泰豊廔酒家

營業中

休息中

朋友帶我到泰豊廔酒家，試試始創於1961年的味道。有開張時張大千提字。保持傳統裝修。很有風味。經理好熱情。推介了好菜。鹵水併盤｜透著八角桂皮幽香，牛肉入口香濃。蠔油炒牛肉｜牛柳猛火快炒鎖住肉汁，配合蠔油芡汁。肉質嫩滑，盡顯粵式小炒「鑊氣穿雲」的精髓。鍋塌魚片｜魚片裹上蛋黃漿輕煎，外層形成酥脆蕾絲邊，內裡魚肉仍保持質感。宮保蝦仁｜改良版宮保汁減辣增鮮，選用虎蝦仁裹脆漿過油，外脆內彈牙，顛覆對宮保系的刻板印象。尖椒炒大腸｜肥腸與尖椒爆炒出焦香。焦香夠爵勁。配冰鎮啤酒堪稱罪惡系下酒神菜。 酥炸里脊｜豬里脊裹粉漿炸至外殼酥內嫩，蘸淮鹽與喼汁雙味碟，完美平衡油香與解膩需求。砂鍋雲吞津白｜ 老雞火腿熬煮的湯底好甜，雲吞飽滿多餡皮薄，津白吸收湯汁更甜美。片皮鴨｜師傅即場片鴨， 皮碎肉質細嫩。淡淡煙燻香。包皮反而有點粗糙。嫲婆豆腐｜豆腐超級嫩滑。麻香吸引又不會太辣，配白飯吃一碗不誇張。高力豆沙｜現炸蛋白軟綿綿的。裹住紅豆沙，又不會太甜。略嫌紅豆太少。

先來個冷盤小食：鎮江淆肉。跟手黎個湯：砂窩雲吞津白。個高湯味道香濃，雲吞係上海菜肉雲吞，都幾好食。津白好入味。接住係山東燒雞，個蒜香好掂，個汁嘅味道都調得唔錯，個味夠出但係又唔會好鹹，都幾大碟，份量都幾足，雖然有啲人當佢係冷盤小食，不過我覺得似係主菜多啲。上湯豆苗清清地好味道。松子黃魚唔算好大條，佢個酸汁都做得好好，條魚都幾厚肉。蒸素餃一籠有10隻，食落好清爽。高力豆沙係送嘅甜品，熱熱地係幾好食嘅。

朋友介紹黎呢間懷舊餐廳試下😄有兩碟前菜，睇落似泡菜，但食落又唔似泡菜，味道都幾好👍叫左火腿津白，清清地幾好。三鮮湯，都幾多料，湯既味道都唔錯。仲有d菜可以食🤣🤣小籠包大大隻，皮唔係薄個種、都幾厚，都有湯汁，睇下個人喜好鐘唔鐘意啦。叫左半份片皮鴨，職員會係你面前切！佢地呢到既皮係偏厚既，都幾特別第一次食😁都係睇個人喜好，鐘意厚皮既人會鐘意。鴨就正常，不過不失、正常發揮。高力豆沙叫左細份（8粒），味道ok，餡唔算有好多，個皮口感都唔錯。覺得一人食一粒都夠，最後食唔哂要打包。呢到既野食有得揀細、中、大，我地人少全部都揀哂最少既份量。呢種餐廳幾有特色，好岩大時大節一家人黎食。

今次專登去呢間餐廳食片皮鴨同埋拔絲香蕉！片皮鴨個皮有啲厚，但係隻鴨好好食😋一隻份量都夠，仲可以拎埋鴨架返屋企煲粥！叫咗個砂鍋雲吞雞個湯夠濃味，但係隻雞唔係好滑，不過佢唔係主菜，所以唔太緊要🥲小籠包一咬就爆汁！好食！軟炸里脊(即係豬骨😂)麻麻哋炸饅頭小時候嘅甜點，最鍾意點勁多煉奶最緊要嘅拔絲香蕉唔記得咗影相已經唔係好多地方有得食🥹希望可以流傳落去🙏🏻雖然價錢中等，但絕對係值得支持嘅餐廳下次會再嚟！

長者服務人員都非常出色，充滿關懷和幽默感，讓整個體驗更加豐富。然而，食物方面就未能完全令我驚豔。豆腐皮半凍，帶著薄薄的冰層，令人失望；米餅配火腿過於甜膩，有點像糖漿；連北京鴨也稍嫌乾燥，缺乏我期望的濃郁口感。這些招牌菜並未給予我深刻的印象。希望餐廳能在菜式的味道和質素上有所改善，讓整體餐飲體驗更上一層樓。雖然有些菜色未盡如人意，但餐廳的服務態度和氛圍確實令我感到舒適和愉悅。整體而言，這次用餐經驗雖有不盡如人意之處，但服務和環境仍令我願意再次光臨，期待餐廳在食物質素上的進一步提升。希望未來能在菜單上見到更多改進和驚喜，讓顧客可以享受更加完美的用餐體驗。

同學聚會，今次揀咗食京菜👩🏻‍🎓嚟到呢間好傳統嘅舊式京菜餐館，所有侍應都係伯伯婆婆，好有禮貌，落單嘅時候介紹我哋有啲乜嘢好味，好親切☺️婆婆介紹嘅宮保蝦仁，我哋話唔食辣嘢，跟住佢話係甜酸嘅，一啲都唔辣，差啲俾宮保兩個字呃咗而錯過咗咁好味嘅蝦🥰片皮鴨好味，冇其他一般地方嘅花巧嘢，就係傳統嘅味道，皮係傳統手搓嘅，每塊皮之間唔使用紙間開，本身塊皮嘅面有少少粉嘅質感，係唔會黐住嘅👍🏻醉鴨舌夠香，小籠包正常發揮😀椒鹽小黃魚上到嚟一啲都唔小啊，兩條都幾大條嘅黃花魚，啖啖肉，面好脆，魚肉有酒香嘅😊值得一提嘅係甜品拔絲香蕉，外脆內軟，真係好香好好味😋

舊式京菜買少見少，有時就係想食返呢種傳統嘅味道。一坐低就有一碟花生同埋一碟醃菜，估唔到呢個葉菜幾好食 。跟手叫咗個三絲粉皮，可惜味道麻麻地，粉皮唔係好吸啲麻醬，另外個仿鮑絲有啲苦。津白雲吞幾好食，個湯清清地，雲吞係舊式菜肉雲吞。招牌菜上枱喇，因為三個人驚食唔曬所以只係叫咗半隻北京填鴨，配青瓜京蔥甜醬，呢度係用蒸皮，就係鍾意呢隻嘅味道。其實半隻份量唔係好多，早知要夠一隻啦。京燒羊肉好食，燒得夠香，羊肉又唔會太肥。見隔離枱叫個鍋貼好靚所以我哋又叫咗一份，一共有八隻份量都算大份。最後甜品叫咗豆沙鍋餅，又係古早味，好食。

一行6人共聚，聚少離多，下次見面，可能已是2025年農曆新年。選擇了上好的老店，選了美食去加增美味回憶。蒜泥白肉：朋友教我係屋企點做，是心機菜，是刀工。水晶蝦球：大大隻超新鮮，彈牙爽口，值得推介。炒雜菜：清新之選，肉上點菜，必勝。賽磅蟹：嫩滑香濃，真係一人一匙，就搶住食小籠包：冇得彈，忘了影蟹粉小籠包，兩種都好味。潮式薄餅：童年回憶，香脆有咬口。北京烤鴨兩食：現場表演，肉厚皮脆，加上葱，蒜，芹及特色醬汁，超愛。仲有嗰靚鴨湯，我兩就飲了兩碗。葱爆牛肉：真係出哂煙，葱香整吸引肉高力豆沙：外脆內軟，仲要甜甜蜜蜜。#尖沙咀#老店#北京填鴨#要去多幾次#可以慢慢坐#chill嘆茶

一行12-3人第一次去呢度聚餐，一行入去非常八十年代懷舊既裝修，坐低老侍應服務態度非常好非常主動，主動加添前菜青瓜加泡菜😍😍😍值得一讚👍🏻👍🏻👍🏻👍🏻食咗十令個餸埋單先係三千幾、野食方面都好食老味道😍👍🏻片皮鴨，賽螃蟹，小籠包，手撕雞，高力豆沙都必叫🥰🥰🥰非常非常滿意嘅一餐，食得多連鎖店，去下呢啲懷舊餐廳感受下以前嘅老香港特色食店真係別有一番風味，要好好去珍惜，吾好等臨結業先去朝拜🫡

保留傳統味道既老字號京菜館已經買少見少，今日黎到其中一間老店泰豐樓，雖然裝潢略為殘舊，但食物味道仍然令人滿意。山東燒雞，上菜時係凍既，不過聽朋友講呢道菜好多時都係咁，偶爾先會遇到仲係暖既，不過食落味道仍然好味，後尾叫左個熱辣辣既蔥油餅一齊食，中和返個溫度。京燒羊，仍然相當有水準，好好味😋砂鍋津白餛飩，湯頭鮮味十足，餛飩爽口彈牙，食到最後湯都飲曬，十分滿足。

朋友生日，佢話食過呢間餐廳都幾好食，帶我哋去試試，所以訂咗呢一間比較有懷舊氣氛嘅餐廳大約七點幾嘅時候已經全場滿座，非常熱鬧🙌🏻🙌🏻依家依啲咁傳統嘅餐廳已經買少見少🫣🫣我哋一行10人去試這一間餐廳手撕雞味道非常入味,雞非常嫩滑👍🏻賽螃蟹口感豐富👍🏻豆腐送飯一流👍🏻👍🏻👍🏻蝦多士好鬆化片皮鴨，佢係非常之傳統嘅上海皮，比較厚身鴨件很嫩滑這個餐廳的餸菜送飯一流我們每人消費只是$250，非常抵食

五個人食午飯：感覺：裝修…殘舊（天花發霉） 燈光…陰暗（烏燈黑火） 食具…污跡班班 價錢…高檔消費 服務…傳統老店食物：小籠包*保留咗湯汁🆗陳醋冇薑絲 炸大腸*外皮5夠脆、保留豬腸味 蟹粉薑粒炒飯食5到有薑粒/蟹粉 拔絲蘋果冇拔絲、糖膠5夠挺身 乾煸4季豆、最好食 煱塌豆腐👌 沙窩津白雲吞、雲吞太少又細粒 湯頭好飲 叉子燒餅/炸菜肉末good食評：食物出品…僅僅合格、食嘅係真正 ‘懷舊/情懷’價錢：5平溫馨提示：要感受吓6、70年代嘅香港老店 留低回憶*係可以嘅！畢竟 香港‘京菜老店’ 鹿嗚春/北京樓…冇架啦

失望，太令人失望我細細個好鐘意依間餐廳，可以午市既廚吾同晚市既廚？ 幾年前來過一次已經覺得走樣，團聖誕節帶老人家來感受一下老香港京菜氛圍，我真係覺得做左隻大水魚童子雞，重老過我，食一舊，finish 無味無道甘都擺得上台平果拔絲，你拔俾我睇，都吾知做乜我諗佢真係換左大廚，好可惜間甘有氣氛既餐廳，淨係食氣氛嘍，個味道真係同名氣好大落差，為左出菜已出菜，做吾到精品，無左靈魂，如果你地管理層見到真係要好好檢討下，我覺得你地吾改善下會執笠

同朋友相約歡度情人節，避免西餐與各情侶逼，專登選擇中菜逃離人潮，泰豐樓一向是飯堂之列。6pm walk-in問有否訂位，回答無，食飽會速交枱。帶位至隱秘間隔枱，隔離仍有員工更衣（換褲）中，極為尷尬。坐下即點菜，1）塩爆管廷，正常； 2）乾燒二鬆冬，外表無異，除外面一層，綠葉雪菜是脆香乾身外，下面全部如油浸般，口感古怪； 3）砂窩津白，侍應代分，當然分時附上大量滿滿湯料，致餘下窩內只是清湯😅 4）京燒羊肉，此菜式一直是每趟必叫，皮香脆肉淋，帶上皮與骨，可惜是晚一上菜見皮淋不脆，已即時向侍應反映，侍應話再做過另一份吧。最後再做那份依舊是皮淋失準； 5）炸銀C卷，因為所有菜式都一般般，叫餃子又太多唯有叫炸銀絲卷結尾，最後皮亦是淋淋不脆。所以結論是大廚可能情人節會情人，而是晚廚房又發夢，連油溫亦有問題，致所點菜式全部失準不合格。昨晚已十分清靜不繁忙😕

今次試咗間小館，感覺真係有啲正！👏🏼佢哋啲炒蘿蔔糕啊，表面煎到啡啡脆脆，入口係咁滑，啲蘿蔔甜漿漿，食落真係停唔到口！再講下啲椰香雞飯，啲雞肉嫩滑得嚟唔肥膩，同椰漿飯嘅香甜夾得好，令人一啖又一啖。仲有佢嘅冬瓜盅呀，滿滿嘅湯汁溫潤順喉，冬瓜爽口得嚟攞來減少油膩感，係飯後來上一盅，正！🍲講返啲甜品，紅豆冰🍧做得好精緻，甜度啱哂我呢啲唔鍾意太甜嘅人，紅豆又甜又綿，啲鬆脆嘅冰粒好過癮！嚟到呢家館食飯，真係覺得自己搵到寶，從飽腹到滿足感，都係百分百。同朋友傾偈食嘢，淨係諗起都想再去一次！下次我還嚟，一定仲要試多啲佢嘅招牌菜！🤤