一樂燒鵝

營業中

休息中

晚上係中環,好肚餓之制,經過一樂。平時lunch time大排長龍嘅食肆,夜晚七點鐘冇乜人喎,即刻衝入去食啦。即刻叫咗一碟雙拼飯,燒鵝拼叉燒,滿足曬我兩個願望。果然係咪芝蓮級數嘅燒鵝,入口鬆軟juicy又有濃厚嘅燒鵝味,yummy! 叉燒就standard水準,不過不失,整體達到我個人滿足程度。比起上幾條街嗰間大大個招牌嘅燒鵝,呢家平民得黎,價錢又唔算貴嘅燒鵝飯,推介俾大家,係食quick lunch, quick dinner嘅一流選擇。

⭕️短評：米芝蓮一星級的燒鵝脾瀨－皮脆，肉嫩，鵝油香。鵝略肥，蘸一點酸梅醬，中和一下肥膩，就更好吃。💵Budget: $118 pp📍一樂燒鵝 (中環)中環士丹利街34-38號地舖

我好少好少會寫食評，但呢間嘢真係無敵,中環常食個湯粉，咁就入咗呢間嘢，佢哋好似準備就收工，乜都冇，咁最後我叫咗個雞胸米粉，一送到黎見到就唔開胃，好似滾水煮米粉同得兩片雞肉，首先我要雞胸佢冇比雞胸，太肚餓都算都食，首先成碗野完全冇味，賣相嘔心，好似夜晚食淨隔夜兩舊雞，埋單嘅時候我都忍唔住同阿姐講咗我話我叫雞胸你哋有冇比雞胸，個阿姐仲要扮晒嘢話乜冇比雞胸你咩？呢間嘢食物再加服務態度完全負分。如果大家想食垃圾，就去試吓啦！

叫咗碗燒鵝瀨粉，但係隻燒鵝應該有啲營養不良，好瘦呀！ 下次應該要叫燒鵝 「髀」瀨，俾貴啲起碼有啲燒鵝肉食啦 😝 叫咗杯熱奶茶， 一般。而家冇遊行客，鬆動左；坐得舒服 👍

大家可以睇圖，D骨頭佔一半個瀨粉，仲要收$60！不知所謂！如果唔係外賣我一定攞返去換！味道仲要麻麻地。完全不知所謂！大家要小心考慮係咪值呢個價錢先去幫襯呀！無謂中伏。

一樂燒鵝 (中環)📇地址：中環士丹利街34-38號地舖🕐營業時間：星期一至六 10:00 - 20:30；公眾假期10:00-17:30（星期日休息💸人均消費：～$150/人(tea)👏🏻抵讚位：燒出黎嘅燒鵝會放喺水吧一望就見到嘅位，客人想影啲燒鵝嘅話，師傅會好配合咁擰隻燒鵝最靚個面俾佢地影🔥🦆🍴Food QC：「燒鵝瀨 $60」碗瀨粉俾左啲髀位嘅燒鵝，同埋都算多舊，但好多肥膏，食完成碗湯面都係油😅 瀨粉就平時食開嘅瀨粉😂「燒鵝飯 $62」碟飯嘅胸位鵝肉佔大多數，無咁肥同啖啖肉。飯嘅份量女仔食可能勉強都夠食，但男士食就應該要另外加個白飯😂「原隻燒鵝髀 $135」上枱個陣都熱辣辣嘅，叫左要斬，都有4-5舊。又係肥膏同油分超多😂「凍奶茶 跟飯$10」無叫少甜，但都唔係好甜，同埋茶味都夠，最欣賞佢杯凍奶茶😯有待改善位：個人認為啲鵝嘅肥膏真係有啲太多，食完之後好濟同埋好頸渴。加上個定價可能因為拎左米之連咁多年，真係有啲太高🙈😼私心回應區：男朋友話要帶我去食米之連嘅攞獎燒鵝，就跟左過黎食，以為會好好食，我最後嘅結論係：試過就好了😂😂

中環米芝蓮燒鵝店.星期三約5點半去到位於中環嘅一樂燒鵝，一樂曾被譽為全港最美味燒鵝，同時獲米芝蓮推薦，有見及此一直想去食～點知同朋友食完後大家都非常失望🥲除咗食物極為普通，餐廳衛生環境亦好麻麻，感覺只啱旅客去食.▫️叉燒鵝脾瀨粉 $148鵝脾真係好失望，可能網上吹捧得太緊要，講到浸落湯到都仍然皮脆肉嫰，但食落絕對唔係個回事🥲而叉燒好肥亦冇乜燶邊，瀨粉亦重味精，食完心靈真係好唔滿足呀(*꒦ິㅂ꒦ີ).▫️叉燒燒腩瀨 $60朋友亦話好麻麻，好多燒味店都好食過呢間(٭°̧̧̧ω°̧̧̧٭).❥…餐廳衛生麻麻，成間感覺有啲污糟，而且地面非常痴笠笠，痴笠笠到朋友差啲仆低😮‍💨整體體驗真係好差.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b.

Haven't been here for a while so gave it a try for a lunchbox, plus a portion of blanched choi sum.  The portion size was on the small side, the roasted goose were mostly skin and bone, but the little meat that I managed to gnaw off between the crispy skin and hard bone was surprisingly tasty,  how I wish I could have some more meat!  The choi sum was perfect, good texture, good temperature, very pleasing green.  Not cheap and would I go back?  maybe not for a long while. 

今次重臨一樂再食燒鵝脾瀨粉，因為真心覺得好食，所以同個日本朋友黎食。雖然鵝脾既價錢比較貴，但食落味道真係好正！皮脆唔肥膩，瀨粉而家唔係咁容易係茶餐廳食到，所以點都唔轉米粉或麵，佢地果湯底和梅子醬係食燒鵝既最佳配搭。腐乳通菜當造，所以都要試埋，反而果凍o茶就一般般。一坐低兩位靚姐已經好熱情，服務好好，仲成日問我地好唔好食，可能我果朋友係日本人，好奇心下佢地又講多兩句，我果日本朋友都話好好食，仲想下次再黎試其他野食。

✨鵝髀瀨粉賣相好靚仔好吸引燒鵝髀 表面亮亮嘅油光 皮脆肉嫩 帶少少油脂甘香 調味剛好 食到淡淡醃料味唔會過濃 相當唔錯瀨粉 滑嘟嘟 口感爽彈 加埋啲鵝油香 但份量有啲偏少酸梅醬 酸酸甜甜 感覺上係比坊間甜少少記得要自己問店員攞 呢度係唔會主動比食物唔錯 燒鵝幾出色粉嘅份量偏少 男士未必夠飽環境正常 普通茶記嘅環境服務唔錯 冇網上講得咁差開頭我都有啲擔心 但當日服務的確冇乜問題價錢合理 以地區黎講合理範圍最後想講嘅係 食燒鵝都係要講彩數如果唔係啱啱燒起 味道會爭好遠今次在下算幾好彩的

當日下午去買半隻燒鵝，返家後發現分量比起以前其他地方買嘅都要少得多，大概相當於下莊size。疑心店家可能比錯，打電話過去，店家態度極為惡劣，不但不願意溝通，而且直接惡言相向，甚至直接掛電話。燒鵝本身味道不過不失，燒得有滴過火。如果唔係比錯，就係鵝太細隻，加埋啲咁嘅態度，唔覺得有咩特別到值得一星。係今時今日嘅香港都仲有咁嘅服務，我只可以講個服字，同埋以後唔會再幫襯。大家如果去開，亦建議小心check清楚。

1月28日，中午路過入去，叫個鵝脾飯，118蚊，嚟到，99%係肥膏，0.8%係骨，0.2%係肉，我同老闆娘講，全部係膏，點食呀。佢答：鵝脾係咁架喎，我一啲都無呃你喎。咁你換唔換呀？佢再答：鵝脾係咁㗎喎，你咪下次唔好嚟囉！間嘢坐得唔舒服，唔緊要，茶餐廳預咗架啦！間嘢啲人無禮貌，唔緊要，茶餐廳預咗架啦！米芝蓮一星比啲肥過豬肉嘅鵝脾我，唔緊要，茶餐廳預咗架喇！如果你預咗受氣、預咗佢唔介意你唔去幫襯、比百二蚊食肥膏，咁你一定要幫襯！完

Used to come here weekly after my massage. It has been irregular of late but I went today during off peak hours. I ordered the regular roast goose and soup noodles. Sadly the roast goose was all skin and fat, hardly any meat at all. I may not come again any time soon. The quality and quantity served needs to be better.

老人家去買左個＄62燒鵝雞飯盒外賣卑＄100紙，＄22硬幣佢找收銀個呀姐找錢時仲話：“我驚你暈”找錢就找錢啦，找＄60咁多嘢講回應佢話：“我唔會暈”收錢呀姐仲話：“最好啦”乜得d人把口咁衰既咒老人家暈大佬卑硬幣你 唔係毫子來咖仲方便你找續啦真係你都係呀姐來咖你都會有老既1日咖祝你身體健康 生意興隆呀！！做餐飲業食物同整體環境員工質素用餐感受都係一體咖食物質素已經不外如是，又普通員工收銀質素更差極 無品德襯呢個疫情環境 檢視一下自己問題啦！！唔好咒老人家暈啦好心地啦 健康無價呀！！

第一次去吃烧鹅 皮是脆的 。第二次去皮色偏暗 软多油 像是过夜的。点的是烧鹅和叉鹅饭 吃完出现不舒服的情况。（恶心 腹泻）不会再去了。很不快得一次。说是米芝莲餐厅 不能顾味道不顾顾客的服务 真的是在港最差的饮食体验。