Nara Thai Cuisine (港威商場)

我一向都好中意食泰國野，今次黎試下由泰國曼谷開到黎尖沙咀既Nara Thai Cuisine，品嘗傳統風味既泰國菜。呢到既裝修風格同一般既泰菜餐廳好唔同，主色係粉紅粉綠設計，好有少女心。我地坐既位置近窗邊，有小窗口可以睇到海景，氣氛相當唔錯！✨炸魚餅炸魚餅超級大件，一入口有好香嘅魚肉味，加上檸檬葉、豆角同泰國香料，味道非常香猛。而外表炸得好靚既金黃色，配上酸甜的泰式醬汁一齊食，真係又酸又辣又甜，真係搭配得好好！✨黃咖哩軟殼蟹上碟嘅時候，味道就已經好香。熱氣騰騰嘅軟殼蟹放淋滿左咖哩汁。食落去一啖，嗰啲充滿椰香既咖哩汁就即刻灌進口中，微微地辣，味道偏甜，用黎配薄餅一流！軟殼蟹本身都幾夠鮮甜，外面炸到脆脆地，再加上咖哩嘅濃郁味道，一齊食就更加完美。✨豬頸肉沙律豬頸肉烤得金黃，帶有微微既焦香，入口香味幾好，肉質好滑，脂肪分佈均勻，口感有啲軟滑但唔會特別膩，點埋佢地既醬汁，更加開胃。而沙律方面，青木瓜絲酸酸甜甜，加埋啲青瓜、蕃茄仔，口感好豐富。呢款沙律唔會太辣，適合唔太可以食辣既人食，又唔會太重口，整體上都好平衡、開胃。✨芒果乳酪芒果乳酪既賣相好好，有唔少芒果粒就係杯入面。味道方面，感覺酸酸甜甜，乳酪味唔會過重，一飲落口就慢慢咀嚼啲芒果粒，真係實在又甜又香，十分搭配。啲芒果粒都幾新鮮，口感好新鮮爽甜。…查看更多

一行五人閒日去試下呢間有少少海景既泰式餐廳，18：30 唔使等位可即時入座。出面落雨，海唔海景位都無咩所謂，入座時店員安排左我地坐圓卡位，食野傾計都方便唔知係頭段時間少客定限時用餐1.5hrs既關係，食物極快上菜，好快就擺滿哂成檯食物賣相靚，味道不過不失，特飲選擇多又靚，6人套餐份量夠8人食！好多時打卡餐廳好睇就唔好食，但呢間食物味道算比預期好。值得一讚店員Eric，有禮貌有歡容（無錯！歡容呢家野戴左口罩都睇得出既！）賣相靚，包得幾結實，唔會好鬆散，味道正常個粉紅色醬好靚，普通炸野一碟，比碟沙律或者前菜我仲好，單點唔會叫無錯！又係軟殼蟹！咖哩味雖然唔夠香濃，但勝在比足兩隻軟殼蟹，算有盛意既足料夠濃味，有個火warm住夠哂熱個扒煎得幾好，龍蝦爽彈，就咁睇相你估都估唔到我係食緊泰國菜？味道ok，魚係滑既，可惜有泥味賣相雖有啲雜亂，但出奇地幾好味甜品味道不錯套餐抵食，唔使諗咁多…查看更多

今天我和次子去了海港城血拼，行咁上下，就去左NARA THAI 享用晚膳。海港城的NARA THAI 又分LADY NARA 和NARA THAI，我們鍾情鄉下🇹🇭, 二話不說就入左NARA THAI🇹🇭雖然NARA THAI 是泰國🇹🇭過江龍，不過入鄉隨俗，經過調整後，味道好岩香港人食泰菜口味。店員安排我們坐在海景位旁邊，開心仔!一入座，就見到炸蝦片，後來發覺每桌都會有頭盤小食。炸蝦片香脆可口，好容易食唔停口!NARA THAI 上菜真係好快，落單無耐，就成桌都係送~而且全部都熱辣辣，好讚!黃咖喱軟殼蟹 + 印度薄餅估唔到呢個主菜是第一個上碟!不過呢個真是大驚喜，媽，是泰國風味!黃咖喱香配上炸得外脆內軟軟殼蟹，唔會覺得油，而且仲會不自覺把黃咖喱夾埋印度薄餅，我們的味蕾被這碟黃咖喱軟殼感動了!香脆芝麻豬頸肉配左一個開胃醬，味道似微酸辣的魚露，每啖芝麻香豬頸肉沾上開胃醬，食落清新得來又解油膩感，很值得一試!泰式炒金邊粉基本上我每次食泰國菜必點。金邊粉外觀已經好啱打卡，一大片蛋花包住剛剛炒起金邊粉，大大隻彈牙的蝦，煙韌金邊粉酸酸甜甜，而且好多配料，豆乾，芽菜，花生碎，滋味無窮!香蒜炒椰菜苗泰國菜綠色食物必點，惹味又健康。泰式脆春卷這個是素春卷，炸得到鬼死咁好食，入面有薯仔絲，紅蘿蔔絲，超足料!加埋佢個酸甜醬，喂呀，味蕾再次被感動!另外次子點了一杯泰式咖啡，有淡淡椰香，估唔到同咖啡都幾夾!NARA THAI 舒適優雅泰式裝潢配上大海景，空間充裕，食住泰國野真的彷彿真的去了泰國，超級CHILL。下次來海港城食飯，我們又多一個飯堂啦~…查看更多

泰國嘢係九龍城就食得多，係尖沙嘴食泰國嘢真係第一次🤣咁啱係dinner時段前到，所以唔使等乜濟就可以入座。兩個人食就嗌咗個前菜+咖喱+飲品+甜品（已經好夠食好飽）//芒果軟殼蟹米紙卷+鮮椰子沙冰//米紙卷💯💯💯甜嘅芒果配軟殼蟹食落好清新又有口感點嘅醬酸酸甜甜真係越食越開胃椰子沙冰飲落俾想像中refreshing，唔會越飲越膩.//黃咖哩軟殼蟹//食咖喱配白飯簡直一流！咖哩唔太辣，就算唔食辣嘅朋友都無問題成碟都好多軟殼蟹，有肉（唔會得炸漿😂）有6-7隻，食極都仲有咁🤣雖然浸係咖喱汁度，但食落口依然脆😆.//椰香奶黃流心湯丸//甜品是必須的！見到menu推薦就一於試下啦！一上菜就聞到好香椰香！奶皇流心唔錯，最正係椰汁入面嘅啖啖椰子肉🥰…查看更多

💝懶懶熊生日喎，講咗好耐好想食泰國菜，今日就揀咗海港城呢間《Nara Thai Cuisine》一償佢嘅生日願望啦。📌下午3:30‬嚟到，下午茶時分，唔算太多人，一嚟就有窗口望海景位，📌大路嘅泰國菜，小食、沙律、咖喱、炒飯、炒粉都有，價錢都相當平民，以海港城仲要望海嘅呢個價錢就非常吸引喇！📌一坐低，店員就會送上餐前小食，蝦片一兜，重蝦味又幾脆口，唔似係包裝蝦片hea你，懶懶熊都急不及待即刻拎黎食。香脆蝦餅$58（3件）📌懶懶熊好鍾意食蝦餅，望到呢款蝦餅真係心心眼😍，脹卜卜好大一件。外面嘅炸粉唔厚，入邊嘅蝦肉都幾彈牙，厚厚地一件咬落去啖啖肉，再點埋跟上嘅甜酸汁，好惹味嘅一款小食。黃咖喱軟殼蟹$188📌懶懶熊好鍾意食蟹，又想試吓咖喱，又好驚要拆蟹肉，黃咖喱軟殼蟹就啱哂佢喇。好大一碟，軟殼蟹都有五、六舊，浸係一堆黃咖喱當中，炸到鬆脆嘅軟殼蟹，再點一點黃咖喱非常滋味，不過黃咖喱嘅質感就比較特別，感覺上比較固體形狀，好似一pat奶油咁，如果稀身啲變成黃咖喱汁會比較好味啲。菠蘿肉鬆海鮮炒飯$118📌就咁食啲小食餸菜又點夠大食懶懶熊飽㗎？懶懶熊見到呢個菠蘿炒飯好似好吸引，所以主食就揀佢。一大個菠蘿🍍裝住炒飯，賣相幾唔錯。不過呢個炒飯就比較遜色啦。首先，炒飯配料唔係好多，得面頭嘅一隻霉霉地的蝦同側邊一啲肉鬆同幾粒腰果，好辛苦先搵到一兩粒蝦肉仔🦐，另外炒飯炒得唔香又好鬆散，無乜味，飯桶懶懶熊食咗一半都食唔落，最後要靠蝦餅啲甜酸汁先可以食到幾啖，熊妹就刮左側邊啲菠蘿肉食。鮮芒果沙冰$48📌嗱！懶懶熊想試吓芒果沙冰好耐，鍾意芒果嘅酸甜，又鍾意沙冰嘅凍凍。沙冰味道就正常，都預咗係有啲芒果🥭嘅假甜，冰涼嘅感覺啱晒懶懶熊。泰式奶茶$38📌熊妹就鍾情奶茶，當然就要試吓泰式風味嘅奶茶啦。因為用上煉奶🍼沖起，味道比較偏甜，奶味茶味唔係好重，呢個就係泰式奶茶嘅特色。:)📌望住海景悠閒地渡過左一個生日下午，食景就無敵，食物就爭啲，希望懶懶熊收貨啦。📌生日快樂！🎁…查看更多

🇭🇰Nara Thai Cuisine·我地其實本身係想食Lady Nara既 我地打去book位既時候 佢問我地想食西餐定泰國野 我朋友仔以為冬蔭公意粉個D都算係泰國野 就話左食泰國野 點知佢地係兩間餐廳LOL😂😂佢呢度環境唔錯既 暗暗地 又有大海景 好適合傾計😌·黃咖哩軟殼蟹$188 l 印度薄餅$28佢呢度價錢以海港城黎講又唔算話超貴既 食物質素就正正常常啦 不過佢擺盤係真係每樣野都好精緻既🥰佢呢個一上台真係香到爆炸 佢入面都幾多軟殼蟹 不過就偏油少少 而且佢好似落得太多雞蛋咁 所以個蛋味有啲蓋過左個咖哩味咁🤔🤔·泰式小食拼盤$168 l 泰式椰子蜆煲$188l 濕炒豬肉河粉$88我哋本身想試佢個東北小食拼盤㗎 但係嗰個賣晒 所以我哋就嗌咗呢個正常既小食拼盤 佢個雞翼整得幾好食 外皮好脆 個長春卷口感都幾好 其他就正常水準啦😌😌之後佢個蜆煲好香椰子味 啲蜆都甜嘅 但係就有少少煮過咗龍咁 有啲啲un🙊最後佢個濕炒河粉超大兜 大兜到嚇親我地 佢個河粉質地唔錯 好入味 但係個汁就偏鹹左少少🤭🤭·芒果糯米飯伴椰奶$68其實我哋食完已經好飽 但係因為我哋有朋友仔生日 所以都嗌左呢一個甜品同佢慶祝🥳佢呢一個都整得幾好食 嗰啲芒果超甜 而且個糯米飯椰奶比例啱啱好 不過佢呢度勁搞笑 佢剩係得生日牌 冇蠟燭既 所以支蠟燭係我哋自備既🤣🤣🤣…查看更多