。生薑汁炒什菜炒得幾香，醬汁味道偏濃，什菜爽口新鮮 。汁燒茄子嘅口感唔會燒得好淋，質感啱啱好，配上蔥同芝麻醬令味道更豐富。雞肉京蔥燒嘅份量充足，雞肉亦口感豐富帶點肉汁，唯燒得焦咗少少。

一嗚衝出大埔 係上水開咗分店 今次試吓佢啲日式料理同串燒唐揚原隻軟殼蟹 $48啱啱炸起嘅軟殼蟹好香口好脆 入面嘅肉質豐富厚身 味道亦唔會過漏燒芝士年糕$28燒芝士年糕燒得啱啱好 表皮少少微焦 入面年糕少少軟熟帶點煙韌 加埋甜甜地嘅味道明太子海鮮御好燒 $78面頭有好豐富嘅木魚同明太子醬 入面嘅海鮮份量充足 充滿魷魚 蝦仁等等 麵粉唔會多到令口感偏粉漿燒赤魚一夜干 $68吸乾咗水份嘅赤魚 鮮味突出 肉質彈牙爽口鰻魚串燒 $48鰻魚切得中等厚度 口感偏少少硬身 配上嘅鰻魚醬汁比較濃郁雞肉京蔥燒 $46雞肉配京蔥燒一流 不過今次整體燒得焦咗啲一嗚拉麵$75 麵條揀咗偏硬嘅細麵 配叉燒菠蘿一千零一夜 $32飲品好大杯好足料 菠蘿嘅甜味加埋青檸 薄荷葉嘅微微酸味 令整杯味道好清新 飲落舒適

呢間一鳴已經成為咗我心目中嘅北區no.1 拉麵當想食拉麵嘅時候，就自自然然會諗起佢🦪限定拉麵 - 牡蠣豚骨湯拉麵呢個拉麵真係不得了，喜歡食蠔嘅朋友仔絕對不能錯過！先講一講個蠔，總共有三隻， size唔算大，但係超級肥美！表面應該係搽咗醬汁再燒過，超級香，裏面竟然係生蠔嘅口感，勁鮮甜，真係估佢唔到！湯底係經典嘅豚骨湯，再加上蠔嘅鮮味，原來係好夾好好味架🌶️赤辛拉麵呢個拉麵嘅湯超濃厚，拉麵超級掛湯，再加埋有肉碎同木耳絲，每一啖都好惹味。豬軟骨都好腍，超級入味，正！🦑燒魷魚一夜干魷魚嘅份量都幾多，味道都唔錯，但略嫌燒得唔夠香口。🐟唐揚北海道池魚仔呢個小食用嚟送啤酒一流！池魚仔炸得好香，配沙律醬好好食，好快唔覺唔覺就食晒成碟！🍺Orion 5% （日本沖繩）

📎餐廳類別：日本菜🇯🇵⏰用餐時段：晚飯雖然餐廳座落係較為偏僻嘅上水但係店舖好門口好吸睛 🇯🇵😍一睇就睇到晚餐時段八點左右到 座位已滿近80%店舖菜式選擇有好多 拉麵🍜串燒 一品料理…價錢方面相當貼地 以呢個質素嚟講 真係算抵食🫡留意到全店大部份人都食拉麵所以我都叫咗一碗試吓 👅豚骨湯叉燒拉麵🍜配嘅流心蛋好好食😋章魚🐙御好燒 一上枱聞到好香 口感屬於偏濕（只係我個人比較鍾意食乾身的）雞軟骨串燒 味道係夠嘅 幾好食蒜蓉牛油🧈炒雜菌 大大碟 抵食👍🏻燒鯖魚🐟 每次去日式餐廳/都好鍾意叫嘅一個菜式 呢間燒得啱啱好 夠香😍雞皮🫣呢個推薦呀 好好食又脆羊架🫡羊架算幾大件 不過調味比較淡芝士年糕 👅👌🏻👌🏻好食 有咬口🍽餐廳環境：🧡🧡🧡🧡💛🙋🏻‍♀️餐廳服務：🧡🧡🧡🧡💛👨🏻‍🍳👩🏻‍🍳味道🧡🧡🧡💛💛💲性價比：🧡🧡🧡🧡💛

黎到上水返工幾個月，朋友又喺古洞開工，想約食飯但都好難揀餐廳，因為上水抵食嘅鋪頭都收得好早，朋友又鍾意食拉麵之類嘅日本嘢。好彩搵到呢間餐廳，舒服好坐，食品質素同性價比都幾高。六點幾就完全天黑嘅上水，有幾分晨咁早就天黑嘅日本嘅感覺xd鋪頭好乾淨企理，播住舒服嘅日本歌。職員都好年青有活力同禮貌。食物方面主打拉麵，但實際上咩都有，好似居酒屋。我點左黑蒜豚骨湯底拉麵，朋友就原味豚骨。再加玉子燒同雞軟骨。湯底嘅豚骨鮮味好突出，黑蒜味亦同豚骨味好夾，增加少少刺激又唔削減果份甜味。麵好爽口，而且有爽脆嘅木耳絲增加口感。原味都同樣OK叉燒半肥瘦，唔會只係一舊煲湯豬肉咁鞋颯颯。而且有烤過，食落更加香口。溏心蛋又係高質，蛋黃有酒味。小食都好有心機，玉子燒夠甜夠滑，而且面頭好多木魚絲，用鹹香味吊玉子嘅鮮甜出嚟，值得一讚。雞軟骨就係高cp之選，幾十蚊夠大兜，又爽脆又香口。吹水送飯一流。完食圖，朋友連湯都飲埋，我剩低一啖，太飽了上水有呢類餐廳真係增添唔少色彩，喺度返工返學都有更多選擇。

上水有林林總總的日式餐廳，但我還是喜歡這一間餐廳主打一般拉麵及小食等，但製作認真，食品質素有保證，水準跟日本當地的餐廳差不多。今天我打大佬，叫一個芫荽拉麵，芫荽咪道十分出眾，但豬骨湯底的味道亦沒有蓋過，兩者配合得剛剛好，是一款很好的fusion菜。隨後一點款日本大阪燒，廚師的手藝非常好，除了豐富的海鮮外，大阪燒的底面易煎得剛剛，是用心之作。這間餐廳，價錢親民，質素有保證，是一間物有所值的餐廳，歡迎大家經過先進去一試