一喜車仔麵

營業中

休息中

呢間車仔麵員工好熱情，好有心咁介紹呢度嘅餸菜同小食，服務真係💯.呢度最招牌嘅係四款丸：瀨尿牛筋丸 、汕尾小米粿、馬鮫豬肉丸同有魷魚嘅魷魚丸，全部都係平時少見嘅！於是我嗌咗潮汕紫菜四寶，佢每款有兩粒，配秘製黃金雞湯！汕尾小米粿同馬鮫豬肉丸我都係第一次食，小米粿煙韌有口感，豬肉丸帶咸香咸魚味，好特別！而魷魚丸雖然常見，但呢度個魷魚丸真係超彈牙飽滿，高質呢！另外我地都嗌咗個幼麵，試咗個炸嘅魷魚丸，勁香口！呢度嘅小食種類非常多！咖喱三寶嘅牛柏𦭓同水魷魚都好爽口！另外員工好推介嘅有炸韭菜餃，佢非常飽滿香口，同埋炸後個韭菜口感仲喺度！鍾港香口野嘅可以叫埋香辣單骨雞中翼，雞翼又入味又juicy！酸齋則係開胃之選！話說我地嗌咗杯凍檸茶，員工話係爆打檸茶，又真係好檸嘅🤣