影片
更多
2021-07-14
3579 瀏覽
💝懶懶熊生日喎，講咗好耐好想食泰國菜，今日就揀咗海港城呢間《Nara Thai Cuisine》一償佢嘅生日願望啦。📌下午3:30嚟到，下午茶時分，唔算太多人，一嚟就有窗口望海景位，📌大路嘅泰國菜，小食、沙律、咖喱、炒飯、炒粉都有，價錢都相當平民，以海港城仲要望海嘅呢個價錢就非常吸引喇！📌一坐低，店員就會送上餐前小食，蝦片一兜，重蝦味又幾脆口，唔似係包裝蝦片hea你，懶懶熊都急不及待即刻拎黎食。香脆蝦餅$58（3件）📌懶懶熊好鍾意食蝦餅，望到呢款蝦餅真係心心眼😍，脹卜卜好大一件。外面嘅炸粉唔厚，入邊嘅蝦肉都幾彈牙，厚厚地一件咬落去啖啖肉，再點埋跟上嘅甜酸汁，好惹味嘅一款小食。黃咖喱軟殼蟹$188📌懶懶熊好鍾意食蟹，又想試吓咖喱，又好驚要拆蟹肉，黃咖喱軟殼蟹就啱哂佢喇。好大一碟，軟殼蟹都有五、六舊，浸係一堆黃咖喱當中，炸到鬆脆嘅軟殼蟹，再點一點黃咖喱非常滋味，不過黃咖喱嘅質感就比較特別，感覺上比較固體形狀，好似一pat奶油咁，如果稀身啲變成黃咖喱汁會比較好味啲。菠蘿肉鬆海鮮炒飯$118📌就咁食啲小食餸菜又點夠大食懶懶熊飽㗎？懶懶熊見到呢個菠蘿炒飯好似好吸引，所以主食就揀佢。一大個菠蘿🍍
💝懶懶熊生日喎，講咗好耐好想食泰國菜，今日就揀咗海港城呢間《Nara Thai Cuisine》一償佢嘅生日願望啦。
📌下午3:30嚟到，下午茶時分，唔算太多人，一嚟就有窗口望海景位，
📌大路嘅泰國菜，小食、沙律、咖喱、炒飯、炒粉都有，價錢都相當平民，以海港城仲要望海嘅呢個價錢就非常吸引喇！
蝦片
53 瀏覽
0 讚好
0 留言
香脆蝦餅
$58
34 瀏覽
0 讚好
0 留言
📌懶懶熊好鍾意食蝦餅，望到呢款蝦餅真係心心眼😍，脹卜卜好大一件。
外面嘅炸粉唔厚，入邊嘅蝦肉都幾彈牙，厚厚地一件咬落去啖啖肉，再點埋跟上嘅甜酸汁，好惹味嘅一款小食。
黃咖哩軟殼蟹
$188
31 瀏覽
0 讚好
0 留言
📌懶懶熊好鍾意食蟹，又想試吓咖喱，又好驚要拆蟹肉，黃咖喱軟殼蟹就啱哂佢喇。
好大一碟，軟殼蟹都有五、六舊，浸係一堆黃咖喱當中，炸到鬆脆嘅軟殼蟹，再點一點黃咖喱非常滋味，不過黃咖喱嘅質感就比較特別，感覺上比較固體形狀，好似一pat奶油咁，如果稀身啲變成黃咖喱汁會比較好味啲。
菠蘿肉鬆海鮮炒飯
$118
33 瀏覽
0 讚好
0 留言
📌就咁食啲小食餸菜又點夠大食懶懶熊飽㗎？懶懶熊見到呢個菠蘿炒飯好似好吸引，所以主食就揀佢。
一大個菠蘿🍍裝住炒飯，賣相幾唔錯。不過呢個炒飯就比較遜色啦。首先，炒飯配料唔係好多，得面頭嘅一隻霉霉地的蝦同側邊一啲肉鬆同幾粒腰果，好辛苦先搵到一兩粒蝦肉仔🦐，另外炒飯炒得唔香又好鬆散，無乜味，飯桶懶懶熊食咗一半都食唔落，最後要靠蝦餅啲甜酸汁先可以食到幾啖，熊妹就刮左側邊啲菠蘿肉食。
泰式奶茶，鮮芒果沙冰
15 瀏覽
0 讚好
0 留言
📌嗱！懶懶熊想試吓芒果沙冰好耐，鍾意芒果嘅酸甜，又鍾意沙冰嘅凍凍。
沙冰味道就正常，都預咗係有啲芒果🥭嘅假甜，冰涼嘅感覺啱晒懶懶熊。
泰式奶茶$38
📌熊妹就鍾情奶茶，當然就要試吓泰式風味嘅奶茶啦。
因為用上煉奶🍼沖起，味道比較偏甜，奶味茶味唔係好重，呢個就係泰式奶茶嘅特色。
📌望住海景悠閒地渡過左一個生日下午，食景就無敵，食物就爭啲，希望懶懶熊收貨啦。
📌生日快樂！🎁
張貼
