Bayfare Social

This was our second visit to the restaurant. Our first visit was around the same time last year for a weekend lunch, but unfortunately, the experience then was quite disappointing. This time, however, things have improved. I’d rate it a overall — not bad, but still below expectations for a restaurant located in a five-star hotel.We ordered the Weekend Lunch Menu and added the added the TXULETON (additional $198 for 2 people).  Overall, the food was good and flavourful. Personally recommend the SEAFOOD PAELLA (Clams, Tiger Prawn, Baby Squid, Atioti) and GAMBAS AL AJILLO (Sustainable Tiger Prawns, Garlic, Chilli Oil). Service from the front-of-house team was noticeably better than during our previous visit. That said, I still expected a higher level of attentiveness and polish given the hotel’s five-star status. The service wasn’t bad, but it wasn’t exceptional either — just okay.…查看更多

今晚去左位於尖沙咀Rosewood Hotel 既「Bayfare Social」西班牙餐廳享用晚餐50G Iberico Ham (60-month)60個月既伊比利亞火腿係比較少食到，隻豬係食咗兩季橡果，所以油脂唔會重，甘香唔咸口Sherry wine雪莉酒係西班牙既加烈葡萄酒，我就揀左呢款較dry既，同Iberico Ham都好夾Scallop Crudo帶子刺身浸左係escabeche sauce，個醬汁味道酸酸甜甜，仲有d牛油果粒，醃製左既洋蔥，係一道好開胃既前菜Steak FritesWagyu flat iron steak叫左medium，外面煎至微微焦香，入面就仲係嫩紅色，肉質嫩腍，薯條亦都炸得好香脆Seafood Paella海鮮西班牙飯有蜆、蝦、BB魷魚，個飯面仲有Alioli蒜蓉蛋黃醬，我覺得個paella味道唔夠鮮甜偏咸，最重要既Socarrat飯焦雖然都有，但整個味道有點失望Churros新鮮炸起既churros外脆內軟，每條都佈滿沙糖，反而食唔到肉桂味有少少失望，再蘸埋朱古力醬，傳統的味道環境幽靜，但四周真係好黑，對foodie黎講係有d頭痛，侍應都好有禮貌面帶笑容，食物都唔錯，價錢亦都合理，都係一個唔錯節日約會既好地方…查看更多

Weekend lunch menu呢個lunch menu樣樣都有啲，唔使諗，按人數份量出餐 To start: Seafood platter on ice: Boston lobster, oyster, tiger prawn頭盤係海鮮拼盤，生蠔同虎蝦都係每人兩隻，龍蝦份量就唔知點分配喇。全部都新鮮好味。特別想highlight虎蝦好爽甜同肉質實淨。 Tapas: Croquetas de pollo: Chicken croquette, bechamel, romesco sauce其實就係一粒可樂餅，雞肉打碎左，外脆內creamy Tapas: Padron Peppers: Sea salt一款辣椒，簡單焗一焗之後灑上海鹽 Tapas: Gambas al ajillo: Sustainable tiger prawns, garlic, chili oil蒜片蝦係我眼中一款好typical嘅tapas，呢個做法比較濕，我鍾意乾身少少 Mains: Seafood paella: Clums, tiger prawn, baby squid, alioli海鮮飯個飯就有好濃郁嘅湯味，不過海鮮偏細粒同埋款式上無咩記憶點。可能頭盤個海鮮拼盤已經食左新鮮厚肉嘅海鮮，呢個paella就將個重點放返喺個飯。 Mains: Cochinillo asado: Roasted suckling pig, fried potato, signature pork sauce平時喺其他地方食西班牙乳豬通常都無乜肉食，今次呢個就幾厚肉。 Mains: Txuleton: 350g ribeye steak, confit piquilo, garlic, beef jus乳豬同ribeye係二揀一的，我地有5個人，所以加錢轉左少少做ribeye。內質都幾細嫰，但係外層上色好似有少少不足 Dessert: Churros: Chocolate dip平時對甜品無乜興趣，但係呢個churros真係三個字「好好食」。無咩好解釋，留返大家自己去試。 整體黎講都唔錯，食食下先發現呢個lunch set係會食左好多蝦，希望餐廳之後可以調整下。…查看更多

今次慶祝生日食飯，一早已經book好枱，揀咗Bayfare Social喺Rosewood 5樓，位置十分方便👍🏻一於就試吓西班牙菜Steak Tartare ($220)最鍾意嘅頭盤之一🥰 牛肉調味非常出色，配上鬆脆麵包，完全可以食到生牛肉嘅鮮甜味Steak Frites ($388)嗰日想食牛扒所以就嗌咗嚟試吓🤣 牛扒揀咗三成熟，比較乾身，牛味濃，脂肪唔算多，肉質軟腍嫩滑😋 整體嚟講係一塊正常冇失望但同時冇乜驚喜嘅牛扒👌🏻 薯條幼身炸得好脆，會唔小心一條一條咁樣食晒Seafood Paella (Medium) ($358) 水準之上嘅西班牙大鑊飯，上面鋪滿唔同海鮮🤪 蝦同埋蜆都好新鮮，搭配大蒜蛋黃醬同埋檸檬汁，入口層次豐富唔會只係得死鹹，有輕微焦香Churros ($138)去到最後甜品叫咗Churros，已經飽到唔係好食得落🤣 Churros唔會好油膩，上面灑滿砂糖再點朱古力醬，簡直係完美搭配🥰 外脆內軟，有咬口，整體感覺少少偏甜，訂位嘅時候備注咗慶祝生日，侍應會好貼心，記得幫你加上生日牌👍🏻總括嚟講係好開心嘅一餐生日飯，坐得夠舒服，又試咗好多嘢，兩個人嚟食絕對係滿載而歸🥰…查看更多

帶了我去Rosewood旗下的BayfareSocial吃西班牙菜🇪🇸🍴🥰SeafoodPaella 揀了𝚖𝚎𝚍𝚒𝚞𝚖 𝚜𝚒𝚣𝚎 好好吃喔🤤有三隻好好肉的蝦仔 魷魚同埋我最歡的蜆🦐🦑👍🏽蜆仔好鮮甜 蝦都啖啖肉 飯粒都好彈牙同埋𝚓𝚞𝚒𝚌𝚢配埋檸檬汁🍋同埋蛋黃醬 整體好夾好好味😋Espanola Pizza🍕是由塞拉諾火腿 曼徹格芝士🧀蕃茄醬🥫火箭菜 而成 全部都是我喜歡的口味🥰𝙿𝚒𝚣𝚣𝚊烘🉐脆脆的 材料🈵🈵的 很棒💯甜品點了最出名的Churros 啫係西班牙油炸鬼 喔 是即點即整的 份量都幾足夠 配埋豬古力醬🍫味道非常好非常外脆內軟 配上啱啱好嘅肉桂同埋沙糖 整體唔會好甜 仲有幸福感的喔🥰！…查看更多

📍地址: 尖沙咀梳士巴利道18號香港瑰麗酒店5樓✿😋味道😋：4/5✿🏙️環境🏙️：3/5✿🤵🏻服務🤵🏻‍♂️：3/5✿👀賣相👀：4/5✿💰價位💰：3/5↠⏰時段：Dinner 20:30 ↞ ✦✧ Bayfare Social 喺位於香港瑰麗酒店入面，喺Rosewood旗下一間平民路線嘅西班牙餐廳，設有室內同埋室外坐位，餐廳風格猶如西班牙式美食市集，而且並唔係正式餐枱咁formal，而喺做咗好多高身吧枱。✧✦ 不過以餐廳呢個環境嚟講，略嫌太嘈，雖然價錢唔算貴，而且餐廳分咗兩個時段用餐時間為90分鐘，而且服務態度亦都好一般。—————————————————————🐙❝PULPO A LA GALLEGA❞ $195❀Galician Octopus, Smoked Paprika, Olive Oil☞ 呢個八爪魚用咗西班牙紅椒粉Paprika 同埋橄欖油而調味嘅，而佢嘅八爪魚口感非常鮮嫩，食落唔會韌，而且非常入味，下面仲有一層薯蓉，加埋一齊食非常有層次。—————————————————————🍕❝ESPAÑOLA❞ $168❀Serrano Ham, Tomato Sauce, Rocket, Manchego Cheese☞ 呢款Flat Bread其實等如pizza，不過比pizza更加厚同更加細塊，上面加咗Serrano Ham，鹹度啱啱好，配埋火箭菜同埋蕃茄醬喺上面，基本上都係冇得輸。—————————————————————🧀🍝❝MAC & CHEESE❞ $180❀Mushroom, Smoked Bacon, Parmesan☞ 呢個Mac & Cheese超級濃郁，上面加咗Parmesan Cheese之如，再加埋Smoked Bacon，雖然佢唔係做到有拉絲嘅感覺，但味道食落鹹鹹地加埋少少煙燻味，的確好出色。—————————————————————🥩❝SP-Wagyu Short Rib Paella❞ $398☞ 呢個係當日嘅Special，和牛肉質超腍，入口即溶而且juicy，下面仲要配埋Paella，依個飯嘅份量唔多，而且會有小小飯焦，都不錯。—————————————————————🍷🍊🍎🍍❝SANGRIA(1000ml)❞ $500❀Grand Marnier, Cinnamon, Red Wine—————————————————————🇪🇸🥖❝CHURROS❞ $135☞ 呢個西班牙油炸鬼份量都算多，係即叫即整，但係我覺得佢嘅味道一般，雖然做到外脆內軟，但係朱古力醬太甜，再加埋Churros外面嘅肉桂同埋砂糖，食落太膩。—————————————————————🍎🧁❝APPLE CRUMBLE❞ $115☞ 呢個蘋果金寶都比較甜，但Crumble好鬆脆，蘋果食落少少酸仲有少少爽口加埋雪糕，冷熱交備。…查看更多

應該係Rosewood 內價格最親民的西班牙餐廳。環境一流，非常適合同朋友/另一半慶祝生日/紀念日！平日lunch，book到呢張靚枱，打卡一流！西班牙烤章魚＄195章魚底下有薯蓉，而且章魚份量多，煮得入味，但唔會韌！好食！西班牙海鮮炒飯 $350份量算多，三個女仔食都夠飽！有鮮蝦、蜆及魷魚，鮮味十足！最後慶祝朋友生日，餐廳安排了慶祝甜品，10分貼心！Churros $85好長一條churros，非常鬆脆，配合朱古力醬，簡直完美！…查看更多

今日去開Rosewood，於是就試下聽過好多人讚嘅Bayfare Social。我地book左8:15，一入去，真係好熱鬧，熱鬧到我同老婆面對面坐，都聽唔到對方講野。我地首先叫左個Seafood Paellas ($350)，有蝦，蜆同魷魚，普普通通，但蜆有沙，冇洗乾淨。跟住叫左個Steak Frites ($348)，牛肉唔係靚野，薯條正正常常，舊牛油撈左香草，個味有d怪。最後叫左個Churros ($135)，好食嘅，唔係周圍食到。至於服務，唔夠細心。我地食完main，收走晒d餐具，碟同紙巾，但仲有甜品未食，要到我地食完主動問先畀紙巾我地。總括黎講，呢間唔係高級餐廳，我相信呢個水平嘅食物同服務可以喺旺角尖沙咀用六折嘅價錢搵到。…查看更多

同朋友慶祝生日100分嘅餐廳！🫶🏻⭐️Octopus Tapas生熟點剛好 唔會韌☺️⭐️Seafood Paella4個人食必須要叫L size用鮮蝦同貝類 仲有蛋黃醬 一齊食好出色⭐️Steak Frites叫咗Medium 咬落有肉汁 唔會韌😋⭐️Mac & Cheese雖然好邪惡好heavy 但真係好好食呀！⭐️Cava Brut Reserva(White)比較易入口嘅白酒👍🏻⭐️Churros係好煙韌嘅Churros 平時好少食肉桂都覺得好食⭐️Apple Crumble呢個蘋果批都好好食 呢間絕對要encore周邊好多朋友都鍾意食肉桂 我諗我開始無咁抗拒了～…查看更多

Bayfare Social 可以話係Rosewood Hotel 最親民嘅餐廳🍽️餐廳設計以歐陸市集為主題 提供多款西班牙Tapas 菜式🇪🇸呢日我揀咗呢間餐廳同朋友食生日飯！🎂.🌟TORTILLA DE PATATAS{Spanish Potato Omelette with Ibérico Ham } 西班牙奄列最大嘅特色就係加入左薯仔🥔食落反而薯仔味比起蛋味更突出連埋火腿一齊食非常夾🥓.🌟PULPO A LA GALLEGA{Octopus, Paprika, Olive Oil} 好推薦呢個八爪魚🐙八爪魚煮得啱啱好 腍得黎保持到肉質彈牙加埋紅椒粉簡直係神來之筆😋.🌟PLUMA IBERICA{Rare End Ibérico Pork Loin, Baby Potatoes, Red Mojo Sauce}食完兩個Tapas 再點左個主菜呢個選用左伊比利黑毛豬🐖 而且已經切好左一片片 好Juicy而且個醬汁味道亦都好特別 可能係西班牙菜獨有醬汁.🌟CHURROS最尾要食埋呢度最出名嘅甜品Churros炸得非常香脆 加埋朱古力醬絕對係滿分🍫…查看更多

大癲級西班牙菜，食材高質，煮法side dish非常配合，環境服務一流，perfecto🤌～・・・・・・・・・・・・・・・・・・・・🐙 Pulpo A La Gallega (啫係Octopus Tapas) HK$195・味道：清淡八爪魚加咗小許辣粉，仲吊出鮮味，配埋底下薯蓉薯仔粒，唔錯～・口感：八爪魚爽彈，冇牙呀婆口嘅肥波都咬到。薯蓉係半smash半薯仔粒，幼滑得嚟又可以配八爪魚咬吓。🍣 Tuna Tiradito (啫係Tuna Tata) HK$220・味道：新to the鮮🤌！本身個料好食就唔使整色整水都夠抽㗎喇～・口感：上面個三塊空氣餅唔知jm9😅，硬要評一評就係都幾有麥香，不過本波覺得有蔥就夠喇。🍛 Seafood Paella M size HK$350 👍 ・味道：好癲喎喂💥！每粒飯都索滿海鮮汁，蝦再甜啲就好了，有粒蜆有沙拖低平均分sad，魷魚最正。有pat醬幾重咸香味，加埋啲飯食又係另一個味，咸鮮飯粒加鮮甜海鮮，多重層次woo😏～・口感：睇落以為啲飯乾過沙漠，點知每粒都juicy jucy。粒粒分明又夠濕度，大癲。蝦爽脆基本啦，蜆都夠厚肉，魷魚爽彈本波食到jap jap聲，嘻。**M size以為好細，點知個pan目測都至少8吋🤯，兩三人夠食的！但海鮮份量少，孤寒咗啲⋯ **🥩 Steak Frites HK$348・味道：用Flat Iron但牛扒叫5成，上到嚟係7成⋯過熟少咗肉味🥲。上面個香草牛油多餘，牛油味香草味都冇，對件扒起唔到任何作用🤡。另一兜醬都一樣，廢。薯條吸咗啲牛扒精華零舍正。・口感：過熟有啲嘥咗舊flat iron，但塊扒本身好高質所以煮衰咗都仲係嫩口，同埋吋半扒唔韌加上flat iron本來多筋都冇食到一條，扒類處理做得不錯。係薯條偏幼食得冇咁開心。❤️‍🔥 Churros HK$135・味道：0甜肥波怒啪兩條，表面糖粉mix咗肉桂粉所以食落微甜，唔鍾意肉桂嘅朋友都食到，淡淡肉桂味易入口der～不過牛油味就唔出，某程度上對肥波嚟講係好事，減輕罪疚感XD。個朱古力醬係黑朱，重覆多次係黑朱，0甜黑朱，本波已滿足namaste🙏・口感：表面脆口入面軟熟，新鮮即炸但好細心會等到啱食用溫度先上枱，暖暖哋咁，yum yum。🍹 Blood Orange Mocktail HK$100 ・味道：偏甜但橙味幾重，OK啦。🥤 Raspberry Milkshake HK$88・味道：甜呀，同時紅莓味都重嘅唔係得人工糖漿甜。外國奶昔就必備爆血管厚cream嘅，本波skip🤭。・口感：0冰粒，smooth～・・・・・・・・・・・・・・・・・・・・🤰性價比：高～🤰9衝度：9衝～🤰結論：人均七舊水食到高質五星酒店西班牙菜，食得過，絕對有next time。・・・・・・・・・・・・・・・・・・・・環境：闊落舒服呢啲基本酒店餐廳配備有齊，枱櫈夠大。枱與枱之間闊到可以放多枱，空間度極高，雖然避免唔到三個飲醉酒嘅女人笑聲蓋過全場嘅嘈吵情況-_-。不過我坐嗰邊近戶外嘅室內位偏喑，情調太多，能見度太低😶‍🌫️。枱燈非常重要，猶如漆黑中嘅明燈💡。講咁多，唔該較光返小小🙏⋯⋯服務：可能見我哋book枱係慶祝目的，安排咗近海景位，非常細心。梳化位舒服，唔係啲坐到淋哂個下巴對落就係枱嘅高度XD。麻煩侍應影相都冇托手踭，仲要識攞光位就角度影，pro🫡！*需要上網book枱㗎！…查看更多

(๑˃̵ᴗ˂̵) ☆ Bayfare Social ☆ #尖沙咀 🔥尖沙咀人氣西班牙餐廳🔥 ✨五星級酒店親民之選✨ 今次要介紹嘅係位於尖沙咀Rosewood入面超級出名嘅西班牙菜🇪🇸 相信大家都對哩間餐廳唔陌生 ✨ 小編同朋友前一晚即興話想食西班牙菜，跟住超好彩咁喺前一日book到20:30嘅Bar枱位置，整體用餐體驗非常好👍 ▿▿▿▿▿▿▿▿▿▿▿▿▿▿▿▿▿▿▿▿▿▿▿▿▿▿ ⋖ Comments ⋗ ➺ PULPO A LA GALLEGA $175 (4.3/5) 哩個其實係一個用Paprika 同埋橄欖油🫒調味嘅八爪魚🐙 八爪魚質感非常鮮嫩，唔會太硬又有應有嘅質感🤍 八爪魚下面仲有一層薯蓉🥔 吸收曬所有海鮮嘅鮮味同埋橄欖油香🌟 ➺ Seafood Paellas $300 (Medium size; $450 for Large size) (4.5/5) 同其他餐廳一樣～ 哩個Paella有兩款份量選擇，小編就叫左Medium Size✨ 同朋友三個人食都夠食🫡 Paella上面有幾款海鮮～ 包括虎蝦🦐 魷魚🦑 蜆✨ 仲有蒜味濃嘅aioli sauce😍 海鮮品質一如既往嘅優質🫶🏻 個蜆肉仲有海水味添🌊 同埋佢個火候控制得好好，飯唔會硬得黎個底唔會燶🔥 ➺ Mac & Cheese $120 (4.2/5) 哩個Mac & Cheese真係超級濃郁 🧀 佢用左我地成日食到嘅Parmesan Cheese製成， 再加左Smoked Bacon🥓 哩一陣煙燻味令哩個Mac & Cheese升左一個層次🌟 就算怕膩嘅朋友都可以試試🤍 ➺ Churros $85 (4.5/5) 最後就係壓軸登場嘅Churros!! 哩個Churros比較長型～ 哩個價錢哩個份量性價比超高🫡 Churros 外層酥脆可口，仲沾滿左cinnamon sugar🥺 如果鍾意食朱古力嘅話可以點個海鹽黑朱古力醬🍫 不過小編更愛冇朱古力醬嘅churros🫡 食西班牙菜又點少得Churros做甜品呢😍 哩個Churros真係幾好食😋 新鮮炸起熱辣辣 🔥 食落去酥脆可口🤤 肉桂味唔算太濃✌🏿加埋旁邊嘅Whipped Dark Choclate Ganache 或者 Salted Caramel Sauce 🍫 又係一個小編嘅Guilty Pleasures 😍😍 ➺ Sangria $500 for 1000mL (๑˃̵ᴗ˂̵) 整體評論 試過之後小編終於明白點解哩間餐廳咁難book🥺 因為真係好抵食！ 同埋餐廳服務質素都好好，小編本身坐吧枱🤣 等食到一半嘅時候，餐廳主動將我哋掉去坐位～ 同埋餐廳嘅環境都好好，好適合朋友聚會👭🏻🤍整體味道：4.5/5 🤍服務質素： 4/5 🤍性價比：4/5 🤍回頭指數：4.5/5 ▿▿▿▿▿▿▿▿▿▿▿▿▿▿▿▿▿▿▿▿▿▿▿▿▿▿ Bayfare Social (尖沙咀) @bayfaresocial @rosewoodhongkong 地址：尖沙咀梳士巴利道18號香港瑰麗酒店5樓 營業時間： 星期一至五：11:30-22:30 星期六至日：12:00-22:30 #heysiri_tst #heysiri_spanish #hkfoodie #hkfoodblogger #hkfood #hkfoodies #hkfoods #foodpics #尖沙咀美食 #西班牙美食 #西班牙🇪🇸 #尖沙咀西班牙美食 #西班牙餐廳 #打卡餐廳 #hkfinedining #finedining #tstfinedining #tst_restaurant #fridaynights #datenights #hkgirls #hkigers #pnd尖沙咀 #fca_tst #yummyfood #hkfoodielife #rosewoodhongkong #k11musea #k11food…查看更多

位於Rosewood靚靚高級酒店嘅餐廳同時都係唔少人慶生選址嘅地方🎉🥳唔同人對Bayfare Social都有唔同嘅講法價錢相對上對比其他酒店嘅西餐係親民 係比較平👛💰但對於我黎講會係一個去過一次唔會再去下次嘅餐廳唔知係咪因為期望值太高嘅原因 最主要都係覺得無咩特別 加上環境覺得好一般般😮‍💨有種係food court嘅感覺*✨想食想去Bayfare Social就記得要上網book定位Walkin幾乎都唔洗皆意食到*❣️Seafood Paellas $300/Medium $450/Large係一個西班牙海鮮飯🇪🇸幾乎每個人黎Bayfare Social必食嘅菜式兩個人食的話medium真係足夠本身睇相仲以為係飯焦 但食落又唔係喎成個飯都可以話係偏鹹 不過啲海鮮就真係大大舊❣️Steak Frites $280呢個Steak Frites可以話係男朋友最期待嘅菜式一向好鍾意食牛扒嘅佢點會放過🐮唔佢我都唔知原來牛扒上個舊牛油係咁值錢🧈塊牛油係真得香口 但塊扒就...唔可以講話出色都真係好普通嘅感覺🥺❣️Churros $85男朋友好有心係落booking個陣remark左寫碟但最後staff都係無留意到個remark😇都係男朋友要再講 要再提一聲🫠🫠🫠係有啲失望 估唔到咁大品牌嘅酒店西餐會有咁嘅失誤不過Churros係好食的🫶🏻❤️外脆身 內煙韌 仲俾左好多朱古力醬你點🍫…查看更多

📍ʙᴀʏғᴀʀᴇ sᴏᴄɪᴀʟ / Tsim Sha TsuiRosewood西班牙菜，價錢在酒店來說是很親民～環境氣氛都一流，座位之間也非常闊落呢🤍✧ Grilled Baby Lamb Chops & Confit Piquillo Peppers (Chef’s Specials Menu) $380這道菜是期間限定 碰巧遇上記住試試 (๑•̀ㅂ•́)و✧羊肉好吃不會太羶，伴碟辣椒很可以！甜甜的又吸了羊油的精華，空口也可以吃完全部辣椒😳✧ Seafood Paellas (Medium) $300飯粒偏乾身 海鮮都足料和新鮮～上枱香噴噴兩個人吃叫medium也是非常足夠！✧ Apple Crumble $85 大推的甜品 Ψ(￣∀￣)Ψ 面頭金寶超鬆脆 內裏是微溫的蘋果粒配上雲尼拿雪糕🥺💓✧ Churros $85玉桂條是正常水準 但我喜歡它附上的朱古力醬是黑朱古力的味道 完全沒有死甜的感覺～回頭指數😼4/5（約會慶祝很可以(〃ω〃)…查看更多

📍Bayfare Social 🐷媽生日！🐷個幾月前已經book定！如果要peak hour一定要早啲book，同埋想有海景記住要request埋（🐷唔記得左）book枱嗰陣已經講左係90分鐘架喇！overall都係好食，加埋環境好，真係#chuchu推介，咁當然喺rosewood價錢都一定唔係平，但係算係幾親民的！—————————————————————❣️Seafood Paella Medium $300西班牙海鮮炒飯，飯用龍蝦汁煮，粒粒吸盡鮮味，夠香雖然揀左Medium但個盤係大但淺，不過都夠食， 飯偏濕冇飯焦，本身驚兩老唔鐘意，因為佢哋好怕食生米質感，不過佢哋都話幾好食！魷魚無乜味，蜆都新鮮，蝦爽大隻，不過海鮮份量又真係小左啲🥹.❣️Steak Frites $280雖然🐷成日食牛扒，但呢個真係數一數二好食😋極力推薦‼️肉質好粉嫩好嫩口，煎到外面好脆，鎖住肉汁好juicy！牛味好濃而油脂少，再配上蛋黃醬（唔知係牛油定咩），總之加左好好食！薯條係幼身，炸到好脆！.❣️Lobster Roll $230龍蝦卷Special offer黎的，開頭以為會係好似wrap咁但原來係包黎，呢個就比較普通同性價比低，因為好細舊，但就有原條蝦肉加左啲醬，仲有啲薯片（Lays黎的）.❣️Churros $85好食的✅見好多枱都有叫佢，Churros係即叫即炸，食落外皮脆卜卜，咬落有小小煙韌感，再點朱古力醬（偏苦），中和左churros外層嘅糖，真係好好食！🐷仲request左生日牌 #chuchu慶生推薦 不過嗰日有小意外，就係上嘅時候冇左個牌，即刻同waitress打眼色，佢轉過頭就拎埋雪糕牌出嚟(˶‾᷄ ⁻̫ ‾᷅˵)🐷之後發現churros點雪尼拿雪糕都好好食🤪—————————————————————不專業評分👅好味指數:8/10 💰性價比:7/10👍🏻推薦:8/10 —————————————————————🏡地址: Bayfare Social (尖沙咀)尖沙咀梳士巴利道18號香港瑰麗酒店5樓🕑營業時間: 11:30-22:00—————————————————————…查看更多