泰豊廔酒家

營業中

休息中

同屋企人食飯,9成都係食中餐,今次都唔例外,今次人唔算多,所以我地主要叫D份量少嘅食物為主.片皮鴨半隻👌🏽就咁睇佢好似烤過龍,D皮都黑黑地,但食落去D肉都唔會好乾,鴨肉味幾突出,但都係偏油同埋皮未夠脆,算係中規中矩的菜式賽螃蟹 小 😋😋😋蛋白好滑口感兼備,D芡做得好好,唔會"杰"到"畢"唔到,個醋加落去令成碟野味道更豐富,酸酸地好開胃,值得叫京燒羊肉 😐可能對佢有太高期望,結果換來一樣咁大的失望,佢羶味夠,但肥瘦分布唔平均,羊肉口感太韌,有D似食緊黑炭,大家都唔係太想KO佢蟹粉炒粉皮😋😋第一次食呢個配搭,其實唔係太睇到蟹粉響邊度,粉皮熱食原來都唔奇怪,粉皮仲好滑,加埋蟹粉鹹香都幾特別,不過依然油份偏多,同埋唔係個個都接受到囉~哈小籠包😋😋小籠包入面有超多湯👍🏻👍🏻 皮未算薄但因為裡面好多湯,所以唔會覺得好似食緊面粉咁,裡面D肉都好夠味,加上一籠有10隻,抵玩~~~酸辣湯 中👌🏽份量超多!呢碗野味道好正宗,而且拔絲蘋果😋😋😋😋😋個拔絲蘋果係我是日推介!佢外面係脆脆地入面係仲暖暖地㗎!!當然拔絲的話就一定甜到漏,所以每件呢個size一人一間唔好過量剛剛好,返到屋企都仲係好回味,哈哈高力豆沙

一波三折的晚餐，一開始去錯另外一間京菜「鹿XX」，超級尷尬🤪🤪🤪！最後還是返到呢間眾人好評的老店～環境：以尖沙嘴旅遊區來講，佢既裝修係相對傳統簡樸（老式），大大細細的圓檯鋪上粉紅色暗花檯巾，中間一個特製爐具，食北方火鍋用。可能外地旅客就係鍾意咁樣情懷🤔。整體環境OK乾淨企理，就是冷氣好似唔使俾錢咁，成個雪庫咁（有火鍋，要平衡番咁喔～）服務：伙記好像清一式中年或以上，唔好理，你講一次佢紙筆都唔使拎就記得，仲要無漏單（係我地自己覺得漏要check下😝）。見到佢地好多一腳踢，落單、上菜、執檯，勁快手，打仗咁，好有氣勢嚇親！🤣🤣🤣食物：最欣賞係有size之分，大、中、細都有，可以因番自己胃口同人數，唔好浪費！

尖沙咀嘅懷舊老字號泰豐廔，除左鋪頭令人有懷舊嘅感覺，仲有嘅就一定係佢地一班窩心的老員工喇，個個都老當益壯，好利害預早訂了枱，一去到就有位坐，員工好樂意推薦菜式俾我地，最後點了4-5人餐，6個人食都好夠食餐前小吃有2碟，花生及醃菜，香口醒胃， 朋友都不禁點左枝啤酒黎送花生賽螃蟹蛋煮得剛好，好滑，唔會太浠，配埋醋酸酸地，好味有口感蔥爆牛肉因有朋友唔食羊肉，員工好窩心咁提議轉做牛肉蔥爆牛肉好夠鑊氣，偏咸，送飯一流雞絲粉皮粉皮是比較粗身的，口感特別片皮鴨片皮鴨一出爐會在客人面前片，熱辣辣，醬汁正宗，好味高力豆沙個人覺得甜度是少甜，不錯，如豆沙再多一點便會更佳

今次係朋友既同事介紹，因為上次食過連鎖店酒家既填鴨有點失望，我地今次好期待呢間傳統既北京菜門口有點難搵，一唔覺意都走過左，樓梯上一層見到裝潢係好傳統既酒家。唔知係咪有d鐵板上既菜但抽風麻麻，未坐低已經聞到好大陣油煙味，所以環境有點扣分我地5個人就先直接點左個4-5位用填鴨餐$698炒四季豆偏油，反而望落平平無奇既菜肉水餃幾好味，而賽螃蟹都好有水準。不過最令人期待都係主角填鴨，當車仔推到隻鴨黎我地面前，真係好期待呢個填鴨係唔止皮，而且連埋唔少肉，包住食更加有肉汁同有口感，份量都唔少，大家都可以食到飽，略嫌俾你包鴨既皮好乾同厚，反而連鎖店食既皮係好軟熟，小敗筆最後既高力豆沙好好味，熱辣辣又唔會太甜，甜而不膩，朋友直頭話想encore，但已經飽了下次再有朋友想食片皮鴨都會推介佢黎

其中一間經常光顧的老店。有時想不到去那裏，腳就自然朝泰豐廔方向走。今晚與家人提前做冬，又可以食北京填鴨！因為遲到關係，所以由家人拍板，叫了一個 4-5人餐再加些散點的。* 三絲拌粉皮 ** 賽螃蟹 ** 干煸四季豆 *那些肉碎很香口，令人愛不惜手。* 北京填鴨 *喜歡這裏包填鴨的皮，每一塊都是有點不規則，不會是完美的圓形。感覺食物就應該是這樣，每道看似一樣的菜都帶點不同。* 菜肉水餃 ** 泰豊童子雞 *似是煙燻的，有那種外乾內嫩的口感。味道很好。下次再點！* 蔥爆羊片 *少膻，不過連怕膻的家人都讚好不絕！* 三鮮鍋巴 *鍋巴有飯焦香，脆卜卜。不過三鮮芡汁較為失色。* 金腿扒津白 ** 高力豆沙 *

一早已經BOOK定,免得到時要等位,可能係平日,同埋我地早,都無咩人,反而過左7:30開始人多,但係都未坐滿侍應全都係上左年紀既伯伯叔叔,佢地都幾好招呼,又介紹我地食四人餐最抵食...咁我地就點左個4人餐再外加一個虾球三絲伴粉皮:自己落汁,仲意就落多D,唔仲意就落少D,有得自己揀宮爆虾球(唔辣版):因為阿媽唔食辣,侍應聽到即刻走埋尼話可以整唔辣版比我地,超好服務虾好爽口,又大隻,成碟有成10隻,超抵食,真係啖啖肉,唔係食粉醬干煸四季豆:比較油,味偏濃菜肉水餃:有十隻,好juicy賽螃蟹:可能過左火,無想像中咁滑,不過不失主角北京填鴨一隻:推住車仔到枱前,即場片出尼,師傅勁快手,2-3分鐘已經片好一碟,熱辣辣,京式片皮鴨都係皮帶肉,唔似平時係酒樓剩係得皮,包埋京怱同海鮮醬,超級好食,食左2-3件已經食唔落啦鴨架子湯:上鴨後隔左一陣,鴨湯就上埋,我估唔會係同一隻鴨,邊有煮得咁快湯裏面有冬瓜中和返個鴨既油份,不過好似有D味精,都幾咸下最後上埋甜品高力豆沙:已經飽到食唔落,阿媽話好食,比佢打包左返屋企做宵夜總結:味道一流,價錢中等,但份量十足,值回票價,有機會會再尼食過.另外,我見人有叫乞兒雞

大年初六晚與祖母慶祝生辰，選了這家北京菜老店，看餐館內所見，是始於60年代，有一定曆史。餐館設於2樓，店員全是年資豐富的叔叔，而且十分親切。由於十人用餐，點了一個$3080全超值全包宴，原本想加小籠包及烤羊腩，但被落單叔叔阻止，說餐裡所有菜式份量很大，結果，叔叔協助將其中一道菜轉為烤羊腩，十分貼心。說到食物，家人雖然滿期待北京填鴨，但吃過片皮鴨後，雖發現其薄餅與其他連所店吃到的不同，較出色，但片皮鴨皮不夠脆，份量亦不太多，反而，亮點是其他菜式，好像 鐵板宮爆明蝦，砂窩雲吞雞及蒜子燒桂花魚。*鐵板宮爆蝦，店員會奉上熱烘烘的鐵板蝦，即時於客人面前例醬汁，再蓋上蓋子一會，一打開，香氣四溢，讓客人即時品嚐，雖然蝦不是爽身，但很大隻，醬汁味道非常出色。*砂窩雲吞雞，就如店員叔叔說，份量很大。的確，是一大煲，而亮點，就是皮薄餡多的菜肉雲吞，雲吞帶有薑味，真的不錯！*蒜子燒桂魚，平常在餐廳經常吃的是松子桂魚，蒜子燒的，還是第一次。首先，魚身十分大條厚肉，皮亦十分脆，炸過的魚再配上蒜子汁，十分香口美味，是一道出色的驚喜菜式！*榨菜肉末配叉子燒餅，出色的是燒餅，是熱烘烘的酥餅，雖然邪惡，但真的不錯。甜品

今年媽媽的生日飯, 原先爸爸提議去食自助餐, 但知汝者莫若孻女也, 媽媽喜歡食中菜, 食香口的菜式, 我又怎會不知道呢, 所以選擇了京菜老號: 泰豐廔。雖然泰豐廔的銅爐炭鍋涮羊肉是招牌, 但主角不好羊和牛, 叫其他嘴饞羊粉只得個望字! 創於1961年, 有55年歷史的泰豐廔, 舊式京菜格局, 位處下層的入口更是古色古香, 好像每件擺設都背負著歷史的份量。 上層用餐區, 樓底不高, 而且食客差不多坐滿, 所以較為嘈雜。店員都以較成熟的為主, 彷彿與食店共存般, 每位都穿著整齊, 恤衫打呔, 添加幾份醒目呢! 一行12人, 點菜重任落於我身上, 有點壓力, 尤其份量控制方面, 幸好食店每款菜式都有3個大小選擇! 雖然有套餐供應, 但我較喜歡散叫, 可以嘗到不同配搭。 前菜的花生和泡菜, 於我頭痛著菜式選擇其間, 已給家人吃光了! 收費$72的前菜啊, 我一粒也沒有嘗過呢!賽螃蟹 (中) $115上檯時仍是熱騰騰, 沒有其他裝飾, 一片雪白的顏色, 份量多, 挺身得似雲海般。由中間淋上鎮江醋再伴勻, 蛋白滑溜溜的一片片, 口感很嫩滑, 所說的魚肉跟蛋白融合了, 有點分不清, 夾帶

好耐無食京菜，為左填鴨而黎，不過原來小菜仲好食~津白窩清清地很好, 應該無加味精見好多食評介紹賽螃蟹，原來真係好好食!!蛋白好滑，蟹味足! 唔洗加醋仲好味!鮮甜唔腥~炸得好脆，肥瘦比例適中, 但係無咩羊味..炸得好脆，魚肉好滑好好味! 個汁比例同味道岩岩好,屋企人個個都好鍾意呢碟魚XD碗麵好大, D料都幾足,但係D麵太淋..加梅的花雕酒，熱飲幾特別半隻北京填鴨，$2XX, 雖然係招牌菜，但覺得普通，如果個皮香脆D會好好多~北京填鴨個皮相對較厚，不過個人幾鍾意食,而且易包D，不過如果個皮係熱ge就好啦京菜特色甜品，唔錯原來呢度食完會送高力豆沙, 雖然好飽,但覺得好食，重點係豆沙唔會太甜餐飯ge重點~壽包來了~爺爺大壽，要keep住健康快樂,壽比南山!整體覺得呢度小菜幾好食，而且價錢唔貴,小size 多數 $6X-$7X 就有, 而且份量都比想像中多! 只係填鴨唔多抵食~ 另外值得一讚呢度服務態度幾好,加水落order都好有效率,經理好幫得手!可以再黎ge京菜 

今晚一家人為奶奶慶生，之前一日訂位，訂左6:00,去到靜到冇朋友，得我地一枱客，哈哈！侍應全部上左年紀，都幾好客，介紹呢樣介紹果樣咁，幾ok❣最終叫左個$600幾套餐，有片皮鴨一隻，鴨湯，涼拌粉皮，十隻水餃，賽螃蟹，炒四季豆，高力豆沙。。我地再叫左叉子燒餅，小籠包，埋單$900幾，都幾抵食！

今日同爸爸慶祝生日特登搵間傳統京菜食食物依然保持水準不過炸菜碎肉就麻麻差過以前最鐘意食呢度既填鴨同餃子最後再送多過高力豆沙做飯後甜品老酒樓都有一份人情味待應服務很好送上蛋糕更送上祝福

我一直叫嚷住想食片皮鴨，所以同事們就了我心願^^ 呢度既環境幾舊下，但都乾淨，侍應全都係叔叔伯伯，但佢地好友善好搞笑~ 我地叫左個6人餐，怕唔夠食，再加多兩個 頭盤係三絲拌粉皮，平時出面食既雞絲粉皮都只係比麻醬黎撈，但呢度除左麻醬，仲有芥末醬的，粉皮又唔會煮得太淋 菜肉餃，上台時隻隻都出哂煙，熱呼呼的! 每一粒都又大又漲卜卜的，好食! 賽磅蟹，中間應該係黑醋，我唔識欣賞 呢兩味我比較鍾意食四季豆，因為我係食肉獸，上面真係齋黎，而下面有d肉末去炒，香口又惹味好多 山東燒雞，好食! 估唔到佢可以咁滑咁嫩口 主角出場喇! 個伯伯超好人，見我每味菜都不停影，佢片完我地碟鴨後，仲比多隻未片既放埋一齊比我影~ 講番個主角先，其實有點失望架，因為用黎包鴨既果塊皮太厚同好多粉響面，而我食開cheap cheap既片皮鴨係只片皮，但呢個就每一塊既肉既比例多過皮好多，將所有野包埋一齊食時就嫌唔夠脆口。。 鴨架湯，當伯伯未同我地分一碗碗時，遠遠已經覺得好香! 一飲入口，超甜 (當然唔係甜品果隻甜啦)超好飲! 我見我碗野都無咩特別多既材料，得鴨架小件同冬瓜，用鴨架但

上星期約左幾個朋友食生日飯,主角話想食片皮鴨,諗起呢度,一早訂左位,8:30,我們8:20左右到酒樓,已經好多人,幾乎坐滿. 跟住好快有張枱俾我地. 因為有幾個朋友未到,所以睇住餐牌先,仕應都是上人紀的男仕,因這裏係舊式酒樓,已經幾十年歷史. 見到有一個四至五人北京填鴨餐,好抵,500幾蚊就有好多嘢,真的好FIT我地呀.等左一陣我地都未齊人,就叫住兩樣嘢食住先,一碟三鮮餃子及一碟皮蛋豆腐. 後尾都齊人,就再叫埋個套餐. 前菜有一碟花生及一碟好似泡菜的菜,碟京式泡菜又幾好味喎,酸酸辣辣好開胃, 仕應個樣好似好COOL,但其實係好盡責的,見我地未叫嘢,已經不停係度幫我地拆筷子套,又加茶,我地幾乎食晒碟泡菜又換一碟新的俾我地喎,好細心呀.餃子份量都唔細喎,有十粒,熱辣辣,好多肉汁,好好味呀,唔會好濃味,加少少豉油就啱啱好啦. 皮蛋豆腐都係熱的,唔係一片一片豆腐及皮蛋,係一粒粒的,不過豆腐都唔會好淋身,係硬硬地身的,幾好味呀,夠清.之後個北京填鴨餐:三絲粉皮, 這個粉皮的顏色好似同平時食開的有點分別,個麻醬好深色的,都係火腿,肉,青瓜絲,不過個粉皮好碎,同埋味道有點不一樣,個麻醬都好濃味,我地