麵粉粿湯

💚A.T.A.S💚環境同setting 其實有模仿到新加坡嘅飲食文化，都係自己叫完，自己拎去張枱到食，呢點欣賞。▫️麵粉粿湯 $78第一次食麵粉粿（表示喺新加坡都冇見過😂），麵質偏軟，小編厭麵質太腍😉 但佢嘅湯味道好香，有驚喜。其他配料正正常常。▫️辣椒板麵 $88麵質又係軟，有啲失望。唔食得辣嘅朋友要注意，呢個板麵都幾辣下，不過就真喺得個辣字，唔夠香。▫️辣椒螃蟹醬配炸饅頭 $98呢個成件事好新加坡😂 因為喺新加坡最興叫隻蟹，再叫饅頭點汁食。饅頭炸到好脆，香口。但可惜個醬基本上得個辣字，冇其他味，蟹肉味都唔出，但見到有唔少螃蟹肉。性價比低。▫️咖椰爆漿配牛油花生醬煉奶榛子醬 $68呢個直情喺唔好食。好後悔冇叫就普通嘅咖椰多士。呢款多士就好似食緊花生醬咁🤧所有味都俾濃烈嘅花生醬味掩蓋咗，榛子，咖央同煉奶味都完全消失晒。同埋因為醬太多，會食到有啲辛苦，因為痴哂牙😂 多士都幾甜吓，同埋好膩，最好多啲人share。▫️斑斕意米水 $28意米水喺新加坡喺最常見，亦喺最常嗌嘅飲品。不過呢個意米水就再加埋班爛味，飲落喺有少少少斑斕味嘅，都幾特別。呢間餐廳嘅野食份量都偏大，建議多啲人share🙆🏻‍♀️…查看更多

見到銅鑼灣有間新加坡餐廳都開左一段時間，趁平日lunch time去望下😬踏上一條白色樓梯連接至樓上的舖面，餐廳座位空曠，以自助形式運作💁🏻‍♀️🔆麵粉粿湯$𝟟𝟠 見呢個幾有特色就試下，好古早味feel😳麵粉粿好似一塊塊雲吞皮，因為好厚無咩味道淨係好麵粉🤔湯底裡有炸魚仔😍炸蒜同蔥，飲落魚仔味幾突出👍🏼其他配料包括豬肉丸、滷冬菇、蛋同菜心，整體好健康有菜有肉😹🔆咖椰多士$𝟙𝟘 午市套餐加份小食10蚊都幾抵👍🏼一層牛油一層咖央醬😍如果再搽厚少少就好🤣🔆麻糍-椰子$𝟙𝟘 可以揀花生/芝麻/椰子😬有啲似糖不甩，但出面係椰絲🥥而且質感會比較軟同無咁煙韌🤏🏼份量都幾多粒🐰餐廳裝修同設計簡潔時尚，感覺舒適，好似cafe咁😌食物有特色而且價錢合理，第一次食麵粉粿😝有興趣試下其他未食過嘅新加坡菜式…查看更多

嚟到銅鑼灣 食肆林立 緊係想搵啲特別菜式食所以今日去左A.T.A.S 試下新加坡菜嘅過江龍我就叫咗辣椒板麵 ($88)板麵拌上參巴醬辣椒醬 加上脆江魚仔滿滿嘅配料添上鮮味 營造出多層次的口感香味俱全 食落去唔算太辣而麵面略粗 能夠沾上大量醬汁 味道唔錯👍🏻而MY BOSS 就要麵粉粿湯 ($78)同頭先碗板麵唔同嘅地方就係麵條方面前者係一條條 但呢碗就係一個個質地比較煙靭 送湯食就會比較好味😆除此之外 我當然要試下佢嘅炸黃姜雞中翼 ($$48)香脆 惹味唔熱氣 我覺得好好食😂最後當然唔少得兩杯特別飲品包括大人細路仔都岩嘅美祿爆炸($58)同埋用嚟打卡嘅玫瑰露恐龍 ($48)-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂…查看更多

銅鑼灣區有唔少東南亞餐廳，特別係印尼食店，但佢哋環境普遍都麻麻哋🙈。不過最近喺邊寧頓街嗰邊(即前身係咖啡弄)，就開咗間食新加坡菜嘅Cafe「A.T.A.S」，齋睇門面會以為佢係食全日早餐嗰種文青店。餐廳門口喺地下，要行上一樓先係正式用餐區。呢度環境非常舒適👍，空間感十足，簡約嘅裝修不失氣派。如果想同朋友靜靜哋傾計食吓嘢，小店絕對係一個好選擇。我無去過新加坡🇸🇬，所以其實唔知有乜係地道菜式。不過店員們好友善，主動向我哋作介紹，我估計其中更有成員係來自新加坡。麵粉粿湯Original Mee Hoon Kuch Soup($78)，店員建議我哋要試吓麵粉粿，呢樣係當地嘅特色菜。🍜麵粉粿係一塊塊，形狀同厚薄不一，食落幾有質感，同台灣嘅麵疙瘩好相似，甚或係同一樣嘢。同時，佢亦係西式Gnocchi嘅朋友，換句話講大家都有著類同嘅口感，幾得意☺️。湯底味道幾清，而餸料則有豬肉丸、炸江魚仔、滷冬菇、蛋、菜心、炸蒜同蔥等，相當豐富。辣椒板麵Chilli Ban Mian($88)，呢碗係撈麵嚟🍜，餸料上大致同麵粉粿差唔多。雖然兩碗同樣有溫泉蛋，不過篤穿啲蛋汁伴麵食感覺更匹配。板麵似齊口版嘅刀削麵，但口感偏淋身。唔好睇碗麵個樣咁深色，會以為佢好辣或好重口味，但其實都OK㗎。不過當你直接觸碰叁巴辣椒醬就係另一回事🌶，佢嘅辣度幾強烈，幸好亦不乏鹹魚仔香。炸黃姜雞中翼($48)，餐牌寫一客雞翼有四隻，但出到嚟有五隻感覺好似賺咗😝。雞翼賣相無乜特別，但味道就超有驚喜。雞翼外皮炸至金黃香脆，而雞肉就保持嫩滑。雞翼用上黃姜調味，每啖食都覺得非常惹味，正啊，而且更重要嘅係我冇喺其他地方食過，高度推介🍗。飲品方面，我哋要咗美祿爆炸($58)同埋班蘭薏米水($28)，前者係加強版嘅美祿恐龍🦖，佢除咗有美祿粉外，仲有美祿波波同Oreo，好澎湃！佢咁大杯，飲完都飽咗一半。另一邊廂，薏米水清清哋都唔錯，但如果斑蘭味濃啲會更正🌿。題外話，餐廳採用半自助模式🥢，並設有一個區域擺放餐具，衛生情況良好。總括嚟講，呢間小店幾特別，無論菜式選擇抑或環境設計都別具風味，有邊個諗過外表咁休閒嘅Cafe原來係食星加坡菜呢☕️？餐廳名字係A Taste Above Shiok嘅縮寫，原來Shiok一詞係星加坡英文(Singapore English)，意思為非常好味😋，長知識了，哈哈。…查看更多

見到好多朋友都去咗銅鑼灣依間新開嘅新加坡風味料理，啲相實在太吸引喇，攪到我都忍唔住要去會一會佢。餐廳運作模式有點似快餐文化，需要自己搵位，櫃面落餐、拎餐，同交餐托盤。環境唔錯，地方寬敞同好乾淨。麵粉粿湯除咗手打嘅麵粉粿，仲有豬肉丸、炸江魚仔、滷冬菇、流心蛋。 份量都多都豐富。 湯底非常鮮甜。豬肉丸當然唔係凍肉鋪買返去打邊爐果隻啦，而真係豬肉㧻嘅肉丸，真真實實嘅豬肉嚟。客家釀豆腐依個超豐富，有釀豆腐、茄子、紅尖椒、綠尖椒、苦瓜、白蘿蔔。 每一件煎釀都好大件，而唔同平時食嘅煎釀三寶，釀入嘅係豬肉，雖然無釀魚肉咁彈牙，味道絕對無比下去。依款可自選麵食，我就要咗乾麵，所以跟埋一碗好鮮味嘅湯。玫瑰露惡龍玫瑰味好突出，而頂頭嘅美綠粉，濕咗後可以慢慢一啖啖咁食。邪惡得嚟好正。班蘭奶茶奶茶香滑，配合清淡嘅班蘭香味。…查看更多

只要保持住赤子之心，凡事以最純樸既視角去觀察，往往你會發現人生唔係得一條路，就連新加坡菜都唔止得一間啦，銅鑼灣新開既「A.T.A.S」，食過你就知道…塵世終於都有天安好！👇📌N O O D L E S - ▪ Laksa · Yong Tao Foo - $98 ▪ Original · Mee Hoon Kueh Soup - $78▫ 新加坡菜必定食地道「麵粉粿湯」，先飲個湯底，入口甘鮮帶甜，佢個麵粉粿都係手工製成，特別有咬口；加上配菜有豬肉丸、炸江魚仔、滷冬菇、流心蛋、菜心、炸蒜同埋蔥，整體份量十足，夠哂誠意；另一款麵食亦可以一試「喇沙釀豆腐」佢個喇沙用左釀茄子、釀豆腐同埋秋葵做配料，湯底帶少少辣勁，兩種唔同既米粉吸收哂湯汁，麵條食落爽彈又入味，唔錯；另一亮點就係佢個釀豆腐係用左豬肉同埋魚肉混合，特夠惹味。📌S N A C K S - ▪ Stuffed Tau Pok · Laska Sauce - $48▪ Chilli Crab Sauce · Fried Mantou - $98▫ 如果意猶未盡可以係小食嗌返個「炸豆卜·喇沙醬」，佢個豆卜炸得外脆內軟，咬落啖啖爽彈，配埋個喇沙醬，幾開胃；而「辣椒蟹肉醬·炸饅頭」每個饅頭賣相都金黃香脆，點埋個秘製辣椒蟹肉醬，好秘煉奶有過之而無不及既境界，好食！📌D R I N K S -▪ Milo · Explosion - $58▪ Pandan · Milk Tea - $38▫ 新加坡菜特飲一定走唔甩呢兩杯，前者「美祿·爆炸」美祿粉堆滿哂面頭，加埋粒粒美祿球，每種口感配搭埋一齊，口感豐富之餘又夠香甜奶滑，好飲；「班蘭·奶茶」甜而不膩，入口幼滑得黎仲有種班蘭既甘香，幾特別。…查看更多

被困在香港差不多兩年，最懷念就是新加坡的美食，回家時在車站附近發現一家新開的新加坡餐廳，決定一試裝修設計清新簡約，地方偌大，座位舒適先到收銀處點餐，食物準備好會收到傳呼機通知取餐麵粉粿湯有豬肉丸、炸江魚仔、滷冬菇、蛋、菜心、炸蒜及蔥！麵粉粿有咬勁，料好湯實在辣椒板麵的配料基本相同，再以參巴醬辣椒醬拌板麵！麵條口感有彈性，沾附了蛋汁、辣椒醬和肉碎，滋味豐富炸黃姜雞中翼外皮酥脆，肉質鮮嫩多汁美祿爆炸以經典的麥芽朱古力味為基調，再於飲品面層加上濃郁香甜的美祿可可球，令層次再度昇華斑蘭薏米水清甜潤滑可口，是消暑去濕的良飲…查看更多