影片
更多
2023-06-09
1904 瀏覽
我一向都好中意食泰國野，今次黎試下由泰國曼谷開到黎尖沙咀既Nara Thai Cuisine，品嘗傳統風味既泰國菜。呢到既裝修風格同一般既泰菜餐廳好唔同，主色係粉紅粉綠設計，好有少女心。我地坐既位置近窗邊，有小窗口可以睇到海景，氣氛相當唔錯！✨炸魚餅炸魚餅超級大件，一入口有好香嘅魚肉味，加上檸檬葉、豆角同泰國香料，味道非常香猛。而外表炸得好靚既金黃色，配上酸甜的泰式醬汁一齊食，真係又酸又辣又甜，真係搭配得好好！✨黃咖哩軟殼蟹上碟嘅時候，味道就已經好香。熱氣騰騰嘅軟殼蟹放淋滿左咖哩汁。食落去一啖，嗰啲充滿椰香既咖哩汁就即刻灌進口中，微微地辣，味道偏甜，用黎配薄餅一流！軟殼蟹本身都幾夠鮮甜，外面炸到脆脆地，再加上咖哩嘅濃郁味道，一齊食就更加完美。✨豬頸肉沙律豬頸肉烤得金黃，帶有微微既焦香，入口香味幾好，肉質好滑，脂肪分佈均勻，口感有啲軟滑但唔會特別膩，點埋佢地既醬汁，更加開胃。而沙律方面，青木瓜絲酸酸甜甜，加埋啲青瓜、蕃茄仔，口感好豐富。呢款沙律唔會太辣，適合唔太可以食辣既人食，又唔會太重口，整體上都好平衡、開胃。✨芒果乳酪芒果乳酪既賣相好好，有唔少芒果粒就係杯入面。味道方面，感覺酸酸甜甜
我一向都好中意食泰國野，今次黎試下由泰國曼谷開到黎尖沙咀既Nara Thai Cuisine，品嘗傳統風味既泰國菜。
呢到既裝修風格同一般既泰菜餐廳好唔同，主色係粉紅粉綠設計，好有少女心。我地坐既位置近窗邊，有小窗口可以睇到海景，氣氛相當唔錯！
✨炸魚餅
炸魚餅超級大件，一入口有好香嘅魚肉味，加上檸檬葉、豆角同泰國香料，味道非常香猛。而外表炸得好靚既金黃色，配上酸甜的泰式醬汁一齊食，真係又酸又辣又甜，真係搭配得好好！
✨黃咖哩軟殼蟹
上碟嘅時候，味道就已經好香。熱氣騰騰嘅軟殼蟹放淋滿左咖哩汁。食落去一啖，嗰啲充滿椰香既咖哩汁就即刻灌進口中，微微地辣，味道偏甜，用黎配薄餅一流！軟殼蟹本身都幾夠鮮甜，外面炸到脆脆地，再加上咖哩嘅濃郁味道，一齊食就更加完美。
✨豬頸肉沙律
豬頸肉烤得金黃，帶有微微既焦香，入口香味幾好，肉質好滑，脂肪分佈均勻，口感有啲軟滑但唔會特別膩，點埋佢地既醬汁，更加開胃。而沙律方面，青木瓜絲酸酸甜甜，加埋啲青瓜、蕃茄仔，口感好豐富。呢款沙律唔會太辣，適合唔太可以食辣既人食，又唔會太重口，整體上都好平衡、開胃。
✨芒果乳酪
芒果乳酪既賣相好好，有唔少芒果粒就係杯入面。味道方面，感覺酸酸甜甜，乳酪味唔會過重，一飲落口就慢慢咀嚼啲芒果粒，真係實在又甜又香，十分搭配。啲芒果粒都幾新鮮，口感好新鮮爽甜。
黃咖哩軟殼蟹
37 瀏覽
0 讚好
0 留言
豬頸肉沙律
29 瀏覽
0 讚好
0 留言
炸魚餅
20 瀏覽
0 讚好
0 留言
張貼
