一喜日本料理

今夜有朋友請我食咗一餐高質嘅日本菜😋，包沙律、生蠔、刺身、燒物、天婦羅、手卷、鰻魚飯、銀鱈魚西京燒 ...。如果打算食日本生蠔、秋刀魚刺身等時令食材，最好預先打電話預留合適嘅份量，食材相當新鮮，由於食物太味美嘅關係，往往未能相機先食，好彩有我超凡嘅攝影技巧，總算還原到四至5成嘅原貌😁，員工服務態度相當友善，係一間好適合朋友或一家大細聚腳吹水嘅好地方👍喺依家嘅經營環境下，依然能提供如此優質嘅食物真係買少見少，食物嘅質素真係無得呃人一食就知，呢間一定係其中一間值得香港人支持嘅小店…查看更多

同朋友叫咗個二人餐，包沙律、刺身、燒物、鍋物、鐵板燒、天婦羅，正常食量點都夠飽。圖片未能盡錄，有啲仲食咗幾啖先記得影。 難得嘅係，佢唔單止係分量多，味道對得住價錢有餘。每一碟都食得出天然鮮味，分得出唔係低價食材，再靠重口味去欺騙味蕾。例如魚生，入口就知唔係雪藏，連我個唔食魚嘅朋友都肯食多幾塊。就好似老闆咁講，食材有無偷工減料，食客一定食得出。可幸我就食到佢對食物質素嘅堅持同對食客嘅尊重。喺香港，飲食業從來都係高付出、低margin。呢個時勢下，以次充好已經係常態，有心做嘅餐廳買少見少，有機會就支持下。…查看更多

同朋友喺尖沙咀行街，無意之中發現一棟大廈原來全部都係食肆，見到有間日本嘢都幾吸引就上去試吓小店舖頭細細，座位不多，但乾淨整潔，有日本風情，喺尖沙咀嚟講都算係一間價錢合理CP值高嘅日本料理魚生新鮮高質，牛肉鍋熱辣辣啱哂天氣涼涼地食，海膽炒飯👍🏻呢條街夜晚唔算多人，要上樓就更加少人，希望大家都支持本地小店，試下行街抬頭望下其實香港仲有好多高質餐廳，服務好坐得舒服嘅餐廳，見同一棟大廈都有幾間餐廳下次可以試下…查看更多

一喜日本料理遠在海外嘅朋友得返嚟香港，揸完Golfkart 梗係要嘆返餐好食日菜！呢間係尖沙咀嘅壽司店就好唔錯，幾條佬特別肚餓，叫親都係碳水😂但係竟然掃晒喎，如果諗唔到有邊度食，一大班人可以揀佢！刺身拼盤 $798（帆立貝、吞拿魚、劍魚腩、油甘魚、三文魚、八爪魚、北寄貝、甜蝦）豪華咩都有齊晒，帆立貝、吞拿魚、劍魚腩等，每一款都新鮮到不得了。三文魚入口即化，甜蝦嘅鮮味難得驚喜！· 蟹籽海鮮炒飯 $178炒飯粒粒分明，加上蟹籽添咗鹹香，海鮮味十足。每一口都充滿咗海鮮嘅鮮味· 芝士大蝦卷 $138芝士嘅香濃味道搭配得好好，食落去口感層次分明，真係一絕· 加州卷 $98** 性價比高，加州卷口感清爽，適合作為小食或開胃菜…查看更多

這裡是我去過最好味嘅日本魚生餐廳，魚生非常新鮮，其他食材亦10分美味，沙律，燒物都非常好，高度介紹。我知道老闆是正宗日本廚師，衹接受新鮮及高質的食材。跟其他日本餐廳是不可以作比較的…查看更多