一生懸麵

營業中

休息中

今日嚟到旺角通菜街出名嘅拉麵店 —— 一生懸麵。六點幾嚟到出邊都排長龍，可見好受歡迎。餐廳主要供應日式拉麵同日式小食等等，最近仲有期間限定嘅牡蠣沾麵，非常特別。雞白湯拉麵 $95 + $12（加半熟蛋一隻）我叫咗雞白湯拉麵，正常食材有雞胸、半熟蛋一隻、粟米筍、拉麵。而我就再另外加咗一隻半熟蛋。依款拉麵係配搭幼面，食落同湯底更加夾，面質偏腍。雞白湯味道好濃郁，有濃郁嘅雞味，而且飲落好Creamy。雞胸肉大大片，好滑。半熟蛋流心程度一流，再有甜甜嘅醬油味。野菜山拉麵 $78依款拉麵配搭粗麵，食材有火炙叉燒、野菜、芽菜、生蒜同拉麵。火炙叉燒肥瘦適中，火炙後香噴噴，非常美味。椰菜例如椰菜同芽菜非常爽口，增加咗唔少口感。另外好鍾意佢嘅生蒜，味道特別濃郁，令到成個湯底嘅味道更昇華。章魚燒 $29章魚燒即叫即做，熱辣辣，外脆內軟。表面配有沙律醬、墨魚絲同紫菜。唐揚炸雞 $35唐揚炸雞有四大件，配有沙律醬。炸雞外皮香脆，內裏肉質Juicy，雞肉好滑。蘋果綠茶 $15飲品選擇都豐富，有汽水、綠茶、茉莉花茶等等。