六公館

海運大廈的餐廳坐擁無敵維港海景，尤其在黃昏日落時，浪漫興鬆！當中位於地面的「六公館」，更可以行出草地，打卡一流；室內佈置配合，氛圍感滿滿，走高端路線，來到便感覺到是吃精緻菜式的地方。二人選擇了晚市套餐，淺嚐10款菜式，每位$1088。牛油果金槍魚咸蛋酥、龍眼蜜燒西班牙黑豚叉燒、巴旦木焗南瓜件頭盤的作用是打開味蕾，所以份量不需要多，每款一兩件就已經足夠，三款醒胃小吃放在精緻的長碟上，見到已經開胃。牛油果金槍魚鹹蛋酥最特別，餅底非常酥脆，牛油果、金槍魚及鹹蛋黃三款餡料切成幼粒，若隱若現，靜靜地為酥餅帶出鹹香及鮮滑之味。叉燒調味出色，那龍眼蜜甜，與別不同。兩粒南瓜更是有驚喜，烹調方法令中和了南瓜那獨特味道，令本來不喜歡吃南瓜的同伴也讚賞。湯 - 鮮茄松茸貴妃舌清清哋的一道湯，湯頭透徹，味道清甜，大大隻貴妃舌很有咬口。老菜甫蒜燻䱽魚熱騰騰的小鍋盛載，魚肉嫩滑，菜甫及蒜頭炸至香脆惹味，也好吃。燒椒醬法蔥煎本地青龍龍蝦是海中之王，冇得輸，肉質新鮮結實，看似細隻，但其實都幾多肉。野菜黑糖燉牛肋骨炆得很入味，黑糖調味，令肉質更加鬆軟。鹽水沙蜆清湯浸地瓜苗很清的湯汁，嫩滑的菜苗。十三香鳳肝燉飯亮點在後頭，非常脂香濕潤，口感粘粘的燉飯，每一口皆是滋味。紫薯蜂巢酥點心芋角的變奏，餡料換上紫薯蓉，甜度適中，卻又愈吃愈甜在心。一般茶葉茶每位$28，一人一壺，如果口味不同無需遷就。#六公館 #尖沙咀 #粵菜…查看更多

270度的維港景色，100%純淨Still Water，以及叫天不應叫地不聞0回應的環境。(1) 龍眼蜜燒西班牙黑豚叉燒葡萄乾的加入，洗卻黑豚叉燒的肥膩感，整體亦偏清新。龍眼的鮮甜、慢火的蜜燒，不疾不徐的令肉質更為綿軟。(2) 墨汁洋蔥焗羊鞍(3) 松茸羊肚菌海膽燴飯有別於傳統黑松露蘑菇的配搭，沒有creamy黏黏口感，改用雞湯慢炖，濃縮入煮。(4) 鮮茨實濃雞湯浸菜苗鮮茨實粒粒飽滿白嫩，清糯可口。(5) 斑片肉鬆脆米魚湯泡飯肉鬆 Where are you now~~除了消失的鬆，斑片變成了碎片，精粹全掉進魚湯之中。魚湯本身細膩醇厚，加入冬菜令整體變得粗糙。與海為鄰，慢慢亦漫漫的細浪，漸把煩惱都吹遠。呼～ (⊙o⊙)…查看更多

初到六公館品嘗高級粵菜🫶🏻提早預訂窗口位，邊食飯可以同時飽覽香港維港美景💖餐廳燈光較暗，氣氛浪漫很有情調～也適合慶祝紀念日。我們叫了四款該店招牌菜式試試⭐️龍井熏太爺雞 $358龍井雞先以透明嘅樽蓋住，侍應會在面前打開後會散發出煙薰，很濃郁的香味，雞肉非常嫩滑，雞皮很脆口，不會太油膩，吃得到茶香⭐️龍眼蜜燒西班牙黑豚叉燒 $388呢個系我最期待既菜式～黑豚叉燒食落淡淡肉，配上龍眼蜜，好香甜，配上提子乾食又有另一種味道，出色👍🏻⭐️松茸羊肚菌海膽燴飯 $378呢個海膽飯真系好好食！食落感覺好似risotto，飯入面有一大塊海膽，海膽一d都唔腥好鮮甜，連埋濃郁醬汁撈埋羊肚菌一齊食，真係好好食～可以再encore ~⭐️鮮茨實雞湯浸菜苗 $238雞湯濃郁豆苗很爽滑幼嫰，味道十分鮮甜美味👍🏻…查看更多

六公館係一間新派中菜餐廳，茶式傳統得黎又帶點新穎，另一個賣點就係個無敵大海景，夜景一樣令人如痴如醉 龍眼蜜燒西班牙黑豚叉燒半肥瘦既西班牙黑豚叉燒塗上大量既龍眼蜜，叉燒肉汁豐富又腍身，仲有d提子乾可以配埋一齊食，每一舊都滋味無窮雞骨草咖啡煙燻BB鴿侍應先將墊係BB鴿下面既雞骨草同咖啡豆點火，煙燻味頓時充斥住整個餐廳，BB鴿外脆內嫩，又香又好食青花椒乾燒虎蝦花椒味若隱若現，又香又麻又刺激，但略嫌虎蝦個漿粉有點厚鮮茨實濃雞湯浸菜苗鮮茨實平時真係好少食到，咬落係粉粉地帶甜，幾得意，濃雞湯帶點杰身，豆苗份量唔算多，仲有幾粒杞子點綴黑蒜焗羊鞍羊鞍煮至大概3-5成，肉質帶粉紅但一d血水都無，外面塗上一層甜甜地既醬汁再加上黑蒜，好惹味斑片肉鬆脆米魚湯泡飯魚湯魚味十足，入面有翠玉瓜、斑片、肉碎，米飯，再倒入脆米一齊食，口感一流，成個泡飯唔會話好咸，味道岩岩好再次光顧菜式依舊好食，環境一流，今次坐近窗邊更加可以欣賞夜景，每次黎六公館都無令我失望…查看更多

5/6月係父母親大人既節日🧔‍♂️👱, 佢地對於中菜總係有情意結🪢 要慰勞咁辛苦既佢地, 精緻中菜+無敵海景既靚餐廳就最岩啦 係海港城LCX果邊行到盡頭落扶手電梯到地下, 已經比個entrance氣派震懾左窗邊係毫無遮擋既維港景, 唔落雨既話仲有戶外位幾chill🌃裡面黑得黎都有好多📐幾何圖形既modern燈飾最加分係因為影人樣唔夠光, 侍應被問幫忙影相果陣會自動拎個打光版過黎影, 超pro超貼心-食粵菜點可以唔食燒味, 呢度既叉燒非常出名, 用西班牙黑豚肉嫩腍多汁🇪🇸而龍眼蜜既honey glaze甜而不膩仲帶果香🍯, 配埋青紅提子乾食更香🍇 另一個招牌斑片肉鬆魚湯泡飯真係好surprise可以咁好食!奶白色既魚湯非常鮮味, 飲哂成碗都完全無味精既口渴🐟 斑片肉質挺身彈牙🐋, 肉鬆脆米泡飯有幾種唔同口感好有層次, 個感覺似係食緊高級版潮州方魚肉碎粥🍲仲有個原個南瓜盅好岩打卡🎃甜南瓜煮至兩種唔同口感: 有咬口既南瓜塊/綿滑南瓜蓉, 加埋好有質感既燴蛋白 - 有咬口得黎又唔老🥚, 係非常得意既菜式-餐牌非常多樣化, 保留粵菜既精華之餘又有d新意加落去, 甚至係1d fusion位, 好有心思 另外仲有個餐牌係「春季廚師推介」, 係行政總廚Harry Hung會根據時令設計期間限定既新菜式, 不時不食之餘更增添新鮮感, 增加回頭率整個環境同氛圍圍都好有氣派, 直程係酒店級數, 我覺得都值得呢個價位 不過當然多人食d share會更好, 呢個都係中菜相對地比較高CP值既特式, 用黎慶祝就岩哂啦…查看更多

今晚的飯局，一行 7 人，平時聽人講六公館話好食就聽得多，今次都係第一次到訪。一到步，見到餐館的裝橫很別緻，有一種新舊融合的感覺。席間我地請員工幫忙影大合照，員工還很專業地拿打光燈出來幫我們拍照，服務高水準，待客以誠！而且外面望著維港美景，真是很好的享受～菜色方面，真係每一味都好好味，有傳統的中菜口感，卻又有創意的新派煮法，這種Fusion 不是每一個地方都有，有好一些菜式我們直情要點 2 碟，吃完之後大家還想再吃！陳年花雕醉鴿，$228 。配上花雕味道很夾，肉質鮮嫩龍井燻樟茶鴨，$298 。很香濃的茶味，鴨皮烤得很香很脆八味金磚豆腐，$138 。豆腐外層脆口，內裡卻很滑，有咬感之餘，入口後卻很快溶化，讚！班片肉鬆脆米魚湯泡飯，$298 。用魚去泡的湯很甜，配以肉鬆脆米時，更為香口，好味！龍眼蜜燒西班牙黑豚叉燒，$328 。不愧是這裡的招牌菜之一，肥瘦差半，很香，平時我不太喜歡吃肥叉的，但呢一碟，我吃得下而且還覺得好味！松茸羊肚菌海膽燴飯，$328 。海膽味很香，汁夠濃，但又不會太結，飯粒口感很好，呢一碟我地都係要叫 2 碟先夠！鮮茨實濃雞湯浸菜苗，$228 。菜苗索了雞湯後，配搭起來很美味四川辣子三黃雞，$348 。全晚其中一碟最喜愛的，非常香口野味，雞肉脆得來不會鞋，肉質仍然很嫩！蘇薑蟹肉蛋白東星斑件，$438 。魚肉很有份量，呢個配飯真係一流日本金柚手撕脆皮雞，$238 。很讚的前菜，雞皮很香脆，又不會太油膩，很開胃！岩鹽48小時慢煮牛肋骨，$638 。不得了，牛肉質地很嫩，肉汁好香，要點 2 碟先夠！薑糖芥蘭，$188 。雖然份量細細，不過咁樣煮嘅芥蘭都好特吃，有薑糖味，好食！最後 7 個人總共埋單食左 $5478，係頗貴，但成餐都好好味食得很高興，值！…查看更多

今日嚟到位於海港城嘅六公館品酒食飯，望住呢個無敵大海景食物飯，感覺相當有格調。藍花白碟襯上雲石枱，帶點藝術色彩。睇睇佢哋其中一張menu先，我哋今日寫咗菜單俾佢，所以菜式上同menu有唔同。嚟品酒，今晚就當然要準備酒水。同佢現場開咗兩支酒，一支New Zealand Riesling $688 同一支Italy Chianti $788，其他自備。進入菜式部份，第一道，首先係龍井燻太爺鷄。上枱嘅時候佢連埋陣煙一齊，即場上枱再打開，煙霧彌漫之中太爺鷄登場。有好大嘅煙燻味，鷄肉滑身，個人認為配上今晚我哋自備嘅 Côtes du Rhône Village 就相當之夾，能夠令兩者互相提升。第二味係法國邊豆欖菜金柱炒飯，普普通通，亦唔覺配邊支酒適合。第三道，龍眼蜜燒西班牙黑豚叉燒，配手上嘅紅酒好似未去到最夾，可能配白酒會好啲。第四道，意大利番茄燴牛尾。茄粒味道出色，可惜菜式醬汁味道豐富，反而減少咗牛尾嘅突出。本來今晚最期待嘅Sena紅酒，配搭起上來亦無特別加乘，還是淨飲更好。第五道，原個日本南瓜燴蛋白。南瓜溝上蛋白成茸，配搭上Off Dry Riesling酒，添加上了一份清新。第六道，黑金流沙奶皇包賣相唔錯，亦唔會話太甜。今次就咁配上我哋嘅德國甜Riesling，令兩者得以提升。最後一道，甜品桂花杞子配桃膠，配合上我哋嘅Tokaji 5度甜酒，甜甜對決，兩者將對方嘅甜抵銷咗，返而嚟得清淡，清新。最後坐到12點埋單，平均每位$916。總結今餐，環境地理相當出色，過嚟約會氣氛一流。嘢食方面不過不失，價錢佔大部份都係場租。服務方面有求必應，亦可以因應客人要求而改變菜單，呢個方面係欣賞嘅。…查看更多

❀ 六公館 #尖沙咀 ❀❗️人氣之選中菜廳係咪真係咁出色❗️——————————————————長期OpenRice人氣之選中菜廳，坐擁270度維港景色尖沙咀，裝修高貴典雅，環境的確一流✨主打新派粵菜佳餚，有唔少獨特精美嘅菜式，其他地方的確見唔到，難怪長期人氣爆燈。.✷𝑀𝑒𝓃𝓊✷☞ 龍眼蜜燒西班牙黑豚叉燒 $328 (4/5)經典必點款式😆用上梅肉製作，脂肪比例平均，加上龍眼蜜糖，色澤鮮明，香甜美味。唯獨表面未夠香脆。.☞ 龍井燻太爺雞 $338 (4.1/5)煙燻味非常香濃，原來係用上等嘅龍井茶葉，在用蘋果木煙熏，豐富咗燒雞嘅層次，亦冇咁膩。用上高級本地三黃雞，大部份米芝蓮餐廳都係用呢一款雞，皮微脆，肉質嫩，脂肪唔會太多。呢道菜係做得幾唔錯。.☞ 松茸羊肚菌海膽燴飯 $328 (3.7/5)呢一道菜感覺唔係太中式😂味道就不過不失啦😶用上中國米製成嘅燴飯，點滿海膽醬汁，再加入松茸同羊肚菌，同埋一塊大大嘅海膽。唔係唔好食，不過似平時嘅海膽意粉，唔算特別。.☞ 鹽48小時慢煮牛肋骨 $638 (4/5)牛肋骨脂肪比例相對多，好處係入口即化，但就比較油膩🫣味道調配得唔錯，加點紅椒洋蔥等等，有少少新疆菜式嘅感覺！.☞ 乳龍 (3.9/5)呢個係廚師精選嘅款式，唔太記得全名同埋價錢。但用咗兩款方式烹調，一邊應該係焗另一邊係炸。不過口感偏向實在，味道亦冇乜特別。.☞ 茉莉花茶味意式奶凍 $158 (4/5)表面有一層茉莉花茶啫喱，比起普通只有牛奶味嘅更加清新，亦做到入口即溶。隔離兩粒黑色嘅脆口物體，唔太清楚係咩嚟，有少少奇怪😂。.☞ 流沙球配冰淇淋 $138 (3.9/5)就係迷你流沙包咁，不過炸咗所以表面更加香脆，唔算太特別，而且仲有得三粒。。。反而芝麻味嘅雪糕更有驚喜😶。——————————————————✨整體味道: 4/5 ✨環境裝修: 4.5/5✨服務態度: 3.8/5✨性價比: 3/5✨再訪興趣: 3/5 .💞整體來講菜式賣相配搭的確幾新奇，不過份量比較少，價錢亦相對昂貴，性價比就唔係好高，試一次就夠。…查看更多

位於尖沙咀海旁的六公館，主打新舊融合的中菜～網上看見評價好壞參半，不過還是和朋友們抱著一試的心吧，雖然餐廳真的比較高級，價錢亦頗貴的😳😳-🎈黑金流心包 $108是我想吃所以點的喔哈哈🤪外表挺吸引的，而裡面的流心奶黃是非常流質的配上鬆軟的包身整體還是幾好的😎-🎈龍井燻太爺雞 $338一來到餐廳是先用玻璃罩着的，然後有一陣煙霧～雞肉嫩滑得來帶點茶香煙燻味！這款的份量又比想像中多🤔-🎈龍眼蜜燒西班牙黑豚叉燒 $328印象中應該是有八件左右～但認真地說有少少失望的🥺因為這個黑豚叉燒應該是餐廳的推薦菜吧！但完全一點也不驚艷，感覺有點一般🥲叉燒是半肥瘦的，肉質有點實不太軟稔而且沒有燶邊😮‍💨可能是我比較喜歡很juicy很軟稔的叉燒，所以和我想像中有點出入～但它的龍眼蜜汁甜甜的又挺不錯！！-🎈松茸羊肚菌海膽燴飯 $328海膽鮮甜調味很好，很重羊肚菌味，燴得亦很惹味😍個人最愛是這個💕-最後不得不說這應該是一間很高級的餐廳，但內裡的環境真的質疑自己是否在普通茶樓吃飯！不清楚是當天有活動還是怎樣，但我和朋友們真的一頭霧水為何環境會這麼嘈吵，就連基本吃飯期間的對答也聽不清楚😮‍💨🤧真的說起上來也有點生氣，明明價錢也偏高昂，但這個環境不太okay喔🙈-🔶六公館📍尖沙咀廣東道3-27號海港城海運大廈地下OTE 101號舖…查看更多

六公館係一間新派中菜餐廳，將傳統中菜烹飪技巧，以新穎既方式呈現傳統中菜的色、香、味，呢個概念岩晒我裝修奢華講究，設計以20世紀60年代香港文化為靈感，結合了現代設計手法另一個賣點就係個無敵大海景，夜景一樣咁靚，望著醉人美景，真係未飲先醉菊檸氣個酒壺好有中國色彩呀，係一杯用上中國茶既菊花同Rum結合既cocktail，成杯酸酸甜甜，仲有淡淡菊花既清香，好飲Estrella Damm Beer一款我好喜歡既西班牙啤酒，無諗過係中菜館飲到岩鹽48小時慢煮牛肋骨肉質呈粉紅色帶少少肥，入口腍身嫩滑，牛肉味道突出，非常好食，仲可以掂d岩鹽或秘製醬汁，更能突出個味道香煎鵝肝配無花果醬鵝肝甘香軟滑，本身鵝肝油脂都相當豐富，配無花果醬一齊食正好中和返個油膩感，無花果醬以啫喱形態呈現，加埋個擺碟，又靚又好味龍井燻太爺雞一開個蓋已經聞聞到濃濃既茶燻味，食落亦都有淡淡既茶燻味，太爺雞好嫩滑，真係色香味俱全龍眼蜜燒西班牙黑豚叉燒用上半肥瘦既西班牙黑豚燒至燶邊，塗上大量既龍眼蜜，叉燒肉汁豐富又嫩滑，仲有d提子乾可以配埋一齊食，每一舊既口感都香甜飽滿，好好食鮮茨實濃雞湯浸菜苗鮮茨實平時真係好少食到，咬落係粉粉地帶甜，幾得意，濃雞湯濃郁得黎但一d都唔油，豆苗相比下就變左配角咁，好飲又好食松茸羊肚菌海膽燴飯每粒飯都吸晒松茸羊肚菌既香味，濃郁惹味，不過海膽份量好少，每人只可以淺嚐到少少，真係非常矜貴食物同環境真係一流，其他侍應態度都好好，但唯獨是個Manager有點傲慢，有待改善，安排入座差，湯飯售罄一直都無通知，直至1小時後我地再三催促先話售罄，臨走時不斷催人離開但忘記左我地一直等緊佢張手寫單，呢個價錢我覺得服務態度可以做好d…查看更多

📍#六公館📍#Hexa.🇭🇰香港尖沙咀廣東道3-27號海港城海運大廈地下OTE101號舖🇭🇰Shop OTE 101, G/F, Ocean Terminal, Harbour City, 3-27 Canton Road, Tsim Sha Tsui, HK.人均消費: HKD600.味道: 👅👅👅👅👅賣相: 👀👀👀👀👀價格: 💰💰💰環境: 🌹🌹🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.六公館位於尖沙咀海運大廈地下的最盡頭，室內環境好靚好Grand，燈光暗暗的，超級Fine Dining 嘅感覺！室外環境更驚喜！大概有十張枱左右，隔住個大草地就係維港，飽覽維港景色，真心靚到癲！.⭐️#龍眼蜜生煎金蠔 HKD228+78金蠔一份三隻要HKD228，加一隻要HKD78🙈金蠔算大隻但唔肥，但煎得超好，用龍眼蜜一啲都唔甜，成隻金蠔煎得好靚，口感十分不錯！味感唔濃，少少甜帶少許金蠔香，不錯.💯#鴛鴦蝦球 HKD368完全出乎意料之外的鴛鴦蝦球！三隻係咸蛋醬味，三隻係蜜糖芥末醬味！咸蛋醬味好正，蝦炸得脆卜卜，咸蛋分佈得剛剛好十分均，每一口都有咸蛋黃嘅沙感！另外三隻蜜糖芥末醬，同蝦嘅味道非常夾！食落好開胃，會好想追食落去！.💯#龍井熏太爺雞 HKD338上菜時有個蓋蓋著，上枱先會打開！一打開一陣煙熏味四散，慢慢就聞到陣茶香！有趣係你會聞到煙熏味，但入口唔會覺，反而會食到好香嘅龍井香！雞肉好嫩滑，雞皮油香濃！正！.⭐️#龍眼蜜燒西班牙黑豚叉燒 HKD328用黑豚肉做嘅叉燒特別的地方係口感軟腍，唔會好”鞋”，脂肪肥肉相對比較多，肉醃得好入味，而用龍眼蜜有少少蜜香但唔好似普通蜜糖咁太甜而搶過叉燒味，最正係外層燒到燶燶的特別香口！.⭐️#桂花蟹肉炒新竹米粉 HKD298炒得好靚好乾身嘅新竹米粉！桂花唔太多，完全唔會蓋過個米粉，蟹肉唔算好明顯但都食到嘅🤣重點係成個米粉炒得好爽好靚！.我哋一共點咗3杯Cocktail，坦白講，睇到啲酒名覺得有啲低俗，唔應該係六公館咁靚嘅中餐廳出現🤣.⭐️#呃蝦條 HKD158呃蝦條係橙黃色果杯，由幾種酒混合出嚟，有Cognac， Cointreau，Rosolio等等，入口Cognac味比較重，但唔係啖啖都有.Ⓜ️Okmoto0.03 HKD148仿岡本0.03係粉紅色果杯，有Gin，Absinthe，Rosolio 等，Gin味比較突出，但成杯無乜味.Ⓜ️#菊檸氣 HKD128菊檸氣Chrysanthemum Rum，菊花味好濃，但飲落有少少怪，不過個壺好靚❣️.基本上大家評價都好高！餐廳環境靚又舒適，菜式靚又好味，真心喜歡依間餐廳🥰下次要出室外坐先得！題外話，如有需要，餐廳係會幫你打燈影相(我無)🤣…查看更多

朋友相約聚舊，提議到一家位於尖沙咀海傍的中菜館。中菜館在商場的盡頭，沿扶手電梯一落，便到逹餐廳中庭，充滿氣派；中庭右邊是酒吧，左邊是接待處，再往前推開玻璃門便是戶觀景位。接待員引領我們到一列落地玻璃窗旁位置坐下，窗外臨海位置亦放了多張餐檯，客人可一邊欣賞美景，感受海風，一邊品嚐美食。而我只顧欣賞餐廳的室內裝修和室外的維港美境，點菜則交由朋友發板。龍眼蜜燒西班牙黑豚叉燒，個人鍾意半肥瘦叉燒，呢份叉燒偏肥，但瘦嘅部份都唔會太腍，有咬口，龍眼蜜的確好sweet 。鮮柚子鱈場腳蟹，蟹肉加入柚子肉丶柚子汁丶青瓜絲，酸酸地好醒神開胃。三文魚籽燒賣，蝦肉+豬肉做燒賣，最特別係上面加咗幾粒三文魚籽，為燒賣增加鮮味。海膽蝦春卷，雖然混入了海膽，但未必可以滿足到海膽迷，但春卷唔油膩，啱哂鍾意食香脆點心的人。六公館坐得舒服，環境寧靜，裝修靚，樓底高，餐枱之間寬敞的距離，加上維港景色，真是一個相聚的好地方。…查看更多

見到300 幾個，又咁多人係Instagram 推介，我同朋友慶祝生日就去試下係有幾好味。我地兩個人叫左一碟前菜，另外兩碟餐牌推介既食物，分別日本金袖手撕脆皮雞，龍眼蜜燒西班牙黑豚叉燒及黑蒜焗羊鞍。日本金袖手撕脆皮雞：有金柚肉，真係比平時普通街巿買既柚，係比較juicy d ，甜，只係少少少酸味味~無澀味。所以信佢係日本金袖，雞肉唔會好”孩”。鐘意食雞皮既我，覺得廚師好刀法，個皮好薄，無肥膏痴住，但同朋友都覺得個皮唔夠脆⋯⋯ 好味龍眼蜜燒西班牙黑豚叉燒(但貴) ： 如標題一樣，好味既半肥瘦既叉燒，不過唔知係唔係真係西班牙黑豚，一碟三百幾蚊，都幾貴，唔怪得細細個聽呀呀媽話生舊叉燒好過生你。又真係幾好味。Okay la ~ 黑蒜焗羊鞍： 今餐覺得最普通既係呢碟黑蒜焗羊鞍。羊鞍應該有七成熟（ 可能算係中餐館，所以唔會問你要幾多成熟） ，羊肉肉質okay 林，但唔會有羊so味，如果鐘意食羊有羊so 味，未必好鐘意呢碟餸。間餐廳係貴，如果有節日慶祝既都可以試下既~ 但未必好surprise , 有機會既再試下海膽飯同慢煮牛再話你知邊邊樣抵食。…查看更多

外地的親友匆匆來港數天，想找個特色又優質的地方吃飯，記起朋友P屢次提及六公館時，那興奮又回味的模樣。上網找找資料看，動人的維多利亞港景色，店的故事、裝潢的風格，加上中西融合的菜式，看來這裡是很適合哩。 這天帶著悠閒的心情到來，雖然要走一段小小距離的路，在盡頭看見眼前這一片景色，便覺得這點小運動是很值得。坐在玻璃牆旁，與國金遙遙相對，看著對岸鱗次櫛比的高樓大廈，海上穿梭不絕的渡輪、帆船......親友對維港景致讚不絕口。大飽眼福之餘也要照顧口福，侍應殷勤介紹各式名菜，同時送上兩款開胃小食。酥脆小銀魚，香口不油膩聽到介紹，很多款式想吃，為免眼闊肚窄，一輪掙扎，最終選了2款廚師推介，再加一款公館推介的菜。金不換青胡椒炒蟹上菜時，金不換的香氣撲鼻，還帶有微微的青胡椒清香。炸蟹用的粉漿很薄，剛好帶上汁液精華，碟上沒有多餘的醬汁蟹件肉質厚實而有彈性，那個鮮、香、惹味的感覺，好好味，好好食...好滿足啖啖肉，嗅覺、味覺和觸覺都滿足到我倆兩手穿上方便手套，就直接拿著蟹件來吃，蟹肉連著醬汁送進嘴內，這才是最高享受哦蟹本身其實好大隻，看看蟹鉗的大小就可知。龍眼蜜燒西班牙黑豚叉燒黑豚叉燒放在雲石板上，簡單放幾粒金提子乾作點綴，外表看上去平平無奇。夾一箸送入口內，一陣甜蜜湧上、龍眼味隨之而來，口感酥軟，肉香肉汁充塞著口腔一件接一件，轉眼間已吃光這個菜端來時仍有煙火，增添視覺效果。乳鴿煙燻味濃，骨頭酥軟，皮薄肉嫩，肉汁豐腴甜點是桂花杞子配桃膠，據說桃膠滋潤養顏，杞子明目、元肉安神，為無味的桃膠增添香甜，是個不錯的飯後甜品。一邊在室內享受著美食，一邊看著外面景觀變化，看到對岸夜晚燈光璀璨，又是另一種迷人景致，真心覺得是個吃飯好去處玻璃牆外還有些露天坐位，氣氛很好，很適合飲酒談天，進餐期間見不少人在外拍照。吃完飯到外面看看拍拍照，嘩！被眼前無障礙的美景攝住了，還看到Sky100聳立在右手邊，可惜當晚天空有一大片雲在，阻擋了8時開始的幻彩詠香江，期待下一次再來喝酒chill一chill。…查看更多