影片
更多
2014-01-06
3149 瀏覽
一直都好想試泰豊廔嘅片皮鴨，今日終於有機會一試喇！一坐低，先送來2兩碟前菜！碟醃椰菜真係好好味！岩哂小女鐘意食酸酸味味嘅口味！再來 京式素鵝 （$65）， 呢一碟真係好好味！ 啲煙燻味好出，好好味！細碟嘅份量已經好足夠我地4個人嘅食量白肉粉皮（$65 - 細）呢樣係我食京菜必點的，合格都好味。唯一略嫌粉皮唔夠凍！鐵板宮保蝦球 （$165 - 細）叫呢碟嘅原因係曾經食過"美利堅" 嘅宮保蝦煲，真係食過一試難忘好好味。但係呢度見到$165（細）都幾貴，又因為唔知呢度煮得好唔好食，所以內心爭扎左一陣。但基於以上嘅理由，同埋睇過食評都幾多人叫過，所以決心一試。可惜最後真係有啲失望！ 蝦雖然大隻，但汁唔夠酸，而蝦嘅外層因為汁嘅關係變得唔脆，而且炸粉都有點太厚！ 完全同美利堅個邊無得fight, 個邊的汁做得好出色，而且蝦炸得好脆同好彈牙！ 炒鴨絲 （+ $40）叫片皮鴨可以加2食/ 3食 （炒鴨絲/ 鴨肉加冬瓜滾湯）每樣加$40 ，最後只簡左2食要左炒鴨絲！當炒鴨絲送到時，屋企人都覺得好奇怪，點解片皮鴨還未到，何解會炒鴨絲會先出？肉從何來呢？ 我諗答案都好簡單～哈 點都好，其實加$40點都係
一直都好想試泰豊廔嘅片皮鴨，今日終於有機會一試喇！
一坐低，先送來2兩碟前菜！
碟醃椰菜真係好好味！岩哂小女鐘意食酸酸味味嘅口味！
再來 京式素鵝 （$65）， 呢一碟真係好好味！ 啲煙燻味好出，好好味！細碟嘅份量已經好足夠我地4個人嘅食量
白肉粉皮（$65 - 細）
呢樣係我食京菜必點的，合格都好味。唯一略嫌粉皮唔夠凍！
鐵板宮保蝦球 （$165 - 細）
叫呢碟嘅原因係曾經食過"美利堅" 嘅宮保蝦煲，真係食過一試難忘好好味。
但係呢度見到$165（細）都幾貴，又因為唔知呢度煮得好唔好食，所以內心爭扎左一陣。但基於以上嘅理由，同埋睇過食評都幾多人叫過，所以決心一試。
可惜最後真係有啲失望！ 蝦雖然大隻，但汁唔夠酸，而蝦嘅外層因為汁嘅關係變得唔脆，而且炸粉都有點太厚！ 完全同美利堅個邊無得fight, 個邊的汁做得好出色，而且蝦炸得好脆同好彈牙！
炒鴨絲 （+ $40）
叫片皮鴨可以加2食/ 3食 （炒鴨絲/ 鴨肉加冬瓜滾湯）每樣加$40 ，最後只簡左2食要左炒鴨絲！
當炒鴨絲送到時，屋企人都覺得好奇怪，點解片皮鴨還未到，何解會炒鴨絲會先出？肉從何來呢？ 我諗答案都好簡單～哈
點都好，其實加$40點都係平。可惜真係唔好味！ 呢$40其實可以慳返，叫碟水餃食好過！ 若唔係屋企當時堅持加，我一向唔主張片皮鴨甚麼2食！
主角終於到喇！（全隻$300， 半$198）
我地要左1隻！ 無令到我地失望！ 肥瘦適中！
特別要讚一讚呢間啲皮，厚得lai 十分軟熟！將佢加埋油油地啲鴨肉再包埋青瓜加埋大蔥，就唔會覺得好油膩！
高力豆沙 （送）很普通，但吃過甜品，為呢一餐畫上完美嘅句號。不錯不錯！
總結： 呢一間有機會都可以再encore ! 價錢合理，質素都有保證 ))))
張貼
