一鍋堂 (XX Arcade)

營業中

休息中

今日同男朋友去一鍋堂食夜晚，真係食到好飽，滿足到爆燈！首先要講下呢度嘅湯底，我哋揀咗麻辣鴨血同藥膳湯底，真係一個絕配！麻辣鴨血湯底，辣味正好，夠麻夠辣，令人上癮。而藥膳湯底就更加貼心，有助身體調理，健康又滋補。麻辣鴨血湯底，湯底本身已經好香濃，有辣椒、花椒同埋香料嘅豐富味道。仲有啲鴨血入面嘅爽脆口感，真係令湯底更加豐富。藥膳湯底就係另一個驚喜！湯底入面有好多藥材，味道清香，滋補身體。我哋嗌咗c餐，好多嘢食不突止，仲要有和牛同多款海鮮。海鮮方面，有蝦、白鱔、蜆等等，全部都好新鮮，肉質鮮美。喺湯底入面煮熟，鮮甜嘅味道就完全融入湯底，令人垂涎欲滴！特別係蝦，又大又鮮美又彈牙，當中我最鍾意嘅係白鱔，肉質彈牙，而且啲都唔腥，好新鮮。佢啲和牛亦都好重牛味，油脂分布亦都好平均，唔會話一大嚿脂肪，亦都唔會一啲脂肪都冇。除咗湯底同食材，環境都好舒適，座位寬敞，唔會擠迫。而且餐廳出嘢食迅速，唔使等太耐，可以即刻開食。真係一個好適合同朋友聚會嘅地方。一鍋堂喺邊爐放題界入面算係頭幾間好食，湯底味道豐富，食材新鮮美味，環境舒適，食過一次之後都唔會再搵第二間去食。

天氣開始涼，最正緊係打邊爐，今次去旺角一鍋堂，牛魔王必點C餐，可120分鐘無限食日本產黑毛和牛、澳洲和牛安格斯牛肉，我比較鍾意食日本黑毛和牛，肉質軟腍有油香，成晚食左好多碟🤭自助區超級多野食，其中涼拌小食如果食勻晒都夠飽😂蔬菜今次有冰菜，非常爽口👍🏻湯底我次次都係揀養生藥膳湯～藥材味好香，同蔬菜菇類配搭一齊更加突出香甜味🫶🏻除咗牛肉、海鮮，今次仲食左手工菠菜汁韭菜餃、手工丸，全部非常高質，超級滿足🫶🏻

放工book 左枱同老友打邊爐吹水，即刻諗起一鍋堂，旺角呢間就最就腳。揀左c餐，貪佢有和牛🤑會員仲有帶子同鮑魚送。叫左c餐緊係狂叫日本和牛。雪花都幾靚。仲有西班牙依比利亞黑毛豬， 食落好鮮味，都比得上和牛既質感。另外仲有多款海鮮，蝦，蜆，扇貝，魚等等，都係十分新鮮。 自助區有各種既丸類，熟食， 冷盤飲品櫃有多款茶飲。養生飲品， 特別鍾意佢既黑枸杞玫瑰花茶，飲得好舒服。甜品有軟雪糕同杯裝雪糕，第一次食呢隻牌子既gelato, 7-11成日都見到，果然比雪糕更好食，而且比較低脂，朱古力似食緊真朱古力。每次食完都好滿足，期待下一次再約過。

老友敘舊，今日揀咗去旺角XX Arcade 即一鍋堂。人均消費300多元，已經可以吃到最頂級的和牛放題，還有上百款的生熟配料，性價比非常高。今次揀咗港式沙嗲湯底，呢個湯底會越煲越濃郁，滿滿淡淡沙嗲香！花膠，竹笙，質素很高，配上沙嗲湯，非常邪惡。日本和牛，和在日本吃到的沒有分別，整大片的和牛，入口溶化，牛味香濃，基本上食幾塊已經回本，回本首選！海蝦，大蜆，新鮮肉厚，白鱔片膠質重。出面仲有多款餐前小食任食，炸魚皮，新鮮爽脆，吸湯一流餐前小食泡椒雞腳，辣得過癮。飲品都有十多款，淨係新鮮冷泡茶，自製檸檬茶出面買都要數十元一支，非常抵食！店員上菜和收碟速度都非常快，今晚完全冇漏單情況出現，非常抵讚！

今日去咗旺角行街，行到攰，突然好想打邊爐，兩個人叫唔到好多嘢食，所以食放題係最好嘅選擇，放題種類有三種ABC餐，我哋今日食豪啲，揀咗個C餐，餐廳食物落單好方便用QR code落單出面有好多角色嘅飲品一啲自製嘅茶我個人認為薄荷烏龍茶味道不錯，茶味帶有少少薄荷夠特別，消滯又健康，其他仲有一啲紙包同罐裝飲品嘅選擇牛肉方面我最鍾意係澳洲和牛，入口有非常重嘅香味，味道夠濃郁，肉質嫩滑，容易入口，仲有好多款嘅牛肉都非常新鮮，有A4和牛，牛肩胛同埋牛肉片，風門柳，美國安格斯肥牛，牛丸，牛肉嘅選擇非常眾多，啱晒食肉獸～

今時今日喺香港想食任食火鍋都唔係好多好食嘅餐廳揀，一鍋堂真係我少數幫襯咁多年都仲會幫襯，始終打邊爐嚟講，食材真係好緊要，而一鍋堂喺各方面都保持到水準約得朋友食飯，地點都係好重要嘅因素，一鍋堂喺旺角仲要有兩間分店，只要約啱時間去，唔駛等好耐就會有位今晚就去咗旺角XX Arcade間分店，地鐵站行去都係幾分鐘，又唔駛等好耐就有位。入到去個場都乾淨企理，燈光光線好鮮明同埋座位都好舒服食得任食火鍋，梗係要點個最好嘅餐，我哋點咗「C-高級日本&澳洲和牛套餐」，咩都可以試曬，同埋呢個價位有和牛任食真係超抵💯次次嚟親一鍋堂打邊爐最煩惱就係諗要咩湯底🫠但呢個係幸福的煩惱🤭因為有十幾款湯底選擇，真係樣樣都想試，但今次就試吓櫻花蝦湯底🌸紫菜同櫻花蝦鋪滿曬個湯，真係幾吸引🤩火鍋配料選擇多，飲品又係好多款可以喺雪櫃慢慢揀，仲有啲熟食蔬菜🥬同配菜可以喺出面任拎😚三百幾可以放題任食和牛真係無得頂，尤其呢隻日本產黑毛和牛真係全晚嘅MVP，好食到不得了，肉味香濃，入口即溶，一人起碼都要食返兩三碟先；另外手切牛脊肉都係牛味好重，可以再encore另外八吋長蟹棒都係一鍋堂特色，次次嚟都一定叫😄真係成個煲咁長當然唔少得仲有

翻工咁辛苦，收工更係要去食餐好既！今次同朋友食呢間放題。其實火鍋放題食過好多間，都係大路野。但今次食一鍋堂，都幾多野食可以揀，淨係食牛肉都好幾隻，仲有和牛食。質素都唔差，好嫩唔韌，食得出有翻咁上下feel，仲有封門柳等。除左牛、仲有羊肉同海鮮。自助區選擇都好多，除左有啲基本既丸，都有唔少既熟食，菜都有5.6款。飲品直頭多到唔知飲乜好😂😂😂可惜2個鐘時間唔多夠，最後竟然唔記得食甜品，失策！！！

真係唔知係香港人都鐘意打邊爐丫，定係只係我咁鐘意打😂，打得放題邊爐嚟講，就係只要諗唔好食唔晒浪費食物依一點👍。今次揀依間真係我同朋友依啲食肉獸都可以唔停口係咁食，食到地老天荒，天荒地老🤣🤣🤣。肉類選擇仲唔止一兩類，真係連我唔食牛嘅朋友仔都話不得了👍。打得邊爐除咗肉之外又點少得丸類，丸類又係大把選擇，總有一款啱我同朋友仔，唔洗就住款式叫嚟食🤩👍，另外打得邊爐都要食番啲菜平衡下🤣，真係只係食肉嘅話搞唔掂😂。真係超肚餓怕要打好耐先有得食嘅又真係原來一坐低就即刻有得食😂，因為熟食選擇都唔少，食少少前菜頂下肚，開下胃得嚟，肉類，丸類樣樣都已經食得啦🤩。成個邊爐樣樣齊咁全面，咁當然一定唔少得有埋飯後甜品😝，任食雪糕🍦，仲有埋軟雪糕食👍👍👍。

今日約咗朋友出旺角食午餐，朋友話想去食火鍋，就同佢揀咗去一鍋堂，位於旺角豉油街60-104號 XX Arcade 東翼2樓，由旺角港鐵站E出口行過去， 6分鐘就到，地點非常方便今日同朋友嗌咗個C 餐，喺澳洲和牛餐，100分鐘任食放題，慢慢食，坐低吹水都夠晒時間湯底點咗個鴛鴦鍋，冬陰功湯配豬骨清湯既然係任食，梗係咩都要試吓澳洲進口上乘牛肉花雕浸安格斯牛肉，上盛嘅牛肉，再浸入花雕酒，好入味手切牛脊肉，一睇就知係靚嘅牛肉，好有牛肉味牛舌，切得薄薄嘅老師，浸一浸就食得，好爽口魔鬼安格斯牛肉，見到個賣相都知唔少嘢，再浸埋冬陰功湯底，真係幾辣下香辣安格斯牛肉滑，蝦滑同墨魚滑就食得多，安格斯牛肉滑真係第一次食，仲要係辣嘅，好特別自家墨魚餅，肉質好彈牙，好香嘅墨魚味自家製飲品，香茅檸檬茶、玫瑰花黑枸杞茶

又到每月與朋友餐聚日子，今次大家都冇傷風感冒，於是可以選擇用火鍋，經過地理位置、人流預測，我們決定選擇位於旺角近豉油街的一鍋堂，因為佢旺角有幾間分店，分散了人流而且剛好接近我們落車位置一上到去店鋪已經有兩枱客排隊入座，我們便商量要咩湯底好，為了不影響食材味道，所以我們決定放棄麻辣湯，我們選了都多人氣的胡椒豬肚湯底。由於是晚市，當日每位送新鮮扇貝和有殼鮑魚一隻，熟食枱和飲品櫃及醬料櫃就跟其他火鍋店差不多我們來得食任食火鍋當然是喜愛食牛人士，我們選了安格斯牛餐，一開始我們各類牛也來三碟，最後我們只集中叫封門柳、牛肩隻和牛舌。他們上菜速度也迅速，用手機落單不用5分鐘就上菜，沒有拖延。但鴨血和醉雞味道就差少少，唔夠味。不過以任食火鍋店質素算不過不失抵食。

今日約左朋友係旺角行街，行街前諗住係附近搵間餐廳食飽少少，於是就諗起去<一鍋堂>打邊爐旺角一鍋堂位置超級方便，波鞋街行多三分鐘左右就到。好彩我地黎既時候餐廳開門不久，所以人流未算多，趁呢個時間落單同拎食物就最快捷！由於我同朋友不太吃辣，所以我地揀了咸菜胡椒豬肚湯作湯底。每次打邊爐，我都鍾意落食物前先試試湯底，品嘗湯底最原始既味道，今次亦都唔例外。等了約五分鐘，湯底滾起了！咸菜胡椒豬肚湯既味道非常開胃惹味，而且豬肚份量多，每一口都係湯底既精華至於火鍋食材，又點少得牛！我地叫左澳洲和牛、牛板腱、封門柳同牛舌。牛肉比想像中高質，每一塊牛肉質鮮嫩，入口即溶，食完仲有濃郁既牛肉香味停留口內。我鍾意食100%濃汁牛丸，唔知係咪餐廳自家手打，食落爽口彈牙，而且非常多汁，我第一口咬開時仲唔小心爆左d肉汁出來呢！而朋友就鍾意食手作韭菜餃，皮薄而且餡料多。睇黎我地都特別喜愛食餐廳既自家製火鍋配料。另外想讚讚餐廳出單速度快，而且唔會漏單。我地另外叫左粟米、牛餐肉、墨魚滑、蟹柳、冬菇同牛柏葉等，全部都新鮮送到，絕不馬虎。不過提提大家，蔬菜要自行到雪櫃拎，而且有好多不同菜可以選擇呢最後當然要試埋

今日同大胃王打邊爐當然要揀間任食，而質素又要好，一鍋堂就係最好既選擇，不單生、熟野食多選擇，連湯底都多選擇。今次我就試左呢個潮汕湯底，主要係用大地魚骨熬湯，好鮮甜，但又加左白胡椒既調味。又白又惹味。揀左set C，有日本黑毛和牛&澳洲和牛，係最高既級數，但只要食兩三碟日本黑毛和牛一定回本。切到薄薄，但大大片，而且雪花均勻，入口即化又有濃濃的牛肉香，超正！但如果怕食太多會飽左，可以揀澳洲和牛，肉味更出眾，但脂肪較少，可以食多幾塊。另外重有好多不同部位嘅牛肉，例如牛頸脊、封門柳、牛板腱、薄切牛舌，各有特色。最印象深刻係香辣牛肉滑，少少辣好惹味。而豬肉就有黑毛豬，脂肪比較多，但滾一滾就食得入口都唔覺油膩。其他比較特別嘅火鍋配料有野生竹笙，最愛。又有手工雲吞、麻辣豬肉餃、自家墨魚餅，真材實料，墨魚餅仲好彈牙。另外基本配料，仲叫左粟米、手打墨魚丸、牛柏葉、鮮淮山、蟹棒等。除咗好多特色火鍋配料，重有各式各樣既即食小食，例如麻辣蓮藕、涼拌秋葵、蒜香四季豆、涼拌大豆芽、白灼鮮蝦，重有各式各樣嘅丸類、腸仔都可以喺外面拎到。而麵類多有十分多的選擇。最後提提大家一定要食埋Gelato雪糕先走，超滿足。

周六假期跟男友去吃午巿放題😆 覺得這家任食火鍋放題性價比好高，我們選了澳洲和牛套C餐$248，超豐富的。牛豬雞羊肉選擇多不勝數。最吸引當然是澳洲和牛肩，一碟四片，薄切和牛色澤均勻，烚幾秒就熟了，入口即化，牛味香濃，配上醬汁蔥蒜非常好吃😋 一次點了好幾碟～另一個值得推薦是花雕浸安格斯牛肉，花雕酒的香氣滲入牛肉中，為牛肉帶來獨特的酒香味道，口感多汁鮮嫩，每一口牛肉都充滿了汁液和豐富的肉汁。其他火鍋配料都質素不錯。小食方面，我最喜歡泡淑雞翼尖，冰冰涼涼十分入味又開胃🤤 還有各種涼拌小食，令人胃口大增～湯底選了期間限定的滋補花膠鮮雞湯，湯料豐富，真材實料，鮮雞嫩滑，花膠Q彈👍🏻👍🏻 湯底都有數十款選擇～ 性價比超高！

呢間餐廳平時晚市長期排隊，今日lunch有鬆動，見唔使等位，兩個人撐下枱腳😊呢度湯底好多選擇，今次我哋食雙拼鍋，沙蔘玉竹鯊魚骨湯拼香濃沙嗲湯，沙參玉竹湯底甘甘地，幾清甜，沙嗲就好惹味Lunch比晚市選擇少啲啲，相對價格會抵啲。我哋想食肉，揀咗套餐C，主力食澳洲和牛，order咗黑松露手打墨魚滑、牛柏葉、魚皮餃、萵筍、生根、水魷魚、日本南瓜、超甜粟米、八吋長蟹柳、真係鴨血、紅心蘿蔔等我哋主力嘅澳洲和牛油花豐富，一口氣order左三份，發現三份嘅紋理都唔同，店員告知原來係不同部位，食到不同口感，好特別。款款都肉味香濃，肉質細嫩多汁，值得我哋再encore。特別一提黑松露手打墨魚滑，白雪雪嘅墨魚滑上面，灑滿黑松露蓉，香氣濃郁，入口爽彈，有海鮮^_^味！萵筍和生根好吸湯，手工餃都唔錯，皮夠薄，放不同湯底有不同口味🙌🏻

今次平日晚上到餐廳用餐，裡面裝修時尚，整潔乾淨。店內以自助形式供食客選擇火鍋配料及各種熟食，更有餐廳自家製飲品👍🏻今次選了高級日本及澳洲和牛套餐C餐 120分鐘$308，可以任食和牛！湯底選了冬陰公湯底，湯底本身有大量菇及番茄，很惹味。至於肉類及海鮮需要掃描QR Code下單，朋友喜歡吃牛，我們點了日本產黑毛和牛、澳洲和牛、魔鬼辣安格斯牛肉、手切牛脊肉，整體而言牛味好濃郁，比較推薦澳洲和牛，油脂相對平均，而且入口即溶。珍珠貝、沙白蜆、半殼帆立貝食材食鮮，咬下去很彈牙鮮嫩，而且肉質厚厚，每款都吃得到來貨很新鮮。個人較喜歡他們的黑松露手打墨魚滑，入口非常彈牙，亦仍能保持黑松露的香味，朋友試完都encore了兩次！最後甜品取了一杯雪糕，有多款口味選擇，此雪糕為低脂雪糕，吃完也不會有罪惡感呢。