一喜‧涮涮鍋

營業中

休息中

今日早放工、就同老婆去食涮涮鍋。事關唯獨佢有越南牛肉湯底，同埋竹蔗茅根水，打邊爐都健康。我建議嘅做法係用牛肉湯底涮肉，竹蔗茅根水涮菜，咁就菜甜肉味濃😆Overall 佢啲牛都幾出色、厚度有返咁上下，唔會薄到透光，所以其實都幾飽肚。如果係放題嘅話，建議食到唔夠先place order, 費事眼闊肚窄，浪費食物。牛肩肉超超大塊、手🖐🏻掌咁大。至於肉味方面，澳洲安格斯牛板腱肉味都已經算幾濃，但牛肩肉和牛肩胛肉可以話係仲濃～ 牛板腱中間有啲根腱位涮涮完會有啲Q彈口感、但如果你唔中意的話，都可以好輕鬆咬走。講到牛、丸類之中、牛筋丸都係幾好食🤤 肉味濃。 其他可以追加嘅食物喺張單度，可以睇我作為芫茜🌿愛好者、你鍾意搵牛肉包住生芫荽生啪入口，清新怡人。但其他醬汁其實都同其他火鍋店不相伯仲，唔錯。佢裝白飯嘅飯桶隔離有紫菜碎，紫菜香味撲鼻，好明顯係壽司紫菜嘅 quality，其實用嚟夾埋肉食都唔差。甜品雪糕有 gogo berry 嘅雪糕🍧 我中意Oreo 味

呢排屋企嘅電器一樣接一樣咁壞！依家啲電器係冇以前咁耐用啦！品質係冇以前嗰啲咁堅固！所以相約老婆喺吉之島買洗衣機⋯⋯男人同女人唔同見到啱就買女人就會比較一下功能價錢🤨⋯⋯搞咗兩個鐘頭⋯⋯肚餓啦⋯⋯對面有間餐廳日式涮涮鍋放題⋯⋯超肚餓，啱晒⋯⋯餐廳座位寬闊⋯⋯服務高質⋯⋯又乾淨⋯⋯肉類質素都好高⋯⋯湯底⋯⋯試咗兩款竹庶茅棍馬蹄湯清熱解毒五指毛桃雞湯健脾補肺，增強免疫能力⋯⋯澳洲安格斯牛板腱肉質相當細嫩⋯⋯牛味香濃⋯⋯鮮嫩多汁⋯⋯另外仲試咗😚特選美國CHOICE牛肩肉😚極品美國CAB牛肩胛肉這兩款牛肉都非常美味，但係真係唔及🤓澳洲安格斯牛板腱⋯⋯日本豚肉肉質清爽而不膩⋯⋯來自日本的豚肉肉質柔軟⋯⋯又有獨特嘅香氣⋯⋯非常甘甜⋯⋯脂肪比例較低⋯⋯口感細膩⋯⋯另外仲有海蝦、帆立貝、廣島蠔廣島蠔蠔味相當濃郁 ⋯⋯非常鮮味⋯⋯仲係有好多飲品供選擇⋯⋯鴨屎綠檸檬茶～紅豆薏米🤩🤩老婆婆最鍾意呢兩款🤩🤩粟米超甜 ！老婆加咗好多蕃茄同南瓜！令到個湯底更加甜，下次我都要試吓！仲有香港🇭🇰製造嘅雪糕添⋯⋯同埋甜品 🍮⋯⋯

超級星期三吉之島又做特價！呢排嘅榴槤仲係好平又靚點會執輸梗係去行吓買下嘢啦！未買嘢之前係醫咗肚先啦！天氣熱辣辣🙆‍♀️⋯⋯但係好奇怪，突然想食shabu shabu😏⋯⋯日式火鍋，除咗出品要新鮮⋯⋯冷氣都非常重要⋯⋯呢間餐廳無論食物質素高，飲品種類都非常多⋯⋯最重要有清涼嘅冷氣⋯⋯朋友叫咗日本櫻花蝦沙嗲鍋佢話好鮮味⋯⋯我就叫咗五指毛桃雞湯鍋湯底越食越滋味，有陣陣嘅椰子香氣⋯⋯澳洲安格斯牛板腱澳洲安格斯牛板腱位置屬於牛嘅肩旁位置，嚼勁和嫩口之間！口感豐富！肉味濃郁！極品美國CAB牛肩胛肉估唔到呢款牛肉都咁鮮嫩！肥瘦均勻！肉味濃郁！日本豚肉來自日本的豚肉含豐富嘅脂肪入口甘甜⋯⋯肉質細嫩，入口即溶⋯⋯非常高質⋯⋯另外仲有海蝦、帆立貝、廣島蠔、青口等等吧枱仲有非常多嘅配料選擇⋯⋯粟米非常鮮甜⋯⋯仲有榴槤雪糕添⋯⋯非常香滑，香港製造👍⋯⋯最後因為太飽甜品嘅蛋糕冇食到留返下次試啦💁‍♀️😬⋯⋯

放工後同朋友嚟食涮涮鍋放題，我哋今次就試咗「澳洲安格斯牛板腱」，任食。90分鐘。壽喜燒風味湯底， 味帶甘甜，附有生雞蛋一隻，同牛板腱好匹配，而五指毛桃雞湯，朋友話味道較清，帶有椰子香。安格斯牛板腱，比起普通牛肉片厚身，更有肉味。除咗肉類，仲有廣島蠔、海蝦、青口、帆立貝、墨魚仔可追加。凍飲唔算好多，但竟然有我哋都鍾意嘅鴨屎香檸檬茶，仲有罐裝蘋果汁都幾好飲！熱飲有咖啡，煎茶可以沖。甜品有凍餅、杯裝雪糕、雪條等

前幾日同朋友去咗一喜涮涮鍋食晚餐，多謝朋友請客，享受咗一餐豐富又滿足嘅任食火鍋。一人一鍋設計非常衛生，每人可以揀自己鍾意嘅湯底，我揀咗椰子鷄白湯，香甜濃郁，飲落暖笠笠。食物選擇好多，有牛肉、豚肉、墨魚仔、海蝦、帆立貝、青口等海陸食材，質素不俗，補貨速度都快。牛肉切得薄身，入口嫩滑，海蝦新鮮彈牙，帆立貝都無雪味，絕對有驚喜。仲有其他湯底如蕃茄湯、豚肉濃湯、昆布鰹魚清湯，適合唔同口味人士。蔬菜、火鍋配料、醬料選擇亦算多元，環境乾淨企理，服務員態度友善，會主動收碟補水。總結：性價比高，適合三五知己聚餐，想食火鍋可以考慮呢間！

Today we want to eat hotpot for late lunch. As we are too hungry. This one is an all-you-can-eat hotpot. The most attractive ingredients are the Australian Angus beef tendon, which is tender and juicy, and every bite is juicy with gravy, which is really soft and memorable; The shrimp and scallops are fresh and springy, and the original taste of seafood is immediately felt; The baby cuttlefish is smooth, smooth on the palate and full of the fragrance of cuttlefish. There are plenty of desserts an

今日去咗太古城Shopping 順便跟朋友吃Lunch ……朋友話打邊爐，就去咗位於康怡廣場3樓嘅「一喜‧涮涮鍋」 麻辣鴨血湯，湯底好香濃，個鴨血亦都好煙靭韌口感不錯。另外一個清清地是五指毛桃雞湯，湯底甜甜地淥菜也不錯😂😂安格斯牛板腱，牛味香濃👍😚牛肩胛，雞腿肉也好鮮嫩….除咗肉類還有海鮮也不差⋯⋯廣島蠔大隻不錯！海蝦鮮甜！特別推介是魷魚丸…有鮮味爽口彈牙！蔬菜也夠新鮮，甜品也有不少選擇🤭🤭

想食大餐又怕肥，所以叫左澳洲安格斯牛板腱餐，低脂又高蛋白質！😋另外呢個餐仲可以任叫美國牛肩肉，牛肩胛肉雞腿肉同日本豚肉，夠晒豐富！🤭選左椰子雞湯，奶白濃郁！丸類嘅選擇都幾多，比較特別嘅係香芋魚丸，魚丸好彈牙，有一粒粒嘅芋頭好特別又有口感～魷魚丸有鮮味，魷魚粒爽口～豬肚丸都係出面比較少見～另外海鮮都可以任叫，海蝦好彈牙🦞青口大大粒，肉質飽滿！安格斯牛板腱，油花分布平均，牛味香濃，即使脂肪比較少，但肉質都好嫩滑！其他蔬菜配料都有幾多選擇！大推西洋菜，好鮮甜！甜品當然唔少得雪糕，呢度主推香港製造嘅雪糕有沖繩鹽味，玄米茶味同港式奶茶味，細細杯咁可以試多啲唔同嘅味，沖繩鹽比較特別，食落鹹鹹地又甜甜地咁！👍服務態度幾好，會主動問手我哋要唔要加湯👍

今日同朋友去咗太古城呢一區搵啲嘢食咁啱而家天氣咁凍，我哋就想搵啲暖笠笠嘅嘢食，打邊爐當然都係一個非常好嘅選擇！呢一區打邊爐選擇真係唔多，呢一間餐廳我哋之前都冇去過，所以就決定去試吓，睇返佢價錢都唔係太貴，而且呢一個天氣打邊爐，簡直就係啱晒！😍牛肉嘅質素幾高絕對唔係出邊平價貨，而且叫嘅份量，你叫幾多比幾多！絕對冇漏單嘅情況出現，牛肉質素非常好，而且幾秒就可以食，油花分布唔錯，我同朋友都非常鍾意！😍另外自助區都有好多唔同嘅嘢食，有好多唔同嘅丸同埋蔬菜，另外有驚喜嘅係佢有陳皮魚蛋. 絕對係童年嘅回憶，而且味道非常好食！細細粒又唔會話太飽我都食咗起碼五粒以上！蔬菜嘅種類非常多，而且亦都新鮮，淨係食自助區都回本！選擇真係非常多，呢個係值得加分！😍鍾意食海鮮嘅朋友真係不能夠錯過，佢仲有日本嘅生蠔，當然要熟食！呢個位我同朋友叫咗起碼五隻以上！每一隻都非常飽滿同埋creamy! 出邊都好少有自助餐會提供呢一類型咁大隻size ！！我同朋友非常滿意！而且亦都有新鮮嘅海蝦！爽口新鮮！任叫任食呢一個位亦都係非常抵嘅一個位置！😍點少得食雪糕？雪糕都有好多種唔同嘅花款，令到我哋食到捧住個肚走！非常滿意！整體嚟講

呢個鋪位之前都係做任食火鍋有一段時間無黎康怡啦！原來鋪頭已經轉左另一個名同好多任食火鍋一樣，呢度既蔬菜丸類都係放係出面大家可以help yourself蔬菜🥬類都係差唔多既選擇：萵筍、西蘭花、蓮藕、芽菜比較特別既係有豆苗（見到周圍既檯都好多人攞 😂）墨魚丸、貢丸、芝士腸呢啲就唔少得架啦！我叫既係壽喜鍋，跟一隻蛋 🥚隻蛋無特別標明來源，但係我唔理啦～照樣生食 😄因為壽喜燒既牛肉，我覺得一定係要用生雞蛋蘸先好食 😋呢個安格斯牛板腱餐$305，裡面有三款牛肉超級超級鍾意食牛肉既我，一定係叫齊三款 ✌️以呢個價錢黎講，啲牛肉既質素絕對係令我喜出望外既 ❤️如圖所見，啲牛肉既雪花好均勻，顏色亦睇得出新鮮度放入壽喜燒湯底煮5秒左右夾起剛剛好 🔥牛肉好香好易咬，油分好夠既關係所以好軟熟，一啲都唔鞋口讚讚讚👍呢個餐仲有得任食日本蠔 🦪啲蠔既size中等，煮左之後又無縮水喎！我一個人食，前前後後都好似食左5隻左右 😂最後唔可以放過甜品架啦 🍮但係由於我食曬上面講既三碟牛肉個肚已經無空間再放更多蛋糕類食物因此我去左攞雪糕 🍦除左呢啲杯裝雪糕之外，佢仲有雪糕機竟然比我發現到呢隻焦糖餅乾味既雪糕 🍪好味到呢！！！

我哋係平日夜晚大約7:45入座，知道有限時90分鐘，到9點左右侍應已通知我哋就快夠鐘，當時我哋已經食飽，只係坐度傾計，跟手問下餐廳收幾點，佢話9點半，見重有幾個字都收工，咪諗住坐到夠鐘走囉，其實當晚有好多吉枱，唔覺會阻佢哋做生意，到9點7左右，有個講唔鹹唔淡廣東話嘅肥女人走埋嚟，好冇禮貌一野就話：你哋已經坐咗好耐，(心諗都係坐多幾個字者)，同佢講又冇攞野食，傾多陣計者，佢話我哋已經坐咗兩個幾鐘啦，過哂時間，唔可以咁樣，要即刻走，其實你哋都收工啦，唔使咁趕客呀？就算叫人走，都唔係咁態度，要有禮貌囉，再者重有其他客人未走，都唔明點解個腦唔識轉彎，要趕人走都要睇情況，座無虛席多人等位，你唔叫我夠鐘都會即刻自動走人，咁樣幫老闆趕客，d野好唔好食除外，但有個咁嘅員工，下次唔會再幫襯囉。

今日二人晚餐去食火鍋放題，呢間餐廳裝修清新，座位寬敞又舒服。蔬菜、醬油、粉麵、肉丸類等食物全部以自助形式供應。綠葉蔬菜例如油麥菜、唐生菜、椰菜等等，全部都好新鮮，已經放好一杯一杯，賣相好靚，而且好衛生。另外仲有南瓜、金菇、粟米等等，一盤盤自己夾。一人一鍋，任食火鍋，可以自選湯底，揀咗店舖推介嘅「椰子雞湯」湯底，奶白色嘅湯底，入面已經有嫩滑嘅雞肉同埋椰子切片，湯底好濃椰子味，好特別。呢個任食放題套餐包括有幾款優質牛肉可以選擇，包括「澳洲安格斯牛板腱」、「特選美國choice牛肩肉」、「極品美國cap牛肩胛肉」，三款牛肉都好鮮嫩、香滑、牛肉味濃郁、容易入口。除咗牛之外，仲有豬肉同埋雞肉可以選擇。另外仲有幾款海鮮，例如有鮮海蝦、帆立貝、墨魚仔、廣島蠔等等，全部都好新鮮。食物即叫即上，侍應好快手，服務質素非常高。下次一定再來幫襯。

晚上6:00前往攞位，二人枱並無人排隊，那名男性員工正在看電腦，本人等了幾分鐘，然後跟他說兩位，他竟然以非常不友善的口吻叫本人去取票，當本人去取票時，原來機器是失靈（估計是他在看電腦的原因）他察覺後，立即到前修理取票機，但期間竟絲毫無謙意（喝令客人去他明知失靈的機器取票） ，本人從機器拿到票後，並無入內用餐，因為這名男員工已免費送我一肚氣，看來此餐廳是非常貼心為所有客人節省飯錢，如果想免費受氣，可以一試這間餐廳，絕對是五星級 。

今日同朋友嚟到鰂魚涌康怡花廣場嘅「一喜·涮涮鍋」食放題。呢間餐廳推出咗多款不同價錢嘅放題套餐，有不同級數嘅牛肉和豬肉去選擇。今晚我哋揀咗最新推出嘅澳洲安格斯牛板腱放題套餐$268。 餐廳仲供應9款湯底俾客人選擇，喜歡養顏兼鍾意打卡嘅我，當然選咗骨膠原美顏玫瑰花膠雞白湯，因為有朵🌹型雞白湯啫喱慢慢在鍋中溶化。我哋選咗澳洲安格斯牛板腱、極品美國牛肩胛肉、特選美國牛肩肉、日本豚肉。 啲牛肉全部都大大塊，兼好有肉味。而出面更有不同款式嘅蔬菜，同埋多款丸子選擇，重有烏冬，公仔麵、白飯更可以加埋脆脆嘅紫菜，另外仲有炸物添！仲有一個蔬菜雪櫃，放咗不同款式嘅蔬菜，包括西洋菜、生菜和白菜等，而下層更有些小菜，包括豆腐、麻辣魚皮、日式螺肉等等。飲品櫃更加唔講得笑，好多款式選擇，除咗有指定嘅汽水，重有好多韓國果汁飲品和不同味道嘅茶飲。甜品櫃有好多款式，似足食buffet咁樣，另外更有不同味道嘅雪糕和冰棒。

鍾意任食嘅朋友有福了，今次去咗食任食涮涮鍋，揀咗椰子雞湯底，啲湯底濃郁但唔會太味精，仲帶咗淡淡嘅椰香，真係開胃又滋味。最吸引人嘅係佢哋推薦嘅食材，包括澳洲安格斯牛板腱，肉質鮮嫩多汁，每口都係肉汁爆出嚟，真係軟綿綿，令人回味無窮；廣島蠔鮮甜爽口，啲蠔肉嫩滑鮮甜，一啖落肚即刻感受到海鮮嘅鮮味；海蝦同帆立貝新鮮彈牙，啲海鮮嘅原汁原味即刻俾人感受到；墨魚仔滑順，入口爽滑，充滿墨魚嘅香味。最後，可以任叫CAB牛肩胛肉，肉汁豐富，肉質鮮嫩，絕對係一大亮點，食完又點，點完再食！仲有大量嘅甜品和嘢飲選擇，可以得到滿足嘅感覺而離開。唔單止係食物好味，服務亦非常好！員工有禮貌又樂於助人，令食客感受到溫暖嘅服務。環境清潔整潔，令人感覺舒適放鬆。一人一鍋仲要唔怕同人口水交流。下次可以再黎。