一心製麵所 (已結業)

午餐難得可以有自己嘅Metime 好想食拉麵 去咗呢間拉麵舖 店長推介中意食雞嘅可以試下雞白湯呢個湯底超級濃 奶白色有層湯膜 日式叉燒上面有粒心形物 我問咩嚟 店長介紹話精華骨膠原 啱晒貪靚嘅我如圖見到一片日式叉燒 三片雞肉 有一粒溏心蛋 店長又有講宜家小食有做推廣 加20蚊有小食連飲品 我都唔執輸去叫嚟食小食：炸雞軟骨飲品:蜜瓜梳打（出面好少有呢款牌子）裝修有日式風格 座位闊落 我自己可以靜靜地望街景

筷子嘅長度  A4紙嘅大細 嚟呢間拉麵店食飯有驚喜 睇到食評話呢間芝士🧀魚柳好大份 今日入嚟試過就知 唔係一般嘅大 係特大 基本上全香港都冇餐廳會落重本炸一份啖啖魚肉夾住流心芝士 少少嘅一杯咖喱汁全部精華 飯粒有鰻魚汁 令到飯粒吸收醬汁的美味  中意甜口味嘅食家 完成合你心意 咖喱汁淋炸魚柳上面 又平又好食 下次試下其他先  除咗拉麵有水準 原來仲有飯都有水準 如果唔食炸嘅見到餐牌有原條鰻魚 聽個師傅講有500g 左右重

炸豬扒飯 68蚊餐廳主打食拉麵 我見到有新產品就去試下 廚師話即叫即炸嘅 所以會15-20分鐘 我都等下啦 68蚊上環區價錢都算親民宜家美心 大家活 都要6x 7x 蚊一個飯 支持下小店舖可能有特別驚喜 表面酥脆 肉厚 就咁食都唔怕油膩 食得出入面有醃過肉 因為入面有肉汁味 唔會得個豬味 豬扒唔肥又唔會乾噌噌冇水份 另外有配一杯咖喱汁 同炸物配搭得啱啱好 見到餐牌寫加40就有小食配飲品 我見到都好抵 不過個豬排 都有半邊臉大 我就冇叫 個炸豬扒飯真係超大份 同餐牌名一樣大滿足環境:算大坐得又舒服 下次我都會嚟幫襯 價錢:68蚊 另加40就有小食配飲品 

因住响附近，已經唔知第幾次落嚟食拉麵。因為唔係點食得辣，另外又鍾意佢個濃濃嘅蟹湯底，加上成日聽朋友講食拉麵千奇唔好有辣，所以平日就淨係食佢個（金帝皇）同（蟹皇湯）。不過去到今日就一於唔信邪，偏偏就係要食吓辣，於是叫番個小辣嘅（赤將軍地獄湯拉麵）嚟試，飲咗第一啖湯，食咗第一啖麵，就好想反問番啲朋友點解拉麵唔可以有辣㗎？點解呢家辣嘅都可以咁好食？小弟覺得佢做得幾好，辣得嚟又唔會搶晒個蟹湯底同豬肉味。另外加$20就有多個小食，吉列池魚可以話係最正👍

$68 又比想像中物超所值 條魚好似筷子咁長 我諗出面買自己整都要20蚊啦 一咬有聲 入面有又拉絲芝士 芝士味重又唔油膩 好難得 上環呢個價都差唔多先68蚊 算抵食嘅 茶餐廳都要啦 個飯有鰻魚汁 甜甜地 d飯又粒粒飽滿 又唔係好乾又唔係好濕 口感岩岩好

見openrice咁多伏評特登走左去試一試可能因為星期六日嘅關係 呢啲番工區完全冇人唔洗等就可以入去 個場仲要幾空下環境:4/5入到去乾乾淨淨 啲位夠哂悶落又夠光猛只可以講有時有啲嘢要自己試左先知真假服務:4/5樓面幾friendly 聽佢地介紹叫左蟹湯面試試食身:4/5蟹味幾入 湯好濃同場用料足另外啲肉都夠味 兩隻蟹鉗仔唔多夠喉咁解不過呢個價錢又唔會要求佢咁多反而成碗最失望係個面質 覺得口感麻麻整體而言十分不錯 可以翻食

✨黑武士黑蒜湯拉麵（配慢煮豚肉）個湯底都偏重黑蒜味，食完成個口都係蒜味🙈😂不過唔知點解食食下冇乜味，可能我撈得唔夠均勻。麵就普通啦，反而覺得豬肉幾好食 好有味，脂肪好多😙😙🐷✨白美人雞白湯拉麵（配慢煮雞胸）-少油個湯底真係要就咁飲先飲得出有雞味，湯底好潔身 油油地，本來以為佢係淡味 其實佢幾濃郁😂慢煮雞胸幾好食喎，好有咬咁 唔會好鞋或者冇味。麵我都覺得普通，唔係我鍾意嗰種黃色好有彈性嘅拉麵🍜每碗拉麵都有一整個流心蛋，不過呢個蛋冇咁有味啦🥚✨三舊炸雞呢個都OK嘅，有少少雞嘅質感，食落有少少辣～同平時食嘅炸雞有啲唔同🤣🤣跟餐飲品：可樂😆😆🆓-【用餐體驗】冇任何針對 都係實話實說：食物講真係未值$118呢個價值，係唔抵食。我好似因為知呢間拉麵店特別在..有個心形嘅物體喺拉麵裡面，巧合嚟上環呢邊 就試下呢間。當入到去到用餐過程都仍然一個客都冇，就開始sense到中伏嘅氣色，走唔切😰呢樣都冇咁怕，最怕就喺我全程食嘅過程，個男人員工定老闆全程望住我地🙃我真係好唔鍾意比人全程監視我食嘢醜嘅樣、監聽我同人傾緊咩😓我影得兩張menu係因為我打算影第三頁嗰時 佢就收走我手上嘅menu。

我做保險業嘅 平時番工要周圍去 今日經過睇到滿座 就排隊試下 環境燈光好好 枱面好乾淨 服務態度好好 會主動問想要硬麵 正常 定軟麵 我叫咗白美人慢煮雞胸雞白湯 雞湯一流好濃 一睇就知成本唔平 烏龍茶真係好好飲 我份工走嚟走去太口渴 未食都飲左半樽烏龍茶

試試招牌蟹皇湯拉麵及花膠雞湯麵，湯底非常入味，濃而不膩，蟹黃湯拉麵真材實料，花膠雞义燒味道鮮味，肥瘦恰到好處，路過一試，在中西區眾多麵店來說，如此麵店有驚喜，值得再試。

住咗响上環咁多年，日日返工放工都行過，今晚決定入去一試。舖面唔大，最多應該坐到15-20個人，得3張4人枱，其他都係bar 枱。當時夜晚8點左右，但入到去只見得兩個客（可能因為負評影響掛🤔），坐底睇mena 諗咗陣，兩姐弟一於都食老闆推薦嘅金帝王。可能淨番我哋一枱客，廚房好快手，點完餐一陣就有得食，第一啖當然要試湯啦，已經有好濃既蟹膏味，中間個心心原來都係蟹膏嚟，老闆教我哋溶落個湯度，咁樣就會更加濃，果然冇呃人，即刻濃到可以掛湯😍。之後就試麵，我就揀咗軟身，感覺到的確係有誠意（因為之前食附近熊x，叫軟身都仲係硬，完全好似你有你揀，佢有佢煮咁🤬）。另一最正就係糖心蛋，一黎好彈身，二黎仲好甜但又唔膩，三黎又橙又流心。塊叉燒就普普通通，好在冇燒焦味；白烚雞胸肉就起碼係滑身。論整體味道，環境，服務，都值得再去。下次去嘅話，一於試個蟹黃湯先，老闆就話同金帝王唔同之處就有蟹肉同白豚肉，但就冇咗糖心蛋同叉燒。

一間小店座位不多6月尾時開始做第二個餐半價就跟同事試吓黑武士黑蒜湯拉麵(慢煮豚肉)湯底太杰麵不太入到湯的味道豚肉冇咩特別白美人雞湯拉麵這款較好湯幾清餸不小但味道一般套餐包飲品有好多選擇我們選了玄米茶和密瓜梳打店員服務好好親切有善

大愛這裏的廚師，仔仔唔食辣，廚師特登做咗碗豬肉湯嘅拉麵！湯好好味，雞肉又好味，面有非常爽口，聽講話之前嗰位客人食咗三碗麵🥰。這裏二人同行仲有一人一半價！大家一定要試試！

一個面餐共三件食品拉麵一碗餃子一份飲品一支面質鬆軟 正合胃口 有4種湯底及配物餃子皮薄好吃飲品多選擇 可樂 0度 津路 其他汽水坐得舒適 有单座 孖座及4人座失敗在吃完了忘了影相

今年三月份才開業的一心製麵所，位處於上環熱鬧的街道，人來人往，午飯時間過來必定要排隊。他家最好賣的是蟹皇湯拉麵，我也一來嘗試有多吸引。先說一說賣相，獨有的心形骨膠原是焦點！濃縮的蟹湯熬成的心型骨膠原，將它推入濃湯中混和，據說可提升湯的鮮味。不得不說，金黃色的蟹湯真的非常之鮮甜，店家主打的蟹湯是用大量新鮮的花蟹熬製而成，絕無味精。另外還配上了慢煮雞胸肉和美梅肉。說一說慢煮雞胸肉，雖然是雞胸，但一點也不鞋口，比想像中嫩；美梅肉也不遑多讓，肉汁鮮嫩，吃起來甚有豬肉味。重點來了：麵條是每天新鮮製作！店鋪名稱叫「製麵所」，果不然，麵條真的也是自家製作！用上了日本入口的麵粉和雞蛋製作的麵條，簡單沒有防腐劑。麵條有一定的韌度，而且掛湯程度不錯，好吃！

貌似冇淨麵，成set賣的，一個麵，一個小食，一罐汽水我揀左黑蒜豬骨湯拉麵，黑蒜炸雞個麵賣相可以接受的，圖所見心形嗰嚿係溶落個湯度的，gimmick嘢肉食落ok但亦僅僅係ok，麵有少少似蕎麥麵既感覺，唔反感，但又係唔識欣賞你肯定以為我想講個雞最伏，但並唔係最恐怖係個湯，完全冇黑蒜味（佢有得揀多油但我冇揀），亦完全冇豬骨味，一句講晒就係味精味，我唯一希望佢個黑色係comes from 墨魚汁而唔係人工食物色素。而且本人雖然冇味精敏感（冇掛），但食完味精野個口同喉嚨個又涸又痕又起痰同條脷痺痺地既感覺都萬試萬靈。同埋平時食拉麵，只要唔伏，我都會食完飲埋湯/飲大半碗湯，但呢個真係搞唔掂，仲要佢個texture係傑傑地，但佢又唔係占麵。反而最好食係佢個炸雞，定因為麵太差？唔好睇佢成舊炭咁其實冇燶，而且細細嚿雞，個黑蒜味食落仲濃過成碗麵。。。雞可能都係入貨架喇，但食落起碼唔會難受先。被拉麵耽誤的炸雞店😂店面過得去，但有一兩隻蚊滋食具算乾淨，但佢隻木筷子係會索水嗰款，加埋潮濕天氣，用落feel到濕濕地咁。。。店員有介紹menu（可能因為得兩檯客，尚算得閒？）整體禮貌都十分好的但個湯真係致命傷，我食完痰