今晚同媽咪生日 呢間係OpenRice 搵到 仲要有七五折 甘就試下呢間既質素 抱住一個無期望既心態去 因為係上個月係某大型商場既一間無敵海景西餐廳中左伏 所以對西餐都無乜期待 諗返起果次真係食到一肚氣 不過好好彩 呢間餐廳係有驚喜 食物質素 價錢同服務質素都係好好 甘首先講一講食物先 今晚四個人食 叫左一個二人餐同兩個一人餐 是日餐湯- 黑松路油蘑菇湯 應該無飲錯既話 黑松露味道好出 整體係好味😋 慢煮三文魚配小麥子 賣相一般 三文魚肉質好嫩好滑 個汁又好夾 呢個菜係好好味 燒安格斯肉眼配黑松露薯蓉 肉眼係要讚既 一般係出面食扒 除非價錢好貴 三百幾蚊既餐吾會諗質素好好 呢塊16Oz肉眼排係有驚喜抵讚！grill mark真係燒出黎 7成熟 肉質同脂肪都夠香 下次會叫medium😋薯蓉吾馬虎 配上黑松露醬 同牛扒一齊感覺吾會係配菜甘簡單 加左58有兩隻蝦 不過可以吾洗點 😂肉質差d 蟹肉番茄忌廉汁意粉 呢個蟹肉好多 番茄忌廉汁又同蟹肉夾 好味 燒豬腩肉鹽味焦糖汁配青蘋果沙律 呢個係失望少少既一個 燒豬皮係脆 不過豬腩肉過左火 煮到好老 沙律都搵吾到蘋果😂 甜品有三款有四個 因為係OpenRice 寫左生日飯 餐廳好窩心將其中一個乖甜品 放左個happy birthday 牌 好有心！ 服務質素係一流 佢地好細心照顧客人既需要！ 價錢 物有所值 呢個價錢絕對係超值！ 會再返黎試其他菜

今日係佐敦上堂 原本諗住食澳牛 點知無開門 誤打誤撞見到食火山石燒 牛極 見到午餐價錢都ok 價錢由50-65左右 叫左個厚切牛舌餐 包沙律🥗湯同白飯 全部係自助形式 自己鐘意食幾多就拎幾多 食沙律都已經好有日本既感覺 耶菜係用心去切 胡麻醬都好味 羅宋湯就好味過出面茶餐廳嗰d既 火山石燒牛舌 真係不得了 大家記得一定要拎醬汁同加生蒜 真係同牛舌好夾 夠重口味 65蚊食到呢個質素真係好開心最緊要係好食！ 下次會再黎食牛排！到時再寫食評分享俾大家

今日甘岩係跑馬地有野做 甘夜晚就決左黎好多人黎排隊既Mother Of Pizza~今晚九點到吾洗等好耐就食得 四個人食叫左三樣野 第一樣係前菜沙律 芝士同Ham 都好好食 蔬菜同青瓜都好甜好新鮮 值得推介 第二樣係carbonara 芝士味好濃 意粉又夠彈性 最後一樣就係Pizza 係燶左少少甘多 不過Ham嗰邊好好食 建議大家要一定要熱辣辣甘食 甘先會好好食 餅底又好好食 正！ 我本身吾係好鐘意食Pizza既人都會鐘意 呢間野真係抵有甘多人排隊食

羲和雅苑 我一直好想食既餐廳之一 人氣亦都好旺 今日終於試到 期望越大 的確失望越大 無想像中好食 係要用普通黎形容呢餐 好過上次意大利餐廳 總共叫左七樣菜 獅子頭先叫一位試試 呢個係一開頭上 係吾錯既 白飯都係靚既 所以令我好期待片皮鴨 第二道菜 介蘭係爽脆 菇都吾錯 賣相可以 不過味吾係幾夾 鮑魚雞粒炒飯 初頭食係幾好味 有鮑魚 飯質又好 鑊氣夠 不過太濃味 越食越咸 水餃中規中矩 不過都偏咸 豆腐係滑 有鮮帶子配咸蛋蓉 呢個係幾好 吾會太咸我地發覺可以撈炒飯 可以中和到炒飯既咸 到主角出場 期待已久羲和雅苑片皮鴨 三種食法 皮係夠脆 不過油就油 鴨既油香就無 鴨肉又無味 三種醬汁 廚師秘制芥辣醬係好味 不過鴨無味 京葱吾多香 整體有d失色 同失望 最後兩食既豆腐鴨湯 無影到 味道係吾錯 不過屋企人就怕左鴨既羶味 可能鴨既尾位都放左落去 個人認為都可以一試 今次係用海港城優惠券食 所以埋單八百蚊就得 最近呢兩次係海港城食都有d失望 吾知係咪出coupon promotion 要將貨就價...食材質素降低... 樓面員工相對係比較少 不過態度同服務都好好 餐廳裝修同景都係吾錯 都係嗰句 希望店主睇到 係味道上會有大大既改善啦

好失望....真係好失望...好耐無打過食評...為左呢間餐廳我要寫返食評 今日order左788一位既套餐 見買一送一 好似好抵食 一開頭既麵包點黑醋同橄欖油係好食既 不過只係醋同橄欖油靚 麵包係一般 前菜真係好吾掂 吞拿魚好難食 真心用難食黎形容 個汁真係完全吾夾 可能係我吾識欣賞 龍蝦湯中規中矩 係前菜既吞拿魚既味道仲係個口度 扣哂分 主菜叫左個西冷 牛扒叫左medium rare 係煮到medium rare 但係塊扒係完全無牛味....差到一個點 個薯蓉酸酸地好難食 有松露都吾掂 另一道叫左鱸魚 呢個菜係好食既 魚夠滑 不過吾多味 加上之前嗰幾道菜已經食到好失望 所以加吾到幾多分 最後個甜品應該係全餐最好食 椰子味雪糕加生果 總結 呢間餐廳真心令我好失望 可能因為買一送一既優惠 叫埋枝酒加埋一差吾多1,200埋單 將貨就價不過洗吾洗差到甘 仲有侍應服務都有d問題 佢地搞d outdoor 燈 其實係幾靚 但係佢地準備著燈set up個時 有客係隔離其實可以輕手d.....破壞哂d氣氛...想要service 舉左好耐都無人應...叫埋單應左又吾記得... 希望呢間餐廳可以改善下 對得住餐廳個海景

元朗西餐小店 今日係食在元朗群組見到有介紹所以黎左呢度 呢間鋪好細 裝修都算有特式 價錢超值 三個人埋單都係193 有餐湯 主菜同飲品 餐湯 三個主菜 兩個意粉一份漢堡 用呢個價錢黎比 一定係超值

係天水圍都有三四間
十勝牛算係係天水圍吾錯既一間日式餐廳
又抵食～不過待應就好似少左d

每次黎一定會叫既三文魚腩 吾係成日有貨
呢個三文魚腩抵食又新鮮

蟹子沙律 大大碗！青瓜切到一條條 
食落好清新~~

加埋呢個天炸蝦卷 兩個人岩岩好
經濟實惠~~

食左第六次！
由168位食到今次食238

首先168嗰次已經覺得ok~所以keep住上完堂都黎呢間encore~~今次食係超滿足！

牛肉係無渣同牛味
牛舌都好好食！

配料方面
菜夠新鮮！墨魚丸又好香
芝士餅都好值得推介！

下次黎一定會繼續keep住upgrade~~希望有驚喜~~

元洲商場大裝修之後引入左呢間西餐廳
俾佢餐牌吸引左於是就入去試下

叫分別叫左兩個餐

第一個咖哩麵包牛尾

日式咖哩既味道 感覺上汁可以少d 需然用麵包點汁係幾好 不過over左d

第二樣西冷牛扒

鐵板好夠熱 味道係好過大家樂同大快活既
不過賣相差少少 呢個價錢 我會建議食花園會好d

總括 價錢係貴左少少 同味道係有進步既空間

基本上永遠都full 既Jamie's Italian 
今日竟然可以book到即日

今日點左三個菜
第一個辣雞翼
辣味係適中 不過就覺得個汁酸左d

之後叫左個Italiano burger 
砌得好高 食嗰時有少少困難 最後決定一層層食 辣肉腸幾好食 不過塊漢堡熟左少少 有d乾

甜品叫左tiramisu 個餅好似濕左d 吾知係特色定放多左咖啡 食落好散

味道方面係ok
下次再試其他菜式
氣氛同服務質素就真係好好