一喜‧涮涮鍋

營業中

休息中

康怡廣場3樓有一間一人火鍋，二百幾蚊就可以食到美國Prime級數嘅牛肉，美國豬肉片一樣好好味。❤️湯底方便我哋分別叫咗杏汁雞嘅湯底同埋一個花膠豬骨湯底。兩個都好養顏。😏出邊有好多肉丸同埋蔬菜選擇，推薦大家食入邊有粒粒芋頭嘅芋頭丸，麻糬福袋都好好味，裏便大粒麻糬非常煙靭。🉐👍芽菜 芋頭 韭菜 南瓜 冬瓜呢一啲常見嘅配料都有得選擇。想食得飽啲仲可以選擇拉麵，同埋紫菜撈飯，加多隻溫泉蛋就好正啦。另外我都叫咗個炸帶子做小食，同埋墨魚仔😉臨走當然要食返個雪糕啦！呢度雪糕起碼有五款口味，我就選擇咗焦糖同埋花生醬味，正!逢星期一二三呢度仲有優惠做緊，第二位有半價。超級抵。

今日約左朋友在太古見面，想搵間坐得舒服又可以傾得耐既餐廳食晚飯，朋友二話不說帶左我黎一喜涮涮鍋打邊爐。餐廳位於商場內夠晒方便，而且座位闊落坐得舒服。最重要係餐廳環境衛生度高，不時會有員工清理自助bar枱面。餐廳有提供唔同等級嘅肉類，客人可按喜好選擇。我哋就試咗最普通嗰隻，但其實食落一啲都唔差，牛肉好有牛味，唔會嚡口。如果對食譜有要求的話可以試吓佢哋最新嘅十勝和牛套餐。自助吧好整齊，環境衛生唔錯，會定時清潔，而且素菜的種類多，職員refill嘅速度都快。牛肉色澤紅卜卜，無雪藏味，只要你食得到就可以無限encore。湯底都有9款，我就試咗佢嘅麻辣湯， 10分推介俾食得辣嘅朋友，因為我低估咗佢嘅麻辣程度。有啲特別款式嘅雪糕，推介佢哋自家製嘅雲呢拿味雪條。

前排過年凍冰冰又去打邊爐喇，發現我都幾鍾意打邊爐康怡開了間新的火鍋店，由食材、飲品、甜品雪糕款式非常豐富😁美食推介：💛湯底：骨膠原美顏玫瑰花膠白雞湯，湯底以甜雞白湯熬製，配上玫瑰花及花膠非常清甜，而且滿滿骨膠原🤭💛特選美國牛肩肉：肉質非常嫩，入口即溶，正呀🥰好好食👍🏻💛特選美國牛肩胛肉：牛味濃，非常之肉嫩👍🏻牛肉必食推介😋💛火鍋材料丸：一整個雪櫃上放滿不同得丸類任你夾，🥰好正呀👍🏻👍🏻💛蔬菜：款式非常多👍🏻勁多款蔬菜食勁爽呀！💛甜品：有多款不同品牌的雪條及雪糕，而且仲有軟雪糕機👍🏻雪櫃甜品都好多款式，除了迷你蛋糕，布甸外，仲有乳酪及豆腐花。💛飲品：各款汽水飲品，應有盡有，非常豐富👍🏻

呢間午餐放題好平,多選擇,一人打邊爐都得。叫左玫瑰花膠雞白湯,個玫瑰係有雞湯既精華,幾靚幾特別。呢度有唔少野食同甜品可以自取。我叫左個牛肩肉餐,可以任叫牛肩肉、雞肉同埋豬肉片,其他配料可以自取。自取既比較多唔同款式既丸,蔬菜、芋頭、粟米、同埋麵。如果想食飯都有,可以加紫菜同埋飯素。我食牛肩肉為主,味道都唔錯,同埋食左d丸都好快飽。比較中意生菜,放左係雪櫃,比較新鮮同脆。呢度係自助落單既形式為主,要添食都好方便。

趁著過年前打埋最後一次邊爐，今晚揀左港島線太古站旁康怡廣場新開業嘅「一喜·涮涮鍋」，都市傳說名字加「·」就會變高級⋯晚市正價時段嘅5款放題選擇由$218至$528不等（星期五至日及公眾假期+$10）自助取餐區包括各式丸類、魚腐、蔬菜、出前一丁、烏冬，仲有白飯任裝⋯骨膠顏美顏玫瑰花雞白湯：雞白湯呈奶白色，帶鮮咸香，唔會過份濃郁，而且唔會太膩，尤其食牛肉唔想用太濃湯底遮蓋牛肉鮮味。特選美國CAB牛肩胛肉：牛肉切得相對大片，食落好有肉感，脂肪比例較多，故油香豐富，同時，肉質滑嫩，牛味亦夠濃郁，屬呢個價位不停追加之選。精選美國牛五花：牛五花脂肪比例更多，油香的確更高，但肉味一般，不及CAB牛肩胛肉。特選美國CHOICE牛肩肉：呢款牛肉脂肪比例較低，肉味適中，但肉質唔夠滑，食落都係無CAB牛肩胛肉咁有balanced嘅感覺。美國豚五花肉：豚肉五花，肥瘦相間，豚味及油香並重。炸物小食包括章魚小丸子、炸帶子、炸魷魚鬚等等不足十款選擇。什丸有龍蝦丸、芝士丸、貢丸、魚旦、魚腐，各式蔬菜瓜類芋頭土豆等等都有。甜品方面有數款芝士蛋糕、泡芺、雪糕及雪條，唔係特別premium嘅款式，所以我都只係試少少味，主攻

年近歲晚，不停地吃團年飯，多數團年飯都是小菜盆菜，但今日的團年飯是日式火鍋，在康怡廣場北座三樓，一間新的火鍋店，晚飯時間排曬長龍，放題90分鐘，餐廳可以做幾輪生意，200幾蚊一個放題，食材超新鮮，品種唔洗好多，最緊要平靚正。近排日日都吃，所以湯底我們都揀最清淡的昆布鰹魚湯底，甘甜又健康，咁樣更加可以食到食材嘅鮮味原味。我們選了牛肩肉放題，數碼點餐效率非常高，點完1分鐘就送到。肉類和海鮮用數碼點 ，蔬菜腸仔肉丸就隨便在自助區囉，飲品調味品全部自助，仲有小食和甜品大量供應。牛肩肉又嫩又鮮甜，喺湯裡滾4秒啱啱好，點啲蒜蓉豉油非常惹味，天花板級數。食完牛肩肉又點咗日式腩肉， 瘦多肥少，食落都係好嫩口，豬有豬味，🐖🐖牛有牛味，🐮🐮食材絕對百分百新鮮，青口隻隻都係肥嘟嘟，新鮮有光澤，食落鮮甜完全冇渣。蔬菜區最特別係有鮮嫩豆苗，放入煮過牛肉的湯底裡面，鮮香嫩綠清甜爽口，冬天豆苗喺特別好食，其他蔬菜我地都逐樣試，有南瓜粟米冬瓜窩筍韭菜豆腐生菜油麥菜大白菜芽菜等等等等等。食到肚滿腸肥之時，仲可以飲杯熱咖啡，或者雪糕，或者甜品，回味新鮮嘅牛肉同豬肉嘅鮮甜，團年飯食火鍋都唔錯。👍👍

最近天氣又凍返，最岩打邊爐，咁岩去康怡吉之島買野，見到呢間任食邊爐，試試佢先。今次揀咗特選美國牛肩胛肉放題。🥣湯底 / 醬料區: 醬料有好多選擇，仲相當整潔；湯底就叫左美顏玫瑰花膠骨膠原雞白湯，口感清新，有花膠，飲左幾淡都唔會話好口渴，職員仲會好主動咁問你需唔需要加湯，服務有禮。🥩任食肉類 - 牛、豬、雞今次個set包任食牛肩肉、牛肩胛肉、肥牛，肉質唔差，脂肪分佈好平均，平時打邊爐最怕啲超肥既肥牛，今次就岩岩好；豚肉有美國豚肉同五花腩，都係薄切既，唔使烚好耐，又唔會柴。雞腿肉好滑，相當唔錯。🇰🇷任食日式小食、炸物雪櫃有中華沙律、螺肉等俾大家拎，亦都有少炸物俾你揀（炸帶子、薯角⋯），即叫即製，熱辣辣。用溫泉蛋黎沾牛肉，簡直係Perfect match！🥦任食蔬菜、火鍋料、麵食蔬菜好新鮮同乾淨，火鍋料方面有唔同既丸類；麵食烏冬同拉麵。🍨任食飲品、甜品除左罐裝飲品，仲有日本既SUNTORY啤酒。甜品有泡芙、朱古力蛋糕、啫喱，仲有雪糕同明治雪條。🐮牛肩胛 (生重100g): 156kcal/蛋白質19.4g/脂肪8.7g (資料來源:澳洲新西蘭食品標準管理局)

呢個星期天氣又濕又凍，最好就係打邊爐啦！今次嚟到屋企樓下，小妹見有屯門的一喜燒肉、沙田的一喜拉麵⋯仲有衝出九龍新界嚟到港島區的一喜·涮涮鍋！此乃是日式火鍋放題店，早幾日行過見好多人幫襯😁今次同屋企人嚟撐下枱腳先，既然係首次幫襯就叫個個平平地的套餐啦🤭放題共有6個套餐，小妹揀咗最平有牛牛的B餐，B餐有特選美國CHOICE牛肩肉、特選美國CAB牛肩胛肉、精選美國牛五花同墨魚仔，另外包埋A餐的美國豬、美國雞&青口！限時90分鐘，任食多款火鍋配料、飲品、甜品～而湯底更有9款選擇，小妹揀左《骨膠原美顏玫瑰花膠雞白湯》，今鋪仲唔越食越靚😍😍湯底一擺上枱，小妹就話「嘩😳好靚吖！有朵大大玫瑰花🌹🩷🩷🩷」雞白湯底清甜、有多件花膠同散發玫瑰花香；肉食方面份量比坊間算多，我地一致認為最靚係CAB牛肩肉（有牛香味）、美國雞肉肉質都很好👍🏻，而豬五花配泡菜一流🤤🤤！除咗平時的火鍋配料外，仲有2-3款炸物供應，全部即點即炸熱辣辣❤️雪糕有Made in Hong Kong的Coco Berry，佢地的蜜瓜🍈口味，係小妹最愛😍蜜瓜味雪糕世一💚小妹拎配料時發現，有好幾枱長者客人😳原來呢度有長者優惠吖「凡出示樂悠咭/長者

冬天啱晒打邊爐，揀咗B餐，優質美國牛小排放題，杞子杏汁白雞湯，同埋沙嗲湯。杞子杏汁白雞湯，湯底白雪雪，裏面見到放咗唔同材料，有紅棗、杏仁、雞肉等等。飲落清甜，杏汁潤肺。而沙嗲湯，湯底金黃色，沙嗲味道濃郁。半自助，可以任食雪糕、蔬菜、甜品同埋飲品。先上美國牛小排，肥瘦分布均勻，肉味濃郁，厚薄均勻。炸魷魚，魷魚都算大隻，好彈牙。墨魚仔大大隻，烚熟之後食都彈牙厚身。蔬菜類都好多選擇，食咗南瓜、粟米、金菇、油麥菜、摩芋絲等等，都鮮甜。丸類，特別推介墨汁墨魚丸，好彈牙，墨魚味香甜濃郁。魚腐口感好得意，綿綿地。台灣腸味道香甜。雪糕🍦，揀左北海道牛奶雪糕，香香甜甜，好濃郁牛奶味。另一杯，揀咗蜜瓜味雪糕，蜜瓜味道濃郁。最後送埋杯日式煎茶。

呢幾日天氣又凍返，最適合去打邊爐，放工去AEON買野見到康怡又有間新開嘅shabu shabu「一喜‧涮涮鍋」，一於就試吓佢😆我地揀咗特選美國牛肩肉眼放題配骨膠原美顏玫瑰花膠雞白湯，湯底呈奶白色，中間有一朵用雞白湯凝固製成嘅玫瑰花，再加上花膠件同玫瑰花，湯底味道鮮甜，養顏又滋補👍🏻套餐嘅牛肉種類有三款特選美國CHOICE牛肩肉肉質比較有彈性，有咬口嚼勁，肉味較濃郁特選美國CAB牛肩胛肉推介👍🏻個人比較喜歡牛肩胛肉，口感軟腍，肉質鬆軟juicy精選美國牛五花脂肪比例較前兩款多，油香味較重套餐亦包含兩款豚肉美國豚肉脂肪比例較少，肉質爽滑而肉味較重美國豚五花肉肥瘦相間，油脂豐富，肉質軟腍香滑，與雞白湯非常夾自助區包括各式各樣嘅蔬菜，有平時放題較少有嘅翠玉瓜同素雞、粟米、金菇、豆苗、冬瓜、冬菇、萵筍、蕃茄、薯仔、蓮藕、南瓜等等。 仲有主食烏冬同日本拉麵，記得要留肚食拉麵，面質彈牙掛湯，正宗日本拉麵嘅口感👍🏻另一邊就有不同嘅丸類，有墨汁丸、蟹籽丸、香芋魚丸、台灣腸、墨魚丸、魚蛋、獅子狗、海膽三文魚丸，種類夠晒豐富😋最後梗係要食返啲甜品，我試咗豆腐同朱古力雪糕、芝士蛋糕、原味同朱古力泡芙、牛奶雪

喺公司附近見到有一間新裝修嘅火鍋店呢幾日天氣咁凍🥶，打邊爐啱晒🔥午餐做緊90分鐘放題唔同餐分別在於肉類嘅選擇🔸美國牛肩肉放題 ($158 & 加一)湯底方面佢有9款俾你揀我就揀咗九州風豬骨濃湯🍲呢個湯底用咗大量嘅豬骨長時間煲煮係一個百搭嘅火鍋湯底，同其他火鍋配料好夾👍🏻一向日式火鍋比我嘅感覺都係湯底比較清淡不過呢間嘅豬骨湯，味道好濃郁😋餐廳係QR code落單落單後，肉類好快就送到牛肩肉半肥瘦，啱晒啲唔鍾意食得太肥膩嘅朋友雞肉嫩滑，配豬骨湯好夾🔸自助火鍋配料區其他火鍋配料就係自助區自己夾選擇都好多，唔驚食唔飽😆😆👉🏻有各類嘅肉丸、芝士腸、麵、烏冬 打邊爐岩哂👉🏻蔬菜就一兜兜咁放咗喺雪櫃自己拎蔬菜好新鮮，清潔得乾淨🌽🥬🍅🔸嘢飲餐廳提供各種罐裝及紙包嘢飲比較注重健康嘅人，好似我咁就有無糖百事、無糖茶嘅選擇☺️🔸甜品甜品選擇都幾多，有雪糕🍦泡芙、蛋糕🍰

轉完之後又轉……原裝橫都冇乜點改過嘢食亦都唔見好食得去邊已經叫到所謂和牛級嘅套餐金玉其外…滿面油花，食落口都係鞋實有啲人會話係我烚得太耐烚老晒，放心，次次有和牛畀我打邊爐我一定係烚到仲有少少粉紅就會拎返起。反而係佢啲雞肉烚過龍都唔會覺得好柴就唔郁豬肉片就一般般。蔬菜方面就都係正常發揮…啲服務員服務態度一啲都唔差，但係嗰個講嘢蚊滋咁細聲，再唔係就聽唔明佢講乜…可能好多人會覺得好食掛…但我就唔會滿意連加一$350食啲鞋口和牛有人覺得好食嘅就請支持，又或者覺得$350有和牛仲想點請繼續。我見佢轉咁多次都轉不出快樂情願留肚畀更好食嘅鋪頭。