一樂燒鵝

營業中

休息中

一樂燒鵝入選左《米芝蓮指南 香港🇭🇰 澳門🇲🇴2018》 一星，當然要黎朝聖。燒鵝飯（HKD 62): 份量少，用上細碟仔，睇見眼都突，價錢又貴。先吾講味道，我當日叫左三碟燒鵝飯，好似拼頭拼尾拼夠數咁，全部細細舊。燒鵝吾夠香氣，皮又吾夠脆，咸都吾咸下。最差係要問先提供酸甜汁。蠔油菜心（HKD 29): 份量真心少，得無幾條，蠔油吾夠咸鮮，貴錢又貴。熱奶茶☕️ （HKD 19): 奶同茶比例平衡，茶底濃，可惜吾夠入口順滑，一般。總結：名過於實燒鵝，吾夠油香價錢貴

講咗結論先: 普通。如果唔係有100蚊以上既BUDGET可以唔洗試。早日見到米芝蓮推介，特登行過嚟中環試一試佢啦。一坐低見到啲英文介紹話佢拎咗全世界最佳家禽料理乜乜乜，都有啲期待。主角既鵝有分普通鵝同鵝脾，鵝脾貴一大截，幾乎拼乜都要一百蚊以上。作為一個普通打工仔，只可以叫到普通鵝。由於貪吃，叫咗個燒鵝叉燒飯。燒鵝其實都幾好食。皮香口又有油脂，正。肉呢，幾好食，但首先要食到。因為普通燒鵝幾乎係冇肉的。鵝來貨貴，6X蚊，係好正常。唔係投訴，只係想講: 如果要叫既，建議你可以做定心理準備係嚟食皮ONLY。脾應該會啖啖肉，有預算既朋友不妨直接叫脾，唔好浪費自己QUOTA。叉燒，唔鍾意食瘦叉，唔評論。中環，燒鵝雙拼，62蚊。平心而論，唔算貴。只係覺得唔值得特登行過嚟。

午餐比近 90蚊(1杯凍OT, 1碟飯), 食普通茶記級數既燒味飯 + 比茶記更差既招呼，喜歡睇面色  攞碟酸梅醬都好似乞咁既朋友 一定要試。  講國語用支付寶可能好D。  另外, 飯既份量少到又係比普通茶記少 3至4份1, 仲要食落擺明係 平價大米. 各位真係 高抬貴手 唔好再推介

江湖傳聞一樂以前食晏大排長龍，我咁啱有排要食晏食果頭，緊係會一會佢啦！其實唔係好好燒鵝，只係唔知果頭食乜好，又可以一坐低就有得食 唔知係近排冇咩大陸人落黎定點啦！唔洗等就入得，咁我嗌油雞燒肉飯啦！好快就有喎！重唔知係咪住私樓，伯母請我食油雞肶！咁之後我食髓知味，就再約朋友黎食，又係食到雞肶喎！但我朋友就冇咁好彩啦！佢碗燒鵝瀨隻鵝燒到窿晒，我唔怕𤓓緊係幫佢同呀姐講啦！點知呀姐大為緊張：係咁㗎！係咁顏色㗎啦！我格離個男人就係食燒鵝，重燒得幾靚添！我指住同呀姐講：佢果隻唔係咁喎！呀姐眼神閃爍：係咁㗎！燒窿嘀先香呀！ 窿到黑喎！呀姐～你好野

今日放假想去大館睇吓，想起未去過一樂，就順便去食吓嘢，去到中午12點幾，已經開始要排隊等位，好彩我今日得一個人，幾分鐘就有位, 叫咗碗义鵝瀨及熱奶茶，啲燒鵝皮都幾脆，肉有鵝味，义燒都好香好味，啲湯就有少許咸，但係都還可以吧，呀姐好好人，叫我唔駛咁急，慢慢飲茶添，下次可以再嚟呀。

今晚無喇喇走入了一樂, 轉手從一樂食店到一樂燒鵝後, 只為醫肚！點了义燒鵝肶飯, 燒肶瀨粉, 誰知幾分鐘後便來說沒鵝肶！ 沒便算喇, 回頭看到下圖, 3隻完整燒鵝在我後面！懂了不想做生意, 馬上拍照離開ByeBye.這個天價這個時刻這種態度, 不用多說了

今日黎到食燒鵝好多外國人都黎潮聖以為會好貴原來都係$60 一碗燒鵝瀨價錢都可以接受 幾抵燒鵝黎到熱辣辣個皮勁脆勁有油香肉唔係好多份量勁小食左兩啖就冇 係好好食但係真係唔夠飽 要加底

一坐下，便有位侍應姐姐一聲不響將個餐牌「飛」在枱面上。我本打算叫最有名的燒鵝髀飯，但侍應話只有「下裝」（即是燒鵝的下半段，也即是連髀在內）。我便問：為何有下裝，但又不可叫「髀」？侍應沒特別回應。這樣沒趣之下，我決定起身離開。但見到店內已沒有昔日「旺場」，便想將以上「遭遇」告知老闆娘反映一下。怎知她立即黑臉大大聲的回應：「你不光顧便走吧！我管不到每一個員工怎樣招呼你！」而且她兩眼望也不望我。鏞記價錢，後巷服務。謝謝，明白哂。是我這個做顧客的麻煩和不對。以往久不久都有光顧，但我知以後怎樣做了。再見👋🏻。我替這間所謂「名店」惋惜。

一提到一樂燒鵝我諗中環人一定唔陌生一樂燒鵝開業多年 馳名中外 有好多遊客都專程過嚟試一試 更何況佢地係米之蓮一星添作為米之蓮餐廳佢地嘅價錢都相對其他茶餐廳偏高唔講咁多即刻上菜今次我就叫左一碗燒鵝脾瀨粉相到都見到原隻脾上絕對有誠意而且上菜嘅時候真係有脆皮嘅效果 絕無誇張食粉麵第一啖一定係試下個湯個湯真係又濃又清而燒鵝肉質鮮嫩多汁 燒得岩岩好 無夾雜多餘嘅脂肪係皮同肉中間雖然成碗麵嘅份量唔算好多但都值回票價推薦經過嘅朋友可以黎試下

一樂燒鵝名氣早已聽聞了，一直被身邊人推薦，今日落班經過見到竟然無排長龍，所以拉埋朋友過來食晚飯，嗌咗半隻燒鵝，燒鵝皮好薄，而且係脆的，肉質夠滑身而且有肉汁，唔會好乾身，加埋個酸梅醬味道好夾，點咗兩碗叉燒瀨粉一齊食，裡面叉燒味道就一般般，鹹咗小小，肥瘦唔係適中，所以口感麻麻地，瀨粉算可以。

晚飯時間慕名而至，閱覽餐牌始知沒有套餐，所有吃的喝的只供單點，還未到8時店員已經陸續通知食客油雞叉燒售罄，兩口子共點了2客燒鵝飯，食物奉上後發現飯的份量極少，各配上6小段大骨相連些少鵝肉在飯面，我們兩口子都O哂咀，見如此份量便立即加單來一客瀨粉。由於沒有套餐，普通飲品單點由$25起，只好留待用餐後到附近光顧珍珠奶茶還化算！邊嘗那份只夠小童果腹的鵝飯才發現店員沒有奉上酸梅醬，隨即示意店員後還要問我們需要一碟還是兩碟酸梅醬，我們當然要兩碟啦，心想是否這麼矜貴？需要如此嚴苛的不預先提供？說回燒鵝飯的味道卻是一般，米飯很散，明顯是平價米，鵝肉非常瘦及韌，只有很少的肉連箸大舊骨頭，鵝皮味道是可以的，但已經倒扣很多分數。瀨粉正常，可惜湯底非常一般，似福字米粉的味精湯包。總括而言，不值一試！

幾十年的老字號燒味店，米其林推薦的招牌被店家放在窗口最顯眼的地方。很推薦燒鵝：鵝皮酥脆，泛著誘人的油光兒，瘦肉軟嫩又口感十足，包裹著鮮美的濃汁，不含一絲柴肉。整體油香濃郁，讓人甚至不想放酸梅醬，怕影響了鵝肉的鹹香味道。

連續四年獲米芝蓮評為一星餐廳，在港內、港外均具人氣。難得經過附近一於入去試試！入到內裏，簡直座無虛席，我們周圍亦有很多遊客光顧，還是快快點菜，快快吃完讓座給其他人較好。燒鵝賣相還可以，但味道很一般，肉質比較瘦，亦不夠滑，肉汁少而且較乾身。叉燒色澤較沉，有燶邊但略嫌過燶。質地軟腍，肉味不夠濃而且偏鹹。燒肉相對燒鵝及叉燒比較出色。外皮脆卜卜，肉質夠腍，脂肪與瘦肉一層一層相間，比例不錯。價錢達米芝蓮級數但食物質素就很一般。

平時行過必然會見到店外排著長龍。今日唔洗等位，入到去好多吉位，大概係因為落雨☔️所以少人出去食。嚟度出名燒鵝，但今日想試下其他野食Order 了叉燒瀨粉，樣貌普普通通。叉燒瘦肉多，冇乜肥膏，可惜肉實咗d，雖然叉燒十分入味，但食多幾舊會覺得咸咗少少。湯味道濃，配上瀨粉算不錯。叉雞飯外貌亦冇乜特別，配上醬汁夠入味，配飯會想食多幾啖飯。雖然叉燒一樣係實咗啲，但雞都算滑同入果。一碗/一碟大概$60，冇配上菜，價錢算貴。

去完中環買少少嘢﹐都係時候食晚餐。一心諗住去某間車仔麵食個快飯就返屋企﹐途中見到此店﹐大熱天時加上一樂都算出名﹐最後改變心意...首先講講環境﹐舖內殘殘舊舊﹐枱面油淋淋...唔緊要﹐可能食物質素一流﹗兩個人﹐各點一個雙拼飯﹐一碟叉燒燒鵝飯﹐另一碟燒肉燒鵝飯。兩碟飯一到﹐我反應係呆咗一呆。原因﹖碟上放上薄薄一層嘅白飯﹐份量應該夠一個小朋友或者極度細食嘅女士。到一樂最出名嘅燒鵝﹐雙拼飯中大概各碟有五舊﹐五舊當中竟然得一舊係痴住較為大舊少少嘅肉﹐其他只係得燒鵝皮痴骨。叉燒同燒肉就更加可以不提...老實講﹐"大家活"同"大快樂"嘅下午茶飽肚感及食物質素都一定比一樂好﹗畀$62有咁差嘅服務同質素﹐想貼錢買難受的話﹐一定要去﹗﹗﹗