一鍋堂 (XX Arcade)

營業中

休息中

又到換季時間啦，緊係要去旺角買返晒秋冬必備既時裝啦。血拼一輪後，搵間火鍋同朋友大吃大喝就最過癮！C餐 - 高級日本澳洲和牛套餐肉類（⭐⭐⭐⭐⭐）不得不大讚餐廳既肉類選擇，無論豬牛羊雞肉丸、日本澳洲西斑牙美國，應有盡有！而且牛肉類仲食到頂級雪花和牛級數，仲有牛脊肉、牛舌、手切、封門柳、牛肉滑等等，唔講其他，淨係食到入口即溶，牛脂香味爆棚既和牛，兼無限任食任叫，都已經值回票價有突啦！其他肉類亦唔係浪得虛名馬馬虎虎，豬肉肥瘦均勻、羊肉味濃、雞件滑口，真係食肉獸天堂！蔬菜（⭐⭐⭐⭐⭐）唔好以為餐廳主打肉類，佢既蔬菜種類同質數亦勝過各大小火鍋店，普通既各種葉菜有、冬菇蘿蔔木耳有、蓮藕山葯海帶有，就連馬蹄竹笙蟲草花呢D比較少見既素食都有，可以話食素都可以食到花多眼亂、滋味滿滿！唔好以為火鍋店既菜就無人重視，餐廳既蔬菜都十分新鮮，咬落清脆嫩口皆有。各式配料（⭐⭐⭐⭐⭐）除有出色既肉類同蔬菜，筆者都十分欣賞餐廳各式其他配料，包括食人十分驚喜、養生人士最愛既花膠，彈牙足料既魚滑肉滑，仲有新鮮海蝦、好少見既豬肺同埋好好味一啖一粒既水餃。種類之多，真係唔怕你叫，最怕你飽！自助吧（⭐⭐⭐⭐⭐）餐廳既自助吧亦都