一生懸麵

營業中

休息中

依間一生懸麵都經常食，但如果早放工先會過黎，如果唔係每次都要排隊，夏天又熱辣辣，上次食左沾麵，今次試食佢經典豚骨湯先！✨白湯豚骨拉麵 $72 ($18加叉燒)湯底都幾濃郁，呈現出豬骨熬製多時嘅香濃口感。湯底奶白色，入口醇厚，有豬骨嘅天然甘香，唔會過鹹或者太油膩，拉麵口感彈牙，吸滿咗豚骨湯嘅精華，入口順滑有嚼勁。叉燒片軟嫩肥美，油脂分佈均勻，配上半熟溏心蛋，食落非常滿足印仔卡草滿印仔5個可以送小食，10個可以送免費拉麵，我依家已經第6個，下次搵埋frd一齊食先

今日嚟到旺角通菜街出名嘅拉麵店 —— 一生懸麵。六點幾嚟到出邊都排長龍，可見好受歡迎。餐廳主要供應日式拉麵同日式小食等等，最近仲有期間限定嘅牡蠣沾麵，非常特別。雞白湯拉麵 $95 + $12（加半熟蛋一隻）我叫咗雞白湯拉麵，正常食材有雞胸、半熟蛋一隻、粟米筍、拉麵。而我就再另外加咗一隻半熟蛋。依款拉麵係配搭幼面，食落同湯底更加夾，面質偏腍。雞白湯味道好濃郁，有濃郁嘅雞味，而且飲落好Creamy。雞胸肉大大片，好滑。半熟蛋流心程度一流，再有甜甜嘅醬油味。野菜山拉麵 $78依款拉麵配搭粗麵，食材有火炙叉燒、野菜、芽菜、生蒜同拉麵。火炙叉燒肥瘦適中，火炙後香噴噴，非常美味。椰菜例如椰菜同芽菜非常爽口，增加咗唔少口感。另外好鍾意佢嘅生蒜，味道特別濃郁，令到成個湯底嘅味道更昇華。章魚燒 $29章魚燒即叫即做，熱辣辣，外脆內軟。表面配有沙律醬、墨魚絲同紫菜。唐揚炸雞 $35唐揚炸雞有四大件，配有沙律醬。炸雞外皮香脆，內裏肉質Juicy，雞肉好滑。蘋果綠茶 $15飲品選擇都豐富，有汽水、綠茶、茉莉花茶等等。

今天去左旺角一間人氣拉麵店叫一生懸麵，每次也大排長龍，店內不算大，好快坐滿人，今次推出既期間限定係牡蠣沾汁麵，決定一試😛牡蠣沾汁麵🍜$138口感豐富，牡蠣鲜嫩多汁，面條彈牙，酸甜的沾汁與牡蠣的鲜美形成绝妙搭配😍白汁豚骨拉麵🐷🍜$84白汁豚骨拉面以其濃郁湯底為稱，搭配彈滑的拉麵，口感一流😚章魚燒 🦑$29章魚燒外脆內軟，咬開时能感受到章魚的鲜美與豐富醬汁混合，令人十分開胃😆札幌啤酒🍺 $20札幌啤酒口感清爽，略带麦芽的香氣，十分解暑🥵整體得分: 5/5味道: 5/5環境: 5/5🎇一生懸麵🎈旺角通菜街73號地舖

早就聽聞這間高人氣拉麵店，只是每次都與它擦身而過，一直沒機會試，今次總算如願以償了🥹🙏🏻.𐐂單點𐐚.。餐點。./沾麵/(沾麵可挑選冷麵/熱麵).❥ 海老沾麵我選了熱麵～湯汁裡的櫻花蝦有不少，令味道鮮甜香濃🤤，有大量的京葱更增添了風味，沾麵的麵條較為Q彈有嚼勁，亦掛汁，把麵條浸入湯汁中一起吃，中和湯汁本身的鹹度，半肥瘦的叉燒經炙燒過後帶有焦香味，油香十足💕./拉麵/.❥ 雞白湯拉麵雞白湯味道濃郁😍，口感香滑creamy而不油膩，微微黏口，滿滿的膠質，麵條細軟，一整隻半熟蛋，半流心Q彈有口感，慢煮的雞胸肉和叉燒亦嫩口😋./小食/.❥ 章魚燒有紫菜絲、柴魚碎和沙拉醬，外脆內軟.❥ 唐揚炸雞炸得好酥脆，沾點蛋黃醬更滋味.。飲品。.❥ SAGE蜜桃有氣茶友人點的，罐裝有氣的蜜桃茶，微甜有氣，並不覺太過人造味～.❥ SAGE白桃烏龍冷泡茶看到有一個大茶包在樽裡，吃熱騰騰的拉麵非常適合喝冷飲，茶香伴隨著微微的白桃烏龍香氣，清新解渴..

呢日中午時間嚟到旺角人氣拉麵店食午餐，雖然都排長龍，不過客人流轉得好快，等10分鐘就有位。🟡牡蠣佔麵揀咗最有特色嘅牡蠣佔麵，果然係必點項目，沾麵汁非常濃稠，好香嘅蠔味但唔腥唔鹹。配料都豐富，有兩大隻火炙過的廣島縣蠔、雞肉、半熟蛋同日式叉燒。蠔肉非常鮮美嫩滑，沾上蠔湯汁，鮮上加鮮。🟡海老汁沾麵愛食蝦人士大愛！湯汁濃稠蝦味香濃，拉麵爽口彈牙，好大碗，仲有兩大塊叉燒同半熟蛋。🟡唐揚炸雞炸雞香脆，裏面嫩滑，配經典沙律醬唔使講必定好夾。🟡綠茶可樂🟡桂花烏龍冷泡茶綠茶可樂比較特別都點了試下，都點了冷泡茶可以去油膩，茶味清香。食飽出餐廳依然見到大排長龍，喺旺角巷仔入邊都咁受歡迎，有麝自然香。

喺旺角有一間性價比好高嘅拉麵店，就算係下午三點都有人喺出面排緊隊，都等咗一陣先可以入到去今次我哋就試吓佢哋新出嘅沾麵同埋拉麵：広島県の牡蠣沾汁麵：沾麵可以有懶同埋熱選擇，當中包括有蔥，青檸，燒洋蔥，半熟蛋，牡蠣豚骨沾汁，炙燒豚肉，慢煮豚叉燒，慢煮雞叉燒，炙燒廣島蠔，喺旺角限定版本，冷沾麵好掛汁，而且沾麵汁呢充滿濃濃嘅蠔嘅香味，好濃郁，鍾意食蠔嘅朋友一定要試吓，而且呢拉麵上面都有好多多款嘅肉類，一定食得好飽啊，小編就好鍾意食嗰個豚肉叉燒，另外廣島蠔都好有鮮味🤣另外一碗呢就係海老蝦拉麵🍜，拉麵係幼身嘅款式，湯底好濃郁全部係濃濃嘅蝦嘅香味，上面再有啲櫻花蝦更加帶出咗層次感，上面仲有半生熟嘅雞蛋+日式叉燒，片，鍾意食海老拉麵嘅朋友一定要試吓，拉麵都好掛汁至於小食方面呢小編就揀咗炸雞同埋日式餃子，味道都唔錯，性價比都好高，唔怪之得好多人去食

食店唔算大，7點已經滿座再加排長龍小編知道連素海霖都嚟過食拉麵因為牆上掛咗佢嘅簽名poster🔅廣島縣の牡蠣沾汁麵 $138旺角店限定沾麵，配料豐富有分別經慢煮同炙燒嘅豚叉燒、燒洋蔥同埋主角廣島蠔，炙燒後少少外脆內軟亦有較少見嘅雞叉燒，口感嫩滑🐣加錢加配紫菜，爽脆口感同沾麵好襯而佢嘅沾湯汁係用日本金蠔熬製味道非常濃郁🔅海老拉麵 $88鋪上滿滿嘅櫻花蝦份量多到每口麵都可以沾上豚肉軟嫩，幼麵亦算彈牙而湯頭香濃得嚟唔會太膩🔅章魚燒 $29🔅煎餃子 $29兩款日式小食，外脆內軟，正常發揮

每次經過見到呢間，一到12點已經有人排隊等開門，次次都唔想等就冇試過，今日早嚟就決定等佢開門。-今日特登嚟試呢度嘅牡蠣沾汁麵（$138），一上枱就聞到好香嘅蠔味，有肥叉燒之外仲有兩隻蠔，佢嘅沾汁蠔味亦都好濃，沾麵亦都好掛湯，所以每一啖都充滿蠔味。🤤-另外個雞白湯拉麵($95)亦都有驚喜，雞白湯夠濃郁得來又會過鹹，係可以不知不覺又飲晒啲湯。除咗薄叉燒之外仲有雞肉，叉燒雖然薄但燒到好香，叉燒同雞肉都好腍。

🦪 広島県の牡蠣沾汁麵 ($138)新產品！！鐘意吃蠔既朋友一定唔可以錯過！一上枱濃郁既蠔味 即刻撲鼻而來！除左有慢煮雞叉燒＋豚叉燒，炙燒豚肉，仲有兩隻蠔，燒洋蔥同半熟蛋。如果再落D青檸汁，鮮味會再提升～沾汁麵用既無粗麵，麵條煙韌彈牙，浸一浸熱騰騰的沾汁～～佢嘅沾汁蠔味亦都好濃郁，沾麵亦都好適合掛湯，每一啖都充滿濃濃既蠔味。🤤🍜雞白湯拉麵 ($95)睇落簡單既經典雞白湯拉麵，奶白色既湯底雞味濃郁，飲落細滑質地creamy，配埋幼身拉麵，麵條質地軟硬適中，掛湯一流！配料方面仲有兩片慢煮雞胸肉、兩片慢煮豚叉燒等等。。。望落去好豐富，雞胸肉食落嫩滑Juicy，而且叉燒食落軟熟，無論味道及價錢麵性價比好高。章魚燒 ($29)小編每次必食章魚燒，章魚燒外酥內嫩，肉質鮮嫩彈牙，過下口癮，唔錯～～雞軟骨棒 ($29)雞軟骨棒咬落去發出的吱吱聲，肉質鮮美多汁到湧出嚟～滿足

懷念日本拉麵了，叫左招牌牡蠣湯汁麵/拉麵，汁麵係分開上，麵是中度，唔太硬唔太軟，汁充滿蠔味，主打秘製蠔拉麵，牡蠣熬製成高湯，清香不膩；再配上牡蠣油及秘製湯汁，充滿著蠔鮮味。不濃不淡，叫做岩岩好， 另外都大左都出名的雞白湯，佢係慢煮白雞肉，湯底好濃郁，雞味十足，唔會太鹹，又有香蔥同半熟流心蛋，有埋個蛋一流、 個拉麵彈牙入味，雞白湯更溫和清新的選擇，雞白湯不太油膩又不會過鹹，麵質、雞湯底、鹹度正常 可以一試！

發現一間旺角隱世超好味嘅拉麵店😋今日六點多少少 店舖門口已經開始有人排隊啦。不過唔使排好耐就有位。喺門口已經聞到啲香味。今次試咗兩款拉麵。湯底全部好掂，各有特色。✨海老拉麵 加叉燒 加半熟蛋 碗麵份量本身唔少，再加料 份量勁多。海老湯底比較濃郁。但絕對唔係嗰啲咸到要狂飲水嘅湯底。湯底比較鮮甜濃郁面軟硬適中。✨雞白湯拉麵 加半熟蛋 雞肉質地嫩滑 叉燒好夠腍 呢款湯濃郁得來比較清，啱晒我。湯底裏便加埋大蔥。聞吓都己食慾大增。✨燒餃子 可以跟餐換購+29另外飲品都係+10幾蚊就可以換購啦

今日有事需要去旺角個邊睇中醫咁就順手去朝聖一下旺角沾麵🥳一生懸麵🍜識我嘅朋友仔都知我特別鍾情於日本野🍣🍛🍱沾麵更加係人間美食🫣聽聞呢間店係人龍沾麵🤪好彩尋日過咗飯市我只需要排一陣就到我了🤭==========================🍜每款麵硬度可選❇️較硬❇️標準❇️較柔每款麵溫度可選🧊冷麵🔥熱麵🦐海老沾麵（$88）我就Order咗標準硬度同埋熱麵嘅海老沾麵🤤沾汁係以豬骨、雞肉、鰹魚及野菜熬製12小時而成，再加入大量櫻花蝦，湯底極濃😋 配以半肥瘦豚肉叉燒🐖同溏心蛋🥚超好食呀😚而且沾麵份量都唔少亦很多，我一個女仔食就岩岩好👍🏻🐙章魚燒（$29）章魚燒又係我每次食日本野必叫👀呢款章魚燒燒得外皮香脆，內裏軟糯，配上木魚花及紫菜🤩仲有5粒咁多🥤桂花烏龍冷泡茶（$20）同平時去台式火鍋飲嘅差唔多，都係用茶包沖泡嘅冷泡茶，有淡淡桂花香☕

佢地係一直我有時間就會回頭既香港拉麵小店~門口人龍長期Keep住有🐉佢地不定期推出既期間限定都好吸引~今次除左叫佢地平日常駐既雞白湯拉麵比男友食,偷飲左啖湯,水準都保持到👍我自己就點左佢地依排既期間限定既牡蠣汁沾麵(HK$138),沾麵汁果然夠香濃,帶點港式蠔豉味,後勁反而又帶D 微甜~ 而且麵既份量剛剛好, 唔會太滯太漏😍同男友都額外叫左兩款小食:✅雞軟骨棒(HK29):啖啖✅餃子(HK$29): 5粒~男朋友對佢評價係中上Btw 鍾意試新野既朋友可以試下佢地既綠茶可樂,甜得黎淡淡地既綠茶有汽水,同SAGE蜜桃有氣茶

做完gym 食咗喺位於旺角嘅一生懸麵😍😍門口已經好大條人龍了～ 雖然我成日喺旺角返工，但係我都係第一次食咋😀我食咗一個海老湯拉麵🍜 再加蛋😂所以嚟到變咗三隻蛋➕叉燒軟淋可口 配上海老湯 蝦湯香濃～ 仲有爆多櫻花蝦係度而且仲可以自己再加餸～ 我仲加咗荀～😍因為我好鍾意拉麵食荀😊😊～ 另一碗呢就係有少少辣～ 佢嗰款叉燒同我有少少唔同～ 望落去都好似幾好食，下次試吓先😜唔怪得咁多人嚟啦😍😍真係好好食🤤我再加埋白桃烏龍冷泡茶🍑🍑真係好滿足啊🤩🤩📍 一生懸麵 (旺角)旺角通菜街73號地舖

戶外三十幾度高溫，實在不應吃熱騰騰的拉麵，但路過經常排長龍的人氣拉麵舖無需排隊的時候。唔係唔食呀😗😀😝店內裝修有點歲月痕跡，是最初拉麵店來港開業時的陳設。拉麵選擇款式不多，大家同樣點了豚肉豬骨湯麵，湯底厚實，有濃濃的豬骨味，豚肉份量合理．．唔似大品牌得兩片風的＂肉＂，食到吊喉唔吊肺😫餃子煎得香口，肉量及味道得宜。小丸子內的墨魚比較細粒，下次都係去葵芳食😏可能天氣太熱，室內冷氣有點不足，待天氣稍涼會再嘗拉麵🍜