一鳴屋台料理

營業中

休息中

開關後上水人多了很多，最怕逼人的我在lunch time都想坐得舒服一點，咁啱呢日老公想食拉麵，上水食拉麵選擇超少呀，經過這間一鳴屋台料理覺得環境唔錯，試一試先！走入去店舖比我想像中闊落，有卡位亦有吧位，而且乾淨企理，店員亦有禮。午餐有拉麵及丼定食，我同老公都係拉麵控，當然食拉麵啦！湯底方面有一鳴/黑蒜/赤辛/香菜/松露共5款，喜歡松露的我order雜菌松露醬油豬骨濃湯，老公則點了黑蒜湯底，麵條可選細麵/太麵，配料可選叉燒/豬軟骨，麵質、蔥多少、木耳等都可自由選擇，可加$25變套餐包飲品及一款小食。雜菌松露醬油豬骨濃湯拉麵豬骨醬油湯底濃郁，在拉麵上一小陀黑色的松露醬，記得吃之前攪拌一下，整碗拉麵散發陣陣松露香，配上炙燒叉燒，大塊叉燒肉炙燒過逼出香氣味道，食落非常滋味！豬骨濃湯配自家製黑蒜油拉麵豬軟骨煮到軟綿綿非常易入口，整碗拉麵吸收黑蒜油香味。煎雞軟骨棒餃子外皮薄脆，內餡的雞軟骨和融合豬肉，口感爽脆。唐揚豆腐酥脆外皮的口感，3粒唔夠喉呀！

好快就有位 ,入到去見到個Menu 有個好特別湯底嘅拉麵「芫荽醬濃豬骨湯」（本身我係芫荽控，一定要試一試）有驚喜，好香芫荽味，亦食得到，但餸唔會比芫荽醬蓋過晒所有味仍然食到原味，豬軟骨好淋，但唔會切到碎晒咁上，叉燒都夠大塊拉麵可以選擇軟硬度另外叫咗「蒲燒鰻魚滑蛋定食」，鰻魚都夠厚、新鮮，唔會有腥味！份量都算多👉🏻有半條，出面好多係切開得幾舊。☝🏼佢既小食「茄子」一定要試，好開胃，可以去一去飽滯感另外小食叫左「七味唐揚墨魚咀」，大大粒，炸粉亦唔厚，呢個都非常出色雖然有七味粉，但唔會太辣，香口而已。野飲「青蘋果白桃乳酸梳打」，味道夠濃，唔係開到稀晒扮大杯，不過建議少冰會好啲

一鳴屋台｜上水 有驚喜日式料理 ｜《拉麵》今次試咗上水嘅一間日式料理，覺得都幾驚喜，估唔到上水都有咁嘅水準嘅拉麵。連羊先生咁揀飲擇食，都覺得唔錯，呢間我哋下次都會再去試吓其他味道嘅拉麵同料理赤辛拉麵（秘製地獄醬豬骨拉麵） $85份量都唔少，成碗都紅卜卜，望落好似好辣，豬骨湯都好濃郁同埋辣味真係好出眾，所以食得辣嘅朋友先好order呀。呢間拉麵店，可以自由選擇想揀豬軟骨定係叉燒，我哋今次就揀咗叉燒配辣味拉麵。叉燒表面有炙燒過，非常香，肉質都好嫩。配上嘅肉醬，味道都好唔錯，地獄醬豬骨湯配上幼身拉麵，每條面都吸收晒辣湯嘅精華松露 （雜菌松露醬油豬骨濃湯拉麵）$88雖然我哋唔係松露嘅fans，但係見到咁特別嘅拉麵口味點都想試吓。聞落就好香黑松露味，成碗仲要黑色咁。湯底方面就幾香嘅，不過飲落就冇聞落咁重黑松露味，感覺上黑松露味已經融入咗豬骨湯底入邊，都值得試吓。呢碗拉麵，我哋揀咗豬軟骨，豬腸骨份量真係超級多，味道方面就似係醬油漬豬軟骨咁明太子櫻花蝦軟殼蟹御好燒 $88呢份御好燒都幾好食，底部用咗韭菜，同埋其他蔬菜，再加埋蛋漿煎成，味道好香，但識落就唔會太多麵粉。上面嘅炸軟殼蟹都非常之大隻，好香脆

好耐冇嚟過上水，馬會道呢度開咗好多新餐廳。見到呢間門面裝修好靚，入到去都好有日本feel，嗌咗好多嘢食試吓，最後勁飽咁走😂飲品大大杯，抵嗌！問侍應邊款冇咁甜，最後嗌咗薄荷特飲無嗌梳打特飲。老公話嚟食日本嘢一定要啤酒(其實你食乜都飲架啦🤪)炸雞分量好足，新鮮熱辣炸起，外皮鬆脆😁😁😁呢度嘅串燒唔係鹽燒，係加燒汁，適合重口味人士😆😆燒茄子唔係原條燒，係一塊塊個種，但係都好食😋雞串燒拼盤好多選擇，最開心有燒雞皮🥰同生蛋沾雞肉棒🤩鰻魚玉子燒大大份，玉子燒唔會係調味好甜個種，啱晒我口味🥰食咗咁多，仲要最後大碗拉麵，湯底夠辣，加$10啲荀勁多😆😆 叉燒唔算薄切，而且大大塊，抵食！走嘅時候，店員介紹可以食埋大埔分店，有機會一定會試😋

抵食日式午市定食🐰同fd叫左定食同拉麵+$25就可以轉成套餐有飲品同埋1款小食🥕蒲燒鰻魚滑蛋丼定食$98⭐️⭐️⭐️⭐️⭐️叫左多汁好正，鰻魚完全冇骨啖啖肉又大條，燒到微微焦香，口感偏淋身既係🐰既最愛，滑蛋加左洋蔥去炒，夠滑又重蛋香，又有洋蔥既微甜，碗邊有薑同蔥，附上漬物和湯。🥕赤辛拉麵$85+55⭐️⭐️⭐️⭐️⭐️叫左硬既細麵，唐辛醬🌶🌶，本身叫左豬軟骨再加左叉燒，2者都非常肥美入味，炆到好淋又香口。湯底勁濃厚令拉麵完全可以掛湯非常入味，櫻花蝦更增添不少風味。辣味荀有微微酒香，不會太辣。辛口芽菜好惹味，幾爽口。🥕炸雞(3件)⭐️⭐️⭐️☆☆表面吱上芥末醬，🐰感覺已經夠味道，不過fd就感覺可以再醃耐少少，炸到好香口，又夠大件。🥕煎雞軟骨棒餃子(4隻)⭐️⭐️⭐️☆☆有醋可以點，煎到香脆可口，雞軟骨都不錯。🥕日本白檸波子汽水⭐️⭐️⭐️⭐️☆完全係童年回憶呀～完全5記得點開了，好彩有店員幫手🤣估5到出左甘多隻味，都係原味先係最正！🥕烏龍茶⭐️⭐️⭐️⭐️⭐️解膩一流，幾香茶味。店舖坐位舒適乾淨，冷氣足夠，又播住日文歌幾有日本feel，枱面更附上冰水，店員服務態度良好，佢見我地食得甘開心仲介紹我地可以試下夜晚，因為有串燒同埋更加多食物揀

五大基本湯底 & 一個限定一鳴——豬骨濃湯拉麵黑蒜——豬骨濃湯配以自家製黑蒜油赤辛——秘製地獄醬豬骨湯底香菜——清新芫荽醬混入豬骨濃湯松露——雜菌松露醬油豬骨濃湯？？？限定？？？就係估你唔到 要當日食先至限定係咩🤣🤣俾個驚喜你👀鹽燒牛柳粒 燒珍寳帝王蟹棒燒河豚乾認真製作 嗰粒沙律醬整得幾靚🤣切好埋一條條俾你脆口河豚乾巨峰士多啤梨乳酸梳打巨峰味道再加士多啤梨嘅香味 最緊要梳打相對健康飲到Soft drink 嘅爽快 而糖分相對減低松露拉麵 🍜 蘑菇味道比較重 有黑松露嘅香味麵類 配料嘅多寡 赤辛醬問你有冇需要 拉麵嘅軟韌度 自己拉麵自己度身訂造 濃郁蘑菇湯底 值得試試 唔係好多地方有

因為平日嘅關係，同屋企人近近地喺附近食飯。由於好耐冇食拉麵，所以就提議去一間就近嘅拉麵餐廳， 之後就揀咗呢間一鳴屋台料理。其實呢間嘢之前睇住佢裝修，但一直都冇機會入去嘗試。 點知試完真係有啲後悔自己唔早啲嚟， 原來上水都可以食到咁高質嘅拉麵。首先我同屋企人各自點咗一個拉麵， 因為好耐都冇食辣嘅關係咁我就點咗呢一個赤辛拉麵， 而屋企人就分別點咗黑蒜拉麵同香菜拉麵。個拉麵上嘅時候其實都有啲驚，因為見到佢紅卜卜咁，驚會辣到食唔到。但結果有啲出乎意料，因為個拉麵嘅辣度，其實都幾啱啱好唔算話好辣。 對於平時喺譚仔食小辣嘅我來講完全冇問題。整體嚟講， 個拉麵嘅水準都非常高， 個面好食之餘，啲配料亦都好足。至於屋企人點咗嘅黑蒜拉麵同香菜拉麵，聽佢哋講亦都唔錯，尤其係香菜拉麵， 絕對滿足到愛茜人士嘅口味。除咗拉麵之外我哋點咗一啲其他嘅小食， 例如呢一個炸魚仔， 成條魚炸得好鬆脆好香。個人非常之鍾意呢一個雞肉拼盤， 因為佢一次過有晒，雞翼，雞腎，雞丸，雞串，雞皮， 仲配埋日本生雞蛋去點個雞串食。一過滿足幾個願望，性價比非常高，10分推介。除此之外亦都點咗一啲日本小 番薯， 同秋葵， 食落去都不過不失，有

由細到大住上水區內嘅餐廳好多都試過偏偏呢間拉麵鋪未試過今次放工就約埋屋企人食————————-屋企有人鍾意食芫荽又有人鍾意食辣而我就比較鍾意黑蒜啱啱好一人一個拉麵試一試芫荽拉麵非常之重嘅芫荽味鍾意食芫荽嘅朋友絕對唔可以錯過至於辛辣豬骨都偏向比較辣同濃味鍾意食辣嘅都可以試一試而我就揀比較大路嘅黑蒜味道好香 湯底夠厚夠濃郁仲叫左池魚仔新鮮炸熱辣辣點沙律醬好食甜薯一人兩粒好滿足秋葵同翠玉瓜都值得叫加埋木魚特別好食最後仲叫咗一個雞拼盤分別有雞翼、雞肉棒、雞軟骨、雞腎、雞皮、大蔥雞肉一碟可以滿足六個願望特別係雞神雞軟骨同雞翼燒得好香亦夠晒入味一人一杯飲品正呀————————整體嚟講都唔錯六百幾蚊咁多嘢食值得再試

未飛到去日本，近近地去上水 #一鳴屋台料理 食日式拉麵，填補心靈🥹。鍾意食辣野，必點 #赤辛秘製地獄醬 🔥，豬骨湯底湯郁，配上辣醬，有啲似午香肉丁味😍！自選了幼麵，軟硬度剛剛好且彈牙，仲非常掛湯🍜。加了兩個🌶嘅唐辛醬，將辣肉碎＆木耳絲配麵，口感豐富🤤。#豬軟骨 🐷 軟淋又入味，下次想試埋叉燒🤭。每枱都有凍檸檬水🍋，真係跟足同日本拉麵店架～人氣 #芝士明太子玉子燒 🫔，蛋香濃郁🥚，夠滑又有芝士拉絲，有淡淡明太子鮮味😍，勁好食！我地仲試咗 #海鮮什錦炒拉麵，非常足料又大碗，拉麵彈牙，有好多櫻花蝦仔🦐，木魚碎，椰菜絲，又香又好味。呢度裝修都幾似日本啲屋台，但坐得舒服好多😆。住北區嘅朋友，真係一定要試！

正煩惱緊晚餐食咩之際，就見到拉麵店門口呢個牌，竟然出咗新口味 - 雜菌松露醬油豬骨濃湯，係我最愛既松露梗係要試試佢！我係平日八點左右嚟到，但已經全場爆滿，大概等咗半個鐘，終於可以入座。喺呢半個鐘入面，我同朋友已經精心挑選左想試嘅菜式雜菌松露醬油豬骨濃湯拉麵🍜本身嘅豬骨湯底非常濃厚，加上松露嘅獨特香味，可算係錦上添花。豬軟骨好腍好入味，溏心蛋煮得啱啱好，成碗拉麵都好滋味明太子櫻花蝦軟殼蟹御好燒🦀御好燒上面係一整隻軟殼蟹，非常有份量！山椒汁燒廣島蠔🦪蠔燒得啱啱好，外表好香，內裏係半熟，口感非常嫩滑，蠔嘅鮮甜味好岀。一鳴創作醬炸雞🐣炸雞好juicy，再配埋個甜甜地嘅沙律醬，唔錯！七味唐揚墨魚咀🦑平時好少見到呢個菜式，所以特登試一試。微辣，粒粒香脆，口感幾得意。雞皮串燒🍗外脆內肥，口感好新奇，而且裏面嘅雞皮係摺疊嘅，並非薄薄一塊，所以會食到好明顯嘅雞皮口感。

每次去到上水都係覺得無咩好食，一係連鎖，一係就睇落唔吸引。今日咁岩古洞搭小巴出返上水，就試下評價好似不錯的日本餐廳。餐廳門口，假日12時才開門，等左幾分鐘剛好入得，旁邊同等位食客一路同友人強調呢間好食，都有啲期待。店內位置都頗寛敞。午市主要有麵食同熟食丼飯，但見都係主打拉麵，同友人各叫左一碗拉麵。一碗豬骨一碗黑蒜。兩碗湯底都唔錯，叉燒半肥瘦，另外還有木耳同蔥，份量都好足料。價錢$82-85，另外加$25可以跟餐，我地選配左軟骨餃子及汽水。餃子正常日料水準。總括而然，算係上水地區係不錯的小店，希望下次可以試埋丼飯類

2年前食過大埔店，印象中係幾好食😋今日喺上水行過見到佢有分店😊咁就入去試吓啦🤩同樣的環境都係好有日本風情⛩⛩而嗌拉麵🍜都可以選唔同口味🤩呢度除咗有拉麵仲有定食🥳咁就試吓新野啦😋😋叫咗一個什菌松露醬油豬骨濃湯拉麵🍜野菜叉燒炒拉麵，一個蛋汁吉列豬扒丼定食同埋一鳴創作醬炸雞🍗什菌松露醬油豬骨濃湯拉麵🍜湯底偏杰，好重豬骨湯味👍🏽另外有黑松露放一面，什菌係炸過既，隻蛋係精粹😋非常入味😌豬軟骨非常淋☺️都係用心之作😊野菜叉燒炒拉麵🥦🍲賣相相當吸引而且嚟到香噴噴未食已經比個香味所吸引😊😊食落去嘅味道比較淡，但係都係有味嘅😌如果鍾意食重口味嘅你呢個就未必啱食啦😂蛋汁吉列豬扒丼定食🐽雖然同我哋預期中係有啲出入，但係我想講嘅係呢度嘅炸嘢非常出色🤩🤩個豬扒好好食😋😋😋除咗外脆內軟，外皮直情係鬆化😆無可挑剔😝一鳴創作醬炸雞🍗超級推介👍🏽👍🏽外脆內軟，而且有汁，配埋個醬就冇油膩既感覺😋😋 整體來講呢間都算出色😊環境舒適食物又唔太貴而且好味👍🏽👍🏽都係值得推介嘅一間餐廳

約朋友係北區食飯，佢即時推介一鳴屋台料理👍🏼真係好介紹，係北區少有既居酒屋🏮無論外圍裝修，或者入面環境，都好有居酒屋氣氛🌟同朋友早小小嚟食就唔洗等位啲食物樣樣好吸引，樣樣都想試，但又驚食唔晒最後都揀咗幾樣試吓😋⭐️黑蒜叉燒拉麵⭐️今次揀咗泰太麵，湯底味道濃郁，叉燒軟滑一啲都唔嚡口👍🏼⭐️明太子雜錦御好燒⭐️口感好豐富，有大大粒海鮮爽口彈牙，因為有唔同材料，一啲都唔濟嚟都居酒屋，梗係要食啲串燒⭐️山椒汁燒廣島蠔⭐️醬汁香濃，啱啱燒出嚟即時趁熱食😋⭐️汁燒雞翼⭐️絕對唔會好似其他燒雞翼咁好乾，多汁香口⭐️炸雞軟骨⭐️粒粒都卜卜脆，仲要$38大好大份加埋荔枝梳打同巨峰梳打，成餐飯十分滿足😝要俾大家睇吓張大合照😆叫咗咁多嘢食，買單先$377，而且樣樣好味，性價比好高，一定會再encore😍

睇到網上好多好評🤓咁啱又喺附近探朋友咁就嚟排吓隊喇～😳真係晚上七點都未夠 就要等五六張枱先入到去😢😢😢入到去 淨係覺得個waitress好忙落單又係佢 埋單又係佢 送餐都係佢😳所以做咩都要等一陣😂個menu 有定食亦都有拉麵仲有其他小食飲品我覺得個拉麵Menu好特別～唔同湯底有得揀太麵或者幼麵麵身嘅軟硬程度要唔要走啲配料要叉燒定要豬軟骨!!!! (呢個好unique!!!) 豬骨湯+叉燒+太麵（普通硬）+走蔥走蒜+ 辣調味🍜湯底唔係好咸 都幾飲得落口🍜叉燒得兩塊同埋比較簿身 冇咩特別🍜太麵 我略嫌佢比較淋身 下次會揀硬麵🍜大辣都唔覺好辣黑蒜湯+豬軟骨+幼麵+多蔥🍜朋友就話個黑蒜湯唔係好有蒜味 還好～章魚御好燒 （即係大阪燒）😆冇咩特別 合格水平 唔難食 都冇話覺得正總括嚟講下次都未必會專登嚟食～（場外：個waitress 雖然好忙 但好脾氣～幾好傾🤣）

情人節決定接情人放工，再附近搵野食經過間居酒屋見門面幾靚就入去坐低撐下枱腳柔和既燈光，日式既裝潢顯得份外舒服，坐得尚算舒適芝士明太子玉子燒$88一上枱就係好似卷蛋形狀既玉子燒，上面鋪住橙色芝士明太子醬，賣相好吸引輕輕切開一舊，見到一層又一層既玉子，夾著飽滿既蛋汁，忍唔住咬一啖，果然蛋汁豐富，燒既時間拿捏得相當好，蛋絕對唔會老，近乎入口即溶。而佢採用日本蛋，所以玉子都相當滑溜。芝士明太子醬就酸酸甜甜，連埋玉子食就唔會覺得膩，超好食，超級推介唐揚雞軟骨$38正常發揮，份量幾多，抵食汁燒原條魷魚$78魷魚新鮮，燒汁味道唔錯，魷魚腳燒到好香，口感又煙韌，好正蒲燒鰻魚滑蛋丼定食$118麵豉湯香濃，唔會好鹹至於滑蛋丼，creamy 既滑蛋飯好軟熟香口，相當出色。鰻魚味道都幾香口，但稍為硬一點點總括黎講，間居酒屋好食，兩個人食都飽哂，服務態度又好，回頭率高。本身想試埋大板燒都食唔落嚕，下次再試