一喜‧涮涮鍋

營業中

休息中

逢星期三都要去某超市特賣日，今晚去完康怡，過條天橋就搵到呢間涮涮鍋補充體力！我同朋友都揀咗骨膠原美顏玫瑰花膠雞白湯(+$10)，勁香玫瑰味，仲有慢慢溶化嘅花花，剩係個湯底都夠晒吸引呀！我哋揀咗Ｂ餐，QR Code落單有好幾款牛肉、豬肉同雞肉揀，而丸類、炸物、蔬菜就唔駛慢慢落單，行出去就可以自己拎！肉類就試咗特選美國CHOICE牛肩肉、特選美國CAB 牛肩胛肉、精選美國牛五花、美國豚肉、美國豚五花肉～炸物款式多，refill得快，所以食落仲好熱好脆，又唔駛怕手機落單叫多咗啦！我就食咗薯角、魷魚、帶子同埋蠔～飲品方面，款式好多，除咗有比較特別嘅韓國飲品，竟然仲有生可樂！唔想飲凍嘢都冇問題，可以拎個茶包沖杯熱茶消滯解膩！甜品方面，有蛋糕、泡芙、多款香港製造雪糕同雪條任揀，蛋糕細細件，可以試多幾款唔同味道～服務方面，職員好爽手幫我地收碟同加湯，態度亦都好好～

今晚同朋友近近地去左康怡廣場3樓新開嘅一喜打邊爐，有啲印象呢個舖位上一手都係火鍋店，但我地覺得一喜性價比高啲！呢度主要係一人一鍋，覺得下次自己再黎都得🤓揀左b款，有90分鐘任食，湯底揀左骨膠原美顏玫瑰花膠雞白湯，清清地好鍾意呢個養顏湯底！入面嘅花膠都有4-5舊架。以下嘅邊爐料可以掃qr code點，呢堆都勁推介！！特選美國CHOICE牛肩肉特選美國CAB牛肩胛肉美國豚肉特選美國雞腿肉溫泉蛋出面仲有好多蔬菜類，菇類，丸類等等可以拎。野飲櫃又有多至十款飲品。另外雪糕同甜品一定唔可以錯過，每人食左兩杯香港品牌Cocoberry雪糕，有特別嘅焦糖爆谷味，香蕉拖肥味，沖繩海鹽味，豆腐味，全部都勁好食😍

呢間日式邊爐放題係太古，好近office，放工黎食都好方便，今次揀左$258既放題，至於湯底就揀左骨膠原美顏玫瑰花膠雞白湯。湯底除左玫瑰乾花之外仲有玫瑰花型既冰😍😍賞心悅目，打卡一流！呢度係QR code落單好方便，唔洗等叫人過嚟落，自己落就得，上菜都好快，禁完5分鐘唔洗就上左了。我地嗌左特選美國CHOICE牛肩肉，特選美國CAB牛肩胛肉，同精選美國牛五花各一碟試下先，放題黎講都不錯，有油花，豬都唔會un同so👍🏻除左肉之外，自助區都好多野食揀，有現成炸物自己仼夾不用等最驚喜連腐皮福袋都有😍😍內裡年糕煙韌軟軟，平時係街食都十幾蚊粒🥹仲有其他丸類（龍蝦丸，墨魚丸），腸同豆類製品（魚腐😍），都好味！墨魚仔都係仼食，爽口，每次黎1-2粒，一次黎多幾粒就方便d，不過仼嗌就無所謂啦。雪櫃野飲好多種類，有港式，韓式，想消濟就解茶，解喝就氣水。我就揀左懷舊飲品燒仙草爽（依家比較少見）整體都不錯，上菜快同飲品多選擇，連甜品都有齊雪糕，雪條同cake🥰

特選牛肩胛肉放題 $258任食特選美國choice牛肩肉、特選美國CAB牛肩胛肉、美國牛五花、美國豚肉、美國豚五花肉，出面仲冇多種丸類、蔬菜、小食、飲品、雪糕、甜品自由選擇🥰實在太開心啦！骨膠美顏玫瑰花雞白湯奶白色雞白湯，整成玫瑰花造型，慢慢睇住佢溶化都幾治癒，仲有粒粒玫瑰花增添香味每碟牛肉呈現鮮紅色，薄薄一片但夾起唔會斷👍🏻豬肉呈淺粉紅色，油花分布平均，每種肉類味道分明，各具特色小食有驚喜椒麻魚皮，魚皮凍冰冰好爽口，每一啖都有少少麻味，真係好惹味，食極都唔停， encore咗幾碟雪糕選擇多，港式奶茶好濃奶茶味，值得一試

太古新開日式火鍋店，木系裝修，裝修簡潔，坐得舒服。我同朋友都叫咗骨膠原美顏玫瑰花膠雞白湯，湯底超級濃郁，呈奶白色，放左乾玫瑰花，感覺浪漫，食物索晒D湯汁後，必定更加美味。我哋揀左Set B特選美國牛肩肉眼放題，可以免費追加共8款肉和海鮮，包括特選美國牛肩肉、精選美國牛五花、特選美國CAB牛肩胛肉、墨魚仔、美國豚肉、美國豚五花肉、特選美國雞腿肉、紐西蘭青口，仲有自助放題區任飲任食，包括火鍋配料、新鮮野菜、精美甜品、罐裝飲品、自助咖啡機、雪糕和日本明治雪條，逢星期一二三惠顧指定放題，做緊全日第二位半價，非常抵食。餐廳劃分左唔同食物既區域，當中有丸類區、蔬菜區、熟食和日式小食區、醬汁區、飲品區、甜品區等等，食物選擇種類多不勝數。總結，食物質素高，好多選擇，價錢合理，啱晒我哋呢D食肉獸。

呢日嚟到太古康怡呢一間火鍋店食放題，佢嘅肉質真係好好，我哋係叫咗b餐，$258一個人任食，佢既牛肉好高質，同埋落完單好快就到另外仲想讚下佢既座位，夠哂闊落，兩人枱坐完麵仲有好多位放野食～qr code落牛肉同埋一d炸物，另外就係出面拎飲品，菜，丸，甜品，呢度野飲選擇都有好多，甜品就有cocoberry 既雪糕任食，真係好吸引！佢既泡芙都係好高質，食到我地都停唔到口！我地湯底揀左要壽喜燒同花膠雞湯，花膠雞湯入面真係有好多舊花膠，好足料！！

到了一喜火鍋食放題，火鍋放題任飲任食真係太正啦！眾多湯底就叫左骨膠原美顏玫瑰花膠雞白湯，滋味濃郁又滑口，好似喺面膜入面咁護膚咁啦！而且湯底都唔會太辣，啲人唔太受辣嘅都可以放心食。最正嘅係任食牛肩胛肉，啲肉質鮮嫩多汁，一咬就嘩啦！而且火鍋放題嘅好處就係自己可以掌握食物嘅熟度，想食嗰啲熟啲嘅就煮耐啲，唔想食嗰啲嘅就煮短啲，好方便！味道濃郁嘅牛肩胛肉同埋骨膠原湯底好夾，夾住牛肉之後入湯煮熟，啲湯汁就會滲入牛肉入面，令味道更加濃郁。再搭埋温泉蛋汁，天衣無敵呢！還有自助area,大量精緻丸類，時蔬，甜品等等，都係任食！價錢唔貴有質數。

好耐冇打過邊爐，趁天氣仲係涼涼哋，即刻同朋友嚟康怡廣場呢間新開嘅「一喜‧涮涮鍋」食返個午市放題。餐廳主打一人一爐火鍋，而我哋今次就揀咗個 90 分鐘「美國牛肩肉放題」 ($158)，套餐包美國牛肩肉、美國豚肉、特選雞腿肉同大量火鍋配料，全部都可以任食。湯底點咗骨膠原美顏玫瑰花膠雞白湯 (+$10@)，湯身呈乳白色，中間放了一大朵玫瑰花冰，再以玫瑰花冧作點綴，賣相極美觀。舀起見到湯底入面有唔少花膠，滿滿骨膠原，滋補又養顏。牛肩肉肉質細緻、牛味濃郁，入口爽滑有嚼勁。豚肉肥瘦適中、雞腿肉肉多極厚，咬落啖啖肉，嫩滑又 juicy 。另外餐廳設有自助放題區，有冷盤小食、新鮮野菜、丸類、甜品、雪糕同明治雪條等供應。前菜小食有味付螺肉、中華沙律、玉子豆腐等，另外仲有紫菜絲同飯素，客人可以自己 DIY 炮製紫菜飯。飲品方面，種類亦非常之多，由果汁、茶飲、汽水，以至咖啡等，應有盡有，相當抵食。

康怡廣場剛開業不久嘅一喜．涮涮鍋，係一家日式火鍋放題專門店，晚市120分鐘放題設早鳥及宵夜時段優惠，最平$128就有交易！特選美國牛肩肉放題 $258正價$258， 早鳥優惠$248，宵夜時段$218嘅放題套餐！特選美國CHOICE牛肩肉｜特選美國CAB牛肩胛肉食火鍋放題最怕就係得第一轉肉係靚，而一喜．涮涮鍋就絕無偷工減料嘅情況，值得推祟！CHOICE牛肩肉嘅牛味勁濃！而CAB牛肩胛肉嘅口感就軟嫩啲！兩者都好值得瘋狂encore！美國豚五花肉｜美國豚肉｜精選美國肥牛五花肉軟滑又夠肥美！瘦身嘅豚肉都唔錯！肥牛都幾滑溜！骨膠原美顏玫瑰花膠雞白湯 ＋$10｜完熟番茄湯有粒玫瑰冰做賣點嘅雞白湯，內含花膠可美顏！番茄湯同牛肉係絕配！自助區丸類、蔬菜類、飯麵、漬物、甜品、飲品、甜品都係自助形式，選擇夠晒多！熟食一喜．涮涮鍋嘅炸物真係做得幾出色，個人推介珍寶炸帶子同埋天婦羅海苔魷魚！

天氣一凍就想去打邊爐🍲！今次見到呢間好新想試下~我地今次試左個湯底係骨膠原美顏玫瑰花膠雞白湯，聽到個名都夠曬骨膠原，女人至愛~💁‍♀️佢呢個特色係將個雞白湯整成一朵玫瑰花，放入湯到就得架啦，湯入面仲有花膠同玫瑰花，成個煲都係骨膠原，夠補夠養顏❤️呢個餐係特選美國牛肩肉眼，可以任食牛肩肉、牛肩胛肉、牛五花等等，D肉都唔差架，肥瘦適中，入口頗有肉味，而且亦有唔少海鮮同蔬菜等選擇，亦有多款丸類同腸類等等，食物種類都算豐富有得揀！另外飲品都大眾化，唔同牌子汽水同茶都可以揀，甜品都小巧精緻，亦有唔同口味既雪糕，食到咁上下就可以食返粒泡芙做結尾🥰

好耐無打過邊爐，今晚就約左朋友黎個一人一鍋打邊爐先。呢間店係新開，時間尚早未算太full。放題套餐有6款，而湯底都有成9款選擇，我哋就揀左特選美國牛肩肉眼放題。骨膠顏美顏玫瑰花雞白湯：估唔到湯底都有得打卡，雞白湯用左玫瑰花造型。雞白湯奶白色，味道唔太濃，又唔覺得好多油，我就幾鐘意。完熟蕃茄湯：蕃茄湯底酸酸甜甜，朋友至愛。火鍋配類擺放乾淨企理，類種多。小食如螺肉同中華海蜇、蔬菜同甜品都在雪櫃分開擺放，飲品都係外面自取。炸物：小食有炸帶子、炸帶子、炸魷魚鬚、炸蕃角同章魚小丸子，全部剛剛炸起，熱辣辣。肉類：用qr code落單，即叫即切。兩款牛係特選美國CAB牛肩胛同特選美國Choice 牛肩胛，豬就係精選美國豬五花。每款油花分佈平均，口感OK，最緊要係無限encore。海鮮類：呢個都係用qr code落單，有青口同墨魚仔，兩款都幾大隻，帶鮮味，墨魚仔咬落爽口。 其他配料：自取有丸類、菇同菜心，樣樣食D都幾飽，幾豐富。甜品：雪糕係香港製造，雪條係明治雪條。另有仲有芝士蛋糕同泡芙等，雪櫃仲有幾款，味道不過不失。

新年想食個邊爐，平平地同媽咪去左食《一喜．涮涮鍋》揀左B餐特選美國牛肩胛肉放題媽媽揀左沙嗲湯底，有花生香味唔會特別咸；我揀左貳辣鴨血湯+10，初初食覺得係小辣程度，但越煲越辣，麻得過癮、鴨血份量都算多特選美國Choice牛肩肉同特選美國CAB牛肩胛肉係今次邊爐嘅重點，因為真係雪花分佈適中，而且唔會切到細細片，大啖一大塊肉好滿足，而且入口唔油膩，亦唔會因為過左時間夾起會老會柴肉，值得encore再encore~美國豚五花都好值得關注，唔會有豬嘅騷味，唔會太厚太薄太油，同兩款牛同列頭三位必食除左普通肉類之外，仲有一啲炸物可以order ，全部都新鮮炸唔會有反炸油溢味，加分~另外仲有蔬菜同丸類自助區，魚腐、墨肉丸、福袋係私心推介飲品同甜品都係任食，雪糕有香港本地品牌coco berry，Lotus 焦糖餅味如果見到一定要食返杯呀~

一喜‧涮涮鍋 地址: 太古康山道1-2號康怡廣場北座3樓T2號舖電話:=====================日本shabu shabu 在香港食很貴，上次同朋友去了食一間人均500多，仲要肉同料都好小款。食完好似無食過一樣，之後同其他友人講起，佢介紹呢間比我，高cp 。骨膠原玫瑰花膠雞白湯，對女人來講，骨膠原就是美麗指標。肉片類保持新鮮，用qr code 輕鬆落單， 點了大量牛同豬。 蔬菜丸類等就放在自取區。今次去做緊優惠，指定套餐第2位半價，好抵！叫得放題shabu shabu,飲品當然也包括在內啦，甜點如一口cake 是常見那些，如puff, cheese cake 仲有雪條。雖然食甜食不妨留小小肚空間

突然想打邊爐，一人鍋放題係一個選擇，揀咗Set B，少有地食咗6碟牛，90分鐘時間好快過。湯底：美顏玫瑰花膠骨膠原雞白湯丶杞子杏汁雞白湯主菜：特選美國CAB牛肩胛丶特選美國Choice 牛肩胛除咗火鍋配料，仲有幾款熟食，炸帶子丶章魚燒丶魷魚鬚丶枝豆等自助區丸類飲品：道地茶類丶港式汽水丶韓式汽水等蔬菜：最鍾意係豆苗丶萵筍，同埋短暫出現過嘅蕃茄冷盤：中華沙律丶螺肉等甜品：一口蛋糕丶泡芙，試咗幾款，朱古力brownie最好味雪糕：推介meji雪條

一個人食野真係好自在，唔使同人傾計，慢慢咀嚼，慢慢享受。但人係群體動物，一齊食飯，談天說地，所得到的歡愉又唔喺單純食物可以比到。呢間餐廳名改得好，一喜，一起食飯， 一齊分享歡喜。而我今次搵到志同道合一齊中意食野嘅朋友一齊黎食，更加可以話係喜上加喜。(搞到唱新年歌咁) 🍖影相最中意影大堆頭，呢度嘅配料，充足又新鮮，而且分類清晰，急凍嘅丸類，腸類放係一邊，另一邊就係切好左嘅瓜類或者菇菜，比如窩筍粟米蕃茄等等。然後大葉既蔬菜會放喺雪櫃，令佢更加保持新鮮。以上安排嘅好處，就係令人覺得非常齊整，井井有條。我覺得咁樣客人喺夾野既時候，都會因為咁樣而格外小心，提高整體既衛生情況。 🍖鍋底方面，我地揀左花膠雞同埋胡椒豬肚，我見大部份都係揀一樣一鍋，我地問店員有冇傳統駌鴦鍋，諗住有氣氛d，原來真係有，我覺得係食材以外，呢一個offer，亦都會直接構成客人選擇呢度嘅原因。 🍖我地揀左簡單嘅美國牛肉b set，佢有海鮮雞肉豬肉可以選擇，但我地全程都無叫，因為牛肉已經好好味，橫切面大大塊，厚薄適中，而且唔會痴埋，又唔會散，證明解凍做得好好，安排足夠時間處理切割，牛味亦都濃郁。 🍺✨️哩度仲有自己直接係啤酒機斟嘅