一喜‧涮涮鍋

營業中

休息中

今日約左朋友在太古見面，想搵間坐得舒服又可以傾得耐既餐廳食晚飯，朋友二話不說帶左我黎一喜涮涮鍋打邊爐。餐廳位於商場內夠晒方便，而且座位闊落坐得舒服。最重要係餐廳環境衛生度高，不時會有員工清理自助bar枱面。餐廳有提供唔同等級嘅肉類，客人可按喜好選擇。我哋就試咗最普通嗰隻，但其實食落一啲都唔差，牛肉好有牛味，唔會嚡口。如果對食譜有要求的話可以試吓佢哋最新嘅十勝和牛套餐。自助吧好整齊，環境衛生唔錯，會定時清潔，而且素菜的種類多，職員refill嘅速度都快。牛肉色澤紅卜卜，無雪藏味，只要你食得到就可以無限encore。湯底都有9款，我就試咗佢嘅麻辣湯， 10分推介俾食得辣嘅朋友，因為我低估咗佢嘅麻辣程度。有啲特別款式嘅雪糕，推介佢哋自家製嘅雲呢拿味雪條。