藍色門面及圓形大窗在人流不多的街道上格外顯眼，此次目標是想找間可以坐耐一點的cafe 🔆西西里蕃茄乾意粉$𝟠𝟝 清爽不膩，但又唔會太乾身。充滿香濃的蕃茄乾🍅紅噹噹的色澤能增強食慾，另外亦添加了蘑菇片、洋蔥無咁單調 🔆蜜糖檸檬雞翼$𝟝𝟠 呢個組合實在太吸引😍檸檬汁按自己喜好擠多少🍋小碟中的蜜糖亦恨不得用來沾滿整隻雞翼🍯5隻雞翼全部都大隻，香甜帶酸好得人鍾意🫶🏻 🔆蘋果肉桂窩夫$𝟠𝟚 無叫到後上，所以吃的時候已放涼。窩夫質感無平時cafe食開咁挺身，似放涼了的格仔餅咁軟🧇肉桂味道聞起來很香，蘋果數量也足夠，但整體較普通 🔆Matcha latte +$𝟛𝟠 🐰食物中規中矩，但完全滿足到我想找個地方坐耐少少的目標。當時大概黃昏客人不多，坐了兩小時沒有被驅趕，同場都有伯伯姨姨點杯酒在看書，超寫意😆

有分室外內座位，在openrice算很容易就能訂到位。當日是假期下午去，人流不多。小食及main的選擇幾特別又吸引，唔係間間cafe都食到 🔆醉烤三黃雞$𝟙𝟟𝟠 店內招牌菜式，用酒浸過夜的三黃雞🍗外皮烤得金黃有油光，飄出陣陣花雕酒香🤩雞身非常入味，而且飽滿多肉，溢出的雞油放在旁邊，但就咁食已經夠哂味😆不設斬雞服務，但有提供手套方便食用，雞骨軟身，很容易就能撕開 🔆大蝦海膽醬意粉$𝟙𝟜𝟠 醬汁真的充滿鮮甜的海膽味，不算十分濃杰所以吃完也不膩。配已去殼虎蝦仁🦐新鮮爽彈 🔆法式多士$𝟝𝟠 用牛奶及雞蛋浸泡過的多士經慢煎，外層脆身、內裡柔軟濕潤。外面撒上糖，吃起來口感鮮明又香甜 🔆朱古力奶泡$𝟜𝟠 就為了粒棉花糖叫😌可以叫少甜，適合關注糖份攝取人士，不過我下次都係想做番螞蟻人🤣 🐰食物質素幾好，三黃雞真係必食😍好推介大家去

以森林為題的cafe，木系裝飾加上綠油油的植物，有置身叢林的感覺，仲有陪食公仔非常可愛 🔆Dinner set for two $𝟞𝟠𝟠 ▫️白酒忌廉煮藍青口 雖然青口較細小，但有12隻咁多👏🏼不太感受到白酒存在，但個醬汁味道都可以 ▫️慢落豬 三大串西班牙黑毛豬串燒，搽了冰花酸梅醬所以看起來很有光澤，酸酸甜甜。可惜結實的串燒有點膩感，另外肉有少少騷不太合我口味👉🏻👈🏻不過香脆甜蕃薯條就幾好食😌 ▫️黑松露野菌扁意粉 就咁睇可能唔覺，但夾開意粉其實份量係非常之多，成隻碟卷滿左🫣黑松露忌廉醬汁好好地掛在麵條上，聞落食落都幾香，穩陣嘅選擇 ▫️西西里的檸檬向日葵 好有藝術感嘅表達🎨是一個加了檸檬甜酒的雪糕球，類似雪葩的口感，相當清新 呢個set份量真係好多，足夠我地三人食到飽仲要打包。不過由於餐廳設最低消費($100/pp)，而set係for二人，所以要叫多一款食物 🔆水牛芝士焗菠菜大啡菇$𝟡𝟠 軟身的水牛芝士完全地覆蓋住菇，有彈性會拉絲🧀大啡菇超多汁，一切就流滿碟，而且熱辣辣上枱更添滋味🤩 🔆伯爵茶拿鐵$𝟝𝟚 Set本身有兩杯$58以下的飲品☕️伯爵茶味香濃，但甜左啲啲 🐰食物份量真係好多好足料，店員服務周到又積極，見到我地用完隻碟食有醬汁嘅食物會主動更換🙌🏼

ohm由樂隊Kolor主理，以「朝啡晚酒」模式經營，日間要精神; 夜晚要放鬆🍸裝修主要走水泥風，亦注入了cyber punk元素🪐二樓可供預訂作party room或包場，但有設最低消費。餐廳係pet friendly🐶歡迎主人攜同毛孩黎outdoor位置或預約二樓空間 🔆冬蔭功海蝦扁意粉$𝟙𝟚𝟠 好有泰式風味的意粉🍝冬蔭功味好濃，是偏酸多於辣，既開胃又惹味😜仲可以自己再擠啲青檸汁增添層次🍋除了數隻爽彈大蝦，仲有草菇同蕃茄仔做配料，完全不會單調 🔆磯燒鮑魚黑松露扁意粉$𝟙𝟛𝟠 此為weekly special，每星期都會轉～相比起平日食開的黑松露意粉，呢個無咁多cream所以不會太膩，但同時又散發出香濃黑松露味💕鮑魚都幾大隻，肉質鮮嫩易咬，而且醬油超入味! 🔆青檸芥辣炸一口雞卷$𝟞𝟠 多款小食都好吸引，唔係出面常見🫶🏻呢個一口雞卷肉質紮實，雞肉味濃🐔青檸芥末感覺清新開胃，而且也不會嗆喉 🔆唔係章魚燒賣$𝟝𝟠 鍾意章魚燒調味的話可以試下呢款小食，估唔到日式燒汁、沙律醬、紫菜加落炸燒賣都幾夾喎🤣 🔆意大利黑醋醬煎卡津牛脷$𝟠𝟠 呢款小食都好出色!牛脷外層經煎封呈脆身，但中心卻仍是軟嫩，對比分明。黑醋醬不搶風頭，只輕輕減低膩感，配合得宜 🔆黑芝麻芝士蛋糕$𝟝𝟠 最後叫埋個新出的甜品🍰芝士蛋糕滑溜，放入口容易壓開，有少少呈糊狀，加上濃郁的黑芝麻味，真係似食緊芝麻糊咁🖤 🔆Guava punch$𝟙𝟘𝟠 佢地嘅signature cocktail按酒精濃度排，女仔可以好似我咁揀款濃度低啲嘅甜酒🍸用白提子、檸檬及石榴調製，是甜甜的提子汁，好容易飲 🔆楊枝甘露$𝟙𝟚𝟠 另外仲有幾款dessert cocktail，用不同酒做基底，再用埋該款甜品嘅材料調成。呢杯以Bacardi Carta Blanca做base，底下有芒果及西柚泥🥭帶厚重椰奶香，真係好似飲緊楊枝甘露 🔆豆腐花$𝟙𝟚𝟠 唔好睇佢只係一碗豆腐花，其實內含多重層次!以Vodka做base，加左椰子水，仲品嚐到淡淡薑味😳旁邊有一小杯黃糖，可按自己喜愛的甜度添加 🐰這裡的食物跟調酒質素都很好，而且創意十足很有獨特性🥰另外，餐廳致力推動本地音樂，會與其他樂隊嘗試不同合作，更開設YouTube channel分享不定期進行的live show🎶佢地對本地音樂嘅付出亦是絕對值得大家支持🫶🏻

有晚突然想食肉，諗起旺角呢間紫色門面的扒房，walk-in去好彩有枱，但都幾多人，book枱較穩陣😬晚餐選擇有飯/意粉、生酮主菜及鐵板。我地揀左兩款鐵板牛，醬汁可選黑椒、蒜蓉、洋蔥或紅酒 🔆特選肉眼扒$𝟙𝟟𝟠 店員會在上菜時提供餐巾擋住，然後幫忙倒醬汁。肉眼厚身質地軟嫩多汁，摻雜脂肪，自己最鍾意5成熟，肉質剛好又不會血淋淋 🔆熱溶芝士柳西蘭牛柳$𝟙𝟡𝟠 牛柳相比起來牛味較濃，肉質就較結實無肥膏，不過都唔會韌。呢個係惟一配熱溶芝士嘅餐，其他鐵板餐要加$18先有，食到最後有點滯，特別係份牛柳本來份量都好多了。芝士以外都會再配多一種醬汁，但就唔會倒落去 🐰佢地嘅鐵板份量多絕對係無庸置疑，兩份餐比較，我還是比較喜歡腍一點的肉眼😆 加$𝟚𝟝轉套餐有餐包、湯及雪糕做甜品，非常滿足

Cafe的門牌只寫了一個S，行過左都唔知🤣店內枱與枱之間距離近，二人枱會比較細張，未必坐得好舒服 🔆蘑菇熔岩$𝟠𝟡 超多大大粒的蘑菇，結實有口感🤤菇控必食🍄熔岩芝士醬可以用黎沾菇同多士，但放涼一陣已顯稠身 🔆忌廉燒汁牛肉意粉$𝟡𝟠 自家製的醬汁，味道甜甜地，唔會太膩。肥牛薄身質感軟嫩。又有好多火箭菜，好彩我係鍾意食😂 🔆大紅袍熔岩芝士蛋糕$𝟝𝟡 面頭焦香，中間軟滑芝士味濃，大紅袍茶韻飄香，如果大件啲就好了🥹 🔆Latte$𝟜𝟘 🐰食物選擇唔多，但質素ok，沒有大驚喜但是預期中的味道，可惜是環境真的比較狹窄

之前lunch已經到訪過登龍街呢間樓上西餐，水準令人滿意。今次黎食dinner，燈光氛圍感覺就較有情調，同時亦適合同朋友黎靜靜地傾偈食飯😋 sᴇᴛ ᴅɪɴɴᴇʀ ғᴏʀ ᴛᴡᴏ ▫️鮮蕃茄南瓜湯 超濃厚的蕃茄味🍅酸酸甜甜，仲有少少茄蓉 ▫️薄荷意大利火腿配哈密瓜 鹹香的parma ham加上鮮甜的哈密瓜，是不會錯的配搭，如果🍈多汁點就更好😝 ▫️煙三文魚腐皮餃 帶甜的腐皮裡鋪了藜麥，上面卷起煙三文魚花🌷鹹甜交替相得益彰，呢道前菜確實起到開胃作用😋 ▫️香煎比目魚配黃菊意大利飯(+$𝟝𝟘) 比目魚油份不高，感覺輕盈而魚肉亦軟嫩。意大利飯裡有黑椒和芝士，又香又creamy👍🏼我地食到飯粒中有少少菊花味🌼不過唔容易察覺🤣 ▫️法國慢煮鴨胸$𝟞𝟞𝟠 鴨胸上菜時已切好一片片，鴨味醇厚濃郁🤤肉質並不像平時食到的鴨胸咁油膩，而係紮實得來又不會有韌的感覺。旁邊的黑加侖子汁亦添加了一份清新，減低膩感 ▫️榛子朱古力蛋糕 好像金莎的味道😆cream、榛子醬、朱古力堅果脆和蛋糕層次分明，不算太甜，為整頓晚餐畫上完美句號😍 🐰整個dinner set的質素好高💕基本上沒有地方要挑剔，份量來說我們兩個女仔食完岩岩好，唔會過飽。當晚見到幾枱都係慶生，店員會幫忙製造驚喜，相當溫馨🥰

收藏了觀塘呢間台灣菜一段時間，終於在這個週六到訪，下午2點半到達竟然仲係全場爆滿😳小店主打各種台式便當，亦有小食及飲品提供

🔆香蔥紫菜牛肉飯$𝟝𝟟
好耐無食過牛肉飯了😍好貼心係可以揀多蔥/多紫菜，最緊要多牛汁🥹牛肉片數都幾多，而且醬汁好入味，洋蔥煮得軟腍🧅

🔆蜜汁紫菜排骨飯$𝟞𝟘
呢個都簡左多紫菜😋真係鋪滿哂全個飯，不過比起牛肉飯乾身少少🤏🏼排骨外皮咔咔聲炸得超酥脆，起左條骨食落方便，滲入少許蜜汁，感覺有點似叉燒🤣

🔆台北夜市小食拼盤$𝟛𝟞
拼盤包左三種小食😋台灣腸肉質比平時食果啲肥少少，加上切邊位有煎過，更為香口。鹽酥雞細細粒，食落唔會好鹹同熱氣。花枝丸彈牙，如多啲花枝粒增加口感就更好👏🏼

🔆熔岩蛋之戀$𝟛𝟡
其實就是芝士火腿蛋餅，很經典的配料。放了超多芝士，拉絲效果明顯🧀而蛋餅皮則屬於有厚度而煙韌果種。上面加左少少千島醬令味道更豐富

🔆黑糖鮮奶(中)$𝟚𝟠
揀左少冰少甜，所以飲落有黑糖香又唔會太甜，奶味比較突出

🔆古早紅茶(中)$𝟙𝟜
茶澀味不會很重，同時甜度亦適中

🐰整體性價比相當高，而且下午2點半後特飲做了半價，食物會按上面原價做9折，真是超值🤩

尖沙咀嘅呢間咖啡酒吧餐廳，係周圍都一片靜寂下，仍然有唔少食客光顧，可見質素好值得期待😻 🔆蟹肉龍蝦汁蛋餅$𝟙𝟙𝟠 即製即上熱辣辣的🔥如果想食生啲就要盡快舀起，避免愈烘愈熟😬相信無人想食老蛋😂所以我地都好快舀起哂✌🏼中間嘅蛋仍然滑嫩，清楚食到一絲絲蟹肉，底下有薯仔片🥔配合龍蝦汁同蕃茄都好夾，有豐富左味道👍🏼 🔆蟹肉班尼迪蛋·酥皮窩夫$𝟙𝟚𝟠 上層的egg benedict煮的剛好，但蛋味沒有很濃🍳中層嘅大量蟹肉就幾驚喜😳係其他地方食蟹肉通常都偏淡味，但呢個蟹味好突出，仲加左蒜蓉帶出鮮味😍下面的croffle因為浸左蛋黃而無咁酥脆，有點失色 🔆牛油果·蟹肉·蟹籽薯仔沙律$𝟙𝟙𝟠 超多的蟹肉同蟹籽😋薯仔無壓到綿密，保留左顆粒感💕平時唔食洋蔥但呢個沙律加左又幾香👍🏼 🔆Pista-chiiiii-o$𝟙𝟚𝟠 混合豆蔻氈酒、自家研磨的開心果奶及玄米茶而成。香料同酒的味道比較搶，令開心果味唔太突出。表面有一層焦糖化的蛋白泡，會聞到好香火炙味 🐰有樣野一定要讚，就係店員係我地就座後好熱心介紹menu同推介嘅食物比我地聽。食物質素都唔錯，但因為蛋餅黎錯左口味，令我地一直徘徊係蟹肉同薯仔之間🤣(三樣食物都有

週六下午到訪天后這間佔兩層的cafe，不過當日只係開放地下😗坐近門口位置，陽光偶爾會透過落地玻璃照射進來，感覺很放鬆舒適☀️當時只有我一枱客人，有點冷清 🔆Brioche French toast$𝟡𝟘 法式吐司吃起來滿滿蛋香，質感似結實蛋糕，表面有一層焦糖化的杏仁醬，還澆了少許蜂蜜，是有點飽腹感的甜點🍯旁邊是開心果打發成的cream，可以配合水果一起吃🍓🫐 🔆Hot Matcha latte$𝟞𝟘 甜度對我來說很剛好，飲落順滑 🐰環境很舒服，適合來工作溫習，但無陽光時感覺有點黑😂食物都是頗有心思的，但飲品定價少少貴😣