樂天皇朝 (雅蘭中心)

-上一次嚟呢度食已經係同一班舊同學 已經裝修咗😋今次又帶屋企人過嚟食呢到既特色八色小籠包🟣特色皇朝小籠包(8隻) $148(原味、漕溜絲瓜、鵝肝、黑松露、芝士、蟹粉、蒜香、川味)八個味道各有特色 我哋兩個人 每人就試四個味道啦🤭由淡味至濃味食 好多新奇口味😍 川味對我嚟講最特別🟣招牌原味小籠包$122每人四隻一定唔夠過口癮 🤣叫多咗呢款原味嘅小籠包 一籠有10隻 😍每人食多五隻 爽🟣蘿蔔絲酥餅$55外面酥脆裏面一絲絲甜甜嘅蘿蔔絲味道雖然唔係最突出 但係都係功夫菜 個人幾鍾意👍🏻🟣上海外婆紅燒肉$118一份有六嚿五花腩 味道甜甜地 完全唔會油膩😋煮到啱啱好又入味 絕對值得一試🟣上海炒年糕 $95年糕口感煙韌層次分明 既不黐牙又富彈性配埋豬肉絲、白菜仔、娃娃菜等 鹹鹹甜甜都幾好味🟣香蕉高力豆沙$62炸到蓬鬆金黃嘅外皮 內餡包住紅豆沙同新鮮香蕉片🍌豆沙綿密 香蕉入口即化 👍🏻甜而不膩 係一道開心結尾嘅甜品…查看更多

期待已久既特色皇朝小籠包😝，係每次去樂天皇朝都必點既菜式～師傅新鮮做起，八色小籠包各有風味：原味、糟溜絲瓜🥒、鵝肝🪿、黑松露🍄‍🟫、芝士🧀、蟹粉🦀、蒜香🧄、川味🌶️。從淡至濃，每一件都充滿香氣，點少少薑醋，湯汁滿滿，一個不留神就會漏汁🤣。個人覺得最有驚喜係鵝肝，最香口係川味，最邪惡係芝士⚡️。🍥Specialty Dynasty Xiao Long Bao | $148紅油抄手相信都唔陌生，大大隻抄手淋上酸辣紅油，整體香而不膩🐦‍🔥。抄手仲有拌麵選擇🍜，如果 lunch 來一碗，都相當滿足。🥟Pork Dumpling in Hot Chilli Vinaigrette | $68其實小籠包同抄手對我黎講都唔係點心小食，已經算係主菜部分👄。真係大大份主菜就嗌左份皇朝魚湯酸菜魚🥢，魚既量都好足，食極都有🤣，仲有唔少萵筍同薯粉，絕對會飽肚！🐠Signature Sauerkraut Fish | $238銅造茶壺好可愛🫖，有真蠟燭熱住保溫。一年多無黎旺角分店，原來已經裝修得咁整齊光猛💡，座位闊落，牆身綠色加埋大量綠色植物🌳都好舒服。…查看更多

唔經唔覺，原來小妹已經成個月冇食過小籠包😂突然間又癮起添❗️即刻拉埋朋友出去食番餐‼️我地食左：⬇️⬇️✨特色皇朝小籠包✨$148內有八種口味嘅小籠包，想要完整感受到佢地既獨有滋味，－定要跟着店家既排序慢慢細味😋正確排序：原味➡️糟溜絲瓜➡️鵝肝➡️黑松露➡️芝士🧀️➡️蟹粉🦀️➡️蒜香🧄➡️川味🌶️由淡味到濃味，粒粒都充滿風味✌🏻仲要全部都皮薄餡靚又多汁，唔怪得個個入嚟都要叫番籠😬✨黑芝麻蓉包✨$45擁有舊式酒樓麻蓉包餡既起沙質感，但又甜度適中，冇我想像中咁甜🤭✨雙椒牛肉✨$148鮮嫩又大塊既牛肉搭配色彩鮮艷既青红椒令人垂涎欲滴，麻辣鮮香既口味仲好鬼惹味，－食就停唔到口🤘🏻✨無錫鮮肉鍋貼✨$48其中一面煎到脆哂皮，外脆內軟啖啖肉，香口到－個點❗️✨碧綠黃魚羹✨ $65已經去骨起肉既黃魚嫩到無倫，搭配清爽薺菜，味道溫和，鮮而不腥，勁快俾我飲清晒🥰✨宮廷驢打滾✨$52煙靭軟糯既口感深得我心，加上恰到好處既紅豆甜香同奶味，小妹表示勁滿意👍🏻 🛑樂天皇朝 📍旺角彌敦道639號雅蘭中心2樓203及205號舖 #樂天皇朝 #八色小籠包…查看更多

位於旺角雅蘭中心的分店，空間感較其他分店寬敞，裝潢融合現代與中式元素，用餐環境舒適。入口處的透明玻璃廚房成為焦點，師傅們低頭專注包製小籠包的手藝一覽無遺。🥢招牌原味小籠包必點項目，外皮厚薄適中，夾起時能完整承載內餡湯汁而不破損。內裡湯汁清甜不膩，肉餡飽滿，調味恰到好處，不過鹹也不過油。🥢李白醉雞選用雞腿部位，肉質滑嫩。酒香溫潤含蓄，不會過於濃烈搶味，滲透入雞肉中，帶來清新爽口的風味。🥢揚州糟溜滑魚片魚片切得厚實大方，入口確是啖啖肉，質地緊實而保持嫩滑。🌟整體而言，旺角分店保持穩定水準，環境更舒適。三款菜式都表現出色，已經回頭左好幾次。…查看更多

最近去咗旺角雅蘭中心嘅樂天皇朝，佢哋嘅八色小籠包，下午茶時段仲有半價優惠，真係超值😍餐廳環境坐得又舒服，服務人員態度又好，絕對會再encore☺️皇朝八色小籠包每一隻小籠包都色彩繽紛，內裡嘅湯汁鮮美，咬落去一口就爆汁，令人陶醉😋建議先由清淡嘅口味開始，例如原味小籠包，再慢慢轉到較重口味嘅，咁樣可以更好咁享受每一種味道☺️餐廳好貼心，仲有一張介紹進食次序紙❤️紅油鮮蝦抄手拌麵抄手皮薄餡多，蝦肉鮮甜，配上香辣嘅紅油醬汁，食落去真係好過癮😋拌麵嘅口感滑順，味道更添層次感，令人一食停唔到口💕京醬肉絲肉絲炒得剛剛好，醬汁濃郁，搭配上香脆嘅蔥段同麵皮，味道絕對唔會令你失望🤤📍 樂天皇朝 (旺角)旺角彌敦道625 & 639號雅蘭中心2樓203&205號舖#旺角美食 #樂天皇朝 #美食推介 #人氣餐廳 #八色小籠包 #下午茶半價 #雅蘭中心美食 #京醬肉絲 …查看更多