樂天皇朝 (雅蘭中心)

營業中

休息中

平常經過旺角，都會看到這家店的廣告，今天晚上又到了旺角閒逛，又再一次看到這個廣告，終於，給了一次嘗試這店的機會，走進雅蘭中心，上了扶手電梯，轉了一圈，看到門面的招牌，同時，接待員亦上前詢問人數，進入餐廳內，柔和的燈光，一貫中式餐廳的格局，看一看點餐紙，再看了一看餐牌，就點了幾款上海菜經常吃的；醉雞、青瓜、雲耳、賽螃蟹、擔擔面、東坡肉、原味小籠包；除了原味小籠包外，其他食品上菜速度非常快，醉雞比較鞋口，青瓜味道太淡，雲耳欠缺陳醋味，賽螃蟹不夠蟹香，蛋白香味亦欠奉，擔擔面湯底不夠濃郁，東坡肉最為好吃，小籠包皮太厚，所以，整體而言，只算中規中矩😌

今次係第二次黎食，之前只有2人食，可叫嘅餸有限，今次有3人，就可試多d先評。其實呢間店主打上海嘢，真係應該主力點上海餸就啱蒜泥白肉，佢個蒜都有點口水雞汁嘅香味，加上包住青瓜絲有一種清新感覺紅油炒手，同樣係口水雞汁麻香少少辣，皮又滑，要食到傳統呢種少麻香辣口水雞汁味好幸福因為宜家出面好多都係死辣無香醉雞皮滑無肥肉軟，我平時都唔太食切雞皮，好怕過啲一粒粒口感，但呢個好軟滑又薄，以上呢3款小食(餸)都值得推介 至於個波菜我個人就幾喜歡，因為係較淋口感當然，唔少得小籠包啦，肉汁未算泌出嚟嘅多汁，松露、麻辣、芝士都不過不失，但就唔算好特別。我哋第一轉全是上海菜，每碟味道真不錯所以再叫第二轉。賽旁蟹都係上海菜，所以味道都係唔錯咕嚕肉上碟，我有點失望，肉咁少味道唔錯，可惜我食咗一粒似肥肉較多有一拋嘢口感。海浙頭青瓜，我就唔太欣賞，因為有點膠味，但朋友就好喜歡蒜香豬，買相唔錯，味道ok，啖啖肉，不過略為唔夠多蒜香。麻醬油麥菜好脆好新鮮感整體來講，粵式小菜無上海菜咁出色，但都好味，細細碟，人少可食多幾樣

前排生日，好朋友問想食咩，突然想食上海菜，朋友就建議去試樂天經典，地點係旺角雅蘭非常方便，坐得舒服，而且食物幾有特色！黎得樂天經必食嘅一定係八色小籠包，除咗經典小籠包之外佢仲加咗好多唔同元素，好似芝士、黑松露、蟹粉、麻辣等等⋯不過我都係鍾意原汁原味避免其他味道掩蓋左本身肉汁嘅鮮味！ 呢度嘅小籠包皮薄餡靚，一定要試！！跟住係我最鍾意食嘅醉雞，雞肉嫩滑，不過個人覺得酒味可以再濃一啲～食上海野，唔少得嘅一定係醋醬海蜇頭， 呢度嘅海蜇頭食落爽脆，醋嘅酸味適中，係非常開胃嘅餐前小食！朋友仔鍾意食辣，叫咗個蒜泥白肉，不過自問唔食得辣，所以無試，但望落去幾惹味，朋友仔都話yummy~主菜叫咗個雪菜鹹肉炒年糕同埋上海炒飯，炒年糕煙靱，鹹肉雪菜為淡淡嘅年糕增添唔少味道，呢個配搭冇得輸～另外炒飯有油香，不過可能今晚食得太多，覺得有啲漏，好彩唔係好大碟，同埋佢嘅餸就比較少，但係味道好好，值得一試。👍🏻題外話，有個朋友因為OT所以甩底，結果我哋三個女仔要清晒枱上面嘅所有嘢，食到好飽要捧住個肚走～～

對於樂天皇朝一向不陌生 ，好早期銅鑼灣的舖頭開張我已經試過他們的小籠包 。今次來到旺角的樂天皇朝，第一件事都係叫皇朝小籠包， 還有醉雞，上海炒飯，京醬肉絲配烤餅。皇朝小籠包， 相信這一款八色小籠包絕對是樂天皇朝的必食推介。 除了色彩奪目之外，還有八款不同的口味，原味，人參，鵝肝，黑松露，芝士，蟹粉，蒜香，麻辣等等。每種口味各有特色， 小籠包內多汁餡靚， 雖然有唔同味道但絕對冇蓋過原有小籠包的特色。李白醉雞，肉質夠滑，酒味香氣撲鼻。京醬肉絲配烤餅，肉汁稍為有點鹹，烤餅都算薄身易入口。上海炒飯，賣相好像重口味，但食落又不算太鹹， 飯粒控制得唔錯，不會太硬。樂天皇朝都是我幾喜愛的上海餐廳，每逢想食小籠包的時候， 都會諗起佢！

星期六來旺角食午餐，唔使等位已經算係執到，今次一行三人來到呢間集團式上海菜館，朋友話未試過八色小籠包，所以來試吓。呢間餐廳主要都係用點菜紙點菜的，即係鍾意食咩就剔咩！黃花魚湯好奶白，好濃，一大窩，大約有8-9細碗，3個人絕對夠飲。八色小籠包，3個人係分唔勻，朋友未試過，俾機會佢食4粒，哈哈，由淡至濃嘅八粒唔同味 小籠包 有人蔘味，黑松露味，麻辣味，蟹粉，普通，香蒜味，鵝肝味同芝士味， 除咗普通味，其他七隻全部都非常之有特色，絕對值得一試。醉雞作為前菜不過不失，賽螃蟹有驚喜，溝埋蛋黃好滑滑嘅感覺。

一班6個同學聚舊，要揀個中間點食飯：旺角呢間專食八色小籠包嘅舖頭，一路都好想試，但一路都好怕要排隊同限時食飯⋯今晚卒之book到台滿心歡喜一試，點知希望越大失望越大⋯ 招牌8色小籠包：皮唔夠薄，湯汁唔多，亦唔係好分到咩味還咩味for photo purpose okay ge~中秋前夕食好啲：蟹粉小籠包冇乜蟹粉味，仲有陣蟹柳味反而前菜有驚喜芝麻醬油麥菜，啲菜包得好實，好爽脆，襯芝麻醬都好好味，不過就唔係好似上海菜醉雞：夠涷，酒味可以再濃啲老乾媽雜菌炒牛肉，有啲辣，不過幾惹味偏油lor 不過食得上海嘢你預咗好碎嘅賽螃蟹上海炒年糕係全晚最差！啲年糕痴住晒，仲係白色ga，完全未炒勻。上菜快，有用？正常生煎包，包好柔軟但無乜湯汁炒得唔油嘅乾扁四季豆老北京家常花肉豆腐，熱辣辣，都入味最後叫咗豆沙鍋餅，唔油但唔脆整體上，呢間餐廳嘅炒嘢食係好啲～可以再幫襯，因為唔貴，唔食招牌嘢同埋環境舒服、唔嘈，服務也很好，本身我說坐廚房門口好油煙，佢即刻肯換台比我地

食物水準都差唔多，幾統一，不過感覺旺角服務好過銅鑼灣。食物：❤❤❤❤今次多人一齊去，叫既種類多咗，最深刻係叫咗榴槤小籠包，都幾好食，不過放題炸榴槤波就更香脆。份量：❤❤❤都可以，份量岩岩好。環境：❤❤❤都舒服，6個人坐圓枱，有梳化加3張櫈，都幾好坐。旺角分店無咁暗，環境幾舒服。價錢：❤❤唔平，不過都幾好食。服務：❤❤❤ ❤旺角分店個男經理應該係(著西裝)服務幾好，有禮貌，落完單又會同我哋覆多次，相反銅鑼灣分店啲同事EQ低啲，雖然做飲食業真係好辛苦，但有時打工真係無法，真係唔應該比客見到你既情緒，先可以邁向專業，各位加油！ 總括黎講：值得再嚟，旺角分店，唔會再去銅鑼灣店。 #foodie #foodies #hkfoodies #hkfoodie #hkfoodieyiki

說話前幾日同朋友gathering,由於大部分翻工地方都系系九龍呢邊，所以就決定左泥樂天皇朝呢度食晚飯。由於無得電話booking,所以早收既朋友仔就負責去排隊拎飛等位，大約等左一個鐘左右就有位，其實都真系幾耐下，入到去拿拿林點野食，我地一共五個女仔點左十樣野食，其中2碟系菜，所以就無影相喇每人枱上面都有茶，幾貼心！如果有興趣去試既朋友仔，7點至8點呢段時間真系好多人，預早排隊拎票會比較好，吾系就真系要等好耐