一喜車仔麵

營業中

休息中

之前食過佢嘅車仔麵，非常满意。就好似其他食評所講咁😋。今日想試生菜鱼肉（外賣），由於事前已打電話落單，嚟到店員好快遞上。但我好鍾意佢哋嘅菜莆😬,坐低打開加。點知有個疑似老闆嘅男人走埋嚟問「加啲麻油好嘛？香啲」，我話好，佢就幫我落。跟住又拎支胡椒粉嚟問我落啲好唔好？😅我梗係好啦！嘩！我完全無問過佢哋要，佢係發自內心覺得咁樣好味啲而自動幫我😍。喂呀，大佬，我唔係大客仔，只係買碗魚肉咋！點可能咁好㗎？！🥹返到屋企食，發覺驚為天人咁好味，因為啲魚肉係好似淨鯪魚肉，一啲粉都無。啲生菜大大片又爽，我已係焗住返屋企先食。証明佢哋用嘅生菜好新鲜同埋煮嘅時間控制得好好👍🏽。再加埋佢嘅麻油、胡椒粉簡直係我食過最好味嘅生菜魚肉。希望佢哋會．一直保持呢個水準😉

今日去開宋皇臺探朋友， 佢話佢屋企樓下開左間勁正既車仔麵，啲丸打得勁有咬口，所以就趁下午茶時間就去試下。去到舖頭簡潔明亮，坐得都舒服。因為下午茶時段又唔太餓 所以同朋友叫咗一碗麵兩份食，同埋叫咗好多小食。朋友知我係丸怪，特登介紹我食呢度啲手打丸，唔試由置可，一試就唔想再去深水埗排隊。手打丸超正! 堅足料彈牙，見得到既墨魚粒丫，有炸有唔炸！仲有少見啲既馬鮫魚蛋， 魚味香濃！好難得車仔麵檔有甘高質既手打丸，丸怪必去！蘿蔔超甜無渣，朋友果然好推介，老闆娘話佢地係用韓國水耕白蘿蔔，先有甘甜既效果👍🏻 真係必食推介！豬紅調味岩岩好唔會話太咸！仲有手工包餃子又係新鮮足料， 老闆娘話係每　朝早人手包架， 賣晒就無！ 炸韭菜餃，足料脹卜卜， 韭菜味勁香！咖哩三寶 - 咖哩汁惹味，魷魚爽口，老闆娘話個咖喱汁係用咗40幾種香料炒，真係食得出佢好有層次👍🏻最最最重要既係， 黃金雞湯湯底香濃無味精👍🏻 食完飲埋都唔日渴喎！良心小店用心製作， 希望可以保持水準！(PS 老闆娘勁nice❤️)

今日去土瓜灣開工，lunch time 時在附近找食😗見到有間新開嘅車仔麵「一喜」於是今日就食車仔麵啦🤪坐低後，店員好熱情介紹佢哋店舖有乜好食🥰🥰車仔麵材料好新鮮，餃子🥟皮薄饀料足👍🏻炸韮菜餃更好食😱皮炸得好香脆啊🤤🤤豬皮唔會太淋，有咬口👍🏻牛栢葉爽口！最欣賞係手工小米粿，雖然是湯煮不是蒸，但口感仍然煙靭，巧巧味👍🏻魷魚丸囗感彈牙不錯！馬駮豬肉丸巧巧味！店員真係冇介紹錯🥰還有酸齋好新鮮，唔會太淋冇哂囗感！

車仔麵位於土瓜灣，我同朋友夜晚黎食老闆同老闆娘都好好客，我地叫左蘿蔔無渣好入味同甜，銀針粉彈牙粗身一條條唔易散，一份炸豬扒，豬扒軟熟香脆唔會好多肥肉好好味，車仔麵特別制作黃金雞湯無味精濃郁雞湯好好飲小編推介，加埋四寶潮汕特式紫菜牛丸大大粒又彈牙，汕尾馬駮豬肉丸魚肉味濃，手工小米粿煙韌，魷魚丸用新鮮魷魚肉打成好有魷魚味價錢仲超抵食$39大大碗，咖喱魚蛋大大粒，魚肉味香濃，魷魚牛栢業爽口配沙嗲醬好香。

📍土瓜灣《一喜車仔麵》豪華9寶🍢🍜😙大滿足😁蘿蔔真係超正👍🏻好甜💯 強烈推介👍🏻秘製瀨尿牛筋丸🤤 牛味重又彈口 好juicy湯底 我推介黃金雞湯👍🏻好足料咖喱三寶,咖喱魚蛋同魷魚都好入味椒鹽孖寶(豬扒+魚角)香辣雞單骨中翼幾特別😀餐廳唔係只係做車仔麵 仲夾集左汕尾風味有啲特色嘅小食：炸韮菜餃🥟炸得好脆 韮菜味好濃汕尾馬駮豬肉丸好香口 有啲咸魚味🐟小米粿 個樣好似平時大家食開嘅粉粿 但係迷李版 細細粒 入面有啲魚肉同豬肉碎 幾得意整體幾滿意😊老闆娘好nice好熱情/主動介紹, 希望多啲人鐘意汕尾食物

香港是美食天堂，要數最能代表香港嘅食物，除了雞蛋仔、格仔餅、魚蛋燒賣外，還有車仔麵！店員話呢度所有餃子都係全人手包👍🏻。唔似出面一d連鎖飲食集團全部用機器製造。呢度每一隻餃子都係員工親手用心製作，獨一無二。❤️炸韭菜餃啱啱炸起，熱辣辣辣嘴！炸過令韭菜香更特出。❤秘製菜肉餃、深海粒粒墨魚丸配菜芯秘製菜肉餃皮超薄，薄得黎唔易穿。❤️紫菜4寶淨餸配秘製黃金雞湯4寶分別是：有魷魚的魷魚丸、汕尾小米粿、馬鮫豬肉丸、瀨尿牛筋丸當中「汕尾小米粿」和「馬鮫豬肉丸」較少見「汕尾小米粿」皮煙煙韌韌，口感似粉果皮。「馬鮫豬肉丸」不論外觀或口感都似片頭，口感彈牙。「有魷魚的魷魚丸」丸如其名真係有魷魚架。❤️店員話酸齋嘅酸甜醬係自家調製，酸甜開胃。❤️牛腩用上牛坑腩，肉質腍身夠入味。落左沙爹汁，甜甜地。❤️香辣單骨雞翼皮炸得香脆單骨食落好方便！撒上辣粉吊下味，食落辣辣地更滋味～😋❤️椒鹽孖寶(豬扒拼片頭)生炸豬扒炸得好香口，唔會炸到好乾身，食到豬扒本身嘅油香。片頭十分彈牙一邊食嘅時候，店員會過黎同我傾下計，問下我d野食啱唔啱食，感覺很親切和有人情味～👍🏻好耐都冇去過一間咁有人情味嘅車仔麵店了～

上星期收工同屋企人去哩間好抵食既新開車仔麵店豪華九寶配淮山麵，價錢只係$49，份量十分足夠。其中牛腩、特級瀨尿牛筋丸、瑞士汁雞翼、有魷魚嘅魷魚丸、豬紅、豬皮、蘿蔔、紅腸同時菜，每一樣都好好味。秘製黃金雞湯湯底香濃，值得一試！淮山麵好有彈性，真係好鬆軟，一試就愛上！紫菜4寶，只係$39，有魷魚嘅魷魚丸、汕尾小米粿、馬鮫豬肉丸同瀬尿牛筋丸，味道都好鮮美，每款丸都超彈牙！香辣單骨雞中翼同炸豬扒都好好味，份量又多，鹹香可口！生菜魚肉都好新鮮，清爽好食。炸韮菜餃皮脆餡香，令人回味無窮！淨餸，包括秘製菜肉餃$13、自製韭菜餃$11、炸貢丸片$11、深海粒粒墨魚丸$12同酸齋$9，每樣都好正，特別係深海粒粒墨魚丸，真係食得出有一粒粒墨魚肉，超爽口！支裝豆漿同支裝茉莉花棻，都好清爽好開胃，配合食物都好啱，都係加$10!總括而言，呢間車仔麵店有超多餸揀，而且價錢相對都好實惠，應該會變我食堂！

今日來到土瓜灣探表妹表弟，之後佢話最近附近開左間又抵食又高質的車仔麵。由於太耐無食過車仔麵，一於去試試。晚上黎到都幾多人排隊買外賣，店內都好多街坊。餐廳環境需雖小，但係乾淨企理，坐得舒服。老闆同員工都好友善，用心咁介紹特色既野食。從對話中感受到佢地對食物有要求，用心，係非常用心既小店除左車仔麵的菜式外，還有特色的潮汕手工丸類。所以我地三個人叫左以下的野食。🍲潮汕紫菜四寶🍲（$39）當然要試試佢地既潮汕紫菜四寶配秘製黃金雞湯。四寶包括以下4款。➰魷魚粒嘅魷魚丸：有爽口的魷魚粒，和彈牙的魷魚丸，口感豐富➰汕尾惹味馬鮫豬肉丸：用雙刀，把馬駮魚肉和豬肉打出的丸，爽口彈牙，有濃郁的魚味。➰特級瀨尿牛筋丸：入口超級彈牙，多汁➰汕尾小米粿：口感軟糯煙韌，餡料用上五花肉和同大地魚製成，煙煙韌韌，帶點鹹香，正正正加上秘製黃金雞湯，湯頭清爽，不油膩，且飲得出不同食材的鮮味～🍲車仔麵🍲一喜概製菜肉餃（$13）皮薄餡靚，菜肉的比例平均，而且是他們人手包製，每日新鮮製作。食落清甜多汁，且細細粒可以一啖食落口，非常 juicy。炸有魷魚粒魷魚丸（$11）炸左的魷魚粒多了一份香氣，且非常彈牙。入面仲有一粒粒的魷魚粒

好難得食車仔麵既老闆同老闆娘都好nice😌 唔會好似有啲咁會大大聲咁喝人，會好用心咁介紹佢地特色既野，亦會閒話家常，感覺幾warm🤩 野食方面每一個細節都好用心，每一個步驟都唔馬夫，寧願用多啲時間同功夫都要確保食客感受到原味道👍🏻 味道亦都夠晒鮮味同有口感，係好用心既小店🥰(5 😍 係滿分，🤩係半分）豪華九寶大雜面🍜 - $49 (好味指數：😍😍😍😍🤩)個麵🍜真係超豪華🤩 包括有牛腩🐮、特級瀨尿牛筋丸🐮🍡、瑞士汁雞翼🐥🪽、有魷魚既魷魚丸🦑🍡、豬紅、豬皮🐷、蘿蔔、紅腸同生菜🥬，另外個底小編揀左菜底🥬所以就再多一份生菜🥬～牛腩🐮：煮得夠耐夠晒入味，肥瘦適中，肉質軟嫩多汁，柱侯汁入面既香料同南乳都夠，所以幾惹味～佢 瑞士汁雞翼🐥🪽：就算煮熟同放耐左都依然脹卜卜咁👍🏻 而瑞士汁係一種以生抽、老抽、薑、蔥同冰糖🧊等香料調配而成既甜味滷水，感覺甘甜惹味，雞皮🐥有油香，裡面肉質嫩滑～有魷魚既魷魚丸🦑🍡：清新爽滑，鮮甜彈牙，入口已經感受到濃郁既魷魚味🦑，仲有唔少魷魚粒🦑，會比較有咬口，同埋都幾juicy，鮮香十足～豬紅🐷：係深紅色既，仲有不規則既小孔，入口唔會好易散開，口感爽中帶滑，再加少少Q彈，會有

土瓜灣新開車仔麵店，價錢非常街坊，最低食係九餸的車仔麵，豬紅、豬皮、蘿葡都不錯，牛丸墨丸多汁好味，49蚊勁大碗！有免費辣菜甫，有腩汁，沙嗲汁同咖哩汁揀，多選擇。 服務態度好，本來漏了一餸，提出後再送多點補番，滿足客户需求，值得一讚！

土瓜環一喜車仔麵，是最近我去過的最棒的車仔麵店！這裡的招待非常熱情，讓我倍感親切。而且，這裡的菜肉餃簡直是秘制級別的美味佳餚。除了這些特色潮汕食品外，這裡的車仔麵有著多元化的選擇，包括豬紅、蘿蔔和酸齋等等，每一種都很美味。我特別推薦他們家的秘製黃金雞湯，鮮香濃郁，令人一飲而盡。還有他們家的特級瀨尿牛筋丸和魷魚丸，口感豐富，令人回味無窮。此外，汕尾手工小米粿和汕尾馬駮豬肉丸也都非常值得一試。總之，土瓜環一喜車仔麵是一個必去的美食聖地，讓你不僅能享受到美味的潮汕食品，還能感受到熱情周到的服務。我肯定會再來的！#一喜車仔麵 #潮汕美食 #招待熱情 #特色小吃 #個人推薦

呢間車仔麵員工好熱情，好有心咁介紹呢度嘅餸菜同小食，服務真係💯.呢度最招牌嘅係四款丸：瀨尿牛筋丸 、汕尾小米粿、馬鮫豬肉丸同有魷魚嘅魷魚丸，全部都係平時少見嘅！於是我嗌咗潮汕紫菜四寶，佢每款有兩粒，配秘製黃金雞湯！汕尾小米粿同馬鮫豬肉丸我都係第一次食，小米粿煙韌有口感，豬肉丸帶咸香咸魚味，好特別！而魷魚丸雖然常見，但呢度個魷魚丸真係超彈牙飽滿，高質呢！另外我地都嗌咗個幼麵，試咗個炸嘅魷魚丸，勁香口！呢度嘅小食種類非常多！咖喱三寶嘅牛柏𦭓同水魷魚都好爽口！另外員工好推介嘅有炸韭菜餃，佢非常飽滿香口，同埋炸後個韭菜口感仲喺度！鍾港香口野嘅可以叫埋香辣單骨雞中翼，雞翼又入味又juicy！酸齋則係開胃之選！話說我地嗌咗杯凍檸茶，員工話係爆打檸茶，又真係好檸嘅🤣

這家隱世麵店位於土瓜灣中一個小巷子裡。麵店裡的裝潢非常簡潔整潔乾淨，讓顧客感到舒適自在。紫菜四寶淨餸的每種丸都有獨特的風味，瀨尿牛筋丸咬開有香滑多汁，散發出濃郁的牛肉香氣，汕尾馬駮豬肉丸則帶有微甜的豬肉味，香、鮮、彈、爽，最平凡的材料，造就了最不平凡的味道。加上嚼勁十足的魷魚丸和滑嫩的小米棵，搭配黃金雞湯的鮮甜，讓人的味蕾享受到無限的美味。除了紫菜四寶淨餸，上湯韭菜餃也是麵店的招牌之一，餃子皮薄如紙，餡料豐富，韭菜的香氣和肉的滋味恰到好處，吃起來清爽可口。生炸豬排，豬排外皮炸至金黃酥脆，肉質鮮嫩多汁，讓人一口接一口地吃不停。南乳單骨雞中翼，雞肉口感細嫩，配上南乳的特殊風味，讓人一試難忘。

土瓜灣譚公道餐廳多，但最近最深得我心係新開張的一喜車仔麵餐廳裝修得靚坐得舒適食得舒服不在話下，最吸引人係一喜師傅自家製的潮汕小食連食碗車仔麵都覺得upgrade咗٩(๑^o^๑)۶秘製特級瀨尿牛筋丸，汕尾手工小米粿，汕尾馬鮫豬肉丸同埋有魷魚的魷魚丸呢幾款都係師傅爺輩傳承，出面無得食。當然餐廳各種車仔麵菜式都有得揀亦都有下午茶餐任君選擇。-汕尾馬鮫豬肉丸同埋有魷魚的魷魚丸餐廳主打呢幾款潮汕的手工手打丸，全完無理由唔叫汕尾馬鮫豬肉丸啖啖都係馬鮫魚的香味食得出馬鮫的鮮甜，而且咬落勁彈牙，又有適度的豬肉香，勁好食。有魷魚的魷魚丸亦都係必叫，口感食落QQ又彈牙，粒粒魷魚就係個咀入面，同機製的墨魚丸絕對無得比。另外仲叫左一喜秘製菜肉餃一口一粒，咬落卻是肉汁滿滿，好鮮甜。-湯底叫了秘製黃金雞湯，果然是出面食唔到的，雞味濃，帶點點濃郁，配米線很夾。-另外還叫了幾款小食汕尾手工小米粿以馬鮫魚及精選五花肉及上等蕃薯粉製成，外皮食落煙韌，有魚香。另外生炸豬扒，香辣單骨雞中翼與炸韮菜餃也同樣出色，香辣單骨雞中翼隻隻漲卜卜，勁多肉汁生炸豬扒即叫即炸，金黃惹味juicy炸韮菜餃也大大隻，車仔麵的質素比同一條街任何

今日喺土瓜灣食咗一間非同小可嘅車仔麵，唔好睇佢舖頭細細間，其實人流好多，不論係堂食定外賣，都有源源不絕嘅，原因都好簡單，就係呢度啲食物質素真係好高！同普通車仔麵檔唔一樣，呢度有好多小食都好好味，直頭買返屋企，當係餸或者宵夜食都一流！首先我覺得個湯底一定要揀黃金雞湯湯底，超級濃郁，食得出用咗好多雞骨去熬。另外第一次食到小米粿，外皮Q Q幾特別！個自製韭菜餃十分之飽滿，完全冇馬虎，就連個蘿蔔都係超級清甜，完全冇筋！小食方面，我覺得個酸齋係必點， 酸度好夠，食咗一啖已經流晒口水，想食第二啖。香辣單骨雞中翼並非一般出邊舖頭嘅死咸，每日新鮮醃製，雖然外面鬆脆，入面都保持到肉汁嫩滑！最後就係個咖喱三寶，個咖喱底做得好好，好香，又夠辣！