一風堂 (Lab Concept 金鐘廊)

【中西區】【一風堂】喺金鐘食嘢已經成為咗一種習慣，不過我多數夜晚先去，其實選擇已經唔多，所以都係見咩食咩就算。見到呢間一風堂，以前都算係 hit 過吓嘅日式拉麵，好多年前好似喺銅鑼灣食過。估唔到執吓執吓，原來已經剩返呢一間，都幾恐怖，更加要食吓佢喇。佢係 QR Code 點餐嘅，叫咗 $88 嘅「特製赤丸新味」，有得揀肉，我要「炙燒卷腩叉燒」，幾好。但個拉麵湯底就好似弱咗啲，好似冇乜味咁。唔知同我當時嘅狀態有冇關，嗰陣冇乜心情，可能食乜都冇味。加 $28 要咗「定食」，好似套餐咁有小食同飲品。小食要三件「唐揚雞」，飲品係「冷泡凍頂烏龍茶」，都係好普通好普通嘅貨色，不値一提。另外我叫咗 $38 六件「一風堂餃子」，鋪喺面嘅薑蔥係特別，但隻餃子都係冇乜亮點。呢餐加埋一埋單 $169.4，合理金鐘價錢，但係味道上就吸引唔到我再去喇。。。（地址：金鐘金鐘道93號Lab Concept金鐘廊1樓F04-F06號舖）#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #金鐘 #一風堂 #特製赤丸新味 #炙燒卷腩叉燒 #唐揚雞 #冷泡凍頂烏龍茶 #一風堂餃子 #1am1757 #1ambackup…查看更多

特濃雞白湯拉麵，拉麵很有咬口，啲雞湯非常之濃郁，雞肉很滑加了胡椒粉後，味道方面非常之唔錯。喝了雞湯後，整個身都很快暖和起來，實在太過厲害了。一風堂餃子皮薄脆，餡靚，薑蔥為餃子增加了不少風味，秘製醬汁酸酸的，沾上餃子後味道都唔錯👍🏻。…查看更多

白雞湯底味道真係一流，個蛋係流心蛋來，非常之好食，叉燒唔肥，又滑溜，元貝燒過既，都幾彈牙，蜆全部都係多肉既，雲吞好多汁，整體來講好正。啲拉麵好有咬口，而且份量十分之足夠。呢碗係三重芝士拉麵，所以隔離會有三款唔同既芝士，要自己加落去，芝士遇到熱湯會溶化在一起，為拉麵增加了不少風味。飲品係白桃茶，幾香。…查看更多

今次就嚟食咗期間限定嘅「黑蒜湯底拉麵」食嗰陣時要非常小心😂唔好彈到自己有少少失望嘅係食落去冇蒜味😢但勝在佢麵嘅質地都唔錯同湯底都香嘅整體嚟講都算唔錯而呢個鴨胸拉麵食落去都幾特別可以一試～…查看更多

中午開會前自己想食啲暖笠笠，就行咗入一風堂。點咗赤丸新味拉麵，湯底豚骨味濃但唔會太鹹，叉燒薄身但肉味足；麵條彈牙，食落有質感。仲加咗糖心蛋，蛋黃流心軟綿，好味！職員好快手幫我安排位，同技師即叫即出麵，唔使等太耐。細枱設施完備，俾我一個人静静地慢慢醫個飽肚。環境企理，餐廳光線柔和，唔會擠迫。埋單大約90元，屬於中價拉麵，但性價比高。食完之後精神番晒，又可以準備下半場既工作，適合返繁忙office前短暫休息一下。…查看更多

香港太多日式拉麵店了，所以都很久沒去過一風堂，剛好在金鐘上班，就去一風堂久違的吃個午飯。即使是中午時段，這裡也不用排隊，讓我輕鬆入座。🍜濃厚雞白湯我選擇了濃厚雞白湯，因為想要一碗比較清淡的拉麵。點上來後，雞白湯看起來有些濃厚且略帶油光，所以我還另點了生蒜（免費）。沒想到吃起來剛好，雞白湯味道剛好，湯頭濃郁卻不油膩，完全不膩沒負擔，能輕輕鬆鬆吃完一整碗。慢煮雞腿叉燒及慢煮雞胸叉燒也完全不老，整體很不錯～…查看更多

20-4-2025（Sun）復活節第三日假期晏晝，同老公行完中環同金鐘後，老公話要食嘢，我哋行入金鐘廊搵，食肆唔多，而令佢最感興趣嘅就係呢間，於是入去。肥肥哋嘅男店員帶位，帶我哋坐一張對住冇遮掩嘅廚房出入口，重要直望係一個垃圾桶嘅位，但其實入面重有好多位，我就問可唔可以坐入面？佢答得，不過入面好凍。我哋就照入去，因為都有帶褸。坐低後，係凍嘅，我哋掃完code睇menu，老公係要個拉麵㗎喇，而我就搵小食，我同老公講有$28.00嘅一風堂叉燒角包，而佢揀咗個拉麵餐後就逐樣揀，話有嘅叉燒角包，我望望，咦！？要加錢，重同樣係$28.00，而且一定要加小食，重要係一定要加錢，冇得揀唔加，咁監粗嚟嘅？最後佢揀咗加$22.00嘅朝麻Q青瓜，慶幸呢個比單點正價平。其實佢嘅小食都有特色嘢，但監粗嚟嘅套餐裡面冇，我又唔甘心佢哋咁做，所以我冇心機點。點完餐，老公嘅熱伊右衛門抹茶入煎茶嚟到，味道清淡唔太甘。2分然後係小食，睇見係幼身而排列整齊，佢唔算辣，食到有微微嘅麻醬味，青瓜口感正常嘅。3分然後佢$88.00嘅鴨 魚介醬油拉麵到嚟，見到都唔大碗，老公大讚湯底好飲，我都試吓，係濃味但唔太鹹，拉麵口感正常，而鴨肉，切得好薄兼有臊味，我食咗一啖就唔食。3.16分環境：闊落嘅，但啲凳爛。價錢：食拉麵都加一，共$121.00，服務又唔算好好，如果伍淑清嚟，佢係咪都俾嗰個位佢坐？收銀係有講多謝嘅。2.3分其他：咁都被我哋撞中執剩呢間嘅一風堂，我懷疑美心放棄一風堂，喺美心做嘅男友人直言係，做燒肉，伍淑清放棄一風堂。…查看更多

一風堂♨️人氣麻辣豚骨拉麵 🍜🌶今日去完金鐘睇完聖誕展之後， 在金鐘廊揀咗一間來自福岡「一風堂」拉麵叫左2定食🍜🍜🔹️麻辣豚骨拉麵 🍜🌶望到湯底好紅和好多香辣材料 🌶️，湯底越食越開胃，辣度可接受😋這個也是人氣拉麵，加入咗多種特製辛辣香料，例如辛肉味噌同麻辣香油等，再加上特製混合唐辛子，所以多層次辣味。配菜有炙燒卷腩叉燒、經典鹽味半熟玉子🥚，好啱冬天吃完好暖胃😋♨️🔹️特製赤丸新味+慢煮豬柳叉燒定食🍜拉麵比傳統嘅豬骨湯更加濃郁層次感，香油和赤味噌融合在一碗拉麵裡。慢煮豬柳叉燒入味易入口，配菜也有經典鹽味半熟玉子🥚胡麻Q青瓜🥒青瓜好靚😍一排上碟，好香胡麻和麻油味，上面有芝麻，青瓜好爽口，開胃小食好味😋👍吉列廣島蠔(2件)蠔新鮮， 吉列炸到脆度剛剛好👍Total : $238員工效率好快上菜也很快， 座位寬敞🤩📍金鐘金鐘道93號1樓Lab ConceptF04-F06舖金鐘廊…查看更多

今日經開金鐘，諗唔到食咩，經過呢一間一風堂，見到人都唔係太多，可能因為時間係已經去到5:30左右，唔使等位嘅情況下就入咗去食啦本身入嚟都本身預咗係會食拉麵，但係見到佢其他嘢都好吸引，於是就叫咗佢嘅飯類嘅食品。今次叫嘅係鰻魚飯，佢一上枱嗰個鰻魚係非常之吸引，望落非常之Juicy而食落個味道呢都非常之好食，非常之濃味，而佢個飯亦有足夠嘅肉汁去清晒成碗飯，所以非常之推介另外仲叫咗佢一個黑松露餃子，原來呢個餃子係非常之細粒，黑松露就冇一粒粒喺上面嘅，應該係個汁有少少黑松露味？下次可能是返普通味道OK。…查看更多

✔️百丸元味拉麵（雞肉拉麵）
這個湯底清淡卻不失濃郁，雞肉片很juicy，拉麵彈牙。✔️慢煮和牛清湯拉麵🍜
和牛清湯沒有過多的油脂，但保留了和牛獨特的香味和豐富的口感。薄切和牛吃不出特別的味道，可能太薄了✔️和牛味增鐵板餃子🥟
這個餃子也ok，剛剛煎完就上來，熱氣騰騰，不過吃不出太多內餡的味道，可能剁的太細碎了…查看更多

平时很少来金钟这边。同事介绍 今天中午去试下。 果然好吃 汤味浓郁，面条劲道。一个字。 在商场里面，环境没的说。下午茶时间去的，不用排队很快就可以吃到啦。料很足，价格在中环这种地方 算性价比很高的了。推荐来吃…查看更多

晏晝食乜好？即刻打開OpenRice睇吓附近有乜舖頭啱心水。見到一風堂，又好耐冇食拉麵，一於去一風堂食晏啦。白丸配玉子、轉慢煮豬柳叉燒2片（$68）：豚骨湯底（Tonkotsu Broth）係碗拉麵嘅靈魂，濃味適中，穩打穩扎之選，冇得輸！感覺卷腩叉燒（Maki Bara BBQ Pork）比較肥，所以轉咗慢煮豬柳叉燒（Slow-cooked Rosu BBQ Pork）。之後再叫職員比免費辣芽菜：辣芽菜，本身撈咗好多芝麻粒，加埋落拉麵，提升香味。一啖拉麵、一啖叉燒 再加啖 辣芽菜，oishii. 唐揚雞（5件）（$35）：加啲檸檬汁減低肥膩感，其實食到最尾都幾腬吓。…查看更多

講起一風堂 一定會諗起佢地既招牌赤丸同白丸今次為食妹就同大家介紹期間限定新口味🩵 蟹味噌拉麵全新登場嘅「蟹味噌拉麵」以一風堂引以為傲嘅豚骨湯底加入秘製蟹味噌製作而成✅濃郁鮮味蟹味噌 x 牛油雪蟹鉗⭕️雙重鮮甜滋味一風堂今次仲喺拉麵入面加入 ➡️蟹膏牛油一路食一路溶入湯底😍令濃厚鮮味大大提升🆙而且中太麵掛汁一流每啖都食到濃厚蟹味噌配上一啖香煎牛油雪蟹鉗肉，幸福感滿滿😌❤️➕招牌炙燒卷腩叉燒➕醬油粟米同香蔥🟰別具層次嘅味覺體驗絕對不容錯過！覺得未夠喉 仲想食多啲蟹？$38 加配牛油二本爪同蟹棒（2件）！♡♡♡♡♡♡♡♡♡♡♡♡♡♡♡♡♡♡🫶🏻即日起全線分店上市分店地址📍 金鐘Lab Concept金鐘廊1樓F04-F06號舖📍 佐敦彌敦道380號香港逸東酒店地下1號舖📍 東涌東薈城名店倉6樓603號舖📍 馬鞍山廣場2樓2135-2139號舖#IPPUDOHK #香港一風堂 #蟹味噌拉麵 #期間限定♡♡♡♡♡♡♡♡♡♡♡♡♡♡♡♡♡♡…查看更多

去完日本返嚟之後嘅拉麵癮仲未斷，要周圍去發掘好味嘅拉麵ʕ•͡ω•ʔ 見到一風堂出咗周打蜆濃湯拉麵，日式同美式fusion嘅拉麵又幾有新意(๑`･ᴗ･´๑)🍽食物✨周打蜆濃湯拉麵 $88 7.5/10賣相夠晒吸引，有唔少蜆肉仲有一塊好長嘅煙肉～ 豚骨湯底再加埋好似忌廉湯咁勁濃郁，加埋芝士令湯底更濃厚，入面仲有洋蔥粒同薯仔粒，令層次更豐富！麵底係一風堂嘅中太麵，彈牙有咬口，掛到湯之餘仲食到本身麥香味，麵質幾滿意🥰加埋大大粒嘅蜆肉唔會細粒到搵唔到，而且帶有酒香味，至於煙肉脆卜卜，浸落湯到再一齊食，成個搭配好有心思！周打蜆濃湯拉麵淨係限定供應至1月16日咋～👍🏻特製白丸元味 $85 7/10揀咗慢煮豬肩肉，唔會太肥而且肉質好柔軟，以煮咗好耐嘅豚骨湯配搭細麵，入口順滑，麵質揀咗硬麵，就算影相影耐咗都唔驚浸到淋晒～👍🏻迷你豚肉飯 +$28 7/10白丸定食可以配埋豚肉飯，細細碗好似台灣滷肉飯咁🤣雖然好飽但都食得落～⛩環境👍🏻座位闊落，位置舒適，除咗卡位都有吧枱位，啱晒附近上班族快食個lunch💁🏼‍♀️服務👍🏻店員有禮貌👛人均消費 ~$110 (連加一服務費)⏱冇限時…查看更多

七點多了，肚子咕咕響，總得找個餐廳填肚子。一個人的晚餐，就簡單吃拉麵吧。一風堂，晚餐生意還是不錯的，大概有一半入座率。一個人，被安排在大桌子坐下，背囊塞椅子底下的籃子。然後用電話掃code點食物。最討厭這種落單方式！因為到最後，無法送出點好的菜。原來軟件跟生果手機唔夾。結果還是由店員落單。我點餐時，很多項目已經賣光了。飲品不是免費的，要加小吃才送，好煩！拉麵正常發揮，🥣有點鹹。沒有驚喜，小吃的椰菜份量不多，不過全吃光，也是夠飽的。…查看更多