一風堂 (Lab Concept 金鐘廊)

營業中

休息中

这家一风堂还可以，能刷八达通卡，支付宝等，买单的时候比较方便。金钟廊这边工作日中午吃饭都是排队的。。基本都上班族。午餐的话最好错峰。店里的位置蛮多的，在香港来说座位还算大。。点了白丸，赤丸和黑面。温泉蛋，加面要另收费，桌上的三种小菜蛮好吃的，很开胃。饭店的服务还行吧，有个年轻的女服务员挺漂亮。。瘦瘦的人也勤快。男的几个爱理不理的，10%的服务费能指定给人就好了。总体而言挺不错的一家日本拉面馆。作为工作餐的选择还可以吧。

在金鐘搵餐飯食唔容易，大部分餐廳價位唔平，而在繁忙時間仲好多都排長龍。今日見一風堂等位既人唔算多於是入去食dinner。餐牌上有好多選擇，各式拉麵有辣有唔辣，麵條的粗幼及軟硬度都係任君選擇，十分細心。除了正常Menu之外，今次仲見到有個新出以蛋做主題既Menu，上面有我好鐘意食既茶碗蒸，就叫左一個白色既來試下。平時來一風堂都係悶悶地食個拉麵算，今次都係第一次見有茶碗蒸食，幾有新鮮感。茶碗蒸上放左幾塊豚肉，雲耳同蔥，味道和口感互相輝映，係唔錯既配搭。蒸蛋香味濃郁，好滑身，口感好實在，值得推介。赤丸拉麵－湯底唔錯，拉麵質感爽口彈牙。

拉麵最重要就係湯底湯底香濃 唔會太咸叉燒夠諗而且質感好好 唔太硬唔太爛自己就鍾意再加蔥同佢枱面既配菜有芽菜 另外一個好似叫高菜 有少少辣亦都可以即磨芝麻加入去成碗即刻香晒建議食到後期先加以上配料因為本身味道已經好香濃好足夠

有同事話一風堂同滙豐信用卡做買一送一!但是office在中環，中環店無做優惠。適逢今晚要OT，約埋幾個同事一齊收工去食返餐好西! 一風堂會社交網站update拉麵尚餘數量，好貼心。收工後一行四人去了金鐘的分店，已經見到人龍，幸好等待的時間不太長，大約等了半小時便可以入座。今次優惠的拉麵有四款可以選擇: 白丸元味，赤丸新味，特製白丸元味，特製赤丸新味。白元係原味豚肉湯底，而赤丸就是辣味豚肉湯底。特製較普通的拉麵多了紫菜和温泉蛋。叉燒的部分，特製拉麵選用了低溫豬柳，而普通的則是用卷腩及卷豬柳!我們選了特製赤丸及特製白丸(各$88)前，紫菜墨魚鬚($35)及新品芫荽餃子。上菜的速度頗快，赤丸和白丸湯底濃郁，豬肉超淋， 微辣的湯底令胃口大增。炸墨魚鬚爽口彈牙，加上沙律醬酸酸甜甜，下次可以再encore!另外的芫荽餃子比想像中較少，芫荽味不太重， 額外加上碟上芫荽會更好!整體味道水準平均，價錢優惠，為忙碌的一天畫上美好的句號!

水準一向穩定嘅一風堂，今次用匯豐信用卡有買一送一優惠，水準都保持返，味道同麵嘅軟硬度依然做得不錯！金鐘人流唔算多當日排隊都大概有二三十人。優惠期間，有四款味道可供客人選擇，分別係特製白丸元味，白丸完味，特製赤丸新味及赤丸新味。五個人叫左六碗麵（特製白丸元味及特製赤丸新味），碗碗都係份量十足我食嘅係特製赤丸新味，有少少辣肉感覺惹味，湯底唔會太濃厚而感覺過於油膩，配合枱面上嘅多款配菜，我特別喜歡加芽菜，真係好好好好食！服務員嘅態度亦值得一讚，明白到優惠其間會有好多客人，依然保持應有服務態度。特別有需要添加芽菜時，服務員有禮貌地馬上幫忙為客人添加。優惠期至4月19日，一風堂嘅fans不要錯過！

今日去完金鐘整文件就順便黎呢度食碗麵我正在考慮應該食一風堂定米線陣之際, 見到佢新出左個冬陰功拉麵, 梗係捧場喇下午2點後既時間, 唔駛等位就有卡位坐。碗麵係有d辣同用拉麵底好怪。搵左好耐先搵到d蝦,配料不足, 湯底味濃, 拉麵厚身彈牙。 我最鍾意既係呢度坐得舒服, 店員勤快, 又有無限麥茶自己加。 我至愛係一年前推出既粗麵好似係黑椒味, 但宜家已經冇賣喇。可惜平日lunch time要等成半個鍾,但都比對而上海店好, 因為上海店仲要收茶錢 同黑你面

名過其實既拉麵一向都係拉回愛好者，但食開既都係一蘭、豚王等可以自己揀晒所有野既拉麵（岩口味啲嘛），不過一路都聽人講一風堂正，咁就有機會去試下啦！入到去發現比既唔係一般日本拉麵既凍水，而係類似普洱既茶，我覺得唔夠凍，做唔到冰水為口腔降温再食下一啖拉麵既效果。個人偏口辣既，所以就點左特製赤丸新味拉麵，原來一風堂有得揀麵既軟硬程度，食開硬啲既麵就點左硬。拉麵黎到，我覺得湯底唔夠濃，辣味又唔夠，點左既硬麵超級硬要浸淋啲先食得⋯⋯（完全硬過晒一蘭、豚王既硬麵）不過佢都有優點既，佢88蚊有紫菜有溏心蛋，平好多！同埋唔知食滿幾次有app可以送麵，都有gimmick既！不過整體，冇啲人係佢開果時吹捧到咁考，難怪而家少人排左咁多！

新年初三，很多食肆都仍未開市，不想太多，就吃拉麵吧一風堂金鐘店全店都光鮮亮麗，整潔舒服，茶杯乾淨無漬，餐牌亦簡約明瞭，沒有花巧等候拉麵上枱的幾分鐘之間，嘗了一點枱上的配菜，出乎意料地好吃不過感覺較像韓國風格呢幾分鐘後，白丸就端上奉客了味道不錯，濃厚的湯底，比赤丸略略淡味，鹽度較低，其他整體分別不大另一碗赤丸拉麵亦隨之而到，湯底較白丸濃郁鮮味，一風堂麵身偏幼，因此建議麵質選取「硬」口感或會較佳整體上，湯底及麵質都不錯，僅稍為遜色於一蘭（當然價錢上一蘭較貴）。惟一風堂的叉燒則普通得多，感覺上沒有什麼處理，肉質味道平淡，口感肥膩另外點了2款小食，餃子屬高質之作，皮薄饀靚，配上薑蓉青蔥，輕點醬油，入口清新鮮甜，屬意外驚喜至於雞翼，Size偏小，味道實屬非常普通，如此質素卻$38兩隻雞翼有搵笨之嫌，下次不會中伏整體上一風堂水準都保持得頗成功一致，而金鐘店較為高檔優雅，座位、環境、服務都比朗豪坊店出色得多

好多次經過金鐘一風堂都超級多人排隊，今日十一點幾見冇咩人就入左去試。餐牌都好多選擇，但對於有選擇障礙嘅我都係整個冬季限定好過啦。味噌赤丸。有豚肉丶蛋、碎肉丶蔥粒等等。先講䐁肉，厚切入味，肥瘦適中但略嫌唔夠熱。至於蛋就正正常常啦。湯底唔錯，豬骨秘製味噌配埋蔥粒同埋肉碎，雖然有少少肥膩但不知不覺下幾乎飲哂。對比之下我反而最喜歡就係拉麵嘅質感。煙煙韌韌又爽身，唔會太腍，比起之前去其他地方食拉麵感覺唔同。

和好友lunch hour百無聊賴去了一風堂，之前也沒有留意有set lunch ($130)，包一個前菜一碗麵和一杯飲料。前菜我們選了不同的，我的呢就是大大一磚煙肉玉米冷奴，加上葱花調味，不算wow很清新但總算在你的麵來之前沒那麼無聊😜 朋友的前菜是有三小款，冷青瓜，醃荀和玉土豆沙律，又colorful又有新鮮感，樣樣試啲。飲料有日本蔬菜汁和芒果汁可選，高質。作為痴心情長劍我當然選我一直點的辣肉噌叉燒拉麵，湯底香濃豐富，叉燒不太肥而肉香撲鼻，適量辣味調劑亦見畫龍點睛！

日本拉麵係香港開業既，唔係個間間都keep到水準，呢間算係唔錯。日本個邊只有簡單餐單，唔會咁多花樣，香港呢間，似乎多咗d. 日本麵味道比較濃，同日本個邊麵相近，不過 軟硬道道唔夠硬。 枱上的細豆似乎太寒酸 ，日本一大樽亦refill好密，我坐低時得半樽，食完refill都只得兩撮，如果成本貴，不如每人一小碟算，客人要成日叫refill,比人好貪心咁，因為呢個荳芽送麵會無咁膩。我當時係下午茶時間，根本唔多人，請餐廳多考慮比客人坐得舒服點，唔駛一有2個人，就要迫到將4人枱分成2人枱， 我非常不幸，之前坐的那位夫婦常指手畫腳評論我既食物，之後的情侶，男女的懶「kawaii」聲音聽起來毛管也動豎起，女的也不停對男說 「你好叻呀！你咁都識既」，但個d野一個小學生都識答。我實在忍不了，於是立即走，再去cafe坐一坐。我比好評係餐廳本身質素。

今日晏就同事建議食一風堂，咁我地大概11點45左右去到金鐘分店，可惜未齊人吾可以入座住☹️不過12點左右就開始多人排隊，想食既朋友仔就要早啲拎位啦。餐廳好細心，因為食物以拉麵為主所以準備左”口水肩”，咁就吾洗驚整污糟件衫啦中午餐牌有套餐，不過同散叫價錢差吾多，如果餐吾岩食的話，我建議大家散叫。我叫左鰻魚石頭鍋飯($68)同埋炸紫菜墨魚酥($35)。首先講講個鰻魚石頭鍋飯，我自己比較鍾意食鰻魚飯，汁吾會大咸，而且我個人鍾意食飯焦所以呢個石頭鍋飯十分岩我胃口，不過飯中加左d wasibi，如果食吾倒wasibi既朋友就要落單時候同店員講聲先。之後講講他炸紫菜墨魚酥🦑，呢個我同同事都覺得一般，味度比較淡，加埋沙律醬味道都吾太特別，可以考慮試其他小食。*另收加一

好耐無食拉麪啦，少吃多滋味！特制白丸拉麵湯底濃厚，麪質夠硬身分明, 就算食到最尾都唔會變咗一pat pat! 最正係塊叉燒，肥瘦適中，唔會有種油膩感好濟.唔知係咪依排拉麪熱潮減退，最surprise係替玉竟然係$2!!!咩年代呀依家!!麥記都無咗$2雪糕好耐啦!!!不過食到最後飽到反艇同極之口渴！

差不多有兩年無去過一風堂食嘢啦！放工路過，又見到冇乜人！於是入去回味下先！和以前一樣無限添加，食完可以叫侍應幫你添加高菜和芽菜都有少少辣的！我ordered 左特製赤丸新味，等左5分鐘左右。比以前快，但紫菜已經放久了，不脆了！麵和木耳都比以前少左，麵都弾牙！义燒細片了，肥肉和肉唔的比例不太均勻！赤丸是辣的，辣度適中！因為湯底係辣嘅，所以豬骨味被辣味蓋過了！雖然麪是少了，但是都夠飽嘅！只係冇以前咁飽！

這間連鎖式的日式拉麵🍜在香港來說算是不過不失🤔價錢一般貴，食物質素不錯👍🏻 款式也很多👍🏻環境都可以上菜速度快👍🏻 本人意見如果很喜歡食日式拉麵🍜的話這間也不仿可以考慮去幫襯。