一喜日本料理

營業中

休息中

尖沙咀越來越多樓上食肆，今晚朋友帶路黎試下日本菜～刺身拼盤（松）$538首先點個刺身拼盤熱下身，點知黎到咁大份！有甜蝦、帶子、北寄貝、三文魚、劍魚、吞拿魚、八爪魚、油甘魚各4件，樣樣都好新鮮，我最愛當然係帶子啦～係一隻巨型帶子一開四，超厚肉！性價比好高，不過兩個人食有d多，下次如果四個人食一人一件岩岩好～龍蝦沙律$128有生菜、粟米、車厘茄，蟹籽同埋龍蝦肉，沙律醬汁酸酸甜甜，好開胃豚肉紙火鍋$98而家好少地方有紙火鍋，所以見到要叫～唔止因為貪得意，紙火鍋嘅紙質有吸油作用，所以食豚肉火鍋岩晒～除左有豚肉，仲有不同種類嘅蔬菜，有金菇、小棠菜、冬菇等等，湯底好清甜唔好以為紙火鍋會唔夠熱，其實同用普通鍋一樣咁熱架雞翼、雞軟骨串各$28雞翼一開二再燒，兩邊都好香脆。雞軟骨又係必食嘅串燒日式芝士年糕$48炸年糕入面一咬開就係芝士軟心～年糕夠晒軟糯

 之前有朋友介紹過呢間叫一喜既日本餐廳, 今日收工去開尖沙咀一於上去同朋友試下, 一入到去地方雖然唔算好大, 但環境幾好, 光線充足, 坐得都幾舒服一坐低無幾耐即刻有service, 侍應好nice, 有今期既廚師推介, 頭盤首先梗係揀個刺身食下先啦, 決定試下佢個鯛魚刺身同日本海膽上菜速度都幾快, 無幾耐原條黃鯛刺身同埋海膽就送到, 收工咁攰唔洗幾耐即刻有得食,正!唔怕熱氣既我地仲叫左炸池魚仔, 脆扑扑, 加小小檸檬汁, 十分野味之後一串雞軟骨同埋雞翼試下, 非常入味, 本身仲驚啲雞軟骨會好似出面果啲咁太淡, 但完全無令我失望驚唔夠飽再黎多個醬油牛肉鍋, 一睇就知足料, 牛肉既份量夠我地兩個人食, 其他既配菜如金菇, 粉絲都唔會得幾條. 最重要既係牛肉上既時候仲係生的, 自己鐘意食幾熟可以自由控制, 唔會一上黎就老哂, 抵讚!野食新鮮, 上菜速度快, 環境舒服, 整體我比8/10分

邊個話星期一一定要係藍色嫁？約好姊妹去食好東西就即刻no more monday blue la🤣 成半年晚飯無食過日本野了，於是就揀左間位於尖沙咀寶勒巷既樓上日本菜試一試☺️一喜佔左七樓全層，一出lift就會見到好日式既裝修。餐廳唔太大，只能容納25-30人，得8-10張枱，weekend最好打去訂位喔。 我地閒日早去先無咩人，到左8點個d時間都會滿座。未order前店員會將木牌放係枱面，代表當日有咩特別食材，好似古時皇帝翻牌子咁😂松 刺身拼盤🦐🐠🐡🐟 兩個女人都想食好多款魚，嗌sushi又食唔到咁多飯，唯有嗌個刺身拼盤啦🤣 一上枱有d嚇親因爲擺得太靚好吸睛😍 呢個拼盤一共有8款唔同既sashimi，價錢雖然唔係平，但勝在夠厚切夠新鮮🤤 劍魚腩好香魚油味，三文魚係腩既位置好肥美，甜蝦都算大隻同埋真係好甜☺️，油金魚好厚好有口感，帶子爭少少無咩味，總括黎個刺身拼盤質素都唔錯😎 兩個女人食份量有d太多有d滯，四個人share就岩岩好😂串燒 🍡🍢 雞軟骨: 好有咬口不過少左d每人得2粒，性價比低雞翼: 燒到岩岩好，外皮好脆，雞肉亦腌得夠味番薯串🍠: 味道正常無咩特別日式芝士年糕 🧀不得不讚呢個

ot收工同左兩個同事上居酒屋食宵夜慰勞自己同事話黎過幾次都唔差，所以今晚再帶我地黎有唔少種類既日本酒，啲間格擺設都幾精美當日有既活魚就會有係呢啲小木板上面，都幾得意woo食物款式有好多呀，不過宵夜唔食得多，我地都係志在share食d野坐下放鬆下我揀左個龍蝦沙律$128，正wo~~啲龍蝦肉爽彈，而且份量都幾多其中一個同事就要左條活魚刺身：伊左目$328同活赤貝$78呢款伊左目食落較清無咁漏，沾上酸汁一齊食就仲開胃個活赤貝份量唔算好多，但食落就好鮮甜，質素唔差啵之後其中一個同事有酒落肚就話要食下啲香口野~所以我地就追加左個雜錦天婦羅，啲炸粉炸漿唔算厚，大蝦有三隻，一人一隻fit晒今晚我就無飲酒啦，反而飲左杯蘋果檸檬蜜，清甜又夠凍------------------------------食物質素：🤤🤤🤤🤤(5🤤最優)價格水平：💰💰💰💰(5💰最貴)環境裝修：✨✨✨✨(5✨最好)服務態度：🌟🌟🌟🌟(5🌟最佳)整體評分：❤❤❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

今晚約左舊hallmate食飯，大家都話不如食日本野清清地無咁油膩！我地book左枱，黎到既時候已經8:45，但依然座無虛席！餐廳既裝修充滿日本風情燈光柔和，餐枱上有幾個小牌子寫住唔同嘅魚名！意想不到的係餐廳有好多唔同既日本料理，由於選擇太多😅我地睇左一陣餐牌先決定好食咩！最後我哋叫咗龍蝦沙律，芝麻雞翼，原條依左目刺身活赤背刺身😳幾串串燒同豚肉紙火鍋🐷龍蝦沙律既菜好新鮮，入面仲有好多番茄同粟米，龍蝦同飛魚子份量一d唔小，啖啖都食到彈牙既龍蝦🤭🤭飛魚子仲勁卜卜脆！芝麻雞翼炸得熱烘烘，外脆內軟，又唔會覺得油，而雞翼面上面既芝麻燒得好香！登登登登！原條伊左目刺身同活赤背刺身！店員推介既伊左目，呢碟刺身拼盤擺得勁靚，令人賞心悅目！魚肉細緻嫩滑，魚味甘甜，一的雪味都無！輕點醬油已經提昇魚既鮮味。 活赤背刺身就好新鮮好爽口呀！仲食到啖啖海水味😋跟住就係串燒，我地叫左燒廣島蠔，燒雞軟骨同燒日本小番薯🍠 廣島蠔好香蠔味，又唔會燒得太乾！正因為朋友唔食牛，所以就叫左呢個豚肉紙火鍋，紙火鍋具有吸附油膩與去雜質的作用，所以湯喝起來非常清甜！豚肉雖然略肥，但食落覺得爽口的！整體來說，如果想靜靜地同朋友傾下計食

今日返工勁攰，所以約朋友食餐好嘅獎勵自己，精緻的日本料理當然係首選~就咁睇裝修已經精緻，我有係咁望住個架d擺設和風野菜沙律 $68呢個沙律，除左Ｄ菜新鮮、車厘茄爽口之外，值得留意的是醬汁！香甜得來帶點酸，比普通芝廣醬或黑醋美味很多，值得一試！芝麻雞翼 $48平時出街食雞翼，好多時都會點蜜糖或者燒烤味，比較少留意到芝麻，現在才知道真的走寶了！芝麻雞翼表面超級香脆，第一下咬落好似薯片咁！然後肉質很嫩，食過返尋味呀！雞皮串 $28雞軟骨串 $28蕃薯 $18吃日本料理當然不能錯過串燒，但今天實在太餓了比較想吃主食，於是小試牛刀點了幾件串燒，幾款都不錯，下次會想吃更多呢！重點來了，這幾款刺身實在太好吃！是日最推薦的就是這個！𩶘魚刺身 $208即使預算有限也要點的一款，薄薄一片透明魚肉非常鮮甜！注意吃𩶘魚時不要點芥辣，會搶去𩶘魚的鮮味，點附上的醬汁就好，魚本身的鮮味已經很棒油甘魚刺身 $188和𩶘魚一樣不建議點太多芥辣，我發現如果刺身夠新鮮的話，其實不用太多調味料點綴。油甘魚肉很有彈性，甘甘甜甜的味道超好！甜蝦刺身 $8880多蚊的甜蝦不便宜，但是質素跟便宜的差別很大！便宜甜蝦的雪味、腥味在這裡

原來尖沙咀有很多隱世餐廳！今次來試試日本料理。餐廳位於麥當勞對面，很容易就找到。一出𨋢就見到以魚為題材的壁畫，日式的感覺湧現。餐廳佈滿了簡單日式的裝修，比較寧靜，適合與朋友相聚。各式各樣的日式料理，應有盡有是日推介的刺身為金鯛、活赤貝及深海池魚金目鯛、海膽賣相非常吸引！未想到魚頭魚尾也呈現在眼前！金鯛的外皮有被燒過的，食材十分新鮮，肉質爽口彈牙，再加上有魚皮被燒過的魚香，令口感昇華！每一口也有幸福的感覺日本海膽平時會擔心海膽會有腥味，這個完全顛覆了我的想像！此日本海膽不但沒有腥味，而且帶有鮮味，不論是單吃、或配上紫菜及飯，都是很合適！鹿兒島黑豚肉鍋上菜時已嗅到陣陣豬骨香味，沒想到這個份量是頗多的！先是湯底，散發着濃郁的豬骨味，而且味道持久，不會像坊間的帶有味精。黑豚肉的口感煙韌，打有濃郁的豚肉味。粉絲吸收了湯底的精華，份外好吃，已令我驚喜的是他們家的豆腐十分嫩滑，而且豆乳味濃郁，整體不錯！整體來說，這間餐廳食物的質素有保證，採用新鮮食材，而且這裏不會趕人走，讓你可以與朋友輕鬆敘舊。

自問都食過唔少日本料理，對食日本野唔可以話好叻，但應該都算略懂少少，大致分類為，前菜、刺身、壽司、鐵板燒、煮物、楊物、燒物、浜燒等等，而日本餐對食材非常講究，加上擺設精緻，廚師刀功烹調技巧，故一頓高質素嘅日式料理往往收費頗高！自己亦試過某些打著名人效應嘅所謂高級料理，除左覺得係「粉絲扮魚翅」之外，仲覺得嘥錢嘥時間！最近去左尖沙咀「一喜日本料理」，樓上舖，係我近期食過最值得推薦的，首先內在環境唔可以講係富麗堂皇，但好有自己風格，你會發現好多detail位簡單又和諧的精品，店主應該花了不少心思自家釀製的梅酒，一直吸引著眾多食家，用來配搭日式料理，一絕，好喇，言歸正傳，講番食物先，今次決定比左個budget由佢發辦（我先唔講幾多budget），自己坐定定等食，其實大家下次可以試試，因為若然你未知會食D乜，往往有估唔到嘅驚喜牛舌串⭐️⭐️⭐️雞軟骨串⭐️⭐️⭐️⭐️日本青椒串⭐️⭐️⭐️串燒係水準之作，火喉恰到好處，厚切牛舌脆面金黃，內涵剛好確保肉汁鮮嫩。雞軟骨咀嚼需時，當中你會發覺調味相當出色，濃淡適中，非常驚喜。日本青椒串，燒物以蔬菜作結絕對係平衡，亦見廚師的心思💕花笛鯛刺身⭐️⭐️⭐️⭐️⭐️活赤貝刺身⭐️⭐️⭐️

取消之前訂好日本機票，取消了獨遊東京計劃。辣妹今次放棄食辣，陪我去居酒屋滿足一下去日本願望「人生有很多選擇，這些選擇的機會成本有些可能會變遺憾，既然決定了，不會後悔每一個決定。」店內日式居酒屋裝修，還有很多貓貓擺設食物都不錯，侍應服務態度良好餐廳用新鮮山葵、日本米、和牛龍蝦沙拉不論龍蝦定沙律菜相當新鮮，還伴上日式沙拉醬，十分開胃 刺身拼盤 (松）7款魚生款款鮮甜，有我最喜愛帆立貝、劍魚腩、北寄貝、甜蝦、八爪魚、三文魚子、吞拿魚特別喜愛帆立貝，大粒厚身口感十好還有劍魚腩入口油鮨香香港比較少餐廳用新鮮山葵燒雞軟骨燒得香脆，雞軟骨簡單灑上海鹽，少少咸亦有咬勁燒雞翼雞皮都燒脆，簡單灑上海鹽已經好好味小甘薯小甘薯非常甜，加上牛油咬落香甜天婦羅3蝦5菜，天婦羅炸漿薄而輕脆，蝦肉新鮮彈牙，配上羅白蓉及鮮味天汁非常合配豚肉紙火鍋紙火鍋用上奶白豬骨湯加入豚肉、菜、粉絲、豆腐、冬菇，材料豐富。豬骨湯味道濃，再加上頗多豚肉片，滑滑的豆腐，再一啖豬骨湯，非常滿足今晚非常滿足！我決定今年可以放棄獨遊東京.Menu

為食的我，見好像新開無耐，決定上黎一試，環境十分舒適，可以新開的關係，乜都有種新的乾淨感首先頭盤有豆腐野菜沙律同炸池魚仔，炸池魚仔好食，有天婦羅的感覺，如果會飲啤酒，用黎配一流，而沙律的豆腐味道都好好食日本菜主角永遠都會是刺身，叫左個松刺身拼盤，一開始以為得8款會覺得唔夠食，但上枱時先發現，原來都幾多，幸運地吞拿魚無了，轉了金目鯛魚，每款都新鮮好食，劍魚腩平時唔覺得好食，但現在感覺好juicy,而且各款都厚實，我個人都算大食，但食完個拼盤都已經飽飽地食完之後，有個小的豚肉紙火鍋，鍋雖細小，但各款齊料，豚肉食落都肉味甜，最後叫多幾串串燒，有牛舌，雞翼，雞皮同雞軟骨，店員見我地很忙食緊火鍋時，問我地需唔需要拆開d串燒，最後提一提串牛舌係超厚，食埋d串燒係超飽，興幸無手多多，再叫多個炒飯

香港基本上不難找日本菜吃，但想食好吃的日本菜還是要花少少時間去找尋一下。今次來到這間日本餐廳是樓上店，招牌也不算起眼，我是朋友介紹才再到的。除了準備好菜單之外，還有一套掛起的木板，上面寫著是日新鮮的推介。店員也有細心的介紹每一款的特別之處。我們最後選了深海池魚這間餐廳的等候時間真心有點長，不過幸好食品質素是值回票價的！這個壽司拼盤是必食之選！左上的是我額外點的深海池魚，我最喜歡厚切的魚生，吃得到濃醇的魚味，亦都更能夠感受到「鮮」的味道，另外海膽亦十分鮮甜，我們一度想encore!! 我們還點了些炸物和燒物，還有梅酒，每位都不用500, 以食物質素來說相當超值！下次會再來

和舊同事在尖沙咀聚舊，我們選擇了在一喜日本料理晚餐。餐廳位於一幢商廈內，地方寬敞舒適。龍蝦沙律非常美味，龍蝦肉質鮮嫩彈牙。海膽，甜蝦及活赤貝刺身刺身新鮮，海膽鮮味十足，沒有任何腥味，更可自製手卷，拿起一塊紫菜，加少許飯及海膽，一件海膽手卷製成了。鹽燒廣島蠔串/ 帆立貝串燒/ 雞翼串很有燒烤風味，雞翼很香脆，廣島蠔及帆立貝都烤很惹味，令人垂涎欲滴。日式芝士年糕甜甜的年糕，包著熱溶芝士，提升了口感的匹層次。京都醬油牛肉鍋採用上乘牛肉，醬油味十足，食完很滿足。

鹽燒三文魚鮫， 表面金黃香脆內裡魚肉嫩滑味道剛剛好。炸芝士外層脆皮包着軟綿綿的芝士，好吃。串燒選了露筍、牛舌及海蝦，調味剛剛好，不會蓋過食材本身的原味。值得一讚先這裡新鮮的山葵磨成的芥末。老公則說一口燒味淋雞泡魚乾一啖啤酒就是男人的浪漫。姐則覺得魚乾甜甜地的很好吃。正宗京都醬油牛肉鍋以牛肉為主要食材，配以白菜、大蔥、冬菇、豆腐等一起煮的料理，而醬油帶點清香而且甜度剛剛好、亦沒有破壞原材料本身的味道。底層更有類似冬粉，有彈性。根據老公所聞，蘸著雞蛋吃除了令口感更順滑之外，更是為了防止燙傷，因為可以使牛肉溫度適中方便吃。這裡的牆畫很美麗，充滿日本的風情。整間餐廳的佈置都很精緻，相信店主一定花了很多心思去佈置呢!

一入到餐廳未入門口已經一個好靚嘅山水壁畫 一條鯉魚再加啲荷葉感覺不錯 一刀虛依然咁靚餐廳除咗整潔之外佢嘅掛話非常之大有千隻鶴十分之美觀。鐵板帆立貝, 用日本清酒將帆立貝燒好！口感鮮甜惹味之餘亦帶有微微焦香味!剌身拼盤, 樣樣都好新鮮, 三文魚好肥美, 甜蝦口感清脆、味道甜而濃郁, 帆立贝的肉很厚，口感非常好。燒多春魚, 肉質卻特別嫩滑，燒的表面金黃，魚骨已經煎酥，加上滿肚子的魚籽, 好鮮味!串燒海蝦, 蝦肉口感緊實, 蝦殼焦香味帶進蝦肉內, 正呀！海膽炒飯, 海膽刺身鋪在飯面，另可用海苔碎作裝飾,炒飯口感軟糯又有點Q彈，炒出來方可粒粒分明, 配上新鮮海膽，令味道更添層次, 一樣濕潤綿密，真的就像蛋糕一樣蓬鬆入口即化

依家啲人對日本野食既狂熱愈來愈需求，以致樓上鋪愈開愈多，但價錢反而更加合理。所以約左好友去一喜吹水食日本餐。環境係以舒適明亮為主，適合大家收工時可以輕鬆一下。點左枝信濃梅酒配上朝鮮醬拌八瓜魚，辣辣地既醬汁混合左爽脆青瓜同醃蘿蔔，灼過八瓜魚，好開胃。間中小酎一下梅酒，好合拍。梅酒好易入口，首先係濃濃杏仁味，吞落去之後回甘，開始有淡淡梅味，而梅味隨住飲既份量愈來愈濃郁，最後成口梅香。然後一大盤刺身壽司上台，佈碟精美令人食指大開。帆立貝比起其他餐廳大好多，充滿水份，入口仲聞到海水鮮味，肥厚鮮甜，質感嫩滑。牡丹蝦光澤半透明，彈性十足，蝦肉濃又富爽生彈牙，冇得頂。相比之下北寄貝就被比下去，不過都無爽脆好味。活赤貝壽司係即開即食，新鮮程度好高，所以赤貝爽口有層次，不過略為瘦。反而魷魚壽司有驚喜，大大塊魷魚好Q彈結實，而且係厚切，好有嚼勁又唔腥，值得一讚。南瓜番薯天婦羅亦唔錯，粉唔厚，南瓜好粉又甜，番薯香又甜，岩好幫我地清一清口中既海鮮味。為牛柳串作準備，肉汁豐富，肉身鬆軟，牛味香濃，好高水準。番薯串不過不失。最後係京都醬油牛肉鍋，成層牛肉鋪滿個鍋，好奢侈。嫩滑牛肉細緻口感，完全冇渣，牛肉汁令到菜同